ບັນຫາໂຣກຈິດ ກັບຄ່າການປິ່ນປົວ ແລະຜົນປະໂຫຍດທີ່ຈະໄດ້ຮັບ ແມ່ນຈະເປັນໃຈກາງ ຂອງ ກອງປະຊຸມໃນ ນະຄອນຫລວງ ວໍຊິງຕັນ ດີ.ຊີ ທີ່ເປັນເຈົ້າພາບຮ່ວມກັນຂອງທະນາ ຄານໂລກ ແລະອົງການອະນາໄມໂລກ ຫລື WHO ທີ່ເລີ້ມຂຶ້ນໃນວັນພຸດມື້ນີ້.
ບັນດາຜູ້ຊ່ຽວຊານຈາກສະຖາບັນຊັ້ນສູງ ພວກນາຍແພດ ອົງການພັດທະນາຕ່າງໆ ແລະ ລັດຖະມົນຕີການເງິນ ກຳລັງພາກັນເຂົ້າຮ່ວມກອງປະຊຸມ ທີ່ອອກແບບມາເພື່ອຊຸກຍູ້ໃຫ້ ລັດຖະບານ ອົງການຊ່ວຍເຫລືອຕ່າງໆ ແລະປະຊາຄົມພົນລະເຮືອນ ພາກັນລົງທຶນໃສ່ ບັນຫາໂຣກຈິດ. ບັນດາຜູ້ຈັດຕັ້ງກ່າວວ່າ ການປິ່ນປົວໂຣກຈິດທີ່ດີ ຈະສາມາດເກີດຜົນ ປະໂຫຍດໃຫ້ແກ່ເສດຖະກິດ.
ບັນດາປະເທດທີ່ໄດ້ປັບປຸງການປິ່ນປົວໂຣກຈິດເຊັນວ່າ ປະເທດ Brazil Ethiopia ແລະ ອາຟຣິກາໃຕ້ ຈະນຳສະເໜີເລື້ອງຂອງເຂົາເຈົ້າ ເພື່ອສົນທະນາການທ້າທາຍທີ່ເຈາະຈົງ ແລະການແກ້ໄຂບັນຫາດັ່ງກ່າວ.
ບັນດາເຈົ້າໜ້າທີ່ຈາກ Brazil ຄາດວ່າຈະອະທິບາຍເຖິງລະບົບການປິ່ນປົວ ສັງຄົມຂອງ ເຂົາເຈົ້າ ໃນຂະນະທີ່ ບັນດາຜູ້ຕາງໜ້າຈາກ Ethiopia ຈະສະແດງເຖິງໂຄງການປະ ເທດຂອງເຂົາເຈົ້າ ການເຝິກແອບປິ່ນປົວໂຣກຈິດ ແລະການປະຕິບັດ. ຊາວອາຟຣິກາ ຈະເວົ້າກ່ຽວກັບວ່າ ເຂົາເຈົ້າເຮັດໃຫ້ການປິ່ນປົວໂຣກຈິດເຂົ້າຮວມຢູ່ໃນພາກສ່ວນຂອງ ປະເທດ ສ້າງລະບົບຂັ້ນຕົ້ນຂອງການປິ່ນປົວຄືນໃໝ່.
ເຫດການຕ່າງໆທີ່ຕໍ່ເນື່ອງກັນນີ້ເປັນພາກສ່ວນ ກອງປະຊຸມລະດູບານໃໝ່ປະຈຳປີຂອງ ທະນາຄານໂລກ ແລະກອງທຶນສາກົນ IMF ທີ່ກົງກັນກັບການເຜິຍແຜ່ຂອງ WHO ທີ່ໄດ້ ນຳພາການຄົ້ນຄວ້າສະແດງໃຫ້ເຫັນວ່າແຕ່ລະ 1 ໂດລາ ທີ່ລົງທຶນໄປໃນການປັບປຸງການ ປິ່ນປົວໂຣກຈິດ ແມ່ນຈະໄດ້ຮັບຜົນກັບຄືນມາ 4 ໂດລາ ທີ່ເຮັດໃຫ້ສຸຂະພາບດີ ແລະ ຄວາມສາມາດໃນການເຮັດວຽກເຮັດການ.
