ລິ້ງ ສຳຫລັບເຂົ້າຫາ

logo-print

ໂມນິກາ ພຣົມສະຫວັນ ນັກທຸລະກິດ ແຟຊັນຊັ້ນສູງ ຂອງສະຫະລັດ


ນາງສາວ ໂມນິກາ ພຣົມສະຫວັນ ນັກທຸລະກິດ ແຟຊັນຊັ້ນສູງ ຢູ່ນະຄອນນິວຢອກ ສະຫະລັດອາເມຣິກາ.

ໃນ​ລາຍການ​ຊີວິດ​ຊາວ​ລາວ​ຂອງ ວີ​ໂອ​ເອ ມື​ນີ້ ​ເຮົາຈະ​ພາ​ທ່ານໄປ​ພົບ​ກັບ ນາງສາວ​ໂມ​ນິ ກາ ພຣົມສະຫວັນ ​ອາ​ເມຣິກັນ​ເຊື້ອສາຍ​ລາວ ​ເກີດ​ຢູ່​ປະ​ເທດ​ອາ​ເຈັນ​ຕີ​ນາ. ​ເວລາ​ອາຍຸ​ໄດ້ 17 ປີ ໂມ​ນິກາ ໄດ້​ເດີນທາງ​ເຂົ້າ​ມາ​ຕັ້ງ​ຖິ່ນ​ຖານ​ໃໝ່​ຢູ່​ໃນສະຫະລັດ. ຊີ​ວິດ​ຂອງ​ໂມ​ນິກາ​ເຕັມ​ໄປ​ດ້ວຍການ​ຜະຈົນ​ໄພ ທຸ​ກຍາກ​ລຳບາກ ບຶກ​ບືນ ​ແລະປະ​ສົບ​ກັບ​ຄວາມ​ຜິດ​ຫວັງ​ຕ່າງໆ​ນາໆ ກ່ອນ​ທີ່​ນາງ​ຈະໄດ້​ກາຍ​ມາ​ເປັນ​ນັກທຸລະກິດ​ການ​ຄ້າ ​ແຟຊັນ​ຢູ່​ໃນລະດັບ​ສາກົນ. ​ໃນ​ວັນ​ທີ 13 ຫາ 14 ​ເດືອນ​ມິຖຸນາ ອາ​ທິດ​ແລ້ວ​ນີ້ ​ໂມ​ນິກາ ​ແລະບັນດາ​ສະ​ຕີ 5,000 ຄົນ ​ໄດ້​ເຂົ້າ​ຮ່ວມ​ກອງປະຊຸມສຸດ​ຍອດ The United State of Women Summit ທີ່​ນະຄອນ ຫລວງວໍ​ຊິງ​ຕັນ. ເພື່ອຢາກຮູ້ວ່າ​ໂມ​ນິກາ ມີຄວາມ​ເປັນ​ມາຢ່າງ​ໃດ ກິ່ງສະຫວັນ ຈະພາ​ທ່ານ​ໄປພົບກັບຜູ້ກ່ຽວ.

ສະບາຍດີ ທ່ານຜູ້ຟັງທີ່ເຄົາລົບ ມື້ນີ້ເຮົາຈະພາທ່ານໄປພົບກັບສະຕີອາເມຣິກັນ ເຊື້ອສາຍ ລາວ ນາງສາວ Monica ພຣົມສະຫວັນ ຫົວໜ້າບໍລິຫານທຸລະກິດ ແລະເຈົ້າຂອງຮ້ານຂາຍ ເຄຶ່ອງນຸ່ງ Modabox ເປັນຮ້ານເຄຶ່ອງນຸ່ງແຟຊັນແມ່ ຍິງລະດັບສາກົນລາຄາແພງ ແລະມີຊື່ ສຽງຢູ່ໃນນະຄອນນິວຢອກ. Monica ແມ່ນຜູ້ນຶ່ງທີ່ຜົນງານຖືກຮັບຮູ້ຖືກເຊີນເຂົ້າຮ່ວມຢູ່ໃນ ກອງປະຊຸມສຸດຍອດ ເຕົ້າໂຮມແມ່ຍິງສະຫະລັດ ຫລື The United Women Summitທີ່ທຳນຽບຂາວ ເປັນເຈົ້າພາບຈັດຂຶ້ນເປັນເທຶ່ອທຳອິດ ທີ່ນະຄອນຫລວງວໍຊິງຕັນ ເມື່ອວັນທີ 13 ຫາ 14 ມິຖຸນາ ທີ່ຜ່ານມາ. ຫົວຂໍ້ສຳຄັນຂອງກອງປະຊຸມນີ້ກໍຄື ເພື່ອແກ້ໄຂບັນ ຫາດ້ານ ການສຶກສາ ບັນຫາເສດຖະກິດ ບັນຫາການພົວພັນປະຊາຄົມ ການ ເປັນຜູ້ກໍ່ຕັ້ງທຸລະກິດ ດ້ານສາທາລະນະສຸກ ແລະສຳມະນາແກ້ໄຂບັນຫາຄວາມ ຮຸນແຮງຕ້ານແມ່ຍິງ ຊຶ່ງມີ​ຜູ້​ເຂົ້າ​ຮ່ວມສ່ວນ​ໃຫຍ່ແມ່ນ​ແມ່ຍິງ ລວມທັງ​ໝົດມີ 5,000 ຄົນ.​

ປະທານາທິບໍດີ ສະຫະລັດ ທ່ານ Barack Obama.
ປະທານາທິບໍດີ ສະຫະລັດ ທ່ານ Barack Obama.

ກອງປະຊຸມດັ່ງກ່າວ ໄດ້ໄຂຂຶ້ນໂດຍການກ່າວຄໍາປາໄສຂອງ ປະທານາມິບໍດີ ສະຫະລັດ ທ່ານ Barack Obama ຮອງປະທານາທິບໍດີ ທ່ານ Joe Biden ແລະ ສະຕີໝາຍເລກນຶ່ງ ທ່ານນາງ Michelle Obama.

ສະຕີໝາຍເລກນຶ່ງ ທ່ານນາງ Michelle Obama.
ສະຕີໝາຍເລກນຶ່ງ ທ່ານນາງ Michelle Obama.

ຕິດຕາມມາດ້ວຍບັນດາສະຕິອາເມຣິກັນ ໃນວົງລັດຖະການເຊັ່ນ ທ່ານນາງ Loretta Lynch ລັດຖະມົນຕີຍຸຕິທຳ

ທ່ານນາງ Loretta lynch ລັດຖະມົນຕີຍຸຕິທຳ ສະຫະລັດ.
ທ່ານນາງ Loretta lynch ລັດຖະມົນຕີຍຸຕິທຳ ສະຫະລັດ.

ພ້ອມ​ດ້ວຍບັນດານັກທຸລະກິດ ດາລາຮູບເງົາທີ່ມີຊື່ສຽງ ​ແລະ​ສະ​ຕີ​ທີ່​ປະກອບ​ວິຊາ​ອາຊີບ ເດັ່ນໆ ຢູ່​ໃນ​ຂະ​ແໜງ​ການອັນ​ສຳຄັນ​ສຳຄັນຕ່າງໆ ທີ່ໄດ້ມາ ແບ່ງປັນ ປະສົບການໃຫ້ກັນ ແລະກັນອັນມີ ນາງສາວ Monica ພຣົມສະຫວັນ ນັກທຸລະ ກິດ​ແຟຊັນ​ເຄຶ່ອງນຸ່ງ​ຂອງສັງຄົມ​ຊັ້ນສູງ ລາວ-ອາເມຣິກັນນຳຜູ້ນຶ່ງ.

Monica ອາຍຸ 32 ປີ ເກີດຢູ່ປະເທດ Agentina ອາເມຣິກາໃຕ້ ເປັນສະຕີ ສະຫລຽວ ສະຫລາດ ມີພອນສະຫວັນດ້ານກການຄ້າ ສູ້ທົນ ແລະມີພິກໄຫວ ອັນນຳມາສູ່ຜົນສຳເລັດ. ບັດນີ້ ລອງມາຟັງກ່ຽວກັບຄວາມເປັນມາຂອງ Monica ເບິ່ງຈັກບາດເໜາະທ່ານ:

Monica ສຳພາດໂດຍ ກິ່ງສະຫວັນ, ວີໂອເອ.
Monica ສຳພາດໂດຍ ກິ່ງສະຫວັນ, ວີໂອເອ.

ລິງໂດຍກົງ

ພໍ່ແມ່ຂອງ Monica ແມ່ນຮວມຢູ່ໃນບັນດາອົບພະຍົບລາວ ປະມານຮ້ອຍກວ່າ ຄອບຄົວ ທີ່ໄດ້ຖືກນຳໄປຕັ້ງຖິ່ນຖານຢູ່ໃນປະເທດ Agentina ລະຫວ່າງການ ປ່ຽນແປງລະບອບ ການປົກຄອງຢູ່ໃນປະເທດລາວເມື່ອ 40 ປີກ່ອນ ແລະໄດ້ ເປັນບ່ອນທີ່ Monica ເກີດ ແລະ ເຕີບໃຫຍ່ຢູ່ໃນສິ່ງແວດລ້ອມທີ່ເຕັມໄປດ້ວຍ ຊີວິດຂອງຄວາມທຸກຍາກລໍາບາກຕ່າງໆນາໆ ຢູ່ໃນດິນແດນແຫ່ງນັ້ນ. ແຕ່ສິ່ງທີ່ ໜ້າພາກພູມໃຈນຳທີ່ສຸດນັ້ນກໍຄືວ່າ Monica ສາມາດ ເວົ້າພາສາລາວ ແລະຮູ້ ຈັກຂະນົບທຳນຽມລາວເປັນຢ່າງດີ.

Monica (ຊ້າຍ ) ແລະບັນດາເພື່ອນນັກທຸລະກິດ.
Monica (ຊ້າຍ ) ແລະບັນດາເພື່ອນນັກທຸລະກິດ.

ໃນ​ປີ 2000 Monica ​ມີ​ອາຍຸ​ໄດ້ 17 ປີ ກຳລັງ​ຈະ​ເປັນ​ຜູ້ໃຫຍ່​ເຖິງ​ກະສຽນ ນາງ​ໄດ້​ມາ​ສົມທົບ​ຢູ່​ກັບ​ແມ່ ຜູ້​ທີ່​ໄດ້​ເດີນທາງມາຢູ່ອາເມຣິກາ​ກ່ອນ​ແລ້ວ. ເວລາ​ນັ້ນ Monica ຍັງບໍ່​ທັນສາມາດ​ປາກ​ເວົ້າ​ເຂົ້າ​ໃຈ​ພາສາ​ອັງກິດເທື່ອ ແລະ​ແນ່ນອນສຳ ລັບພາສາ​ສະ​ເປ​ນນັ້ນ ແມ່ນນາງ​ເວົ້າ​ໄດ້​ຢ່າງ​ຄ່ອງ​ແຄ່ວດີ. Monica ​ເປັນ​ຍິງ ສາວທີ່​ຖະນຸຖະໜອມຕົນ ອ່ອນ​ນ້ອມ ຍອມຮັບຂອບ​ເຂດ​ຈຳກັດ​ຂອງ​ຕົນເອງຢູ່ ​ສະ​ເໝີ​ວ່າ ນາງ​ບໍ່ໄດ້​ມີ​ໂອກາດ​ເຂົ້າ​ໂຮງຮຽນ ​ເໝືອນ​ດັ່ງຍິງ​ສາວ ຊາຍ​ໜຸ່ມຄົນ ອື່ນໆທົ່ວໄປທັງຫລາຍ. ນາງໄດ້​ໃຊ້​ຊີວິດ​ຢູ່​ກັບ​ແມ່ ຮຽນ​ຮູ້​ການ​ຄ້າຂາຍໂ​ດຍ​ໃຊ້​ສະຕິ​ປັນຍາ ພິ​ບໄຫວ ເຮັດ​ວຽກ​ໃຊ້ເຮື່ອ​ແຮງ ​ຄວາມ​ສະຫລຽວສະຫລາດ ​ແລະ​ພອນ​ສະຫວັນ​ດ້ານ​ການ​ຄ້າຂາຍ​ຊຶ່ງ Monica ​ໄດ້​ເຫລົ່າຊີວິດ​ສ່ວນນີ້​ສູ່ຟັງ​ວ່າ:

Monica ແລະເພື່ອນນັກອອກແບບແຟຊັນ.
Monica ແລະເພື່ອນນັກອອກແບບແຟຊັນ.

ລິງໂດຍກົງ

ຍ້ອນ​ຄວາມດຸ​ໝັ່ນ ມີ​ປະສົບ​ການ ​ແລ​ະພິກ​ໄຫວ​ດີ ​ແມ່ນ​ແຕ່​ບັນດາ​ຜູ້​ຮຽນ​ຈົບ​ໄດ້​ປະລິນຍາ ກໍ​ຍັງບໍ່​ສາມາດສຳ​ເລັດ​ໄດ້ ມາບັດ​ນີ້ Monica ຈຶ່ງ​ໄດ້​ເປັນ​ທີ່​ຮູ້ຈັກ ກັນດີ​ຢູ່​ໃນ​ວົງ​ການ​ແຟຊັນ​ລະດັບ​ສູງ​ ຈົນໄດ້​ຖືກ​ສຳພາດ​ໂດຍ ​ໂທລະພາບ CBS ​ແຫ່ງຊາດ​ຂອງ​ສະຫະລັດ ກ່ຽວ​ກັບ​ປະ​ວັດເບື້ອງ​ຫລັງ​ຂອງຄວາມທຸ​ກຍາກ ຈົນ​ໄດ້​ຕົກມາຢູ່​ໃນ​ເວ​ທີ່​ສາ​ກົນ ທີ່​ມີ​ຊື່​ສຽງໃນ​ນະຄອນ New York ຂອງ​ສະຫະລັດ. Monica ​ໄດ້​ກ່າວ​ເຖິງ​ໜ້າ​ທີ່ວຽກ​ງານ ການ​ບໍລິ​ຫານ ​ແລະການປະສານ​ງານ ຕ່າງໆຕໍ່ ວີ​ໂອ​ເອ ດັ່ງ​ນີ້:

ຮ້ານ Modabox ທີ່ນະຄອນນິວຢອກ.
ຮ້ານ Modabox ທີ່ນະຄອນນິວຢອກ.

ລິງໂດຍກົງ

ນອກຈາກ​ການ​ທຳທຸລະ​ກິດການ​ຄ້າ​ເປັນອາຊີບແລ້ວ Monica ຍັງ​ໄດ້​ໃຫ້ການ​ຮ່ວມ​ມື​ໃນການຫາ​ລາຍ​ໄດ້​ແກ່​ຫລາຍໆ​ອົງການ​ໃນ​ວົງ​ການສັງ​ຄົມອາ​ເມຣິກັນລາວນຳອີກ​. ໃນ​ເດືອນກໍ​ລະ​ກົດ​ຈະ​ມາ​ເຖິງ​ນີ້ Monica ​ໄດ້​ຖືກ​ເຊື້ອ​ເຊີນ​ໃຫ້ໄປ​ກ່າວ​ກ່ຽວ​ກັບ​ທຸລະ​ກິດ ຮ່ວມ​ກັບ​ບັນດາ​ນັກທຸລະ​ກິດທີ່​ມີ​ຊື່​ສຽງ​ທີ່ປະ​ເທດ ອອສ​ເຕຣ​ເລຍ.

https://m.youtube.com/watch?feature=youtu.be&v=5EqLd4AJNoU&t=5h52m30s

ເບິ່ງຄວາມເຫັນ (5)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG