ໃນລາຍການຊີວິດຊາວລາວ ມື້ນີ້ເຮົາຈະນຳສະເໜີການສຳພາດ
ຍານາງດວງແກ້ວ ໄຊຍະສິດເສນາ ນາຍຄູສອນພາສາລາວ ທີ່
ສະຖາບັນພາສາຕ່າງປະເທດ ກະຊວງຕ່າງປະເທດ ສະຫະລັດ
ທີ່ນະຄອນຫລວງ ວໍຊິງຕັນ. ຍານາງດວງແກ້ວ ໄດ້ສິດສອນພາ
ສາລາວ ແລະວັດທະນາທຳລາວ ມາເປັນເວລາ 50 ປີ ໃຫ້ແກ່
ບັນດານັກການທູດສະຫະລັດ ທີ່ໄປປະຈຳການຢູ່ ສະຖານທູດ ສະຫະລັດ ອາເມຣິກາ ໃນ
ນະຄອນຫລວງວຽງຈັນ. ມື້ນີ້ທີ 31 ມີນາ ເປັນມື້ສຸດທ້າຍໃນການສິດສອນ ຍານາງດວງ
ແກ້ວ ໄດ້ແບ່ງປັນປະສົບການອັນຍາວນານສູ່ ວີໂອເອ ຟັງຊຶ່ງ ກິ່ງສະຫວັນ ຈະນຳມາສະ
ເໜີທ່ານໃນອັນດັບຕໍ່ໄປ.
ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວຂອງ ວີໂອເອ ມື້ນີ້ ຂ້າພະເຈົ້າຂໍແນະນຳໃຫ້ທ່ານຮູ້ຈັກກັບ ຍານາງດວງແກ້ວ ໄຊຍະສິດເສນາ ນາຍຄູສອນພາສາລາວ ທີ່ສະຖາບັນພາສາຕ່າງປະເທດ ກະຊວງຕ່າງປະເທດ ສະຫະລັດ ຫລື Foreign Service Institute (FSI) ທີ່ເມືອງ Arlington ເຂດນະຄອນຫລວງ ວໍຊິງຕັນ. ຍານາງດວງແກ້ວ ແມ່ນພັນລະຍາ ທ່ານສຸກສົມບູນ ໄຊຍະສິດເສນາ ອະດີດຄູສອນພາສາລາວ ຢູ່ສະຖາບັນແຫ່ງດຽວກັນ. ຄວາມເປັນມາທີ່ໄດ້ນຳພາຄອບຄົວຍານາງດວງແກ້ວ ມາເປັນຄູສອນ ພາສາລາວ ຢູ່ສະຖານບັນແຫ່ງນີ້ເປັນເວລາກວ່າຫ້າສິບປີນັ້ນ ເປັນທີ່ໜ້າສັນລະເສີນ ແລະຄຽງຄູ່ກັບການກໍ່ຕັ້ງປະຊາຄົມລາວຢູ່ໃນເຂດນະຄອນຫລວງ ວໍຊິງຕັນ ກ່ອນໜ້າການເລີ້ມ
ເຂົ້າ ຕັ້ງຖິ່ນຖານຂອງອົບພະຍົບອິນດູຈີນໃນປີ 1975.
ກ່ອນໜ້ານັ້ນ ປະຊາຄົມລາວ ເປັນປະຊາຄົມນ້ອຍໆ ຢູ່ໃນເຂດນະຄອນຫລວງ ວໍຊິງຕັນ
ອັນປະກອບດ້ວຍສະຖານທູດລາວ ທີ່ຕັ້ງຂຶ້ນມາໃນປີ 1953. ພາຍໃຕ້ບັນຍາກາດສົງຄາມ
ເຢັນໃນປີ 1962 ວິທະຍຸ ວີໂອເອ ພະແນກພາສາລາວ ໄດ້ເລີ້ມອອກອາກາດ ກັບບັນດາ
ພາສາຕ່າງໆຂອງໂລກ ຊຶ່ງໃນເວລານັ້ນໄດ້ມີຄອບຄົວຂອງບັນດາພະນັກງານພາສາລາວ
ໄດ້ເລີ້ມເຂົ້າມາຕັ້ງຖິ່ນຖານຢູ່ທີີ່ນີ້. ຕົກມາເຖິງປີ 1964 ສະຖາບັນພາສາຕ່າງປະເທດ
ກະຊວງຕ່າງປະເທດ ສະຫະລັດ ໄດ້ເພີ້ມການສອນພາສາລາວ ໃຫ້ແກ່ບັນດານັກການ
ທູດ ແລະທະຫານ ທີ່ໄປປະຕິບັດໜ້າທີ່ຢູ່ໃນປະເທດລາວ. ເວລານີ້ ທ່ານສຸກສົມບູນ
ໄຊຍະສິດເສນາ ໄດ້ຖືກສະຖານທູດສະຫະລັດຢູ່ໃນລາວ ສົ່ງມາສອນພາສາລາວ ຢູ່ສະ
ຖາບັນແຫ່ງນີ້ ແລະຕໍ່ມາໃນປີ 1966 ຍານາງດວງແກ້ວ ພັນລະຍາທ່ານສຸກສົມບູນ ພ້ອມ
ດ້ວຍລູກນ້ອຍສອງຄົນ ໄດ້ເດີນທາງມາສົມທົບ ແລະໄດ້ເລີ້ມຊ່ວຍສິດສອນພາສາລາວ ຢູ່
ສະຖາບັນແຫ່ງນີ້ເຊັ່ນກັນຈົນເຖິງວັນທີ 31 ເດືອນມີນາ ປີ 2016 ມື້ນີ້ເປັນມື້ສຸດທ້າຍຂອງ
ການຮັບໃຊ້ເປັນນາຍຄູສອນພາສາລາວມາເປັນເວລາທັງໝົດ 50 ປີ.
ສະຖາບັນພາສາຕ່າງປະເທດ ກະຊວງຕ່າງປະເທດສະຫະລັດ ມີໜ້າທີ່ສິດສອນພາສາ
ຕ່າງໆຂອງໂລກໃຫ້ແກ່ບັນດານັກການທູດ ແລະທະຫານ ສະຫະລັດ ເພື່ອຮຽນປາກເວົ້າ
ຮູ້ຈັກວັດທະນາທຳ ການເມືອງ ເສດຖະກິດ ແລະສິ່ງແວດລ້ອມຕ່າງໆຂອງປະເທດທີ່ເຂົາ
ເຈົ້າຈະໄປປະຈຳການ. ຍານາງດວງແກ້ວ ໄດ້ເລົ່າປະສົບການຕໍ່ ວີໂອເອ ດັ່ງນີ້ :
ໃນລະຫວ່າງຄວາມເຄັ່ງຕຶງຂອງສົງຄາມເຢັນ ແລະເກີດສົງຄາມລັບຢູ່ໃນລາວນັ້ນ ບັນດາເຈົ້າໜ້າທີ່ຈາກກະຊວງການຕ່າງປະເທດ ພ້ອມດ້ວຍທະຫານສະຫະລັດ ໄດ້ເດີນທາງໄປປະຕິບັດງານຢູ່ໃນລາວຢ່າງຫລວງຫລາຍ ຊຶ່ງຍານາງດວງແກ້ວ ໄດ້ເລົ່າປະສົບການໃນບັ້ນນີ້ວ່າ :
ບັນດານັການທູດສະຫະລັດ ລ້ວນແລ້ວແຕ່ເປັນຜູ້ມີລະດັບການສຶກສາສູງ ແລະສະຫລຽວ
ສະຫລາດ. ນັກການທູດແຕ່ລະຄົນມີກຳນົດໄປປະຈຳການຢູ່ຕ່າງປະເທດ ສອງຫາສາມປີ.
ແຕ່ກ່ອນເຂົາເຈົ້າຖືກແຕ່ງຕັ້ງໃຫ້ໄປປະຈຳຢູ່ປະເທດໃດປະເທດໜຶ່ງນັ້ນ ເຂົາເຈົ້າຕ້ອງໄດ້
ຮຽນພາສາ ຂະນົບທຳນຽມ ການເມືອງ ເສດຖະກິດ ແລະສິ່ງແວດລ້ອມຂອງປະເທດນັ້ນ.
ເພາະສະນັ້ນ ໃນລະຍະ 30 ຫາ 44 ອາທິດ ບັນດານັກການທູດເຫລົ່ານີ້ຕ້ອງຮຽນພາສາ
ຫ້າຊົ່ວໂມງຕໍ່ມື້ ຫ້າມື້ຕໍ່ອາທິດ ແລະຕ້ອງສອບເສັງໃຫ້ຜ່ານ ຊຶ່ງຍານາງດວງແກ້ວ ໄດ້ອະ ທິບາຍສູ່ຟັງດັ່ງນີ້ :
ບັນດານັກການທູດສະຫະລັດ ຜູ້ມີໜ້າທີ່ການຕ່າງໆເຊັ່ນວ່າ ເອກອັກຄະລັດຖະທູດ
ຮອງເອກອັກຄະລັດຖະທູດ ເຈົ້າໜ້າທີ່ການເມືອງ ເສດຖະກິດ ກົງສຸນ ປະຊາສຳພັນ ສື່ສານ ຮັກສາຄວາມປອດໄພ ແລະອື່ນໆ. ທັງໝົດນີ້ ຕ້ອງໄດ້ຮຽນພາສາໃຫ້ໄດ້ຕາມກຳ
ນົດເວລາ ແລະຕາມລະດັບໜ້າທີ່ຮັບຜິດຊອບ ຊຶ່ງຍານາງດວງແກ້ວ ໄດ້ເລົ່າສູ່ຟັງດັ່ງນີ້ :
ມື້ນີ້ ວັນພະຫັດ ທີ 31 ເດືອນມີນາ ປີ 2016 ເປັນມື້ສຸດທ້າຍຂອງການສອນພາສາລາວ
ທີ່ສະຖາບັນພາສາຕ່າງປະເທດ ກະຊວງຕ່າງປະເທດສະຫະລັດ ຂອງຍານາງດວງແກ້ວ
ໄຊຍະສິດເສນາ ຮວມເປັນເວລາທັງໝົດ 50 ປີເຕັມ. ບັນດານັກຮຽນ ຄູອາຈານ ແລະ
ເພື່ອນມິດທີ່ໃກ້ຊິດ ໄດ້ພາກັນເຕົ້າໂຮມຢູ່ທີ່ສວນສາທາລະນະ ຕິດກັບສະຖາບັນ ໂດຍ
ຫ້າງຫາຂອງກິນມາຊຸມແຊວປິກນິກ ແລະ ກ່າວສັນລະເສີນ. ບັດນີ້ເຮົາມາລອງຟັງການ
ສົນທະນາຂອງນັກຮຽນໜ້ອຍໜຶ່ງ ຫລັງຈາກທີ່ເຂົາເຈົ້າໄດ້ຮຽນພາສາລາວມາໄດ້ພຽງ
ແປດອາທິດ :
ຫລັງຈາກນັ້ນ ຍານາງດວງແກ້ວ ໄດ້ກ່າວສະລຸບຖິງແຜນການທີ່ຈະເລີ້ມໃຊ້ຊີວິດກິນເບ້ຍ
ບຳນານດັ່ງນີ້ :
ຂອບໃຈທີ່ຍານາງດວງແກ້ວ ໄຊຍະສິດເສນາ ໄດ້ຊ່ວຍສິດສອນພາສາ ແລະ ຮັກສາພາ
ສາລາວ ວັດທະນາທຳລາວຢູ່ໃນຕ່າງແດນ ແລະຂໍໃຫ້ຍາງນາງໂຊກດີ ແລະມ່ວນຊື່ນກັບ
ຊີວິດການອອກກິນເບ້ຍບຳນານຂອງຍານາງ.
