ລິ້ງ ສຳຫລັບເຂົ້າຫາ

logo-print

WHO ອອກ ຫລັກຊີ້ນຳ ການປິ່ນປົວ ພະຍາດ ຕັບອັກເສບ Hepatitis C


ຢາ Telaprevir ແມ່ນ ນຶ່ງໃນຢາ ສອງຊະນິດ ທີ່ຄາດວ່າ ຈະປັບປຸງ ອັດຕາການຕາຍ ຍ້ອນໂຣກຕັບອັກເສບ ປະເພດ ຊີ ຫລື hepatitis c ໃຫ້ດີຂຶ້ນ.
ອົງການ​ອະນາ​ໄມ​ໂລກ​ ​ໄດ້ອອກ ຫລັກ​ຊີ້​ນຳ​ໂລກສະບັບ​ທຳ​
ອິດ​ຂອງ​ຕົນ (guidelines) ກ່ຽວ​ກັບ​ການ​ປິ່ນປົວໂຣກ
hepatitis C ຫລືໂຣກຕັບ​ອັກ​ເສບ ປະ​ເພດ C ທີ່​ໄດ້​ສັງຫານ​
ຜູ້​ຄົນ​ໄປ ​ໃນລະຫວ່າງ 350 ພັນ ​ຫາ 500 ພັນ​ຄົນ​ ໃນ​ທຸກໆ​ປີ.
ອົງການ​ອະນາໄມ​ໂລກ​ກ່າວ​ວ່າ ​ແນວ​ທາງ​ຊີ້ນຳ​ເຫຼົ່າ​ນີ້ ຈະ​ລົດ
​ຈຳນວນ​ຄົນ​ເສຍ​ຊີວິດ​ ຍ້ອນໂຣກຕັບ​ອັກ​ເສບ​ປະ​ເພດ C ລົງ
​ໂດຍ​ການ​ຊ່ອຍ​ເຫຼືອ​ປະ​ເທດ​ຕ່າງໆ ປັບປຸງ​ການ​ປິ່ນປົວ​ແລະ
ການ​ຮັກສາ ໃຫ້​ດີ​ຂຶ້ນ. ​ຜູ້​ສື່​ຂ່າວ​ວີ​ໂອ​ເອ Lisa Schlein ມີ
​ລາຍ​ງານມາ ຈາກ​ສຳນັກງານ​ໃຫຍ່​ຂອງ​ WHO ທີ່​ນະຄອນ
ເຈ​ນີວາ ຊຶ່ງດາຣາ​ຈະ​ນຳມາສະ​ເໜີ​ທ່ານ.

ອົງການ​ອະນາ​ໄມ​ໂລກ ຫລື WHO ກ່າວ​ວ່າ ມີປະຊາຊົນ​ຢູ່​ໃນ​ທົ່ວໂລກ​ ໃນ​ຈຳນວນ​ລະ
ຫວ່າງ 130 ຫາ 150 ລ້ານ​ຄົນ​ເປັນພະຍາດ ຕັບ​ອັກ​ເສບ hepatitis C ​ແບບ​ຊ້ຳເຮື້ອ​.
ຂົງ​ເຂດ​ທີ່​ມີ​ຄົນ​ເປັນ​ພະຍາດ​ນີ້​ຫຼາຍ​ທີ່​ສຸດ ​ແມ່ນເຂດ​ເອ​ເຊຍ​ກາງ​ກັບເອ​ເຊຍ​ຕາ​ເວັນ​ອອກ​
ແລະ​ພາກ​ເໜືອ​ຂອງ​ທະວີບອາ​ຟຣິກາ.

​ເຊື້ອ​ໄວຣັສຂອງ​ໂຣກຕັບ​ອັກ​ເສບ​ ປະ​ເພດ C ສ່ວນ​ໃຫຍ່​ແລ້ວແມ່ນ​ລະບາດ​ຜ່ານ​ການ
ຖື​ກ​ເລືອດ​ທີ່​ມີ​ພະຍາດ​ນີ້ ຊຶ່ງສາມາ​ດ​ເກີດຂຶ້ນ​ໄດ້ ​ໂດຍ​ຜ່ານ​ວິທີການຮັກສາ​ສຸຂະພາບ
​ທີ່​ບໍ່​ປອດ​ໄພ​ຕ່າງໆ ເຊັ່ນ​ການ​ໃຊ້​ເຂັມ​ແລະ​ຫລອດສັກ​ຢາ​ ​ທີ່​ໃຊ້​ແລ້ວນັ້ນຄືນ​ອີກ. ຜູ້ຄົນ​
ໃນ​ຈຳນວນ​ຫຼວງ​ຫຼາຍ ທີ່​ເປັນ​ພະຍາດ​ຕັບ​ອັກ​ເສບ hepatitis C ​ຊ້ຳ​ເຮື້ອ ແມ່ນຈະເປັນ​
ໂຣກຕັບ​ແຂງ ຫຼື​ ມະ​ເຮັງ​ຕັບ ​ໃນ​ເວລາ​ຕໍ່​ມາ.

ອົງການ​ອະນາ​ໄມ​ໂລກ​ ຈັດ​ພິມ​ເຜີຍ​ແຜ່​ຫລັກຊີ້​ນຳຂອງ​ຕົນ​ ​ກໍເພາະວ່າ​ເວລາ​ນີ້ ມີ​ຢາ
​ປົວ​ພະຍາດຕັບ​ອັກ​ເສບ ທີ່ມີ​ປະສິດທິ​ຜົນ ແລະ​ປອດ​ໄພກ່ວາ​ເກົ່າ ​ຂາຍ​ຢູ່​ໃນ​ຕະຫຼາດ​
ຫຼາຍຂຶ້ນ.

ທ່ານ Stefan Wiktor ຫົວໜ້າ​ໂຄງການ​ໂຣກຕັບ​ອັກ​ເສບ​ໂລກ ຂອງ​ WHO ກ່າວ​ວ່າ ​
ໂຣກຕັບອັກ​ເສບ C ສາມາດປົວໃຫ້ຫາ​ຍ​ໄດ້ ​ແລະ ການ​ປິ່ນປົວ​ພະຍາດນີ້ ກໍມີ​ປະສິດ
ທິ​ຜົນ​ດີ​ຂຶ້ນ​ເລື້ອຍໆ​. ທ່ານ Wiktor ກ່າວ​ວ່າ:

“​ແຕ່​ກ່ອນມາ​ ຈົນ​ກະທັ່ງ​ຫວ່າງ​ບໍ່​ດົນ​ມາ​ນີ້ ການ​ປິ່ນປົວ​ຄົນ​ທີ່​ຕິດ​ເຊື້ອ​ຕັບ​ອັກ​
ເສບ​ C ຕ້ອງ​ໃຊ້​ເວລາ​ປະມານ 48 ອາທິດ ​ໂດຍ​ການ​ສັກ​ຢາ ​ຄື​ຢາ​ທີ່ຊື່
interferon ທຸກໆ​ອາທິດ. ​ຢາ​ນີ້ ​ມີ​ພິດ​ຫຼາຍ ຍາກ​ທີ່​ຈະ​ຮັບ​ໄດ້ ແລະ​ເຮັດ​ໃຫ້​
ຄົນ​ບໍ່​ຢາກ​ສັກ​ມັນ. ມາບັດ​ນີ້ ມີການປິ່ນ​ປົວ​ແບບ​ໃໝ່​ທີ່ໃຊ້​ເວລາໜ້ອຍ​ກວ່າ​
ເກົ່າຫຼາຍ ຄື​ພຽງ​ແຕ່ 12 ອາທິດ. ບາງ​ຄົນ​ໄດ້ຮັບ​ການ​ປິ່ນປົວໂດຍບໍ່​ຕ້ອງ
​ມີ​ການ​ສັກ​ຢາ​ໃດໆ​ເລີຍ ​ແລະ​ອັດຕາ​ການຫາຍ​ດີ​ ກໍ​ສູງ​ກາຍ 90 ​ເປີ​ເຊັນ.”


​Dr. Wiktor ກ່າວຕໍ່​ໄປ​ວ່າ ແຕ່​ເປັນ​ໜ້າ​ເສຍ​ໃຈ ທີ່ປະຊາຊົນ​ສ່ວນ​ຫຼາຍ​ໃນທົ່ວ​ໂລກ ບໍ່​
ໄດ້​ຮັບ​ການ​ປິ່ນປົວ​ໂຣກ​ນີ້ ຊຶ່ງ​ເຫດຜົນ​ສ່ວນ​ໃຫຍ່​ແມ່ນ​ເປັນ​ຍ້ອນວ່າ ​ເຂົາ​ເຈົ້າ​ບໍ່​ຮູ້ຈັກ​ວ່າ
ຕົນ​ເອງ​ເປັນໂຣກນີ້ ​ແລະຍ້ອນ​ການ​ຂາດ​ເຂີນພະນັກງານສາທາ ທີ່​ໄດ້​ຮັບ​ການ​ເຝິກອົບ
ຮົມ​ໃຫ້​ຮູ້ຈັກ​ອາການ​ຂອງໂຣກ ​ແລະວິທີ​ຮັບ​ມື​ກັບມັນ.

​ຢ່າງ​ໃດ​ກໍ​ຕາມ ທ່ານ Wiktor ​ໃຫ້​ຂໍ້​ສັງ​ເກດ​ວ່າ ບັນ​ຫາໃຫຍ່​ທີ່​ສຸດ​ກໍ​ແມ່ນ​ວ່າພວກ​ທີ່ເປັນ
​ພະຍາດ​ນີ້​ ສ່ວນໃຫຍ່ບໍ່​ມີ​ອາການ​ໃດໆ. ດັ່ງ​ນັ້ນ ພວກ​ເຂົາ​ເຈົ້າ​ຈຶ່ງບໍ່​ຮູ້ຈັກ​ວ່າ ຕົນ​ເອງ​
ອາດ​ຈະ​ກຳລັງຢູ່​ຕົກໃນ​ຄວາມ​ສ່ຽງ ​ແລະ​ຄວນ​ຈະ​ໄປ​ກວດ​ເບິ່ງ. ດຣ. Wiktor ​ກ່າວອີກ​
ວ່າ ຄົນ​ທີ່​ຕິດ​ເຊື້ອ​ໂຣກນີ້ ມັກ​ບໍ່ໄດ້​ຮັບ​ການ​ວິນິດ​ໄສ​ໂຣກ ຈົນວ່າຕັບ​ໄດ້​ຮັບ​ຄວາມ​ເສຍ​
ຫາຍ​ ຢ່າງ​ຮ້າຍ​ແຮງ​ກ່ອນ ​ຈຶ່ງ​ຮູ້.

ບັນຫາທີ່​ສຳຄັນ​ອີກ​ອັນ​ນຶ່ງ​ ກໍ​ແມ່ນ​ວ່າ ການ​ປິ່ນປົວ​ໂຣກຕັບ​ອັກ​ເສບ​ ປະ​ເພດ C ​ແພງ​
ຫຼາຍ ຊຶ່ງ​ພວກ​ຄົນ​ເຈັບ​ສ່ວນ​ຫຼາຍ​ ບໍ່​ສາມາດ​ໃຊ້​ຈ່າຍ​ຄ່າ​ປິ່ນປົວ​ໄດ້. Dr. Wiktor ກ່າວ​
ວ່າ ຢາ​ປົວ​ຊະນິດ​ໃໝ່​ສາມາດ​ສິ້ນ​ເປືອງ​ຄ່າ​ໃຊ້​ຈ່າຍ​ຫຼາຍ​ເຖິງ 84 ພັນໂດ​ລາ ​ສຳ​ຫລັບ​
ການ​ປິ່ນປົວ​ເປັນ​ເວລາ 12 ອາທິດ​ນັ້ນ. ທ່ານ​ຍອມຮັບ​ວ່າ ລາຄາ​ທີ່​ວ່າ​ນີ້ ​ເປັນ​ບັນຫາ​ທີ່​
ໃຫຍ່​ຫຼວງ ສຳ​ຫລັບ​ຫລາຍໆ​ຄົນ​. Dr. Wiktor ອະທິບາຍ​ວ່າ

“​ເພື່ອໃຫ້ໄດ້​ຮັບ​ຜົນ​ປະ​ໂຫຍ​ດຈາກ​ຢາ​ປົວ​ຊະນິດ​ໃໝ່​ນີ້ ໃນ​ລາຄາ​ຫລື​ຄ່າປິ່ນປົວ​
ທີ່ຕ່ຳສົມຄວນ ​WHO ຈຶ່ງອອກຫລັກ​ຊີ້​ນຳສຳ​ຫລັບ​ການ​ປິ່ນປົວ​ພະຍາດ​ດັ່ງກ່າວ​ ​
ເປັນ​ເທື່ອ​ທຳ​ອິດ​. ​ແລະຫລັກ​ຊີ້​ນຳ​ເຫຼົ່າ​ນີ້ ເນື່ອງ​ຈາກ​ໄດ້​ຮັບ​ຄວາມ​ເຫັນ​ດີ​ເຫັນ​
ພ້ອມ​ຈາກ​ອົງການ​ອະນາ​ໄມ​ໂລກ ​ແລະ​ອິງ​ໃສ່​ຫຼັກຖານ​ທີ່​ແຂງ​ແຮງ ພວກ​ເຮົາ​ມີ​
ຄວາມ​ຮູ້ສຶກ​ວ່າ ມັນ​ຈະ​ເປັນ​ເຄື່ອງມື​ທີ່​ສຳຄັນ​ ​ສຳລັບ​ພວກເຈົ້າ​ໜ້າ​ທີ່ລະດັບຕັດ
ສິນ​ໃຈ​ ຢູ່ໃນບັນດາ​ປະ​ເທດທີ່ກຳລັງ​ພິຈາລະນາ ຈະ​ເລີ້ມ​ຕົ້ນ ຫຼືຂະຫຍາຍໂຄງ
ການ​ປິ່ນປົວ​ໂຣກຕັບ​ອັກ​ເສບ ​ເພື່ອ​ສະໜອງ​ຄຳ​ແນະນຳ​ໃຫ້ ​ທີ່ພວກ​ເຂົາ​ເຈົ້າ​
ສາມາດນຳ​ໃຊ້​ ເພື່ອ​ຊ່ອຍຊີ້​ນຳ​ການ​ພັດທະນາ​ຂອງ​ໂຄງການ​ເຫລົ່າ​ນັ້ນ. ​ໃນ​
ທຳນອງ​ດຽກ​ກັນ​ ພວກ​ເຂົາ​ເຈົ້າກໍສາມາດ​ຊ່ອຍ​ພວກພະນັກງານ​ສາທາ​ໄດ້
ກ່ຽວ​ກັບ​ວິທີ​ການ​ຄຸ້ມ​ຄອງ ພວກ​ຄົນ​ເຈັບ​ນັ້ນ.”

​ຫລັກ​ຊີ້​ນຳ​ໃໝ່​ ​ໃຫ້​ຄຳ​ແນະນຳ ​ກ່ຽວ​ກັບ​ການ​ກວດ​ຫາ ການ​ຕິດ​ເຊື້ອໂຣກ​ຕັບ​ອັກ​ເສບ​
ປະ​ເພດ C ​ກ່ຽວ​ກັບ​ການ​ຮັກ​ສາ​ພະຍາບານ​ ເພື່ອໃຫ້ພະຍາດ​ເຕີບ​ໂຕ​ຊ້າ​ລົງ ​ແລະ​ກ່ຽວ​
ກັບ​ວິທີການ​ທີ່​ປອດ​ໄພ​ແລະ​ໄດ້​ຜົນ ​ເພື່ອ​ປິ່ນປົວ​ການ​ຕິດ​ເຊື້ອ​ພະຍາດຕັບ​ອັກ​ເສບ​ C
ແບບ​ຊ້ຳ​ເຮື້ອ ​ໃຫ້ຫາ​ຍດີ.

ນອກ​ນັ້ນ​ ຫລັກ​ຊີ້​ນຳດັ່ງກ່າວ ຍັງແນະນຳ​ບາດກ້າວ​ຕ່າງໆ ​ທີ່​ເຮັດ​ໄດ້ ເພື່ອປ້ອງ​ກັນ​
ການຕິດ​ແປດ​ເຊື້ອ​ໄວຣັສຕັບ​ອັກ​ເສບ​ ຊຶ່ງ​ຮວມທັງວິທີ​ການ​ພະຍາບານທີ່​ປອດ​ໄພ
ກ່ຽວ​ກັບ​ການ​ສັກ​ຢາຢູ່​ບ່ອນປິ່ນປົວ ​ແລະ​ໃນບັນ ດາ​ພວກ​ທີ່​ສັກ​ຢາ​ນັ້ນ​ນຳ.

ບັນດາ​ເຈົ້າ​ໜ້າ​ທີ່​ WHO ​ກ່າວ​ວ່າ ​ເຂົາ​ເຈົ້າ​ແນ່​ໃຈ​ວ່າ ຄ່າປິ່ນປົວ​ຈະ​ຫລຸດ​ລົງ​ຢ່າງ​
ຫລວງຫລາຍ ​ໃນ​ຂະນະ​ທີ່​ມີຜູ້ຊົມ​ໃຊ້​ແລະ​ໄດ້​ຮັບ​ຜົນ​ປະໂຫ​ຍດ ຈາກ​ຢາ​ຊະນິດ​ໃໝ່​ນີ້
ຫລາຍ​ຂຶ້ນ. ພວກ​ເຈົ້າ​ໜ້າ​ທີ່​ໃຫ້​ຂໍ້​ສັງ​ເກດ​ວ່າ ການ​ປິ່ນປົວ​ພວກຕິດ​ເຊື້ອ HIV ທີ່​ພາ​ໃຫ້​
ເປັນ​ໂຣກ AIDS ນັ້ນ ເຄີຍ​ສິ້ນ​ເປືອງ​ຄ່າ​ໃຊ້​ຈ່່າຍ​ຮອດ 10 ພັນ​ໂດ​ລາ​ ເວລາ​ຢາ​ປົວເລີ້ມ​
ອອກ​ມາ​ໃໝ່ໆ ​ແຕ່​ເວລາ​ນີ້ ຢາ​ປົວ​ແນວ​ດຽວ​ກັນ​ ທີ່ດີ​ຂຶ້ນ​ກ່ວາ​ເກົ່າ ມີ​ລາຄາພຽງ​ແຕ່
100 ​ໂດ​ລາ​ເທົ່າ​ນັ້ນ.

ອົງການ​ອະນາ​ໄມ​ໂລກ ​ກ່າວ​ວ່າ ການ​ແຂ່ງຂັນ​ ຈາກ​ພວກ​ບໍລິສັດຜະລິດ​ຢາ​ປ້ອງ​ກັນ​
ເຊື້ອ HIV ທີ່​ໃຊ້​ເຄື່ອງ​ປະກອບຕະກູນ​ດຽວ​ກັນ ​ແຕ່​ລາຄາ​ຖືກ​ກ່ວາ ຊຶ່ງສ່ວນ​ຫຼາຍ​ແມ່ນ​
ຢູ່​ໃນ​ອິນ​ເດຍ ​ແລະ​ຕະຫຼາດ​ທີ່​ຂະຫຍາຍ​ກ້ວາງອອກ​ ສຳຫລັບ​ຢາພວກນີ້ ​ໄດ້​ເຮັດ​ໃຫ້​
ລາຄາຢາ​ຖືກ​ລົງ ​ແລະ​ເຮັດ​ໃຫ້​ຖືກລົງ​ຫລາຍ​ ສຳລັບລັດຖະບານ​ປະ​ເທດ​ຕ່າງໆ ທີ່​ຈະ​
ເພີ້​ມທະວີ​ໂຄງການ​ປິ່ນປົວໂຣກດັ່ງກ່າວ​ຂຶ້ນ. WHO ​ກ່າວ​ວ່າ ຕົນ​ຄາດ​ວ່າ ລາຄາ​ຢາ​
ປົວ​ໂຣກຕັບ​ອັກ​ເສບ​ຊະນິດ​ໃໝ່​ນີ້ ກໍຈະ​ຖືກ​ລົງ​ເຊັ່ນ​ກັນ​ ໃນ​ຂັ້ນ​ຕໍ່​ໄປ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG