ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ອົງການອະນາໄມໂລກ ກ່າວວ່າ ການລະບາດ ຂອງອີໂອບາ ຍັງບໍ່ເຖິງຂັ້ນ ສຸກເສີນ ເທື່ອ


ຄົນຜູ້ທີ່ສົງໄສວ່າ ຕົນເອງຕິດ ອີໂບລາ ພາກັນນັ່ງລໍຖ້າ ຢູ່ສູນກາງ ປິ່ນປົວ ທີ່ເມືອງ ບີໂກໂຣ ສາທາລະນະລັດ ປະຊາທິປະໄຕ ຄອງໂກ.
ຄົນຜູ້ທີ່ສົງໄສວ່າ ຕົນເອງຕິດ ອີໂບລາ ພາກັນນັ່ງລໍຖ້າ ຢູ່ສູນກາງ ປິ່ນປົວ ທີ່ເມືອງ ບີໂກໂຣ ສາທາລະນະລັດ ປະຊາທິປະໄຕ ຄອງໂກ.

ອົງການ​ອະນາ​ໄມ​ໂລກຫຼື WHO ໄດ້​ເຕືອນກ່ຽວກັບ​ການລະບາດຂອງ​ອີ​ໂບລາ ຢູ່ໃນ
ພາກ​ຕາ​ເວັນ​ຕົກ​ສຽງ​ເໜືອ​ຂອງສາທາລະນະ​ລັດປະຊາທິປະໄຕ​ຄອງ​ໂກ ວ່າມີຄວາມ
ສ່ຽງ​ສູງ​ຕໍ່​ສາທາລະນະຊົນ ​ແຕ່ຍັງບໍ່ທັນເຖິງຂັ້ນ ​ເປັນໄພ​ສຸກ​ເສີນທາງດ້ານ​ອະນາ​ໄມ​
ຕໍ່ສາທາລະນະຊົນທີ່ສ້າງຄວາມເປັນ​ຫ່ວງໃຫ້ແກ່ນາໆຊາດເທື່ອ. ມີ​ລາຍ​ງານ​ວ່າ 25
ຄົນ​ໄດ້​ເສຍ​ຊີວິດ​ຈາກ​ການລະບາດ ຮວມທັງ​ພະນັກງານ​ການແພດສາ​ມຄົນ.

ອົງການ​ອະນາ​ໄມ​ໂລກ​ລາຍ​ງານ​ວ່າ ມີ 14 ຫາ 45 ກໍລະນີ​ທີ່ສົງ​ໄສ​ຂອງ​ພະຍາດ​ໄດ້​
ຮັບການ​ຢືນຢັນ​ວ່າ​ ແມ່ນ​ອີ​ໂບລາ.

ຂີ​ດໝາຍ​ທີ່ຈະປະກາດ​ວ່າ ພະຍາດ​ຮ້າຍ​ແຮງນີ້ ເປັນ​ພາວະ​ສຸກ​ເສີນທາງ​ດ້ານ​ອະນາ​
ໄມ​ລະຫວ່າງປະເທດ ຍັງ​ບໍ່​ທັນ​ເຖິງຂັ້ນເທື່ອ ໂດຍສະ​ເພາະໃນ​ປັດຈຸບັນ.

​ແຕ່ວ່າ​ປະທານ​ຄະນະ​ກຳມະການ​ສຸກ​ເສີນ ຂອງອົງການ WHO ທ່ານ​ໂຣ​ເບີດສະ​ແຕັຟ​
ເຟິນ ກ່າວ​ວ່າ ນີ້​ອາດມີການ​ປ່ຽນແປງ ​ໃນຂະນະທີ່ເຊື້ອ​ໄວຣັສ ​ບໍ່​ສາມາດ​ຄວບ​ຄຸມໄວ້
​ຢູ່​ໃນ​ເຂດ​ຊົນນະບົດ​ຂອງ​ບິ​ໂກ​ໂຣ ທີ່​ໄດ້ມີການ​ພົບ​ພໍ້ເປັນ​ເທື່ອ​ທຳ​ອິດ​ເມື່ອ ວັນ​ທີ 8
ເດືອນ​ພຶດສະພາ.

ທ່ານ​ກ່າວ​ວ່າ ​ກໍລະນີ​ຈຳນວນ​ນຶ່ງ​ໄດ້​ຖືກ​ພົບ​ເຫັນ​ຢູ່​ໃນ​ເຂດ​ເທດສະບານ​ຂອງເມືອງ
ແອັມບານ​ດາ​ກາ. ທ່ານ​ສະ​ແຕັຟ​ເຟິນ ກ່າວ​ວ່າ “ຄວາມ​ສ່ຽງ ​ຂອງ​ການ​ແຜ່​ຂະຫຍາຍ
ໄປຕ່າງປະເທດ ​ໂດຍ​ສະ​ເພາະ​ເປັນ​ເ​ລື່ອງ​ໃຫຍ່ ​ເພາະວ່າ​ ເມືອງແອັມ​ບານ​ດາ​ກາ ​ຢູ່​
ໃກ້ກັບ​ແມ່​ນໍ້າ​ຄອງໂກ ທ່າ​ນສາມາດ​ເດີນທາງ​ໄປ​ນະຄອນກິນ​ຊາ​ຊາ ​ແລະ​ຂ້າມ​ຊາ​ຍ
ແດນໄປຍັງຄອງ​ໂກບຣາຊາວິລ. ​ແລະ​ນັ້ນ ​ແນ່ນອນ​ເປັນ​ຂົງ​ເຂດທີ່ມີການ​ສັນຈອນ
ໄປມາທີ່ສຳ ຄັນຂ້າມ​ຊາຍແດນ​ນັ້ນ.

ຮອງຜູ້ອຳນວຍການ ຫ້ອງການສຸກເສີນ ແລະຕຽມພ້ອມຂອງ ອົງການອະນາໄມໂລກ ຫຼື WHO ດຣ. ປີເຕີ ຊາລາມາ ກ່າວກ່ຽວກັບການລະບາດອີໂອລາ ທີ່ຫ້ອງການໃຫຍ່ອີໂອລາ ທີ່ນະຄອນເຈນີວາ.
ຮອງຜູ້ອຳນວຍການ ຫ້ອງການສຸກເສີນ ແລະຕຽມພ້ອມຂອງ ອົງການອະນາໄມໂລກ ຫຼື WHO ດຣ. ປີເຕີ ຊາລາມາ ກ່າວກ່ຽວກັບການລະບາດອີໂອລາ ທີ່ຫ້ອງການໃຫຍ່ອີໂອລາ ທີ່ນະຄອນເຈນີວາ.

ອົງການ WHO ​ໄດ້​ເຕືອນ​ກ່ຽວກັບເຊື້ອໄວຣັສອີ​ໂບລາ ສາມາດແຜ່​ລະບາດ​ໄປ​ຫາ​
ເກົ້າ​ປະ​ເທດ​ເພື່ອນ​ບ້ານ ຂອງສາທາລະນະ​ລັດ​ປະຊາທິປະໄຕຄອງ​ໂກ. ທ່ານ​ສະ
​ແຕັຟ​ເຟີ​ນ ກ່າວ​ວ່າ ​ສາທາລະນະ​ລັດ​ປະຊາທິປະໄຕຄອງ​ໂກ ​ແລະ​ສາທາລະນະ​
ລັດ​ອາ​ຟຣິກາ​ກາງ ​ແມ່ນມີຄວາມຫຼໍ່ແຫຼມເປັນພິເສດ ກຳລັງມີການສົ່ງ​ເຄື່ອງມື​ແລະ​ພະນັກງານໄປຊ່ວຍແລ້ວ.

ບໍ່​ຄື​ກັນກັບ​ການລະບາດຂອງ​ອີ​ໂອລາ​ຢູ່​ໃນ​ອາ​ຟຣິກາ​ຕາ​ເວັນ​ຕົກ ທີ່​ໄດ້​ເຮັດ​ໃຫ້​ມີ​ຜູ້​ເສຍຊີວິດຫຼາຍ​ກວ່າ 11,000 ຄົນ ລັດຖະບານ​ສາທາລະນະ​ລັດ​ປະຊາທິປະໄຕ
ຄອງ​ໂກ ອົງການ​ອະນາ​ໄມໂລກ ​ແລະ​ອົງການ​ຕ່າງໆ​ໄດ້ຮັບມືຢ່າງ​ວ່ອງ​ໄວ​ຕໍ່​ການ
ລະບາດ​ໃນ​ປັດ​ຈຸ​ບັນນີ້.

ອ່ານຂ່າວນີ້ເພີ້ມເປັນພາສາອັງກິດ

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ວີໂອເອຮອບໂລກໃນ 60 ວິນາທີ ວັນທີ 23 ມີນາ 2024

XS
SM
MD
LG