ຊາວຫ້າປີຫຼັງຈາກໂລກໄດ້ປະກາດວ່າ ອິດສະລະພາບດ້ານຂໍ້ມູນຂ່າວສານ ເປັນພື້ນຖານ ສິດທິມະນຸດ ແຕ່ບັນດານັກຂ່າວກຳລັງໄດ້ຮັບການຂົ່ມຂູ່ເພີ້ມຂຶ້ນ ຈາກກວດສອບຂອງ ທາງການຖືກຮາວິລົບກວນ ຈັບກຸມຄຸມຂັງ ແລະແມ່ນແຕ່ຖືກສັງຫານກໍມີ.ນັກຂ່າວ ວີໂອເອ Richard Green ມີລາຍລະອຽດເພີ້ມເຕີມຈາກວໍຊິງຕັນ ກ່ຽວກັບສະພາບການໃນປັດຈຸ ບັນ ຂອງສິດເສລີພາບສື່ມວນຊົນ ເນື່ອງໂອກາດການສະຫລອງວັນອິດສະຫຼະພາບດ້ານ ການຂ່າວຂອງໂລກ ເມື່ອໄວໆມານີ້ ຊຶ່ງ ກິ່ງສະຫວັນ ຈະນຳມາສະເໜີທ່ານ ໃນອັນດັບ ຕໍ່ໄປ.
ຢູ່ໃນລາຍງານປະຈຳປີ ກ່ຽວກັບອິດສະລະພາບຂອງສື່ມວນຊົນໃນທົ່ວໂລກ ກຸ່ມສັງເກດ ການສິດທິມະນຸດ Freedom House ກ່າວວ່າ ອິດສະລະພາບດ້ານການຂ່າວໄດ້ຕົກສູ່ ຈຸດຕໍ່າສຸດໃນຮອບ 12 ປີ ໂດຍລະບຸ ວ່າກຳລັງທາງການເມືອງ ພວກກໍ່ອາຊະຍາກຳ ແລະ ພວກກໍ່ການຮ້າຍຢູ່ເບື້ອງຫລັງການຊຸດໂຊມລົງດັ່ງກ່າວ.
ຮ່ວມຢູ່ໃນບັນດາປະເທດ ທີ່ຖືກລະບຸຊື່ ຢູ່ໃນລາຍງານ ຂອງອົງການ Freedom House ແມ່ນອີຈິບ ທີ່ຖືກລະບຸວ່າເປັນນຶ່ງໃນເກົ້າປະເທດ ອິດສະລະພາບດ້ານຂ່າວສານໄດ້ຫລຸດ ລົງຢ່າງຫຼວງຫຼາຍໃນພຽງໄລຍະ ນຶ່ງປີ.
ນັກຂ່າວອີຈິບ ທ່ານ Khaled Dawoud ກ່າວວ່າ ລັດຖະບານປະທາ ນາທິບໍດີ Abdel Fattah el-Sissi ເຊື່ອວ່າ ສື່ມວນຊົນຄວນທີ່ຈະມີໜ້າທີ່ຫລາຍໄປກວ່າກົງຈັກໂຄສະນາ ຊວນເຊື່ອ ໜ້ອຍນຶ່ງ.
ທ່ານ Dawoud ກ່າວວ່າ “ກົດຂອງພວກເຮົາກໍຄືສະໜອງການລາຍງານຂ່າວແບບກົງໄປ ກົງມາ ແລະໜ້າເຊື່ອຖື ກ່ຽວກັບເຫດການຕ່າງໆທີ່ກຳລັງເກີດຂຶ້ນໃນອີຈິບ. ແລະສະ ພາບ ການໂຕຈິງຈະລາຍງານມັນເອງ ມັນບໍ່ແມ່ນສື່ມວນຊົນ ມັນບໍ່ແມ່ນນັກຂ່າວ ທີ່ ສ້າງຄວາມຈິງຂຶ້ນມາ ມັນເປັນການກະທຳທີ່ຜິດຂອງລັດຖະບານ ມັນການທາງເລືອກ ທີ່ຜິດຂອງລັດຖະບານ ຊຶ່ງຄວາມຈິງແລ້ວ ໄປນຳໄປສູ່ການປະທ້ວງ. ມັນບໍ່ແມ່ນສື່ມວນ ຊົນ. ເພາະສະນັ້ນ ຖ້າຫາກທ່ານຍັງສືບຕໍ່ ທຳການໂຄສະນາຊວນເຊື່ອ ໂດຍຜ່ານທາງ ສື່ມວນຊົນ ແຕ່ນັ້ນມັນບໍ່ແມ່ນວິທີທາງທີ່ຈະແກ້ໄຂບັນຫາ ທາງດ້ານເສດຖະກິດ ຫລື ບັນຫາການເມືອງຂອງອີຈິບໄດ້.”
ທ່ານ Tom Malinowksi ລັດຖະມົນຕີຊ່ວຍວ່າການກະຊວງການຕ່າງປະເທດສະຫະ ລັດ ຮັບຜິດຊອບໃນເລື້ອງປະຊາທິປະໄຕ ສິດທິມະນຸດ ແລະແຮງງານ ກ່າວຕໍ່ ວີໂອເອ ວ່າ ມີນັກຂ່າວຫລາຍກວ່າ 70 ຄົນໄດ້ຖືກຂ້າຕາຍຢູ່ທົ່ວໂລກໃນປີກາຍນີ້.
ທ່ານ Malinowski ກ່າວວ່າ “ບ່ອນໃດທີ່ປະຕິເສດຕໍ່ອິດສະລະພາບດ້ານ ຂ່າວສານ ພວກເຮົາມີທ່າທາງວ່າຈະໄດ້ເຫັນການຂັດແຍ້ງແລະສົງຄາມ ເກີດຂຶ້ນ. ພວກເຮົາ ມີ ທ່າທາງວ່າ ຈະໄດ້ເຫັນມີການສໍ້ລາດບັງຫຼວງຫຼາຍຂຶ້ນ. ພວກເຮົາມີທ່າທາງວ່າ ຈະໄດ້ເຫັນການພັງທະລາຍລົງຂອງການປົກຄອງທີ່ດີ.”
ກະຊວງຕ່າງປະເທດສະຫະລັດ ໄດ້ສະເຫລີມສະຫລອງວັນອິດສະລະພາບດ້ານຂ່າວ ສານຂອງໂລກ ໂດຍດຶງດູດຄວາມສົນໃຈໄປຍັງບັນດານັກຂ່າວ ຊຶ່ງກ່ອນໜ້ານີ້ຖືກລະບຸ ວ່າ ໄດ້ຮັບການລົງໂທດດຳເນີນຄະດີ ເພາະການລາຍງານຂອງເຂົາເຈົ້າ ແລະສະພາບ ການກ່ຽວກັບເລື້ອງນີ້ຍັງບໍ່ທັນດີຂຶ້ນເລີຍ.
ເລື້ອງລາວຂອງເຂົາເຈົ້າແມ່ນໄດ້ມີການກ່າວເຖິງຢູ່ໃນເວັບໄຊ Human Rights.gov ແລະໄດ້ຖືກສົ່ງຕໍ່ທາງ Tweeter ພາຍໃຕ້ຫົວຂໍ້ “Free the Press.
