ອິງຕາມອົງການອະນາໄມໂລກ, ພະຍາດຫົວໃຈແມ່ນ
ຕົວສັງຫານທັງຜູ້ຍິງ ແລະຜູ້ຊາຍລາຍໃຫຍ່ທີ່ສຸດຂອງ
ໂລກ, ແລະຄາດຄະເນວ່າ ສະພາບການອັນນີ້ຍັງຈະ
ສືບຕໍ່ເປັນໄປອີກຢູ່ຫຼາຍທົດສະວັດ.
ແຕ່ວ່າ ດຣ. Lori Mosca ທີ່ເປັນຫົວໜ້າຂອງກຸ່ມທີ່
ຂຽນຄໍາຊີ້ນໍາຊຸດໃໝ່ນີ້ ກ່າວວ່າມີຫຼາຍວິທີທີ່ຜູ້ຍິງສາ
ມາດຫລຸດຜ່ອນຄວາມສ່ຽງຂອງພວກເຂົາເຈົ້າໄດ້. ທ່ານນາງ ດຣ. Lori Mosca ກ່າວວ່າ
“ໂຊກດີທີ່ວ່າ ພະຍາດຫົວໃຈສ່ວນໃຫຍ່ສາມາດປ້ອງກັນໄດ້. ທີ່ຈິງແລ້ວ, ການ
ຄວບຄຸມປັດໃຈສ່ຽງໃຫຍ່ໆຕ່າງໆ ໄດ້ສະແດງໃຫ້ເຫັນວ່າ ສາມາດຕັດອັດຕາ
ການຕາຍຍ້ອນໂຣກຫົວໃຈລົງໄດ້ເຄິ່ງນຶ່ງໃນສອງທົດສະວັດທີ່ຜ່ານມານີ້.”
ຄໍາແນະນຳເຫຼົ່ານີ້ ທີ່ໄດ້ນໍາ
ອອກມາສະເໜີເທື່ອທໍາອິດ
ເມື່ອສິບປີກ່ອນ ທີ່ຈິງແລ້ວ
ແມ່ນຖືກອອກແບບມາເພື່ອ
ຊ່ວຍພວກທ່ານໝໍໃນການ
ໃຫ້ຄໍາແນະນໍາແກ່ຄົນເຈັບ
ຂອງພວກເຂົາເຈົ້າ, ແຕ່ໃນ
ປີນີ້ ແມ່ນເປັນເທື່ອທໍາອິດ
ທີ່ຄໍາແນະນໍາດັ່ງກ່າວທີ່ໄດ້
ຮັບການດັດແກ້ນັ້ນ ຍັງໄດ້
ຖືກນໍາໄປພິມເຜີຍແຜ່ໃນ
ລັກສະນະທີ່ເຂົ້າໃຈງ່າຍແລະ
ໃຊ້ງ່າຍຂຶ້ນເພາະວ່າຂຽນ
ອອກມາໃນແບບທີ່ເຮັດໃຫ້
ຜູ້ທີ່ບໍ່ແມ່ນແພດໝໍ ກໍສາ
ມາດເຂົ້າໃຈໄດ້.
ຄໍາແນະນໍາດັ່ງກ່າວ ສົ່ງ
ເສີມໃຫ້ພວກແມ່ຍິງຫລຸດ
ຜ່ອນຄວາມສ່ຽງຕໍ່ການ
ເປັນໂຣກຫົວໃຈລົງໂດຍການເຊົາສູບຢາ, ອອກກໍາລັງກາຍ ຫລືເຄື່ອນໄຫວໄປມາເລື້ອຍໆ
ແລະກິນຜັກແລະໝາກໄມ້, ໃນແບບແຜນການດໍາລົງຊີວິດອື່ນໆອີກທີ່ເປັນປະໂຫຍດຕໍ່ສຸຂະ
ພາບນັ້ນ. ຄໍາແນະນໍາອື່ນໆ ແມ່ນກ່ຽວກັບການກິນຢາແກ້ປວດອັສປິຣິນ ແລະຢາລົດໄຂ
ມັນຄໍເລັສເທິຣອລ ແລະກ່ຽວກັບວ່າເວລາໃດການກິນຢາເຫຼົ່ານັ້ນຈຶ່ງມີປະສິດທິພາບສູງທີ່ສຸດ.
ໃນບາງກໍລະນີ, ຄໍາແນະນໍາຫຼ້າສຸດເຫລົ່ານີ້
ໄດ້ຫລຸດຂີດກໍາໜົດທີ່ຖືວ່າພວກຜູ້ຍິງມີ
ຄວາມສ່ຽງສູງນັ້ນ ຊຶ່ງດຣ. MOSCA ຊີ້
ແຈງວ່າ ທັ້ງນີ້ກໍເນື່ອງຈາກວ່າ ຍຸດທະສາດ
ແລະເຄື່ອງມືຫລາຍຢ່າງທີ່ພວກເຮົາມີໃຊ້
ຢູ່ໃນປັດຈຸບັນນີ້ເພື່ອກໍານົດວ່າ ລະດັບ
ຄວາມສ່ຽງສູງໃນກຸ່ມຜູ້ຍິງນັ້ນໄດ້ສະແດງ
ໃຫ້ເຫັນວ່າ ທີ່ຈິງແທ້ມັນຕີລາຄາລະດັບ
ຄວາມສ່ຽງໃນການເປັນໂຣກຫົວໃຈຂອງ
ຜູ້ຍິງຕໍ່າໂພດ.
ເຖິງແມ່ນວ່າຄໍາແນະນໍາຊຸດໃໝ່ນີ້ ແມ່ນ
ສະມາຄົມວ່າດ້ວຍໂຣກຫົວໃຈອາເມຣິກັນ
ເປັນຜູ້ນໍາອອກເຜີຍແຜ່ກໍຈິງ ແຕ່ ດຣ.
Mosca ກ່າວວ່າ ມັນສາມາດນໍາໃຊ້ກັບຜູ້ຍິງຢູ່ໃນທຸກຫົນທຸກແຫ່ງ.
ທ່ານນາງກ່າວເພີ້ມອີກວ່າ “ພື້ນຖານທາງວິທະຍາສາດທີ່ເຮົານໍາໃຊ້ເປັນຫຼັກ ເພື່ອ
ຂຽນຄໍາແນະນໍາເຫລົ່ານີ້ ແມ່ນເອົາມາຈາກທົ່ວໂລກ. ດັ່ງນັ້ນ ພວກເຮົາຈຶ່ງໝັ້ນ
ໃຈວ່າ ຄໍາແນະນໍາເຫຼົ່ານີ້ສາມາດນໍາໄປໃຊ້ກັບຜູ້ຍິງໄດ້ໃນທຸກຫົນແຫ່ງ ບໍ່ວ່າເຂົາ
ເຈົ້າຈະດໍາລົງຊີວິດຢູ່ໃນປະເທດໃດກໍຕາມ.”
ແຕ່ຢ່າງໃດກໍຕາມ, ພວກນັກຊ່ຽວຊານທີ່ຂຽນຫລັກຊີ້ນໍາຊຸດໃໝ່ນີ້ຍອມຮັບວ່າ ອາດມີຄວາມ
ຈໍາເປັນທີ່ຈະຕ້ອງໄດ້ດັດແປງໃຫ້ແທດເໝາະກັບຂົງເຂດ ຫຼືຊັບພະຍາກອນທີ່ມີຢູ່ທ້ອງຖິ່ນ
ແລະວິຖີການດໍາລົງຊີວິດໃນແຕ່ລະປະເທດ ແຕ່ລະເຂດ.
ຫລັກຊີ້ນໍາໃໝ່ໃນການປ້ອງກັນໂຣກຫົວໃຈສໍາລັບຜູ້ຍິງໄດ້
ຖືວາງອອກໂດຍສະມາຄົມວ່າດ້ວຍໂຣກຫົວໃຈອາເມຣິກັນ
ຫລື the American Heart Association ແລະຈັດພິມ
ເຜີຍແຜ່ໃນວາລະສານ “Circulation” ຂອງສະມາຄົມ.
ແລະທ່ານສາມາດເຂົ້າໄປອ່ານຄໍາແນະນໍາເຫຼົ່ານີ້ໄດ້ໂດຍການຊອກຫາສາຍເຊື່ອມຕໍ່ ຫລື link
ທາງອິນເຕີແນັດຢູ່ໃນເວັບໄຊ໌ຂອງ ວີໂອເອ ທີ່ voanews.com
