ໃນປະເທດ ແຊມເບຍ, ໂຄງການສຶກສາ ແລະ ການປ້ອງກັນ ທີ່ຮູ້ຈັກດັ່ງກັບ ໂຄງການຄວບຄຸມໂຣກລະບາດຢ່າງຊິ້ນເຊີງ ແມ່ນໄດ້ເພັ່ງເລັງໃສ່ການສິ້ນສຸດໂຣກ ເອດສ໌ ດັ່ງກັບໄພຂົ່ມຂູ່ດ້ານສາທາລະນະສຸກພາຍໃນປີ 2030. ແຄທີ ຊອດ ນັກຂ່າວວີໂອເອລາຍງານຈາກເມືອງ ເປຕາອູເກ, ປະເທດ ແຊມເບຍ, ເຊິ່ງພວກເຮົາມີລາຍລະອຽດມາສະເໜີທ່ານໃນອັນດັບຕໍ່ໄປ.
ນາງ ລູຊີ ຊູລູ ໄດ້ດຳລົງຊີວິດກັບໂຣກ HIV/AIDS ເປັນເວລາ 5 ປີແລ້ວ, ເຊິ່ງລາວແມ່ນນຶ່ງໃນຊາວ ແຊມເບຍ ປະມານ ນຶ່ງລ້ານສາມແສນຄົນທີ່ດຳລົງຊີວິດກັບໂຣກດັ່ງກ່າວ.
ແຕ່ນາງແມ່ນກຳລັງໄດ້ຮັບການຊ່ວຍເຫຼືອຈາກອົງການບໍ່ຫວັງຜົນກຳໄລໂລກ ໂຄງການ ຮູມານາ ປະຊາຊົນເພື່ອປະຊາຊົນ, ເຊິ່ງແມ່ນໂຄງການທີ່ເຮັດວຽກກັບຊຸມຊົນຕ່າງໆຢູ່ທີ່ນີ້ ເພື່ອຕໍ່ສູ້ກັບໂຣກ HIV/AIDS, ມາເລເຣຍ ແລະ ວັນນະໂຣກ.
ນາງ ຊູລູ ໄດ້ຖືພາຫຼັງຈາກກວດພົບເປັນຜົນບວກສຳລັບເຊື້ອ HIV, ແຕ່ລູກຊາຍຂອງລາວບໍ່ໄດ້ຕິດເຊື້ອ HIV. ລາວໃຫ້ເຄຣດິດກັບການແຊກແຊງທາງການແພດ ທີ່ຊ່ວຍເຫຼືອບັນດາແມ່ທັງຫຼາຍ ເພື່ອເຂົ້າຫາຢາຕໍ່ຕ້ານໄວຣັສທີ່ຊ່ວຍຊີວິດໄວ້, ຫຼື ARVs, ເພື່ອປ້ອງກັນການສົ່ງຕໍ່ເຊື້ອ HIV ຈາກແມ່ຫາລູກ.
ນາງ ລູຊີ ຊູລູ, ຜູ້ຕິດເຊື້ອ HIV ກ່າວວ່າ “ຂ້ອຍໄດ້ໃຊ້ຊີວິດຢູ່ແບບນີ້ມາໄດ້ສາມປີແລ້ວ, ເກືອບສີ່ປີ. ສະນັ້ນ, ພວກເຮົາຈະໄປນຳກັນກັບຜົວຂອງຂ້ອຍເພື່ອຮັບເອົາຢາປິ່ນປົວ. ພວກເຮົາໃຊ້ຢາ PrEP ແລະ ARVs ນຳກັນ. ສະນັ້ນ ຂ້ອຍຈຶ່ງດີໃຈຫຼາຍທີ່ພວກເຮົາຍັງຢູ່ນຳກັນ.”
ຜົວຂອງນາງ ຊູລູ ທ້າວ ໂຈເຊັບ ບານດາ ແມ່ນບໍ່ໄດ້ຕິດເຊື້ອ HIV. ລາວໃຊ້ຢາ ປ້ອງກັນໂຣກກໍ່ການສຳຜັດ ຫຼື PrEP, ເຊິ່ງແມ່ນຢາທີ່ຫຼຸດຜ່ອນການຕິດຕໍ່ຈາກເຊື້ອ HIV, ເຊິ່ງແມ່ນໄວຣັສທີ່ກໍ່ໃຫ້ເກີດໂຣກ ເອດສ໌.
ນາງ ຊູລູ ແລະ ທ້າວ ບານດາ ແມ່ນຜູ້ທີ່ຮູ້ຈັກດັ່ງກັບ “ຄູ່ຮັກທີ່ບໍ່ສອດຄ່ອງກັນ,” ເຊິ່ງຄົນນຶ່ງບໍ່ຕິດເຊື້ອ HIV ໃນຂະນະທີ່ອີກຄົນນຶ່ງຕິດເຊື້ອ HIV.
ທ້າວ ໂຈເຊັບ ບານດາ, ຜູ້ບໍ່ຕິດເຊື້ອ HIV ກ່າວວ່າ “ເມຍຂອງຂ້ອຍກິນຢາຕໍ່ຕ້ານໄວຣັສເພື່ອປ້ອງກັນລາວຈາກການສົ່ງຕໍ່ໄວຣັສ HIV, ລາວໄດ້ສືບຕໍ່ໃຊ້ຢານີ້ມາເລື້ອຍໆ.”
ທ່ານນາງ ມາກາເຣັດ ຊູລູ ແມ່ນເຈົ້າໜ້າທີ່ພາກສະໜາມຢູ່ອົງການພັດທະນາການຊ່ວຍເຫຼືອຈາກຄົນສູ່ຄົນໃນປະເທດ ແຊມເບຍ, ຫຼື DAPP, ໂດຍຊ່ວຍເຫຼືອບັນດາຄົນໄຂ້ໃນທົ່ວຊຸມຊົນເພື່ອຮັບປະກັນວ່າ ເຂົາເຈົ້າກິນຢາຂອງເຂົາເຈົ້າຢ່າງສະໝ່ຳສະເໝີ.
ທ່ານນາງກ່າວວ່າບັນດາເຈົ້າໜ້າທີ່ພາກສະໜາມ ແລະ ພະນັກງານປະຊາຄົມສາທາລະນະສຸກໄດ້ໄປຢ້ຽມຢາມປະຊາຊົນທີ່ຕິດເຊື້ອ HIV ຜູ້ທີ່ຢຸດການປິ່ນປົວ, ເພື່ອລົມນຳເຂົາເຈົ້າ, ແລະ ຊ່ວຍເຂົາເຈົ້າສ້າງຕັ້ງການກຸ່ມສະໜັບສະໜູນການປິ່ນປົວເຊື້ອ HIV ຂະໜາດນ້ອຍ, ຮູ້ຈັກດັ່ງກັບ “ທຣີອອສ.”
ທ່ານນາງ ມາກາເຣັດ ຊູລູ, ຈາກການພັດທະນາການຊ່ວຍເຫຼືອຈາກຄົນສູ່ຄົນໃນປະເທດ ແຊມເບຍ ກ່າວວ່າ “ໂຄງການນີ້ ໄດ້ຊ່ວຍເຫຼືອປະຊາຊົນໃຫ້ມີຄວາມຮູ້ ກ່ຽວກັບ HIV, ກ່ຽວກັບມາດຕະການປ້ອງກັນ, ສິ່ງທີ່ຈະເຮັດຖ້າເຂົາເຈົ້າຖືກກວດເປັນຜົນລົບ, ບາດກ້າວທີ່ເຂົາເຈົ້າສາມາດເອົາ, ຫຼື ວິທີທີ່ເຂົາເຈົ້າສາມາດດຳລົງຊີວິດໃນແງ່ບວກ ເວລາພວກເຮົາພົບຄູ່ຮັກທີ່ບໍ່ສອດຄ່ອງກັນ.”
ທ່ານ ເອັມວຳບາ ຈັນດາ ເຮັດວຽກເປັນເຈົ້າໜ້າທີ່ປະສານງານດ້ານ HIV ໃຫ້ກັບກະຊວງສາທາລະນະສຸກທີ່ໂຮງໝໍເຂດ ເປຕາອູເກ ໂດຍໃຫ້ຄວາມຊ່ວຍເຫຼືອຜູ້ທີ່ຕິດເຊື້ອ HIV ໃຫ້ປະຕິບັດຕາມການຮັກສາຂອງຕົນ.
ທ່ານ ເອັມວຳບາ ຈັນດາ ກ່າວວ່າ “ເຮົາເຄີຍສູນເສຍຄົນໄຂ້ຈຳນວນຫຼາຍຈາກການຮັກສາ ເມື່ອເຈົ້ານັດໃຫ້ໃຜບາງຄົນເຂົ້າຮັບການຮັກສາໃນໄລຍະເວລາສັ້ນທີ່ສຸດ ພວກເຮົາກໍຈະສູເສຍໄປ ແຕ່ເຮົາກຳລັງມີສ່ວນຮ່ວມກັບຊຸມຊົນ.”
ໂຄງການນີ້ກ່ຽວຂ້ອງກັບຜູ້ນຳແບບດັ້ງເດີມເຊັ່ນ ຫົວໜ້າໝູ່ບ້ານ ທ່ານ ໂຢຣາມ ເອັມວານຊາ ເພື່ອສ້າງຄວາມຮັບຮູ້ໃຫ້ກັບຊຸມຊົນ ກ່ຽວກັບ ໂຄງການປ້ອງກັນ ແລະ ຮັກສາ HIV/AIDS ທີ່ດຳເນີນການໂດຍ DAPP.
ທ່ານ ໂຢຣາມ ເອັມວານຊາ ຫົວໜ້າໝູ່ບ້ານ ມຳບີ ກ່າວວ່າ “ເຮົາເລີ່ມຍ່າງເຄາະປະຕູບ້ານເທື່ອລະຫຼັງ ເພື່ອບອກໃຫ້ຜູ້ທີ່ບໍ່ໄດ້ເຂົ້າຮ່ວມການປະຊຸມວ່າ DAPP ມີໂຄງການທີ່ດີຫຼາຍ ແລະ ເຮົາຄວນໄດ້ຮັບປະໂຫຍດຈາກໂຄງການນີ້ ເພາະສິ່ງທີ່ເຮົາຮຽນຮູ້ຄືການຍືດອາຍຸຂອງເຂົາເຈົ້າໃຫ້ຍືນຍາວຂຶ້ນ ມີຊີວິດທີ່ດີ.”
ອົງການ DAPP ແຊມເບຍ ກຳລັງດຳເນີນໂຄງການ ຄວບຄຸມໂຣກລະບາດຢ່າງສິ້ນເຊີງ ຊຶ່ງເປັນໂຄງການດ້ານການສຶກສາ ແລະ ປ້ອງກັນ, ເຊິ່ງທ່ານນາງ ອີລີຊີ ໂຊເຣັນເຊັນ ເປັນຜູ້ອຳນວຍການບໍລິຫານ.
ທ່ານນາງ ອີລີຊີ ໂຊເຣັນເຊັນ ຜູ້ອຳນວຍການບໍລິຫານໂຄງການພັດທະນາການຊ່ວຍເຫຼືອຈາກຄົນສູ່ຄົນໃນປະເທດ ແຊມເບຍ ກ່າວວ່າ “ເຮົາຍັງຄົງເວົ້າວ່າເອົາປະຊາຊົນກ່ອນ ແລະ ຄຳຂວັນໃນໂຄງການຄວບຄຸມໂຣກລະບາດ່ຢາງສິ້ນເຊີງກໍແມ່ນ ມີພຽງປະຊາຊົນເອງເທົ່ານັ້ນທີ່ສາມາດກຳຈັດຕົນເອງອອກຈາກການລະບາດຂອງໂຣກວັນນະໂລກ ແລະ HIV.”
ແນວທາງຈາກລຸ່ມສູ່ເທິງຂອງສະຫະປະຊາຊາດທີ່ປະສົມປະສານກັບການບໍລິການດ້ານສຸຂະພາບທີ່ມີສຸຂະພາບສູງ ມີຄວາມມຸ່ງຫວັງທີ່ຈະເຮັດໃຫ້ປະເທດ ແຊມເບຍ ບັນລຸເປົ້າໝາຍອັນທະເຍີທະຍານທີ່ກຳນົດໂດຍອົງການສະຫະປະຊາຊາດ ນັ້ນກໍຄື ບໍ່ມີການຕິດເຊື້ອ HIV ລາຍໃໝ່, ບໍ່ມີການເສຍຊີວິດທີ່ກ່ຽວຂ້ອງກັບໂຣກເອດສ໌ ແລະ ບໍ່ມີກາບາບ ຫຼື ການເລືອກປະຕິບັດພາຍໃນປີ 2030.
ອ່ານລາຍງານນີ້ເປັນພາສາອັງກິດ
In Zambia, an education and prevention program known as the Total Control of the Epidemic project is focused on ending AIDS as a public health threat by 2030.
Louzi Zulu has been living with HIV/AIDS for five years, one of an estimated 1.3 million Zambians living with the disease. (3)
But she is getting help from the global NGO Humana People to People program, a project that is working with communities here to fight HIV/AIDS, malaria and tuberculosis.
Zulu got pregnant after testing positive for HIV, but her son is HIV-negative. She credits medical interventions that help mothers access life-saving antiretroviral drugs, or ARVs, to prevent mother-to-child HIV transmission.
Louzi Zulu, HIV-Positive
“I have been living like this for three years, almost four years. So, we go together with my husband to collect our medication. We take PrEP and ARVs together. So, I am very happy that we are still together.”
Zulu’s husband Joseph Banda is HIV-negative. He takes pre-exposure prophylaxis - PrEP, a medication that reduces infection from HIV, the virus causing AIDS. (2)
Zulu and Banda are what is known as a “discordant couple,” where one partner is HIV-negative while the other is HIV-positive.
Joseph Banda, HIV-Negative
“My wife takes antiretrovirals drugs to protect her from transmitting the HIV virus, she has to continue taking this medicine.”
Margaret Zulu is a field officer at Development Aid from People to People in Zambia, or DAPP, helping clients around the community to ensure that they are consistent in taking their medicines.
She says field officers and community health workers visit people living with HIV who fell out of treatment, to re-engage them, and help them form small HIV treatment adherence support groups, known as ‘Trios.’
Margaret Zulu, Development Aid from People to People in Zambia
“This program ... has helped people to have knowledge about HIV, about prevention measures, what to do if they have tested negative, what step they can take, or how they can live positive lives when we find discordant couple.”
Mwamba Chunda works as an HIV focal point person with the Ministry of Health at Petauke district hospital, helping HIV-positive people adhere to their treatment.
Mwamba Chunda, Petauke District Hospital
“We used to lose a lot of clients on treatment. When you schedule someone on treatment within a shortest period of time, they are lost ... But we are engaging the community.”
The project involves traditional leaders like village headman Yoram Mwanza to raise awareness communities about HIV/AIDS prevention and treatment programs run by DAPP.
Yoram Mwanza, Headman, Mumbi Village
“We started going door to door, telling those who didn’t attend the meetings, that DAPP has got this very good program, and we should benefit from it because what we are learning is prolonging our lives, a good life.”
DAPP Zambia is implementing the Total Control of the Epidemic project, an education and prevention program. Elise (Ee-lee-see) Soerensen is its managing director.
Elise Soerensen, Development Aid from People to People in Zambia Managing Director
“We are still saying putting people first, and the slogan in the TCE program is that only the people themselves can eliminate themselves from the TB and HIV epidemics.”
The U.N.’s bottom-up approach combined with high quality health services aims to make Zambia reach the ambitious goal, set by the U.N., of no new HIV infections, zero AIDS-related deaths, and zero stigma and discrimination by 2030.
ຟໍຣັມສະແດງຄວາມຄິດເຫັນ