ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຄວາມກົດດັນທາງເສດຖະກິດຢູ່ຈີນ ເປັນເລື້ອງທີ່ “ຍາກຫຼາຍ” ເຖິງແມ່ນວ່າ ການລະບາດ ຂອງໄວຣັສ ໂຄໂຣນາ ຫລຸດລົງແດ່ແລ້ວ


ແມ່ຍິງຄົນນຶ່ງໃສ່ຜ້າປິດປາກໄວ້ໃນຂະນະທີ່ຕາກເຄື່ອງຢູ່ຮ່ອມ ເຮືອນໃນນະຄອນວູຫານ ທີ່ເປັນບ່ອນເລີ້ມຕົ້ນຂອງການລະບາດ ຂອງໄວຣັສໂຄໂຣນາ (ພາບຖ່າຍວັນທີ 4 ມີນາ, 2020 ໂດຍ REUTERS/Stringer CHINA OUT)
ແມ່ຍິງຄົນນຶ່ງໃສ່ຜ້າປິດປາກໄວ້ໃນຂະນະທີ່ຕາກເຄື່ອງຢູ່ຮ່ອມ ເຮືອນໃນນະຄອນວູຫານ ທີ່ເປັນບ່ອນເລີ້ມຕົ້ນຂອງການລະບາດ ຂອງໄວຣັສໂຄໂຣນາ (ພາບຖ່າຍວັນທີ 4 ມີນາ, 2020 ໂດຍ REUTERS/Stringer CHINA OUT)

ໃນຂະນະທີ່ແນມອອກໄປຈາກປ່ອງຢ້ຽມຂອງອາພາດເມັນຂອງ ລາວ ທີ່ຢູ່ໃນ ຕຶກສູງໆ ຢູ່ໃນເມືອງຮວງຊີ (Huangshi), ແຂວງຫູເບຢູ່ນັ້ນ, ທ້າວ ຊາວ (Zhao Zhao) ມີຄວາມຮູ້ສຶກ ຢາກໂດດຈາກຕຶກເພື່ອຂ້າໂຕຕາຍ ຫລືເຮັດ ແນວໃດ ແນວ ນຶ່ງໃນລັກສະນະນັ້ນ. ລາວໄດ້ ຢືມເງິນອອກມາ ເພື່ອຊື້ຫ້ອງ ຢູ່ໃນຕຶກອາພາດເມັນ ຫລື ຄອນໂດໄດ້ພຽງແຕ່ປີດຽວເທົ່ານັ້ນ.

ທ້າວ ຊາວ (Zhao Zhao) ອາຍຸ 28 ປີ ເຮັດວຽກເປັນພະນັງງານຂາຍ ໃຫ້ແກ່ໂຮງໝໍທໍາອະສັນຍະກໍາ ແຫ່ງນຶ່ງໃນນະຄອນຊຽງໄຮ ໂດຍທີ່ໄດ້ຮັບ ເງິນເດືອນ ຫລາຍກວ່າ 10,000 ຢວນ ຫລື ປະມານ 1,500 ໂດລາ ຊຶ່ງ ເປັນລາຍຮັບ ໃນລະດັບປານກາງຢູ່ໃນຕົວເມືອງໃຫຍ່ໆ ຂອງຈີນ.

ທ້າວ ຊາວ (Zhao Zhao) ທີ່ຂໍໃຫ້ວີໂອເອເວົ້າແຕ່ນາມສະກຸນຂອງລາວນັ້ນ ໄດ້ກັບໄປຢາມເມືອງ ທີ່ເປັນບ່ອນເກີດຂອງລາວ ເພື່ອສະຫລອງປີໃໝ່ ຫລື ກຸດຈີນ ໃນເດືອນມັງກອນຜ່ານມາ ແຕ່ວ່າ ກັບຖືກກັກຂັງໄວ້ຢູ່ທີ່ນັ້ນ ໂດຍການ ລະບາດ ໃນທັນທີທັນໃດຂອງເຊື້ອໄວຣັສໂຄໂຣນາ ສາຍພັນໃໝ່ ຫລື ໂຄວິດ (COVID)-19.

ໃນຄໍ່າຄືນກ່ອນປີໃໝ່ ຊຶ່ງເປັນມື້ທີສອງຂອງການປິດເມືອງ ທີ່ໄດ້ເລີ້ມຕົ້ນຂຶ້ນ ຢູ່ເມືອງວູຫານ ໃນວັນທີ 23 ມັງກອນນັ້ນ, ພວກເຈົ້າໜ້າທີ່ກໍໄດ້ປິດເມືອງ ຮວງຊີ (Huangshi), ຊຶ່ງເປັນເມືອງທີ່ຕັ້ງຢູ່ຫ່າງຈາກເມືອງວູຫານ ໄປທາງ ທິດຕາເວັນ ອອກສຽງໃຕ້ ປະມານ 60 ໄມລ໌ ແລະມີພົນລະເມືອງປະມານ 2 ລ້ານ 5 ແສນຄົນ. ໃນມື້ດຽວກັນນັ້ນ, ຕົວເມືອງໃນແຂວງຫູເບທັງ13 ແຫ່ງ ແມ່ນຕົກ ຢູ່ໃນ ສະພາບທີ່ ຖືກປິດໄວ້ໝົດ.

ຢູ່ທີ່ຈີນນັ້ນ, ບ່ອນທີ່ຄົນສ່ວນໃຫຍ່ບໍ່ຄ່ອຍເຊື່ອຕົວເລກທີ່ເປັນທາງການ ຂອງຈໍາ ນວນກໍລະນີຄົນ ຕິດເຊື້ອ, ຄົນຫາຍດີ ແລະເສຍຊີວິດ ພໍປານໃດນັ້ນ, ທ້າວ ຊາວ (Zhao Zhao) ປາກົດວ່າ ຫລົບຫລີກອາການຫາຍໃຈຫອບ ທີ່ເປັນການ ໂຈມຕີຂອງຂອງໄວຣັສ ໂຄວິດ-19 ທີ່ມີຈິງນັ້ນໄດ້ ແຕ່ກໍກັບມາຖືກບີບຄໍດ້ວຍ ຄວາມກົດດັນຂອງຊີວິດ.

ນັບແຕ່ວັນທີ 10 ກຸມພາເປັນຕົ້ນມາ, ບາງແຂວງ ແລະບາງຂະແໜງອຸດສາ ຫະກໍາ ຢູ່ຈີນ ໄດ້ເລີ້ມກັບເປີດໃຫ້ເຮັດວຽກ ເຮັດການເປັນຂັ້ນໆໄປ. ບໍ່ມີໃຜ ຮູ້ເທື່ອວ່າ ເມື່ອ ໃດສະພາບການແບບນັ້ນ ຈະສາມາດມີຂຶ້ນຢູ່ໃນແຂວງຫູເບ ບ່ອນທີ່ມາຮອດ ວັນພະຫັດວານນີ້ ບໍ່ມີລາຍງານວ່າ ມີຄົນຕິດເຊື້ອໄວຣັສນີ້ ລາຍໃໝ່ອີກແລ້ວນັ້ນ. ເມືອງວູຫານຍັງຖືກປິດໄວ້ ຢູ່ໃນຂະນະທີ່ການຈໍາກັດ ຢູ່ບ່ອນອື່ນໄດ້ຜ່ອນເບົາ ລົງແດ່ແລ້ວ.

ມື້ນຶ່ງ ໃນທ້າຍເດືອນກຸມພາຜ່ານມາ, ທ້າວ ຊາວໄດ້ຮັບຂໍ້ຄວາມທີ່ສົ່ງທາງ ວີແຊັດ (WeChat) ຈາກເຈົ້ານາຍຂອງລາວທີ່ຂຽນວ່າ: “ເຈົ້າບໍ່ຕ້ອງກັບມາ ເຮັດວຽກ ອີກເດີ້.”

ທ້າວຊາວ ຮູ້ສຶກເສຍໃຈ. ລາວເວົ້າຊໍ້າແລ້ວ ຊໍ້າອີກວ່າ “ຂ້ອຍຮູ້ສຶກເຄັ່ງຄຽດ ຫລາຍອີ່ຫລີ.” ລາວເວົ້າຕໍ່ໄປວ່າ “ເງິນຈ່າຍງວດຄ່າຄອນໂດຂອງຂ້ອຍ ແມ່ນ ຫລາຍກວ່າ 3000 ຢວນຕໍ່ເດືອນ ແລະເງິນກູ້ຄ່າລົດຂອງຂ້ອຍ ແມ່ນຫລາຍ ກວ່າ 5000 ຢວນ.”

ທ້າວຊາວ ສາມາດນັບໄດ້ວ່າ ລາວຍັງເງິນຫລາຍປານໃດ ແທ້ໆ ຢູ່ໃນບັນຊີ ຂອງ ລາວ: 3325 ຢວນ ແລະ 83 ສະຕາງ ຫລື 475 ໂດລາ.

ລາວເວົ້າອີກວ່າ “ຂ້ອຍທຸກລົງຫລາຍ ຈົນຈົມລົງເຖິງພື້ນແລ້ວ.”

ພໍ່ແມ່ຂອງທ້າວຊາວ ເປັນຄົນຢູ່ໃນຊົນຊັ້ນກໍາມະກອນ. ເງິນເດືອນຂອງເຂົາເຈົ້າ ຮວມເຂົ້າກັນແມ່ນໄດ້ໜ້ອຍກວ່າ 1,500 ໂດລາ. ຄວາມຄິດທີ່ຈະໃຫ້ພວກເພິ່ນ ຈ່າຍຄ່າຢູ່ກິນຂອງລາວ ເຮັດໃຫ້ລາວໜ້າອາຍ.


“ຂ້ອຍໄດ້ 28 ປີ ແລະຂ້ອຍກໍາລັງເກາະກິນນໍາຜູ້ເຖົ້າອີກຊັ້ນຫວາ,” ນັ້ນຄືຄໍາ ເວົ້າ ຂອງລາວທີ່ກ່າວຕໍ່ວີໂອເອ ໂດຍໃຊ້ສໍານວນເວົ້າຫລິ້ນຂອງພາສາຈີນ ສໍາລັບລູກ ທີ່ຫາກິນບໍ່ກຸ້ມຕົວເອງໄດ້. ລາວເວົ້າອີກວ່າ “ຄວາມກົດດັນທາງ ຈິດໃຈອັນນນີ້ ເປັນເລື້ອງທົນບໍ່ໄດ້.”

ການຂະຫຍາຍຕົວຊັກຊ້າລົງຂອງເສດຖະກິດພາຍໃນ 1 ຫາ 2 ຄັ້ງ ແລະສົງ ຄາມ ທາງການຄ້າລະຫວ່າງສະຫະລັດ ກັບຈີນ ໄດ້ເຮັດໃຫ້ປະເທດທີ່ມີເສດ ຖະກິດ ຂະໜາດໃຫຍ່ອັນດັບສອງຂອງໂລກແຫ່ງນັ້ນອ່ອນແອລົງ.

ບັນດານັກຊ່ຽວ ຊານທັງຫລາຍ ເວົ້າວ່າ ເສດຖະກິດຂອງຈີນ ອາດຈະຫົດຕົວລົງ ເປັນຄັ້ງທໍາອິດ ນັບແຕ່ຊຸມປີ 1970 ເປັນຕົ້ນມາ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG