ລິ້ງ ສຳຫລັບເຂົ້າຫາ

logo-print

ສຳພາດ ທ່ານອະນຸສັກ ທັມມະວົງສາ ໃນໂອກາດ ການຕັ້ງ ວົງດົນຕີສາຍສັມພັນທ໌ ຄົບຮອບ 35 ປີ


ຄະນະວົງດົນຕີສາຍສັມພັນທ໌ ທີ່ ນະຄອນ Montreal ປະເທດການາດາ.

ທ່ານ​ຜູ້​ຟັງທັງຫຼາຍ ​ໃນລາຍການ​ຊີວິດຊາວ​ລາວຂອງ​ເຮົາ​ແລງ ​
ວັນ​ພະຫັດມື້​ນີ້ ​ເຮົາ​ຈະໃຫ້​ທ່ານ​ຟັງ​ການ​ສຳພາດ ກັບທ່ານ​ອະ​ນຸ​
ສັກ ທັມມະ​ວົງສາ ຫົວໜ້າ​ຄະນະ​ວົງ​ດົນຕີ ສາຍ​ສັມພັນ​ ທີ່​ນະ
ຄອນ Montreal ປະ​ເທດ Canada. ​ເນື່ອງ​ຈາກ​ວ່າ ​ເດືອນກັນ
ຍາ​ທີ່​ຜ່ານ​ມານີ້ແມ່ນວັນຄົບ​ຮອບ 35 ປີ​ຂອງ​ຄະນະວົງ​ດົນຕີດັ່ງ
ກ່າວ ທີ່​ໄດ້​ຮັບ​ໃຊ້ ກ່ອມ​ອາຣົມ ບັນດາປະຊາ​ຄົມ​ລາວ ຢູ່​ປະ​ເທດກາ​ນາ​ດາ ​ແລະ ສະຫະ
ລັດມາ. ນອກຈາກ​ນັ້ນ ​ຄະນະ​ວົງ​ດົນຕີເຊື້ອສາຍລາວວົງ​ນີ້ ຍັງ​ໄດ້​ດຳລົງຄົງ​ໂຕມານານ​
ທີ່​ສຸດທີ່​ຫາ​ໄດ້​ຍາກ ຊຶ່ງ ກິ່ງ​ສະ​ວັນ ຈະ​ນຳ​ມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ທີ່​ທ່ານ​ໄດ້​ຟັງ​ຜ່ານ​ໄປ​ນັ້ນ​ ແມ່ນ ສ່ວນ​ນຶ່ງຂອງ​ເພງ ນຳ້ໃຈ 35 ປີ ​ສາຍ​ສັມພັນ​ທ໌ ຂັບ​ຮ້ອງ
​ໂດຍ ອ​ະນຸ​ສັກ ທັມມະ​ວົງສາ ​ແລະ​ເສບ​ໂດຍ​ວົງ​ດົນຕີ ສາຍສັມພັນທ໌ ​ເພງ​ໃໝ່ ທີ່​ແຕ່ງ​ຂຶ້ນ
​ມາ ​ສະຫລອງ​ວັນ​ຄົບ​ຮອບ 35 ປິ​ການ​ກໍ່​ຕັ້ງ ຄະນະ​ວົງ​ດົນຕີ ສາຍ​ສັມພັນ​ທ໌ ​ທີ່ ​ນະຄອນ
Montreal ປະ​ເທ​ດກາ​ນາ​ດາ. ບັດ​ນີ້ ຂ້າ​ພະ​ເຈົ້າ ຂໍແນະ​ນຳ​ໃຫ້​ທ່ານຮູ້ຈັກ​ກັບ​ ທ່ານອະນຸ
​ສັກ ທັມມະ​ວົງສາ ຫົວໜ້າຄະນະ​ວົງ​ດົນ​ຕີ ສາຍ​ສັ​ມພັນທ໌ ​ເພື່ອ​ຮຽນ​ຮູ້​ກ່ຽວ​ກັບ​ຄວາມ​ເປັນ
​ມາ​ຂອງ​ຄະນະດັ່ງກ່າວ ທີ່​ໄດ້​ຍືນຍົງ​ຄົງ​ໂຕ​ ​ແລະ​ຮັບ​ໃຊ້​ປະຊາ​ຄົມເຊື້ອສາຍລາວ ຢູ່​ທະວີບ
ອາ​ເມຣິກາ​ເໜືອ ມາ​ໄດ້ 35 ປີ​ແລ້ວ. ​ເດືອນ​ກັນຍາ ​ທີ່​ຜ່ານ​ມາ​ນີ້ເປັນ​ຂີດ​ໝາຍ​ຄົບ​ຮອບ
35 ປີ ທີ່ຄະນະ​ວົງ​ດົນຕີ ສາຍສັມພັນທ໌ ໄດ້​ຕັ້ງ​ຂື້ນ​ມາຕັ້ງ​ແຕ່​ໃນ​ປີ 1980 ເພື່ອ​ກ່ອມ​ອາຣົມ
ບັນດາປະຊາ​ຄົມ​ລາວ ແລະ ສຳຄັນ​ທີ່​ສຸດ​ນັ້ນ​ກໍຄື ຮັກ​ສາ​ພາສາ ແລະທຳນອງ ​ອັນ​ເປັນບຸກ
ຄະ​ລິ​ກຂອງ​ລາວ​ໄວ້​.

ຄະນະ​ວົງ​ດົນຕີສາຍ​ສັມພັນ​ທ໌ ​ເປັນ​ຄະນະ​ສິນລະປິນ​ລາວ ໃນ​ຕ່າງ​ແດນທີ່​ມີ​ອາຍຸ​ຍືນຍົງ
ເຕົ້າ​ໂຮມ​ກັນ​ເປັນ​ກ້ອນ​ເປັນ​ໜ່ວຍ​ມາ​ຕະຫລອດ ທີ່ບໍ່ເໝືອນ​ກັບ​ວົງ​ດົນຕີ​ຫລາຍໆ​ວົງ​ ທີ່
​ໄດ້ລົ້ມ​ລຸກ​ຄຸກ​ຄານ ​ແລະ​ກໍ​ສະຫຼາຍ​ໄປ. ຄວາມ​ເປັນ​ມາ​ຂອງ ຄະນະ​ວົງ​ດົນຕີ​ສາຍ​ສັ​ມ
ພັນທ໌ ​ເປັນໜ້າ​ສັນລະ​ເສີນ ​ໂດຍ​ການ​ນຳພາ​ຂອງ ທ່ານ​ອະນຸ​ສັກ ທັ​ມມະ​ວົງ​ສາ ພ້ອມ​ດ້ວຍບັນດານ້ອງໆ ​ລູກ​ຫລານ ແລະ​ເພື່ອນ​ຝຸງ​ໃກ້​ຊິດ ຜູ້ມີ​ຄວາມ​ມັກຮັກ ​ໃນຄວາມເປັນ
ນັກ​ສິນລະປິນ ສະມັກຫລີ້ນ. ບັນດາ​ນັກ​ສິນລະປິນທັງຫລາຍຮູ້​ກັນ​ດີ​ວ່າ ການ​ທີ່ຈະ​ຍຶດ
ຖຶືເອົາວິຊາ​ອາຊີບ​ການເປັນນັກ​ຮ້ອງ ນັກ​ດົນຕີ ​ເປັນອາ​ຊີບ​ແທ້ໆນັ້ນ ​ແມ່ນ​ມີ​ຄວາມ​ຍາກ​
ລຳ​ບາກ​ທີ່​ສຸດ ​ເພາະວ່າ ຕ້ອງ​ການຕະຫລາດອັນ​ກວ້າງ​ໃຫຍ່ ​ໂດຍ​ສະ​ເພາະ ​ມີ​ຜູ້​ຊື້​ ​ຜູ້​ຟັງ
​ທີ່​ໃຫ້ການ​ຊຸກຍູ້ ສະໜັບສະໜູນ​ອູ້ມຊູ ອັນ​ເປັນຈຸດ​ສຳຄັນຂອງ​ຄວາມຢືນຍົງ ​ທີ່​ຮ້ອງ​ວ່າ
ເປັນ​ວິຊາ​ອາຊີບນັ້ນ.

ການ​ດຳລົງ​ຊີວິດ​ຂອງ ນັກ​ສິນລະປິນ​ສະມັກ​ຫລີ້ນ​ເຊື້ອສາຍ​ລາວ ຢູ່ໃນຕ່າງປະ​ເທດ ​ແມ່ນບໍ່ແຕກ​ຕ່າງຫຽັງ​ກັບ ຄະນະ​ວົງ​ດົນຕີທົ່ວໆ​ໄປ. ​ຄະນະ​ວົງ​ດົນ​ຕີ​ສາຍ​ສັມພັນ​ທ໌
ປະ​ກອບດ້ວຍ​ອ້າຍໆ​ນ້ອງ​ໆໃກ້ຊິດ ສ້າງ​ຄວາມ​ຮັກ​ແພງໄປ​ມາຫາ​ສູ່​ກັນ​ຢູ່ສະໝຳ່ສະ​
ເໝີ ​ແລະທຸກ​ໆຄົນແມ່ນພາກັນປະກອບ​ວິຊາ​ອາຊີບ​ ຕ່າງໆ​ນາໆຂອງ​ໃຜລາວ ຊຶ່ງ​ໃນ​
ຂະນະ​ດຽວ​ກັນ ກໍ​ພະຍາຍາມ​ຫາ​ເວລາຝຶກ​ຊ້ອມດົນຕີ​ກັນເປັນ​ປົກກະຕິ ເພື່ອຮັບ​ໃຊ້​
ສັງ​ຄົມ​ລາວ​ ຢູ່ໃນພິທີຕ່າງໆເຊັ່ນ​ ງານ​ວິວາຫະ​ມົງຄຸນ ກິນ​ລ້ຽງ​ສັງ​ສັນ ງານ​ຫາ​ລາຍ​ໄດ້
​ແລະ​ອື່ນໆ. ສ່ວນຄ່າ​ຈ້າງ​ລາງ​ວັນ​ນັ້ນ ​ເປັນ​ຂອງ​ທຳ​ມະ​ດາ ທີ່ບັນດາ​ເຈົ້າພາບ​ຕ້ອງໄດ້
​ສະໜ​ອງ​ເປັນສິນ​ນຳ້ໃຈ.

ສຽງ​ເພງແມ່ນອຳນາດ ເວດມົນຄາຖາ​ວິ​ເສດ ຂອງ​ນັກ​ປະພັນ ນັກ​ເສບ ​ແລະນັກ​ຮ້ອງ​ຜູ້​ມີ
​ພອນ​ສະຫວັນ ທີ່ກ່ອມ​ອາລົມ​ທ່ານຜູ້​ຟັງຜູ້​ຊົມໃຫ້ລະ​ເມີ​ເພີ້​ຝັນ​ໄປຕາມ​ຍຸກສ​ະ​ໄໝ. ຫລັງ
​ຈາກ​ເມືອງ​ລາວ​ໄດ້​ຮັບເອກ​ກະລາ​ດຈາກ​ຝຣັ່ງ ພາຍ​ໃຕ້​ອະດີດການ​ປົກ​ຄອງ​ຂອງ​ ​ພະ​ລາ
ຊະ ​ອານາຈັກ​ລາວ​ແລ້ວ ​ເວລາ​ນີ້ ການ​ຂີດ​ຂຽນ ການແຕ່ງເພງລາວສະ​ໄໝ ​ການຮ້ອງ​ເພງ​ພ້ອມ​ທັງ​ວິວັດທະນາ​ການ ​ເຄື່​ອງດົນຕີສາກົນປະກອບ ທີ່​ໄດ້ເຮັດ​ໃຫ້ ​ເພງ​ລາວ​ສະ​ໄໝຈຶ່ງ
​ໄດ້​ເລີ້ມແຕກ​ສານຢ່າງທີ່ບໍ່ເຄີຍມີ​ມາ​ກ່ອນ. ບັນດາ​ນັກ​ສິນລະປິນ​ລາວ​ອະ​ວຸໂສ ຢູ່​ໃນ​ສະ​
ໄໝ​ນີ້​ຈຶ່ງໄດ້​ວາງ​ບົດບາດອັນ​ສຳຄັນ ເພງ​ອະ​ມະຕະ​ຂອງ​ພວກ​ທ່ານ​ເຫລົ່າ​ນີ້ ​ຍັງ​ເຫັນ​ເປັນ​
ທີ່​ນິຍົມ​ກັນ​ຢູ່ເທົ່າ​ທຸກ​ວັນນີ້. ​ແລະ​ນີ້​ແມ່ນເປັນ​ໂຕ​ຢ່າງ​ຂອງການນຳພາ ​ເອົາ​ສິນລະປິນ​ລຸ້ນ
​ໃໝ່​ເຂົ້າ​ມາສົນ​ໃຈ ​ໃຫ້ສືບ​ຕໍ່ ຂີດ​ຂຽນ​ເພງ​ລາວສະ​ໄໝ ຊຶ່ງ​ທ່ານ​ອະນຸສັກ ທັມມະ​ວົງສາ
​ຫົວໜ້າ​ຄະນະ​ວົງ​ດົນ​ຕີສາຍ​ສັມພັນ​ທ໌ ໄດ້​ເລົ່າຊີວິດເບຶ້ອງຕົ້ນສູ່ ວີ​ໂອ​ເອຟັງ ດັ່ງ​ນີ້ :

ຄະນະວົງດົນຕີ ສາຍສັມພັນທ໌ ໃນຊຸມປີ 1980 ທີ່ ນະຄອນ Montreal; ປະເທດ ການາດາ.
ຄະນະວົງດົນຕີ ສາຍສັມພັນທ໌ ໃນຊຸມປີ 1980 ທີ່ ນະຄອນ Montreal; ປະເທດ ການາດາ.

ຢູ່່​ໃນ​ສະ​ໄໝ​ອະດີດ​ການ​ປົກຄອງ​ຂອງ ພະລາ​ຊະ​ອານາຈັກ​ລາວ ນັ້ນ ດົນຕີ​ແມ່ນການ​ບັນ
​ເທີງທີ່​ສຳຄັນ ເປັນໂອກາດ​ຂອງການ​ລະ​ບາຍອອກ​ມາ ດ້ານ​ຄວາມ​ຮັກ ​ຄວາມ​ງາມ​ຂອງ
ທຳ​ມະ​ຊາດ ​ແລະ​ປະສົບ​ການ​ຕ່າງໆ​ໃນຊິວິດ. ນອກຈາກ​ນັ້ນ​ອີກ​ບັນດາ​ຊາວ​ໜຸ່ມ​ລາວ ຢູ່
​ໃນ​ສ​ະ​ໄໝ​ນີ້ແມ່ນຍັງ​ໄດ້​ຮັບ​ອິດ​ທິພົນ ຈາກ​ເພງ​ ແລະ​ວັດທະນາ​ທຳ​ສາກົນ ​ເຮັດໃຫ້​ຊາວ​
ໜຸ່ມ​ລາວ ມີແນວ​ຄິດ​ປະດິດ​ສ້າງ​ການ​ຂີດ​ຂຽນແລະ​ປັບປຸງເພງ​ລາວ​ສະ​ໄໝ ຊຶ່ງ​ທ່ານ​ອະນຸ​
ສັກ ​ໄດ້​ກ່າວ​ຕໍ່​ໄປ​ວ່າ :

ສ່ວນນຶ່ງຂອງ ສະມາຊິກ ຄະນະ ວົງດົນຕີ ສາຍສັມພັນທ໌
ສ່ວນນຶ່ງຂອງ ສະມາຊິກ ຄະນະ ວົງດົນຕີ ສາຍສັມພັນທ໌


ບັນດາ​ພີ່ນ້ອງ​ຊາວ​ລາວ​ ທີ່ຢູ່ໃນ ​ແລະນອກ​ປະ​ເທດ ຜູ້ເກີດໃຫຍ່ ​ແລະ​ມີ​ປະສົບ​ການ​ຊີວິດ​
ຢູ່ ມີການມ່ວນ​ຊື່ນ​ຢ່າງ​ໃດ​ກັບ​ຊີວິດ​ຢູ່​ໃນ​ຊ່ວງ​ເວລາ​ນັ້ນ ​ໂດຍ​ສະ​ເພາະ​ ສຽງ​ເພງລາວທີ່​ນຳ​
ເອົາ​ຄວາມ​ຊົງ​ຈຳ​ມາ​ສູ່​ທ່ານ​ຜູ້​ຟັງ. ​ແລະ​ບັດ​ນີ້ ທ່ານ​ອະນຸ​ສັກ ​ໄດ້​ນຳ​ເອົາ​ຄວາມ​ຊົງ​ຈຳ​ໃນ​
ອະດີດນັ້ນ​ມາ ກ່ອມ​ອາລົມ​ພີ່ນ້ອງ​ຊາວ​ລາວ ຜູ້​ທີ່​ໄດ້​ມາ​ຕັ້ງ​ຖິ່ນ​ຖານ​ໃໝ່ຢູ່​ນອກ​ປະ​ເທດ ຊຶ່ງ​ທ່ານໄດ້​ກ່າວ​ວ່າ :

ຄະນະວົງດົນຕີ ສາຍສັມພັນທ໌ ໃນ ປັດຈຸບັນ
ຄະນະວົງດົນຕີ ສາຍສັມພັນທ໌ ໃນ ປັດຈຸບັນ


:


ບັນດາ​ນັກ​ສິນລະປິນຜູ້​ທີ່​ໄດ້​ເກີດ​ໃຫຍ່ ມີ​ປະສົບ​ການ​ຊີວິດ​ຢູ່​ໃນ​ເມືອງລາວ ​ແມ່ນຈະມີ
ຄວາມ​ຮູ້ສຶກ​ຂອງ​ຄວາມເປັນ​ລາວຢູ່​ສະ​ເໜີ ​ແລະນີ້​ຄື​ບັນທຶກ​ປະ​ຫວັດ​ສາດ -ຊິວິດອັນ​ສຳ
ຄັນຂອງ​ຄວາມ​ຊົງຈຳ ທີ່​ບັນດາ​ນັກ​ສິນລະ​ປີນ​ລາວ​ໃນ​ຕ່າງ​ແດນ ຍັງ​ດຳ​ເນີນ​ຮັກສາການ
​ຂີດ​ຂຽນ​ພາສາ​ລາວ ​ແລະ​ສຳນວນ​ລາວ​ໄວ້ ຊຶ່ງ​ທ່ານ​ອະນຸ​ສັກ ​ໄດ້​ກ່າວ​ມ້ວນທ້າຍ​ວ່າ :

ທ່ານອະນຸສັກ ທັມມະວົງສາ ຫົວໜ້າ ຄະນະວົງດົນຕີ ສາຍສັມພັນທ໌
ທ່ານອະນຸສັກ ທັມມະວົງສາ ຫົວໜ້າ ຄະນະວົງດົນຕີ ສາຍສັມພັນທ໌

ກ່ອນ​ຈາກ​ກັນໄປ​ໃນ​ຄຳ່​ຄືນ​ນີ້ ​ຂ້າພະ​ເຈົ້າ ພ້ອມ​ດ້ວຍຄະນະ​ຈັດ​ທຳ ລາຍການວິທະຍຸ
ວີ​ໂອ​ເອ ຂໍຝາກ​ສຽງ​ເພງ ນໍ້​າ​ໃຈ 35 ປີຂອງ​ສາຍ​ສັມພັນ​ທ໌​ໄວ້​ກັບ​ທ່ານ ຂັບຮ້ອງ​ໂດຍ
ທ່ານອະນຸ​ສັກ ທັມມະ​ວົງສາ ​ແລະ​ຢ່າ​ລືມ​ຕິດຕາມ​ຟັງ​ເພງຂອງ ຄະນະ​ສາຍ​ສັມພັນ​ ໄດ້​
ທີ່​ໜ້າເວ​ັບ​ໄຊ​ທ໌ ຂອງ ວີ​ໂອ​ເອ.

Mont Royal ປະເທດ ການາດາ
Mont Royal ປະເທດ ການາດາ

ລິງໂດຍກົງ

ຂໍສັນລະເສີນ ນຳ້ໃຈ 35 ປີ ແຫ່ງ ຄະນະດົນຕີ ສາຍສັມພັນທ໌
ຂໍສັນລະເສີນ ນຳ້ໃຈ 35 ປີ ແຫ່ງ ຄະນະດົນຕີ ສາຍສັມພັນທ໌

ລິງໂດຍກົງ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG