ຢູ່ໃນງານສະແດງລົດໂອໂຕ ປະຈໍາປີຂອງນະຄອນຫຼວງວໍຊິງຕັນ
ທີ່ໄຂຂຶ້ນໃນອາທິດແລ້ວນີ້ ບັນດາຜູ້ຜະລິດລົດພາກັນນໍາເອົາລົດ
ລຸ້ນມາດຕະຖານຂອງຕົນ ມາວາງສະແດງ ພ້ອມກັບລົດລຸ້ນໃໝ່ທີ່
ຊີ້ໄປໃສ່ອະນາຄົດ ທັງໃນແງ່ຂອງແຮງຂັບດັນແລະໂຄງສ້າງຂອງ
ໂຕຖັງລົດ ທີ່ໃຊ້ວັດຖຸຫລາຍຊະນິດ. ຜູ້ສື່ຂ່າວວີໂອເອ George
Putic ມີລາຍງານກ່ຽວກັບເລື້ອງນີ້ ຊຶ່ງດາຣາຈະນໍາມາສະເໜີທ່ານ.
ນອກຈາກແນວຄິດເກົ່າ ທີ່ເອົາມາຫໍ່ໃໝ່ຢູ່ໃນໂຕຖັງທີ່ອອກແບບ
ໃໝ່ນັ້ນແລ້ວ ບັນດາຜູ້ຜະລິດລົດຫລາຍໆຍີ່ຫໍ້ ກໍໄດ້ນໍາເອົາລົດ
ລຸ້ນໃໝ່ມາວາງ ສະແດງນໍາ ທີ່ເປັນເຄື່ອງທົດລອງສໍາລັບເທັກ
ໂນໂລຈີ່ໃໝ່ໆ ທີ່ຊີ້ໄປໃສ່ອະນາຄົດຂອງອຸດສາຫະກໍານີ້.
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ລົດລຸ້ນນຶ່ງທີ່ດຶງດູດຄວາມສົນໃຈຢ່າງໃຫຍ່ ກໍຄືລົດ FCV Concept ທີ່ແລ່ນດ້ວຍແກ໊ສ hydrogen ຂອງບໍລິສັດໂຕໂຢຕາ ທີ່ອາດຈະນໍາອອກວາງຕະຫລາດ ໃນປີໜ້ານີ້ກໍໄດ້
ຢ່າງໄວທີ່ສຸດ.
ຖັງຫລືໜ່ວຍເຊື້ອໄຟຂອງລົດລຸ້ນນີ້ ຈະຫັນປ່ຽນພະລັງງານຂອງ hydrogen ໄປເປັນ
ໄຟຟ້າທີ່ສາກແບຕເຕີຣີ ຫລືໝໍ້ໄຟຂອງລົດ. ແກ໊ສ hydrogen ແມ່ນມີຫລາຍແລະກໍຖືກ
ແລະຜົນພອຍໄດ້ອັນດຽວຈາກການນໍາໃຊ້ມັນ ກໍຄືນໍ້າສະອາດ.
ຫົວໜ້າພະແນກອອກແບບລະບົບພາຫານະ Vehicle System Design ທີ່ມະຫາວິທະ
ຍາໄລ Clemson ລັດແຄໂຣລາຍນາໃຕ້ ທ່ານ Zoran Filipi ເວົ້າວ່າ ຖັງຫລືໜ່ວຍເຊື້ອ
ໄຟດັ່ງກ່າວແມ່ນວິທີແກ້ໄຂໄລຍະຍາວ ສໍາລັບບັນຫາສິ່ງແວດລ້ອມ.
“ຄໍາປະກາດຕ່າງໆເມື່ອໄວໆມານີ້ ທີ່ວ່າເທັກໂນໂລຈີດັ່ງກ່າວນີ້ ຈະມີໄວ້ໃຫ້ພວກ
ອຸບປະໂພກໄດ້ຊົມໃຊ້ໃນອີກບໍ່ດົນນັ້ນ ແມ່ນດີຫລາຍແທ້ໆ ເພາະວ່າມັນຈະອໍາ
ນວຍໃຫ້ມີປະສົບປະການໂຕຈິງໃນໂລກ ມີການຕີລາຄາເທັກໂນໂລຈີອັນນີ້ ແລະ
ຈະກຽມພວກເຮົາໃຫ້ພ້ອມ ສໍາລັບອະນາຄົດບ່ອນທີ່ ໃນຈຸດໃດຈຸດນຶ່ງ ໂຄງລ່າງ
ພື້ນຖານສໍາ ເທັກໂນໂລຈີນີ້ ອາດຈະມີໄວ້ໃຫ້ໃຊ້ຄືກັນ.”
ບໍລິສັດໂຕໂຢຕາອ້າງວ່າ ລົດລຸ້ນ FCV Concept ຂອງຕົນ ສາມາດ ແລ່ນໄດ້ໄກຮອດ
500 ຫລັກ ແລະການຕື່ມແກ໊ສ hydrogen ໃສ່ຖັງນັ້ນ ກໍໃຊ້ເວລາປະມານເທົ່າໆກັນກັບ
ຕື່ມນໍ້າມັນແອສຊັງໃສ່ຖັງລົດ.
ແຕ່ວ່າລົດທີ່ແລ່ດ້ວຍເຄື່ອງຈັກທໍາມະດານັ້ນ ກໍຍັງຖືວ່າເປັນລຸ້ນທີ່ຖືກຫລາຍທີ່ສຸດສໍາ
ລັບຜູ້ຊົມໃຊ້ທໍາມະດາສາມັນທີ່ບໍ່ມີເງິນ ແລະນອກນັ້ນແລ້ວ ກໍຍັງອອກແບບໃຫ້ເປັນມິດ
ຫລາຍຂຶ້ນຕໍ່ສິ່ງແວດລ້ອມ ໂດຍສະເພາະລຸ້ນທີ່ໃຊ້ເຄື່ອງຈັກທີ່ແລ່ນດ້ວຍນໍ້າມັນກາຊວນ
ຫລື diesel ຊຶ່ງກໍາລັງຖືກນໍາໃຊ້ຫລາຍຂຶ້ນເລື້ອຍໆ ກັບລົດລຸ້ນຫລູຫລາລາຄາແພງ.
ອາຈານ Zoran Filipi ທີ່ມະຫາວິທະຍາໄລ Clemson ເວົ້າວ່າ ເຄື່ອງຈັກເຜົາໃໝ້ນໍ້າ
ມັນທາງໃນ ກໍຄື internal combustion engines ເອີ້ນຫຍໍ້ວ່າ IC ນັ້ນ ກໍາລັງຕໍ່ສູ້ຄືນ
ຊຶ່ງທ່ານອະທິບາຍວ່າ:
“ສິ່ງທີ່ພວກເຮົາເຫັນ ກໍຄືວ່າ ການເອົາແນວຄິດຕ່າງໆທີ່ກ້າວໜ້າກ່ຽວກັບເຄື່ອງຈັກ
IC ມາໃຊ້ປະສົມກັນ ໃນອະນາຄົດອັນໃກ້ໆນີ້ ເປັນຕົ້ນວ່າ ການເຮັດເຄື່ອງຈັກນ້ອຍ
ລົງ ການໃຊ້ລະບົບສາກໂດຍກັງຫັນ ການປ້ອນເຊື້ອໄຟເຂົ້າໄປໂດຍກົງ ແລະລະບົບ
ເກຍກ້າວໜ້າທີ່ມີຮອດ 7 8 9 ແລະ 10 ສະປີດ ຫລືຄວາມໄວນັ້ນ ແມ່ນຈະອໍານວຍ
ໃຫ້ປະຫຍັດເຊື້ອໄຟໄດ້ເຖິງ 10 15 ຫລືຮອດ 20 ສ່ວນຮ້ອຍໄດ້.”
ເຄື່ອງຈັກຮາຍບຣີດ ກໍກໍາລັງຖືກນໍາໄປໃຊ້ ຢູ່ໃນຕະຫລາດລົດຫລູຫລາລາຄາແພງຫລາຍ
ຂຶ້ນເຊັ່ນກັນ. ບໍລິສັດຜະລິດລົດ Cadillac ລາຄາແພງ ຂອງສະຫະລັດ ໄດ້ຮັບລາງວັນ
ເທັກໂນໂລຈີລົດສີຂຽວ Green Car Technology ສໍາລັບປີນີ້ ຍ້ອນລົດລຸ້ນ ELR ທີ່ໃຊ້
ເຄື່ອງຈັກໄຟຟ້າເວລາແລ່ນ ແລະໃຊ້ເຄື່ອງຈັກນ້ອຍທີ່ແລ່ນດ້ວຍແກ໊ສທີ່ໃຊ້ລະບົດສາກ
ໂດຍກັງຫັນນັ້ນ ເວລາສາກໄຟຟ້າເຂົ້າໃສ່ໝໍ້ໄຟ ຊຶ່ງອໍານວຍໃຫ້ລົດແລ່ນໄດ້ໄກຂຶ້ນອີກ.
ເທັກໂນໂລຈີໃໝ່ອີກອັນນຶ່ງທີ່ກໍາລັງໂຜ່ໂຕຂຶ້ນມາ ກໍຄືວັດຖຸປະສົມທີ່ນໍາເອົາມາໃຊ້ຄືນໃໝ່
ໄດ້ ສໍາລັບເຮັດໂຄງຮ່າງຫລືໂຕຖັງຂອງລົດ ເຊັ່ນລົດ BMW ລຸ້ນ i3 ທີ່ບ່ອນໄວ້ເຄື່ອງຂອງ
ຜູ້ໂດຍສານ ເຮັດດ້ວຍພະລັສຕິກທີ່ປະສົມສາຍໃຍຄາບອນເພື່ອໃຫ້ຄົງທົນ ແຕ່ວ່າເບົາລົງ.
ທ່ານ Filipi ກ່າວວ່າ ວັດຖຸແລະໂຄງສ້າງທີ່ເບົາໆ ແມ່ນຈໍາເປັນທີ່ສຸດສໍາລັບລົດທີ່ ໃຊ້ໝໍ້
ໄຟ ຫລື ແບຕເຕີຣີ ໜັກໆ. ທ່ານ Filipi ເວົ້າວ່າ
“ເຮົາອາດຈະໄດ້ເຫັນອະນາຄົດ ທີ່ມີລົດທີ່ໂຄງສ້າງ ຫລືໂຕຖັງ ເຮັດດ້ວຍວັດຖຸ
ຫລາຍໆຢ່າງປະສົມປະສານກັນ ເຊັ່ນເຫລັກກ້າ ອາລູມີນຽມ ແລະສາຍໃຍຄາບອນ
ຫລື carbon fiber ນັ້ນກໍໄດ້ ຊຶ່ງທັງໝົດນັ້ນຈະຖືກນໍາໃຊ້ໃນລົດຍົນຄັນດຽວກັນ
ແລະອາດຈະເຫັນການໃຊ້ກາວເຊື່ອມຕິດສ່ວນປະກອບຕ່າງໆ ແທນການໃຊ້ໄຟ
ຈອດຕິດກັນ.”
ທ່ານ Filipi ກ່າວອີກວ່າ ເວລານີ້ ກໍກໍາລັງມີການຄົ້ນຄ້ວາຢ່າງຂຸ້ນຂ້ຽວ ກ່ຽວກັບວັດຖຸປະສົມ
ຊີວະພາບທີ່ຍ່ອຍ ຫລືລະລາຍໄດ້ ເພື່ອເອົາມາໃຊ້ເຮັດທາງໃນຂອງລົດ ແລະສາມາດນໍາພາ
ພວກເຮົາໄປສູ່ອະນາຄົດ ທີ່ຍືນຍົງໄດ້.
ພິຈາລະນາຈາກລົດລຸ້ນຕ່າງໆທີ່ນໍາມາສະແດງໃນງານ Washington Auto Show ນີ້ແລ້ວ
ລົດລຸ້ນໃນອະນາຄົດແມ່ນຈະມີລາຄາຖືກລົງນັບມື້ ແລະກໍຈະສົ່ງຜົນກະທົບຕໍ່ສິ່ງແວດລ້ອມ
ໜ້ອຍລົງນັບມື້ເຊັ່ນກັນ.
ວີດີໂອ: ງານສະແດງລົດອາເມຣິກັນ ປະຈໍາປີ 2014 ທີ່ນະຄອນ Detroit:
ທີ່ໄຂຂຶ້ນໃນອາທິດແລ້ວນີ້ ບັນດາຜູ້ຜະລິດລົດພາກັນນໍາເອົາລົດ
ລຸ້ນມາດຕະຖານຂອງຕົນ ມາວາງສະແດງ ພ້ອມກັບລົດລຸ້ນໃໝ່ທີ່
ຊີ້ໄປໃສ່ອະນາຄົດ ທັງໃນແງ່ຂອງແຮງຂັບດັນແລະໂຄງສ້າງຂອງ
ໂຕຖັງລົດ ທີ່ໃຊ້ວັດຖຸຫລາຍຊະນິດ. ຜູ້ສື່ຂ່າວວີໂອເອ George
Putic ມີລາຍງານກ່ຽວກັບເລື້ອງນີ້ ຊຶ່ງດາຣາຈະນໍາມາສະເໜີທ່ານ.
ນອກຈາກແນວຄິດເກົ່າ ທີ່ເອົາມາຫໍ່ໃໝ່ຢູ່ໃນໂຕຖັງທີ່ອອກແບບ
ໃໝ່ນັ້ນແລ້ວ ບັນດາຜູ້ຜະລິດລົດຫລາຍໆຍີ່ຫໍ້ ກໍໄດ້ນໍາເອົາລົດ
ລຸ້ນໃໝ່ມາວາງ ສະແດງນໍາ ທີ່ເປັນເຄື່ອງທົດລອງສໍາລັບເທັກ
ໂນໂລຈີ່ໃໝ່ໆ ທີ່ຊີ້ໄປໃສ່ອະນາຄົດຂອງອຸດສາຫະກໍານີ້.
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ລົດລຸ້ນນຶ່ງທີ່ດຶງດູດຄວາມສົນໃຈຢ່າງໃຫຍ່ ກໍຄືລົດ FCV Concept ທີ່ແລ່ນດ້ວຍແກ໊ສ hydrogen ຂອງບໍລິສັດໂຕໂຢຕາ ທີ່ອາດຈະນໍາອອກວາງຕະຫລາດ ໃນປີໜ້ານີ້ກໍໄດ້
ຢ່າງໄວທີ່ສຸດ.
ຖັງຫລືໜ່ວຍເຊື້ອໄຟຂອງລົດລຸ້ນນີ້ ຈະຫັນປ່ຽນພະລັງງານຂອງ hydrogen ໄປເປັນ
ໄຟຟ້າທີ່ສາກແບຕເຕີຣີ ຫລືໝໍ້ໄຟຂອງລົດ. ແກ໊ສ hydrogen ແມ່ນມີຫລາຍແລະກໍຖືກ
ແລະຜົນພອຍໄດ້ອັນດຽວຈາກການນໍາໃຊ້ມັນ ກໍຄືນໍ້າສະອາດ.
ຫົວໜ້າພະແນກອອກແບບລະບົບພາຫານະ Vehicle System Design ທີ່ມະຫາວິທະ
ຍາໄລ Clemson ລັດແຄໂຣລາຍນາໃຕ້ ທ່ານ Zoran Filipi ເວົ້າວ່າ ຖັງຫລືໜ່ວຍເຊື້ອ
ໄຟດັ່ງກ່າວແມ່ນວິທີແກ້ໄຂໄລຍະຍາວ ສໍາລັບບັນຫາສິ່ງແວດລ້ອມ.
“ຄໍາປະກາດຕ່າງໆເມື່ອໄວໆມານີ້ ທີ່ວ່າເທັກໂນໂລຈີດັ່ງກ່າວນີ້ ຈະມີໄວ້ໃຫ້ພວກ
ອຸບປະໂພກໄດ້ຊົມໃຊ້ໃນອີກບໍ່ດົນນັ້ນ ແມ່ນດີຫລາຍແທ້ໆ ເພາະວ່າມັນຈະອໍາ
ນວຍໃຫ້ມີປະສົບປະການໂຕຈິງໃນໂລກ ມີການຕີລາຄາເທັກໂນໂລຈີອັນນີ້ ແລະ
ຈະກຽມພວກເຮົາໃຫ້ພ້ອມ ສໍາລັບອະນາຄົດບ່ອນທີ່ ໃນຈຸດໃດຈຸດນຶ່ງ ໂຄງລ່າງ
ພື້ນຖານສໍາ ເທັກໂນໂລຈີນີ້ ອາດຈະມີໄວ້ໃຫ້ໃຊ້ຄືກັນ.”
ບໍລິສັດໂຕໂຢຕາອ້າງວ່າ ລົດລຸ້ນ FCV Concept ຂອງຕົນ ສາມາດ ແລ່ນໄດ້ໄກຮອດ
500 ຫລັກ ແລະການຕື່ມແກ໊ສ hydrogen ໃສ່ຖັງນັ້ນ ກໍໃຊ້ເວລາປະມານເທົ່າໆກັນກັບ
ຕື່ມນໍ້າມັນແອສຊັງໃສ່ຖັງລົດ.
ແຕ່ວ່າລົດທີ່ແລ່ດ້ວຍເຄື່ອງຈັກທໍາມະດານັ້ນ ກໍຍັງຖືວ່າເປັນລຸ້ນທີ່ຖືກຫລາຍທີ່ສຸດສໍາ
ລັບຜູ້ຊົມໃຊ້ທໍາມະດາສາມັນທີ່ບໍ່ມີເງິນ ແລະນອກນັ້ນແລ້ວ ກໍຍັງອອກແບບໃຫ້ເປັນມິດ
ຫລາຍຂຶ້ນຕໍ່ສິ່ງແວດລ້ອມ ໂດຍສະເພາະລຸ້ນທີ່ໃຊ້ເຄື່ອງຈັກທີ່ແລ່ນດ້ວຍນໍ້າມັນກາຊວນ
ຫລື diesel ຊຶ່ງກໍາລັງຖືກນໍາໃຊ້ຫລາຍຂຶ້ນເລື້ອຍໆ ກັບລົດລຸ້ນຫລູຫລາລາຄາແພງ.
ອາຈານ Zoran Filipi ທີ່ມະຫາວິທະຍາໄລ Clemson ເວົ້າວ່າ ເຄື່ອງຈັກເຜົາໃໝ້ນໍ້າ
ມັນທາງໃນ ກໍຄື internal combustion engines ເອີ້ນຫຍໍ້ວ່າ IC ນັ້ນ ກໍາລັງຕໍ່ສູ້ຄືນ
ຊຶ່ງທ່ານອະທິບາຍວ່າ:
“ສິ່ງທີ່ພວກເຮົາເຫັນ ກໍຄືວ່າ ການເອົາແນວຄິດຕ່າງໆທີ່ກ້າວໜ້າກ່ຽວກັບເຄື່ອງຈັກ
IC ມາໃຊ້ປະສົມກັນ ໃນອະນາຄົດອັນໃກ້ໆນີ້ ເປັນຕົ້ນວ່າ ການເຮັດເຄື່ອງຈັກນ້ອຍ
ລົງ ການໃຊ້ລະບົບສາກໂດຍກັງຫັນ ການປ້ອນເຊື້ອໄຟເຂົ້າໄປໂດຍກົງ ແລະລະບົບ
ເກຍກ້າວໜ້າທີ່ມີຮອດ 7 8 9 ແລະ 10 ສະປີດ ຫລືຄວາມໄວນັ້ນ ແມ່ນຈະອໍານວຍ
ໃຫ້ປະຫຍັດເຊື້ອໄຟໄດ້ເຖິງ 10 15 ຫລືຮອດ 20 ສ່ວນຮ້ອຍໄດ້.”
ເຄື່ອງຈັກຮາຍບຣີດ ກໍກໍາລັງຖືກນໍາໄປໃຊ້ ຢູ່ໃນຕະຫລາດລົດຫລູຫລາລາຄາແພງຫລາຍ
ຂຶ້ນເຊັ່ນກັນ. ບໍລິສັດຜະລິດລົດ Cadillac ລາຄາແພງ ຂອງສະຫະລັດ ໄດ້ຮັບລາງວັນ
ເທັກໂນໂລຈີລົດສີຂຽວ Green Car Technology ສໍາລັບປີນີ້ ຍ້ອນລົດລຸ້ນ ELR ທີ່ໃຊ້
ເຄື່ອງຈັກໄຟຟ້າເວລາແລ່ນ ແລະໃຊ້ເຄື່ອງຈັກນ້ອຍທີ່ແລ່ນດ້ວຍແກ໊ສທີ່ໃຊ້ລະບົດສາກ
ໂດຍກັງຫັນນັ້ນ ເວລາສາກໄຟຟ້າເຂົ້າໃສ່ໝໍ້ໄຟ ຊຶ່ງອໍານວຍໃຫ້ລົດແລ່ນໄດ້ໄກຂຶ້ນອີກ.
ເທັກໂນໂລຈີໃໝ່ອີກອັນນຶ່ງທີ່ກໍາລັງໂຜ່ໂຕຂຶ້ນມາ ກໍຄືວັດຖຸປະສົມທີ່ນໍາເອົາມາໃຊ້ຄືນໃໝ່
ໄດ້ ສໍາລັບເຮັດໂຄງຮ່າງຫລືໂຕຖັງຂອງລົດ ເຊັ່ນລົດ BMW ລຸ້ນ i3 ທີ່ບ່ອນໄວ້ເຄື່ອງຂອງ
ຜູ້ໂດຍສານ ເຮັດດ້ວຍພະລັສຕິກທີ່ປະສົມສາຍໃຍຄາບອນເພື່ອໃຫ້ຄົງທົນ ແຕ່ວ່າເບົາລົງ.
ທ່ານ Filipi ກ່າວວ່າ ວັດຖຸແລະໂຄງສ້າງທີ່ເບົາໆ ແມ່ນຈໍາເປັນທີ່ສຸດສໍາລັບລົດທີ່ ໃຊ້ໝໍ້
ໄຟ ຫລື ແບຕເຕີຣີ ໜັກໆ. ທ່ານ Filipi ເວົ້າວ່າ
“ເຮົາອາດຈະໄດ້ເຫັນອະນາຄົດ ທີ່ມີລົດທີ່ໂຄງສ້າງ ຫລືໂຕຖັງ ເຮັດດ້ວຍວັດຖຸ
ຫລາຍໆຢ່າງປະສົມປະສານກັນ ເຊັ່ນເຫລັກກ້າ ອາລູມີນຽມ ແລະສາຍໃຍຄາບອນ
ຫລື carbon fiber ນັ້ນກໍໄດ້ ຊຶ່ງທັງໝົດນັ້ນຈະຖືກນໍາໃຊ້ໃນລົດຍົນຄັນດຽວກັນ
ແລະອາດຈະເຫັນການໃຊ້ກາວເຊື່ອມຕິດສ່ວນປະກອບຕ່າງໆ ແທນການໃຊ້ໄຟ
ຈອດຕິດກັນ.”
ທ່ານ Filipi ກ່າວອີກວ່າ ເວລານີ້ ກໍກໍາລັງມີການຄົ້ນຄ້ວາຢ່າງຂຸ້ນຂ້ຽວ ກ່ຽວກັບວັດຖຸປະສົມ
ຊີວະພາບທີ່ຍ່ອຍ ຫລືລະລາຍໄດ້ ເພື່ອເອົາມາໃຊ້ເຮັດທາງໃນຂອງລົດ ແລະສາມາດນໍາພາ
ພວກເຮົາໄປສູ່ອະນາຄົດ ທີ່ຍືນຍົງໄດ້.
ພິຈາລະນາຈາກລົດລຸ້ນຕ່າງໆທີ່ນໍາມາສະແດງໃນງານ Washington Auto Show ນີ້ແລ້ວ
ລົດລຸ້ນໃນອະນາຄົດແມ່ນຈະມີລາຄາຖືກລົງນັບມື້ ແລະກໍຈະສົ່ງຜົນກະທົບຕໍ່ສິ່ງແວດລ້ອມ
ໜ້ອຍລົງນັບມື້ເຊັ່ນກັນ.
ວີດີໂອ: ງານສະແດງລົດອາເມຣິກັນ ປະຈໍາປີ 2014 ທີ່ນະຄອນ Detroit:
