ການເທຂາຍຮຸ້ນໃນຕະຫຼາດຮຸ້ນ Wall Street ໄດ້ກັບມາເປັນປົກກະຕິອີກຄັ້ງໃນວັນພະຫັດວານນີ້ ແລະ ຕະຫຼາດຮຸ້ນ ສະຫະລັດ ໄດ້ຮັບຜົນກະທົບຈາກມາດຕະການພາສີຂອງປະທານາທິບໍດີ ດໍໂນລ ທຣຳ ແລະ ຄວາມບໍ່ແນ່ນອນ ກ່ຽວກັບ ເສດຖະກິດ ທີ່ກຳລັງຕົກລົງຢ່າງວ່ອງໄວ.
ດັດສະນີ S&P500 ໄດ້ຕົກລົງ 1.8 ເປີເຊັນ ແລະ ກັບມາຕົກອີກຄັ້ງຫຼັງຈາກໄດ້ຟື້ນຕົວເລັກນ້ອຍ ແລະ ຟື້ນຕົວກັບມາໄດ້ໃນໄລຍະບໍ່ເທົ່າໃດອາທິດທີ່ຜ່ານມາ. ດັດສະນີ Dow Jones Industrial Average ໄດ້ຕົກລົງ 427 ຈຸດ ຫຼື 1 ເປີເຊັນ ແລະ ດັດສະນີ Nasdaq Composite ໄດ້ຕົກລົງ 2.6 ເປີເຊັນ ແລະ ປິດຕະຫຼາດຕ່ຳກວ່າລະດັບສູງສຸດທີ່ເຮັດໄວ້ ໃນເດືອນທັນວາທີ່ຜ່ານມາ ຫຼາຍກວ່າ 10 ເປີເຊັນ.
ຮຸ້ນໄດ້ຕົກລົງແມ່ນກະທັ້ງທ່ານ ທຣຳ ຈະສະເໜີໂຈະການຂຶ້ນພາສີ 25 ເປີເຊັນ ໄວ້ໄລຍະນຶ່ງເດືອນ ເມື່ອວັນພະຫັດວານນີ້ ສຳລັບສິນຄ້າຫຼາຍລາຍການທີ່ນຳເຂົ້າຈາກປະເທດ ເມັກຊິໂກ ແລະ ການາດາ ກໍຕາມ.
ການເຄື່ອນໄຫວທັງໝົດນັ້ນໄດ້ເຮັດໃຫ້ມີຄວາມຫວັງວ່າ ທ່ານ ທຣຳ ອາດຈະໃຊ້ພາສີເປັນພຽງເຄື່ອງມືໃນການເຈລະຈາຫຼາຍກວ່າທີ່ຈະເປັນນະໂຍບາຍຖາວອນ ແລະ ສຸດທ້າຍທ່ານອາດຈະຫຼີກລ່ຽງສົງຄາມການຄ້າໄດ້ ໃນກໍລະນີທີ່ຮ້າຍທີ່ສຸດທີ່ສົ່ງຜົນເສຍຕໍ່ເສດຖະກິດ ແລະ ສົ່ງຜົນໃຫ້ເງິນເຟີ້ສູງຂຶ້ນ.
ແຕ່ທ່ານ ທຣຳ ຍັງຄົງກົດດັນຕໍ່ໄປດ້ວຍການຂຶ້ນພາສີນຳເຂົ້າສິນຄ້າອື່ນໆ ທີ່ມີກຳນົດຈະມີຜົນບັງຄັບໃຊ້ໃນວັນທີ 2 ເມສາ ແລະ ການເຄື່ອນໄຫວໄປມາຂອງພາສີນຳເຂົ້າທີ່ເພີ່ມຫຼາຍຂຶ້ນກໍຍິ່ງເຮັດໃຫ້ຄວາມບໍ່ແນ່ນອນທະວີຄວາມຮຸນແຮງຂຶ້ນ. ເມື່ອວັນຈັນທີ່ຜ່ານມາ ທ່ານ ທຣຳ ໄດ້ກ່າວວ່າ “ບໍ່ມີຊ່ອງທາງ” ເຫຼືອສຳລັບການເຈລະຈາທີ່ຈະຫຼຸດພາສີນຳເຂົ້າຈາກ ເມັກຊິໂກ ແລະ ການາດາ ຊຶ່ງມີຜົນບັງຄັບໃຊ້ ໃນວັນອັງຄານທີ່ຜ່ານມາ.
“ຂໍ້ຍົກເວັ້ນເຫຼົ່ານີ້ ບໍ່ໄດ້ຊ່ວຍຜ່ອນຄາຍບັນຍາກາດທີ່ບໍ່ແນ່ນອນໂດຍທົ່ວໄປຫຼາຍປານໃດ,” ທ່ານ ຢັງ ຢູ ມາ ຫົວໜ້າຝ່າຍການລົງທຶນຂອງບໍລິສັດ ບໍລິຫານຄວາມຮັ່ງມີ BMO ກ່າວ. ທ່ານເສີມວ່າ “ທຸລະກິດຕ່າງໆຍັງຄົງລະມັດລະວັງໃນສະພາບແວດລ້ອມປັດຈຸບັນ ຈົນກວ່າພາບລວມຂອງພາສີຈະຊັດເຈນຫຼາຍຂຶ້ນ.”
ທຸລະກິດຕ່າງໆໃນສະຫະລັດ ໄດ້ອອກມາກ່າວແລ້ວວ່າ ກຳລັງປະເຊີນກັບຄວາມວຸ້ນວາຍ ເນື່ອງຈາກຄວາມບໍ່ແນ່ນອນທີ່ເກີດຂຶ້ນໃນວໍຊິງຕັນ, ຄົວເຮືອນໃນ ສະຫະລັດ ກຳລັງກຽມຮັບມືກັບເງິນເຟີ້ທີ່ສູງຂຶ້ນເນື່ອງຈາກພາສີ ຊຶ່ງກຳລັງເຮັດໃຫ້ຄວາມເຊື່ອໝັ້ນຂອງພວກເຂົາຫຼຸດລົງ.
ອ່ານຂ່າວນີ້ເປັນພາສາອັງກິດ
Wall Street's sell-off kicked back into gear on Thursday, and a U.S. stock market rattled by President Donald Trump's tariffs and uncertainty about the economy fell sharply.
The S&P 500 tumbled 1.8% to resume its slide after a small recovery clawed back some of its sharp drop over recent weeks. The Dow Jones Industrial Average dropped 427 points, or 1%, and the Nasdaq composite sank 2.6% to finish more than 10% below its record set in December.
Stocks fell even though Trump on Thursday offered a one-month reprieve from his 25% tariffs on many goods imported from Mexico and Canada.
All the moves keep hope alive that Trump may be using tariffs as just a tool for negotiations rather than as a permanent policy and that he may ultimately avoid a worst-case trade war that grinds down economies and sends inflation higher.
But Trump is still pressing ahead with other tariffs scheduled to take effect April 2. And the growing back-and-forth moves on tariffs are only amping up the uncertainty. It was just on Monday that Trump said there was "no room" left for negotiations that could lower the tariffs on Mexico and Canada, which took effect Tuesday.
"These exemptions don't do much to resolve the general air of uncertainty," said Yung-Yu Ma, chief investment officer at BMO Wealth Management. "Businesses will still be cautious in the current environment until a lot more of the tariff picture is clear."
U.S. businesses are already saying they're confronting chaos because of all the uncertainty coming out of Washington. U.S. households are bracing for higher inflation because of the tariffs, which is sapping their confidence.
ຟໍຣັມສະແດງຄວາມຄິດເຫັນ