ທ່ານ ດໍໂນລ ທຣຳ ໄດ້ເວົ້າໂອ້ອວດເຖິງຄວາມສຳພັນຂອງທ່ານກັບທ່ານ ກິມ ຈົງ ອຶນ ແຕ່ມາດົນນານ, ແຕ່ຖ້າຫາວ່າປະທານາທິບໍດີຄົນໃໝ່ຂອງ ສະຫະລັດ ຕ້ອງການຈະຈັດກອງປະຊຸມສຸດຍອດອີກຄັ້ງນຶ່ງ, ທ່ານຈະພົບວ່າ ຜູ້ນຳ ເກົາຫຼີເໜືອ ມີຄວາມກ້າຫານຫຼາຍຂຶ້ນ ເພາະວ່າມີຄັງລູກສອນໄຟຂີປະນາວຸດທີ່ໃຫຍ່ຂຶ້ນ ແລະ ມີຄວາມສຳພັນທີ່ໃກ້ຊິດກັບ ຣັດເຊຍ ຫຼາຍຂຶ້ນ.
ຫຼັງຈາກການຂົ່ມຂູ່ກັນໄປມາ ກ່ຽວກັບ ການທຳລາຍດ້ວຍອາວຸດນິວເຄລຍ ໃນລະຫວ່າງການດຳລົງຕຳແໜ່ງສະໄໝທຳອິດຂອງທ່ານ ທຣຳ ນັ້ນ, ທ່ານ ກິມ ແລະ ອະດີດປະທານາທິບໍ ສະຫະລັດ ເວລານັ້ນ ໄດ້ຈັດການປະຊຸມແບບບໍ່ເຄີຍມີມາກ່ອນໃນປະເທດ ສິງກະໂປ, ນະຄອນຫຼວງ ຮ່າໂນຍ ຂອງ ຫວຽດນາມ ແລະ ຢູ່ເຂດຊາຍແດນລະຫວ່າງ ເກົາຫຼີເໜືອ ແລະ ເກົາຫຼີໃຕ້ ໃນປີ 2018 ແລະ 2019.
ການໂຄສະນາຫາສຽງຂອງທ່ານ ທຣຳ ບໍ່ໄດ້ຕອບຕໍ່ການຂໍຄຳເຫັນໃນທັນທີ ກ່ຽວກັບ ວ່າ ທ່ານຈະສະແຫວງຫາການປະຊຸມຄັ້ງໃໝ່ກັບທ່ານ ກິມ ຫຼືບໍ່. ແຕ່ບັນດານັກການທູດໃນນະຄອນຫຼວງ ໂຊລ ແລະ ຜູ້ຕິດຕາມເບິ່ງ ເກົາຫຼີເໜືອ ກ່າວວ່າ ຄຳເຫັນຂອງທ່ານ ທຣຳ ຊີ້ໃຫ້ເຫັນວ່າ ທ່ານອາດພະຍາຍາມຈັດການສົນທະນາກັບທ່ານ ກິມ ອີກຄັ້ງບໍ່ໄວ ຫຼື ບໍ່ຊ້ານີ້.
ທ່ານ ເຣມັອນ ປາເຊໂກ ປາໂດ ຈາກວິທະຍາໄລ King’s ໃນນະຄອນຫຼວງ ລອນດອນ ກ່າວວ່າ “ທ່ານ ທຣຳ ຮູ້ສຶກວ່າການພົວພັນຂອງທ່ານໄດ້ຜົນດີ ໃນລະຫວ່າງການເປັນປະທານາທິບໍດີສະໄມທຳອິດ ໃນນັ້ນທ່ານຮູ້ສຶກວ່າ ທ່ານໄດ້ແກ້ໄຂບັນຫານິວເຄລຍ ເກົາຫຼີເໜືອ. ບວກກັບ ກອງປະຊຸມສຸດຍອດຂອງທ່ານ ທຣຳ ກັບທ່ານ ກິມ ທີ່ໄດ້ດຶງດູດຄວາມສົນໃຈຈາກສື່ມວນຊົນຢ່າງຫຼວງຫຼາຍ, ເຊິ່ງທ່ານໄດ້ມີຄວາມສຸກກັບມັນຢ່າງເຫັນໄດ້ຊັດ.”
ເກົາຫຼີເໜືອ, ຢູເຄຣນ, ຈີນ, ອີຣ່ານ ແລະ ຈຸດຟົດຮ້ອນອື່ນໆ ແມ່ນເຊື່ອມໂຍງກັນແລະກັນໃນລະດັບທີ່ບໍ່ເຄີຍເກີດຂຶ້ນມາກ່ອນ ໃນລະຫວ່າງສະໄໝທຳອິດຂອງລັດຖະບານທ່ານ ທຣຳ, ອະດີດເຈົ້າໜ້າທີ່ໃນລັດຖະບານສະໄໝທຳອິດຂອງທ່ານ ທຣຳ ໄດ້ກ່າວໂດຍບໍ່ປະສົງອອກຊື່.
ອ່ານຂ່າວນີ້ເປັນພາສາອັງກິດ
Donald Trump has long touted his relationship with Kim Jong Un, but if the U.S. president-elect seeks another summit he will find a North Korean leader emboldened by an expanded missile arsenal and a much closer relationship with Russia.
After trading threats of nuclear annihilation during the first year of Trump's initial term, Kim and the then-U.S. president held three unprecedented meetings in Singapore, Hanoi, and at the border between North and South Korea in 2018 and 2019.
Trump's camp did not immediately respond to requests for comment on whether he will pursue new meetings with Kim. But diplomats in Seoul and other North Korea watchers say Trump's comments suggest he may look to rekindle a conversation with Kim sooner or later.
"Trump feels that his engagement worked well during his first presidency in that he feels that he 'solved' the North Korean nuclear issue," said Ramon Pacheco Pardo of King's College in London. "Plus, Trump's summits with Kim attracted significant media attention, which he clearly relishes."
North Korea, Ukraine, China, Iran and other hot spots are interconnected to an extent unheard of during the first Trump administration, a former official in the first Trump administration said on the condition of anonymity.
ຟໍຣັມສະແດງຄວາມຄິດເຫັນ