ລິ້ງ ສຳຫລັບເຂົ້າຫາ

logo-print

ເຊີນຟັງການສຳພາດ ຊາວລາວ-ອາເມຣິກັນ ທີ່ປະສົບກັບ ພາຍຸຫິມະ ໃນ ສະຫະລັດ


ຄວາມງົດງາມ ຂາວສະອາດ ໜາວເຢັນ ທ້ອງຟ້າສົດໃສ ແລະ ງຽບສະງັດ ທີ່ເດີ່ນ ອະນຸສາວະລີ George Washington.

ທ່ານ​ຜູ້​ຟັງ​ທີ່​ເຄົາລົບ ​ໃນລາຍການ​ຊີວິດ​ຊາວ​ລາວ​ມື້​ນີ້ ​ເຮົາ​ຈະນຳ
​ພາ​ທ່ານ​ໄປ​ຢ້ຽມ​ຢາມຖ​າມ​ຂ່າວບັນ​ດາຊາວ​ລາວ​ອາ​ເມ​ຣິ​ກັນທີ່ປະ
​ສົບກັບພາຍຸຫິ​ມະຮ້າຍ​ແຮງຖະຫລົ່ມໃນອາ​ທິດ​ແລ້ວ​ນີ້ທີ່ນະ​ຄອນ​
ຫລວງວໍ​ຊິ​ງຕັນ ແລະ​ຢູ່ ເລາະ​ລຽບ​ເຂດແຄມ​ຝັ່ງ​ທະ​ເລ​ ກ້ຳ​ຕາ​ເວັນ​
ອອກ​ ຂອງ​ສະຫະລັດ. ສະພາບ​ການ​ດັ່ງກ່າວ​ນີ້​ເຮັດ​ໃຫ້ອອກບ້ານ
​ເຮືອນ​ບໍ່​ໄດ້ ​ເປັນ​ເວລາ​ຫລາຍ​ວັນ. ຊາວ​ອາ​ເມຣິກັນເຊື້ອສາຍ​ລາວ ແລະ​ອື່ນໆພາ​ກັນຫ້າງ​ຫາ​ກະ​ກຽມກ່ອນ​ໜ້າ​ຫິມະ ​ຈະ​ມາເຖິງຢ່າງ​ໃດ​ນັ້ນ ກິ່ງ​ສະຫວັນ ຈະ​ນຳ​ເລື້ອງ​ນີ້ ​ມາສະ​ເໜີ​ທ່ານ​ ໃນ​ອັນ​ດັບ​ຕໍ່​ໄປ.

please wait

No media source currently available

0:00 0:14:13 0:00

ສະບາຍ​ດີ ທ່ານ​ຜູ້​ຟັງ​ທີ່​ເຄົາລົບ ມື້​ນີ້ ຂ້າພະ​ເຈົ້າ ຈະ​ໃຫ້​ທ່ານ​ໄດ້ຟັງການ​ບອກ​ເລົ່າກ່ຽວກັບ
ປະ​ສົບການ ພາ​ຍຸ​ຫິ​ມະ​ຕົກ​ຮ້າຍ​ແຮງ ຢູ່ເຂດນະ​ຄອນ​ຫລວງ ວໍຊິງ​ຕັນ ​ໂດຍ​ສະ​ເພາະຢູ່​ໃນ​
ເຂດ​ແຄມ​ຝັ່ງ​ທະ​ເລ​ກ້ຳ​ຕາ​ເວັນ​ອອກຂອງ ສະຫະລັດ ມາເລົ່າ​ສູ​ທ່ານ​ຟັງ. ຕາມ​ປົກ​ກະຕິ​
ແລ້ວ ລະ​ດູ​ໜາວ​ຈະ​ມີ​ຫິ​ມະຕົກ​ເປັນ​ປະ​ຈຳ ແຕ່​ບໍ່​ຮ້າຍ​ແຮງ​ຈົນ​ເຖິງ​ຂັ້ນຕ້ອງ​ໄດ້ປິດ​ໂຮງ
​ການ​ລັດ​ຖະ​ບານ ໂຮງ​ຮຽນ ຮ້ານ​ຄ້າ ສາຍ​ການບິນ ​ແລະ​ລະ​ບົບການຄົມ​ມະ​ນາ​ຄົມເປັນ
ເວ​ລາ​ຫລາຍໆ​ວັນ.

​ແຕ່​ວ່າ​ ​ໃນອາ​ທິດ​ແລ້ວ​ນີ້ ພວກ​ນັກ​ພາ​ຍາ​ກອນ​ອາ​ກາດ ໄດ້​ເຕືອນ​ເຖິງການ​ເຄື່ອນຍ້າຍ​
ເຂົ້າ​ມາ​ຂອງ ພາ​ຍຸ​ຫິ​ມະທີ່ຮ້າຍ​ແຮງ ຊຶ່ງຈະຖະ​ຫົ່ຼມ​ ນະຄອນຫລວງວໍ​ຊິງ​ຕັນ ທີ່​ເປັນ​ເປົ້າ
ໝາຍ ​ໂດຍການ​ນຳເອົາ​ຫິມະ ທີ່​ຕົກ​ສູງ​ເຖິງ 60 ຊັງ​ຕີ​ແມັດມາ​ພ້ອມ ​ແລະຖະຫຼົ່ມ​ບັນດາ
ລັດ​ຕ່າງໆທາງພາກຕາເວັນອອກຂອງ ສະ​ຫະ​ລັດ ນຳ​ດ້ວຍ. ​

ເວລາ​ນີ້ ​ປະຊາຊົນຢູ່​ໃນ​ເຂດ​ດັ່ງ​ກ່າວ​ ຕ້ອງໄດ້ກະກຽມ​ ພາກັນ​ຊື້ເຂົ້າປາອາ​ຫານ​ ການ​ກິນ
ເຄຶ່ອງ​ບໍ​ລິໂພກຕ່າງໆ ມາສະ​ສົມ​ໄວ້​ ໃຫ້​ກຸ້ມ​ຫລາຍ​ວັນ​ ​ໂດຍ​ສະ​ເພາະ​ທຽນ​ໄຂ ​ແລະໂຄມ
​ໄຟ ​ໃນ​ກໍລະນີ​ທີ່ເກີດບໍ່​ມີ​ໄຟຟ້າ​ໃຊ້.​ ນອກຈາກ​ນັ້ນ​ແລ້ວ ຢູ່​ຕາມ​ປ້ຳນ້ຳ​ມັນ ບັນ​ດາ​ລົດລາ
ພາ​ກັນ​ລຽນ​ແຖວໃສ່​ນ້ຳ​ມັນໄວ້​ໃຫ້​ເຕັມ​ຖັງ ແລະ​ຊື້​ຊ້ວນ​ສຳ​ລັບໄວ້ຊ້ວນ​ຫິ​ມະ.

​ໃນວັນ​ສຸກທີ 22 ເດືອນ​ມັງ​ກອນ ທ້ອງ​ຟ້າ​ມືດ​ມົວ ມີ​ອາ​ກາດ​ໜາວ​ເຢັນ ບັນ​ດາໂຮງ​ຮຽນ
ຕ່າງໆ​ໄດ້​ຖືກ​ສັ່ງໃຫ້​ປິດ​ລ່ວງ​ໜ້າ ​ຫ້ອງ​ການ​ລັດ​ຖະ​ບານ​ກາງ ​ຕ້ອງ​ໄດ້​ເຮັດ​ວຽກ​ຈົນ​ຮອດ​
ທ່ຽງ​ວັນ ແລ້ວປ່ອຍ​ໃຫ້​ຜູ້​ຄົນ​ກັບ​ບ້ານ​ ກ່ອນ​ຫິ​ມະ​ເລີ້ມຕົກລົງມາ. ​ແຕ່​ວ່າ ບັນ​ດາລັດຖະ
ກອນສຸກ​ເສີນ ​ໂດຍ​ສະ​ເພາະ ວິ​ທະ​ຍຸ ວີ​ໂອ​ເອ ​ທັງ​ໝົດ 45 ພາ​ສາ ແລະ​ຫ້ອງ​ການສຸກ
​ເສີນອຶ່ນໆ ພະນັກງານຕ້ອງໄດ້ນອນ​ຢູ່ໃນຫ້ອງ ການ ຫລື​ໂຮງ​ແຮມປະ​ຕິ​ບັດ​ງານເປັນ​
ປົກ​ກະ​ຕິ ເພື່ອ​ນຳ​ເອົາ​ຂ່າວ​ມາສະ​ເໜີ​ທ່ານ​ຜູ້​ຟັງທາງ​ບ້ານ​ໃຫ້​ໄດ້​ຟັງ. ​

​ຫິ​ມະ​ໄດ້​ເລີ້ມ​ຕົກ​ລົງ​ມາ​ຕາມ​ທີ່​ໄດ້​ຄາດ​ໝາຍເອົາ​ໄວ້ ​ໃນ​ຕອນ​ແລງວັນ​ສຸກ ​ເຮັດ​ໃຫ້​ການ​
ສັນ​ຈອນ​ໄປມາເປັນອັນ​ຕະ​ລາຍ ໝື່ນ​ແລະ​ຫລຽວບໍ່​ເຫັນຖະໜົນ​ຫົນທາງ ບັນ​ດາ​ເຈົ້າ​ໜ້າ
​ທີ່​ໄດ້​ເຕືອນ​ຫ້າມ​ບໍ່​ໃຫ້​ອອກນອກ​ບ້ານ ເພື່ອ​ໃຫ້​ບັນ​ດາ​ລົດ​ດຸດ​ຫິ​ມະ ​ເຮັດ​ວຽກ​ກວດ​ຖະ​ໜົນ
​ຫົນ​ທາງ ​ໂຮຍ​ເກືອ​ເພື່ອ​ຊ່ວຍ​ລະ​ລາຍ​ຫິ​ມະ. ​ແຕ່ເຖິງຢ່າ​ງ​ໃດ​ກໍ​ດີ ຫິ​ມະບໍ່ໄດ້ລົດ​ລະ ຕົກ​ລົງ
ມາຢ່າງບໍ່​ຂາດ​ສາຍ ແລະ​ກອງ​ຂື້ນສູງ​ເຖິງ​ພຽງ​ແອວ ​ຢູ່​ຕາມບ່ອນ​ທີ່​ບໍ່​ໄດ້​ຖືກ​ກວດ​.

​ຫິ​ມະ ​ແມ່ນອາຍ​ນ້ຳ​ທີ່​ກາຍມາ​ເປັນ​ຝຸ່ນ​ນ້ຳ​ກ້ອນ ຄື​ກັບ​ຍອງ​ຝ້າຍ ຂາວ​ງາມ ຕົກລົງ​ມາ​ຈາກ​
ອາ​ກາດ ທີ່​ມີ​ຄວາມໜາວ​ເຢັນ​ປົກ​ຄຸ​ມ​ຢູ່ພື້ນ​ດິນ. ​ເວລາ​ນີ້ຜູ້​ຄົນຕ້ອງ​ພາ​ກັນ​ຢູ່​ໃນ​ບ້ານ​ເຮືອນ
ເປັນ​ເວ​ລາ​ຫລາຍ​ວັນ ເພາະ​ສະ​ນັ້ນ ບັນ​ຍາ​ກາດ​ດັ່ງ​ກ່າວ​ໄດ້​ສ້າງຄວາມ​ຫງຸດ​ຫງິດ ມີ​ແຕ່​
ກິນກັບ​ນອນ ຢ່າງ​ໄປ​ມາ ​ແລະເມື່ອຍ​ນັ່ງ​ເບິ່ງໂທ​ລະ​ພາບ.

ບັດ​ນີ້​ ເຮົາ​ມາ​ຟັງການ​ໂອ້​ລົມ ​ກັບຍາ​ນາງ​ເພັນ ຫົງ​ທອງ ຢູ່​ລັດ New York ບ່ອນ​ທີ່​ມີ​ຫິ​ມະ
​ຕົກ​ໜັກ ​ແລະ​ຖືກ​ກັກໄວ້​ໃນ​ເຮືອນ​ຫລາຍ​ວັນ ຊື່ງ​ຍາ​ນາງ​ໄດ້​ກ່າວ​ຕໍ່ ວີ​ໂອ​ເອ ດັ່ງ​ນີ້ :

ຍານາງ ເພັນ ຫົງທອງ ທີ່ລັດ New York.
ຍານາງ ເພັນ ຫົງທອງ ທີ່ລັດ New York.

please wait

No media source currently available

0:00 0:04:32 0:00
ລິງໂດຍກົງ

ທ່ານສຸວັນ ທຳ​ມະ​ລັງ​ສີ ຢູ່​ທີ່​ນະຄອນ Philadelphia ລັດ Pennsylvania ກໍ​ແມ່ນຜູ້​ໜຶ່ງ ທີ່​ປ​ະສົບກັບຫິ​ມະ​ຕົກ​ໜັກ ອອ​ກ​ໄປ​ໃສມາໃສ​ບໍ່​ໄດ້ ແລະໄດ້​ຖືກ​ກັກ​ ໃຫ້ຢູ່​ໃນ​ບ້ານ​ເຮືອນ​ເປັນ​ເວ​ລາ​ຫລາຍ​ວັນ ທ່ານໄດ້​ກ່າວ​ຕໍ່ ວີ​ໂອ​ເອ ວ່າ :

ທ່ານສຸວັນ ທຳ​ມະ​ລັງ​ສີ ແລະພັນລະຍາ
ທ່ານສຸວັນ ທຳ​ມະ​ລັງ​ສີ ແລະພັນລະຍາ

please wait

No media source currently available

0:00 0:03:02 0:00

ທ່ານ Peter ​ໂຄດ​ສົມບັດ ນັກທຸລະ​ກິດ ໄດ້​ເດີນທາ​ງມາປະຊຸມ​ທີ່ ນະຄອນຫລວງ ວໍ​ຊິງຕັນ​ ແລະ​ຕິດ​ຄ້າງ​ຢູ່​ໃນ​ໂຮງ​ແຮມ ​ເປັນ​ເວລາຫລາຍ​ວັນ ທ່ານ​ໄດ້​ເລົ່າເຖິງປະສົບ​ການ​ສູ່​ຟັງ​ດັ່ງນີ້ :

ທ່ານ Peter ໂຄດສົມບັດ ແລະ ດຣ. ບຸນທອນ ວີເຊີ ພ້ອມດ້ວຍຄະນະ ຕິດຄ້າງຢູ່ໂຮງແຮມໃນ ນະຄອນຫລວງ ວໍຊິງຕັນ ລະຫວ່າງເກີດພາຍຸຫິມະ
ທ່ານ Peter ໂຄດສົມບັດ ແລະ ດຣ. ບຸນທອນ ວີເຊີ ພ້ອມດ້ວຍຄະນະ ຕິດຄ້າງຢູ່ໂຮງແຮມໃນ ນະຄອນຫລວງ ວໍຊິງຕັນ ລະຫວ່າງເກີດພາຍຸຫິມະ

please wait

No media source currently available

0:00 0:03:09 0:00
ລິງໂດຍກົງ

ຫລາຍໆ​ຄົນ​ໄດ້​ຜະ​ຈົນ​ໄພ​ອອ​ກໄປຊ້ວນ​ຫິ​ມະ ທຳ​ຄວາມ​ສະ​ອາດ ແລະ​ເກີດ​ເປັນ​ໂຣກ​ຫົວ​ໃຈ​ວາຍ​ເສຍ​ຊີວິດ​ໄປ​ກໍ​ມີ ຈາກ​ຄວາມ​ໜາວ​ເຢັນຂອງ​ອາກາດ. ​ອີງ​ຕາມ​ລາຍ​ງານຜົນ​ກະທົບ ​ທີ່​ເກີດ​ຈາກຫິມະ​ຕົກ​ຄັ້ງ​ນີ້ ມີ​ 14,000 ​ກວ່າຖ້ຽວ​ບິນ​ໄດ້ຖືກ​ຍົກ​ເລີກ 30 ກວ່າ​ຄົນ​ໄດ້​ເສຍ​ຊີວິດ ພ້ອມ​ທັງ​ເກີດນໍ້າ​ຖ້ວມ ​ໄຟ​ໄໝ້ ​ແລະຫຼັງ​ຄາ​ເຮືອນ​ພັງລົງມາທັບ ຄວາມ​ເສຍ​ຫາຍ​ທັງ​ໝົດ ​ມີ​ຢູ່​ຫລາ​ຍຮ້ອຍ​ລ້ານ​ໂດ​ລາ. ພວກ​ເດັກນ້ອຍ​ນັກຮຽນ​ພາກັນ​ຢູ່​ບ້ານ ​ໃນ​ເຮືອນ​ເກືອບ​ໜຶ່ງ​ອາທິດ​ແລ້ວ ​ແລະ​ຈະ​ກັບ​ຄືນ​ໄປ​ໂຮງຮຽນ​ໃ​ນບໍ່​ຊ້າ​ນີ້.

ວັນ​ພະຫັດ​ມື້​ນີ້ ອຸນຫະພູມ​ໄດ້​ເລີ້ມ​ອົບ​ອຸ່ນ​ຂື້ນ​ມາ ​ຊ່ວຍເຮັດ​ໃຫ້ຫິມະ​ທີ່​ກອງ​ສູງ ​ຢູ່​ນັ້ນ​ຄ່ອຍໆ​ລະລາ​ຍ ​ແລະ​ທຸກ​ສິ່ງ​ຢ່າງ​ກຳລັງ​ກັບ​ຄືນ​ເຂົ້າ​ສູ່​ສະພາບ​ປົກກະຕິ.

XS
SM
MD
LG