ອົງການອານະໄມໂລກຫຼື WHO ຈັດພິທີເພື່ອເປັນຂີດໝາຍ
ເນື່ອງໃນວັນໂຣກ AIDS ຂອງໂລກ ໃນວັນອັງຄານມື້ນີ້ ໂດຍ
ເນັ້ນໜັກໃສ່່ຄວາມຕ້ອງການ ເພື່ອຂະຫຍາຍການໃຊ້ຢາປົວ
ປະສົມກັນຫຼາຍຊະນິດ ຫຼື antiretroviral ແກ່ບັນດາຜູ້ທີ່ຕິດ
ເຊື້ອ HIV.
ອົງການອານະໄມໂລກກ່າວວ່າ ປະມານ 16 ລ້ານ ຂອງຈຳນວນ
37 ລ້ານຄົນທີ່ຕິດເຊື້ອ HIV ທີ່ພາໃຫ້ເປັນໂຣກ AIDS ນັ້ນ ກຳ
ລັງກິນຢາປະສົມກັນ ແລະໃຊ້ກັນຢູ່ທົ່ວໂລກດັ່ງກ່າວ ເພື່ອຍຸດຕິ
ການລະບາດ ຂອງໂຣກ AIDS ພາຍໃນຄົນລຸ້ນໜຶ່ງ.
ອົງການອະນາໄມໂລກ ໄດ້ອ້າງເຖິງການສຶກສາທີ່ສະແດງໃຫ້ເຫັນວ່າຜູ້ ຄົນທີ່ເລີ້ມປິ່ນ
ປົວບໍ່ດົນຫລັງຈາກໄດ້ຕິດເຊື້ອໄວຣັສນັ້ນ ມີໂອກາດໜ້ອຍລົງທີ່ຈະຕິດແປດໄປຫາຄົນ
ອຶ່ນໃນຂະນະທີ່ເຂົາເຈົ້າຍັງມີສຸຂະພາບແຂງແຮງດີ.
ດ້ວຍເຫດຜົນດັ່ງກ່າວ ທາງອົງການ WHO ຈຶ່ງຮຽກຮ້ອງໃຫ້ມີການທົດລອງເພີ້ມຂື້ນເພື່ອ
ຜູ້ຄົນຈະຮູ້ເຖິງສະພາບການ HIV ຂອງເຂົາເຈົ້າແລະ ການປິ່ນປົວຂັ້ນຕົ້ນ ແກ່ບັນດາຜູ້ທີ່
ທົດສອບວ່າ ຕິດເຊື້ອໄວຣັສ. ລາຍງານກ່າວວ່າ ການປິ່ນປົວດ້ວຍຢາ antiretroviral
ສາມາດປ້ອງກັນການເສຍຊີວິດ ແກ່ 21 ລ້ານຄົນທີ່ພົວພັນກັບໂຣກ AIDS ແລະອີກ 28
ລ້ານຄົນທີ່ຈະຕິດກັບເຊື້ອດັ່ງກ່າວໃນປີ 2030.
ສະຫະລັດ ຍັງໄດ້ປະກາດແຜນການໃໝ່ ໃນວັນອັງຄານມື້ນີ້ ທີ່ເນັ້ນໜັກໃສ່ການຂະ
ຫຍາຍທົດລອງ ການປິ່ນປົວດ້ວຍຢາ antiretroviral ຢູ່ທົ່ວໂລກ ແກ່ບັນດາຜູ້ທີ່ຕິດເຊື້ອ
HIV ໂດຍການເອົາຢາໃຫ້ແກ່ພວກທີ່ມີຄວາມສ່ຽງສູງໃນເຊື້ອ HIV ແລະລົບລ້າງການຖືກ
ປະນາມ ແລະຈຳແນກກີດກັນຕໍ່ບັນດາຜູ້ຕິດເຊື້ອ HIV.
ໃນຈຳນວນ 37 ລ້ານຄົນທີ່ຕິດເຊື້ອໄວຣັສນັ້ນ 26 ລ້ານຄົນພາກັນຢູ່ ເຂດໃຕ້ທະເລຊາຍ
ຊາຮາຣາ ໃນອາຟຣິກາ ຊຶ່ງປະກອບເປັນ 70 ເປີເຊັນຂອງຜູ້ຕິດເຊື້ອ HIV ໃໝ່ ທາງອົງ
ການ WHO ກ່າວວ່າ ປະ ກອບເປັນກາຍກວ່າເຄິ່ງໜຶ່ງຂອງພວກຕິດເຊື້ອ HIV ນັ້ນ.
ວັນໂຣກ AIDS ຂອງໂລກ ໄດ້ຈັດຂື້ນໃນວັນທີ 1 ເດືອນທັນວາ ທຸກປີນັບແຕ່ປີ 1988
ເປັນຕົ້ນມາ ເພື່ອເປັນໂອກາດສະແດງເຖິງການສະໜັບສະໜູນ ແກ່ບັນດາຜູ້ທີ່ຕິດເຊື້ອ
HIV/AIDS ລະນຶກເຖິງບັນດາຜູ້ທີ່ໄດ້ເສຍຊີວິດ ແລະເນັ້ນໜັກໃສ່ການຕໍ່ສູ້ຕ້ານການ
ແຜ່ລະບາດຂອງໂຣກ ດັ່ງກ່າວ.
