ລິ້ງ ສຳຫລັບເຂົ້າຫາ

ວັນເສົາ, ໑໘ ພຶດສະພາ ໒໐໒໔

ສຳພາດທ່ານ ສີລາວົງ ແກ້ວ ນັກປະພັນເພງ ລາວສະໄໝ ແລະປະທານຈັດງານ ເຕົ້າໂຮມ ເຄືອຍາດຄຳມ່ວນ


ທ່ານສີລາວົງ ແກ້ວ ນັກປະພັນເພງ ຍອດນິຍົມ ໃນຊຸມປີ 1960. ຫ່ານຈະເປັນເຈົ້າພາບຈັດງານຕ້ອນຮັບເຄືອຍາດຄໍາມ່ວນ ໃນທ້າຍເດືອນສິງຫາ 2017 ຈະມາເຖິງນີ້.
ທ່ານສີລາວົງ ແກ້ວ ນັກປະພັນເພງ ຍອດນິຍົມ ໃນຊຸມປີ 1960. ຫ່ານຈະເປັນເຈົ້າພາບຈັດງານຕ້ອນຮັບເຄືອຍາດຄໍາມ່ວນ ໃນທ້າຍເດືອນສິງຫາ 2017 ຈະມາເຖິງນີ້.

ທ່ານ​ຜູ້​ຟັງ​ທີ່​ເຄົາລົບ ໃນ​ລາຍການ​ຊີວິດ​ຊາວ​ລາວ​ໃນຕ່າງ​ແດນ ຂອງ ວີ​ໂອເອ ປະ​ຈຳ​
ແລງວັນ​ພະຫັດມື້​ນີ້ ເຮົາຈະໃຫ້​ທ່ານ​ໄດ້​ຟັງ​ການ​ສຳພາດກັບ ທ່ານ​ສີລາ​ວົງ ​ແກ້ວ ນັກ
ປະພັນ​ ​ແລະ​ນັກ​ຮ້ອງ ທີ່​ມີ​ຊື່​ສຽງ​ໃນ​ຊຸມ​ປີ 1960 ແລະ​ຍັງ​ເປັນ​ເພງລາວ​ອຳ​ມະຕະ ທີ່​
ໄດ້​ນຳ​ເອົາຄວາມ​ຊົງ​ຈຳ ມາກ່ອມ​ອາລົມ ​ບັນດາ​ຊາວ​ລາວ​ຢູ່​ທຸກ​ຫົນ​ແຫ່ງ​. ທ່ານສີ​ລາ​
ວົງ ໄດ້​ເຂົ້າ​ມາ​ຕັ້ງ​ຖິ່ນ​ຖານ​ຢູ່​ໃນ​ສະຫະລັດ ​ໃນ​ປີ 1978 ​ແລະ​ບັດ​ນີ້​ໄດ້​ອອກ​ກິນ​ເບ້ຍ​
ບຳນານ​ມາສາມ​ປີ​ແລ້ວ. ຊີວິດ​ຄວາມເປັນ​ຢູ່​ຂອງ​ທ່ານ​ສີ​ລາ​ວົງ ​ເປັນ​ມາ​ຢ່າງ​ໃດ​ນັ້ນ
ກິ່ງ​ສະຫວັນ ຈະ​ນຳ​ມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ສະບາຍດີ​ທ່ານ​ຜູ້ຟັງ​ທີ່​ເຄົາ​ລົບ ​ໃນ​ລາຍການ​ຊີວິດ​ຊາວ​ລາວ​ໃນ​ຕ່າງ​ແດນຂອງວີ​ໂອ​
ເອ ມື້​ນີ້ ​ຂ້າພະ​ເຈົ້າຈະພາ​ທ່ານ​ໄປຟັງການສຳພາດ​ກັບທ່ານ​ສີ​ລາ​ວົງ ​ແກ້ວ ອະ​ດີ​ດ
ນັກ​ສຶກ​ສາໂຮງຮຽນ​ກົດໝາຍແຫ່ງພະ​ລາຊະອານາຈັກ​ລາວ. ທ່ານ​ສີ​ລາ​ວົງແມ່ນ​ນັກ
ຮ້ອງ​ແລະນັກປະພັນ​ເພງລາວ​ສະ​ໄໝ ທີ່​ມີ​ຊື່​ສຽງ​ໃນ​ຊຸມ​ປີ 1960. ​ເພງ​ຂອງ​ທ່ານໄດ້
​ເປັນ​ທີ່​ຈັບ​ໃຈສຳລັບ​ບັນດາ​ຊາວ​ໜຸ່ມ​ລາວຢູ່​ໃນ​ສະ​ໄໝ​ນັ້ນ ດັ່ງ​ໂຕ​ຢ່າງຈະ​ຮັກໃຜ​ດີ
ເອື້ອມ​ບໍ່​ເຖິງ ອ້າຍ​ຂໍ​ເວລາ​ສອງ​ປີ ​ແລະ​ເຫັນ​ພຽງ​ສາຍ​ຄາ ​ເຫລົ່າ​ນີ້​ເປັນ​ຕົ້ນ.

ທ່ານ​ສີ​ລາ​ວົງ ​ໄດ້​ເຂົ້າ​ມາ​ຕັ້ງ​ຖິ່ນ​ຖານ ​ຢູ່​ໃນ​ສະຫະລັດ ​ໃນ​ປີ 1978 ທີ່​ເມືອງ Elgin
ລັດIllinois ​ໃນ​ພາກ​ກາງ ຂ້ອນ​ມາ​ທາງຕາ​ເວັນ​ອອກຂອງ​ສະຫະລັດ. ທ່ານ​ໄດ້​ປະ
ກອບ ວິຊາອາຊີບ ເປັນ​ຜູ້​ຮັກສາ​ບົວລະບັດ​ໂຮງຮຽນ​ຫຼວງແຫ່ງນຶ່ງມາເປັນ​ເວລາ
29 ປີ ແລ​ະໄດ້​ລາ​ອອກ​ກິນ​ເບ້ຍ​ບໍານານ​ມາ​ໄດ້​ສາມ​ປີ​ແລ້ວ. ທ່ານ​ເປັນ​ທີ່​ຮັກຫອມ​ ​
ນັບຖື​ໃນ​ວົງ​ສັງຄົມ ແລະບັດ​ນີ້ ​ມີ​ເວລາ​ເປັນ​ຂອງ​ຕົນ​ເອງ​. ​ໃນອາທິດ​ທ້າຍ​ສຸດ ຂອງ
ເດືອນສິງຫາ ​ປີ2017 ທີ່​ຈະ​ມາ​ເຖິງ​ນີ້ ທ່ານ​ສີ​ລາ​ວົງຈະ​ເປັນ​ເຈົ້າພາບ​ນຳ​ພານ້ອງນຸ່ງ
ແລະ​ຍາດ​ມິດ​ເຕົ້າໂຮມ​ເຄືອຍາດ​ຄຳ​ມ່ວນ ຄັ້ງ​ທີ​ສາມ ຊຶ່ງຈະ​ຈັດ​ຂຶ້ນ​ ທີ່​ນະຄອນ
Chicago ລັດ Illinoisແລະຄາດ​ວ່າ​ຈະມີ​ພີ່ນ້ອງ​ແຂວງ​ຄຳ​ມ່ວນ ທີ່​ເປັນເຊື້ອສາຍ
ລາວ​-ອາ​ເມຣິກັນ ​ຢູ່​ໃນ​ທົ່ວສະຫະລັດ ແລະ​ຈາກ​ຕ່າງປະ​ເທດ ຈະ​ເດີນທາງ​ມາ​ຮ່ວມ
​ຫລາຍ​ຮ້ອຍຄົນ ຊຶ່ງ​ທ່ານ​ສີ​ລາ​ວົງ ​ໄດ້​ກ່າວ​ຕໍ່ ວີ​ໂອ​ເອ ວ່າ:

ເດືອນສິງຫາຕົກຢູ່ກາງລະດູຮ້ອນ ຊຶ່ງເປັນລະດູການເດີນທາງໄປພັກຜ່ອນປະຈຳປີ. ເພາະສະນັ້ນ ເປັນທີ່ເໝາະສົມ ສຳລັບການຊຸມນຸມສັງສັນ ຮັບຕ້ອນບັນດາຍາດມິດ
ເພື່ອໃຫ້​ເຂົາ​ເຈົ້າ​ໄດ້ມີໂອກາດມາພົບໜ້າພໍ້ຕາກັນ. ການ​ເຕົ້າ​ໂຮມ​ອັນ​ຍິ່ງ​ໃຫຍ່ຄັ້ງ​ນີ້ ໄດ້ວາງແຜນປະສານງານມາ​ເປັນ​ເວລາ​ກວ່ານຶ່ງປີ​ແລ້ວ ໂດຍສະເພາະການຊອກຫາ
ສະຖານທີ່ອັນກວ້າງຂວາງໃຫ້​ເປັນ​ທີ່ພຽງພໍ​ເພື່ອຕ້ອນຮັບ​ແຂກທີ່​ມາ​ຮ່ວມ​ໃນ​ງານ ຊຶ່ງ ທ່ານສີລາວົງ ໄດ້ກ່າວເຖິງການກະກຽມຕໍ່ ວີໂອເອ ດັ່ງນີ້:

ທ່ານສີລາວົງ ແກ້ວ ເກີດທີ່ແຂວງຊຽງຂວາງ ​ແຕ່​ມີ​ເຄືອ​ຍາດ​ທີ່​ຕໍ່​ເນື່ອງ​ກັບ​ແຂວງ​ຄຳ​
ມ່ວນ. ທ່ານສີ​ລາ​ວົງ ​ແລະ​ຄອບຄົວໄດ້ອົບພະຍົບຫລົບໄພໜີອອກຈາກ​ບ້ານ​ເກີດ
​ເມືອງນອນ ແຂວງ​ຊຽງ​ຂວາງ​ໃນປີ 1960 ​ແລະ​ໄດ້​ຍ້າຍ​ໄປ​ຢູ່​ຫລາຍ​ແຂວງ​ໃນ​ປະ​ເທດ​
ລາວຮວມທັງ​ນະຄອນຫລວງ​ວຽງ​ຈັນ ບ່ອນ​ທີ່​ທ່ານ​ໄດ້​ຮັບ​ການ​ສຶກສາ. ​ໃນ​ກາງ​ຊຸມປີ
1960 ທ່ານສີລາວົງ ແມ່ນນັກສິນລະປີນໜຸ່ມຄົນນຶ່ງ ທີ່ໄດ້ວາງບົດບາດໄວ້ກັບວົງ​ການ​
ເພງ​ລາວ​ສະ​ໄໝ ຊຶ່ງທ່ານກ່າວຕໍ່ ວີ​ໂອເອ ​ໃນຕອນນີ້ວ່າ:

ວີໂອເອ ໄດ້ຮັບກຽດອັນສູງຈາກທ່ານສີລາວົງ ທີ່​ໄດ້​ມອບ​ເພງ​ຊື່ວ່າ “ທ່າແຂກນຶ່ງໃນ
ອານາ” ທີ່​ເປັ​ນ​ເພງ​ເກົ່າ ​ແຕ່​ໄດ້​ນຳ​ມາ​ດັດແປງເນື້ອ​ຮ້ອງໃໝ່​ ເພື່ອຕຽມຕ້ອນຮັບ​ບັນດາ
​ພີ່ນ້ອງ​ຊາວ​ຄຳ​ມ່ວນ ທີ່​ຈະໄປເຕົ້າ​ໂຮ​ມກັນ ​ໃນ​ເດືອນ​ສິງຫາ​ຈະ​ມາ​ເຖິ​ງ ນີ້ຂໍເຊີນຟັງ.

ທ່ານສີລາວົງ ແກ້ວ
ທ່ານສີລາວົງ ແກ້ວ

please wait

No media source currently available

0:00 0:04:46 0:00

ທີ່​ທ່ານ​ໄດ້​ຟັງຜ່ານໄປນັ້ນ​ແມ່ນ​ເພງທີ່​ມີ​ຊື່ວ່າ “ທ່າ​ແຂກນຶ່ງໃນ​ອານາ” ​ເນື້ອ​ຮ້ອງ​ທຳນອງ
ແລະ​ຮ້ອງ​ໂດຍ ທ່ານ​ສີ​ລາ​ວົງ ​ແກ້ວ ນັກ​ປະພັນ​ເພງ​ລາວ​ທີ່​ມີ​ຊື່​ງສຽງ​ຄົນ​ນຶ່ງ. ກະລຸນາ
​ຢ້ຽມຢາມ​ໜ້າ​ເວັບ​ໄຊ ວີ​ໂອ​ເອ ​ເພື່ອອ່ານ ​ເບິ່ງຮູບ​ພາບ ​ແລະຟັງ​ເພງ​ທັງ​ໝົດ.

XS
SM
MD
LG