ພວກນັກວິເຄາະກ່າວວ່າ ຂໍ້ຕົກລົງໃໝ່ ກ່ຽວກັບຄວາມໝັ້ນຄົງ
ທາງອິນເຕີແນັດ ທີ່ລົງນາມໂດຍປະທານາທິ ບໍດີສະຫະລັດ
ທ່ານ Barack Obama ແລະປະ ທານປະເທດຈີນ ທ່ານ Xi
Jingping ໃນອາທິດແລ້ວນີ້ ແມ່ນເປັນຂີດໝາຍອັນສຳຄັນ
ຂອງບາດກ້າວທຳອິດໃນການໂຮມກຳລັງຂອງລັດຖະບານທັງ
ສອງປະເທດ ເພື່ອປາບປາມການຈາລະກຳໃນດ້ານການຄ້າ
ທາງອິນເຕີແນັດ. ແຕ່ ຫລາຍຄົນຍັງມີຄວາມສົງໄສບໍ່ແນ່ໃຈ
ກ່ຽວກັບວ່າ ຈະມີການເອົາບາດອັນໜັກແໜ້ນຕິດຕາມມາຫຼືບໍ່.
ປະທານາທິບໍດີ Obama ກ່າວຕໍ່ກອງປະຊຸມຖະແຫຼງຂ່າວ
ຮ່ວມໃນວັນສຸກຜ່ານມານີ້ວ່າ ທັງສອງປະເທດໄດ້ “ຢືນຢັນຕໍ່
ຫລັກການທີ່ວ່າ ລັດຖະບານ ບໍ່ພົວພັນກັບການຈາລະກຳທາງອິນເຕີແນັດ ເພື່ອຜົນປະ
ໂຫຍດທາງການຄ້າ ຕໍ່ບໍລິສັດຕ່າງໆ”ໃນຂະນະທີ່ ປະທານປະເທດ Xi ໄດ້ເນັ້ນໜັກວ່າ
ການຮ່ວມມືດັ່ງກ່າວຈະເປັນຜົນປະໂຫຍດແກ່ສອງກໍ້າ ສອງຝ່າຍ.
ທັງສອງປະເທດ ເຫັນດີທີ່ຈະສຶບສວນ ເບິ່ງການໂຈມຕີທາງອິນເຕີແນັດ ຕໍ່ກັນ ແລະກັນ
ແລະກັນ ທີ່ເກີດຂື້ນພາຍໃນດິນແດນຂອງຕົນ “ໃນວິທີທີ່ສອດຄ່ອງກັບ ກົດໝາຍປະເທດ
ເຂົາເຈົ້າ ແລະຄວາມຮັບຜິດຊອບ ທີ່ກ່ຽວພັນກັບກົດໝາຍສາ ກົນ.” ປະເທດທີ່ທຳການສື
ບສວນ ຈະແຈ້ງໃຫ້ປະເທດທີ່ເປັນຜູ້ເຄາະຮ້າຍນັ້ນ ຮູ້ເຖິງລາຍລະອຽດ “ຕາມເຫັນສົມ
ຄວນ” ຢູ່ໃນການດຳເນີນດັ່ງກ່າວ ໃນຂະນະທີ່ ປະເທດທີ່ເປັນຜູ້ເຄາະຮ້າຍ ຈະບໍ່ພົວພັນ
ໃດໆໃນການສືບສວນ ອີງຕາມເອກກະ ສານຄວາມຈິງຂອງທຳນຽບຂາວ.
ກ່ຽວກັບຄວາມໝັ້ນໝາຍໃນດູ ແລການສຶບສວນນັ້ນ ມີກຳນົດວ່າ ບັນດາເຈົ້າໜ້າທີ່ຂັ້ນສູງ
ຈາກສອງປະເທດ ຈະພົບປະກັນເປັນເທື່ອທຳອິດ ໃນທ້າຍປີ 2015 ແລະສອງເທື່ອ ໃນ
ແຕ່ລະຕໍ່ປີ ຫລັງຈາກນັ້ນ.
ທ່ານ Alexander Neill ເຈົ້າໜ້າທີ່ອະວຸໂສຂອງອົງການ Shangri-la ກ່ຽວ ກັບຄວາມ
ປອດໄພໃນເຂດເອເຊຍປາຊິຟິກ ທີ່ສະຖາບັນສຶກສາຍຸດທະສາດນາໆຊາດ ກ່າວວ່າ ໃນ
ການເລີ້ມຕົ້ນຂໍ້ຕົກລົງນີ້ແມ່ນຖືເປັນໄຊຊະນະຂອງລັດຖບານ Obama ເພາະວ່າ ຈີນ
ແມ່ນເປັນເທຶ່ອທຳອິດຮັບຮູ້ວ່າ ການໂຈມຕີເຈາະຂໍ້ມູນທາງອິນເຕີແນັດ ໂດຍບັນດາບໍລິ
ສັດຈີນຫລືສ່ວນບຸກຄົນນັ້ນບໍ່ໄດ້ເກີດຂຶ້ນ ແລະ ຄວນຈະມີການເອົາບາດກ້າວໃນດ້ານນີ້.
ບໍ່ເທົ່ານັ້ນມັນຍັງຄົງຈະມີການເບິ່ງກັນ ຕໍ່ໄປວ່າຈີນຈະເອົາບາດກ້າວຢ່າງໃດ ເພື່ອຫລຸດ
ການໂຈມຕີເຈາະຂໍ້ມູນທີ່ເກີດມາຈາກດິນແດນຂອງຕົນ.
