ລິ້ງ ສຳຫລັບເຂົ້າຫາ

ຫວຽດນາມ ສະເໜີຂ່າວ ເປັນບົດເພງ ທຳນອງ Rap ເພື່ອ ດຶງດູດ ຊາວໜຸ່ມ (ວີດີໂອ)


ທ້າວ Vo Viet Phuong, 25 ປີ ,ແລະທ້າວຫງຽນTrong Duc, 27 ປີ ນັກຮ້ອງທຳນອງ rap ອັດບົດເພງຊຸດຫລ້າສຸດຂອງ Rap NewsPlusໃນຫ້ອງອັດສຽງ ຂອງອົງການຂ່າວ ໂທລະພາບຫວຽດນາມ ໃນໃຈກາງນະຄອນຮາໂ​ນ່ຍ ວັນທີ 15 ກໍລະກົດ 2014.

​ເຖິງ​ແມ່ນ​ຈະ​ຖື​ກລັດຖະບານ​ຄວບ​ຄຸມ ​ແຕ່​ອຸດສາຫະກຳ​ສື່​ມວນ​ຊົນ
​ຂອງຫວຽ​ດນາມ ກໍວິວັດທະນາ​ການ​ໄປ ​ໃນ​ຂະນະ​ທີ່ປະ​ເຊີນ​ກັບ
​ການ​ແຂ່ງຂັນເພີ້​ມຂຶ້ນເລື້ອຍໆຈາກ​ຂ່າວ​ຂໍ້​ມູນ​ທາງ​ digital.​
ເວັບໄຊ້ນຶ່ງ​ໄດ້ຫັນ​ໄປ​ໃຊ້ວິທີ​ການ​ໃໝ່ ເພື່ອ​ຊອກ​ຫາຜູ້​ອ່ານຜູ້​ຟັງ​
ຊາວໜຸ່ມ ​ໂດຍ​ການ​ລາຍ​ງານ​ຂ່າວ​ອອກ​ມາ​ເປັນເພັງ​ທຳນອງ rap.
ສິງ​ຈະ​ນຳ​ເອົາ​ລາຍ​ງານ​ຈາກ Marianne Brown ຜູ້​ສື່​ຂ່າວ​ວີ​ໂອ
​ເອ ທີ່ນະຄອນຫຼວງ​ຮ່າ​ໂນ​ຍ ມາສະ​ເໜີ​ທ່ານ.

ເວັບ​ໄຊ້​ Viet Nam Plus ໄດ້​ນຳ​ສະ​ເໜີ​ຂ່າວ​ ເປັນ​ບົດ​ເພັງ​ທຳນອງ Rap ​ເດືອນລະ​ສອງ
ເທື່ອ ​ເອີ້ນ​ວ່າລາຍການ Rap News Plus (Rap News Plus) ຊຶ່ງ​ມາ​ຮອດ​ປັດຈຸບັນ​ນີ້
ກໍ​ຕົກ​ເປັນ​ພຽງ​ປະມານ 19 ບົດຂ່າວ​ເທົ່າ​ນັ້ນ. ​ສ່ວນ​ຫຼາຍ​ແມ່ນນຳ​ສະ​ເໜີເປັນວີ​ດີໂອ ຜ່ານ
ທາງ Youtube. ບົດ​ຂ່າວບາງບົດ​ ​ໄດ້​ມີ​ຄົນ​ເປີດ​ເບິ່ງ​ ​ຫຼາຍ​ກວ່າ 500 ພັນ​ເທື່ອ.

ທ່ານ Le Quoc Minh ບັນນາທິການ Viet Nam Plus ກ່າວ​ວ່າ ທ່ານ​ໄດ້​ມີແນວ​ຄິດ​ດັ່ງ
ກ່າວຂຶ້ນ​ມາ ​ເວລາ​ທ່ານພະຍາ​ຍາມ​ຊອກ​ຫາ​ທາງ​ ເຮັດໃຫ້​ຂ່າວ​ເປັນ​ທີ່​ດຶງ​ດູດ​ຈິດ​ໃຈ​ພວກ
ຜູ້​ຄົນ ​ອາຍຸ​ແຕ່ 13 ຫາ 25 ປີ ຊຶ່ງ​ເປັນ​ກຸ່ມປະຊາກອນ ທີ່​ທ່ານ​ກ່າວ​ວ່າ ຂາດ​ຄວາມ​ສົນ​ໃຈ
ໃນເຫດການ​ຕ່າງໆ ທີ່ເກີດຂຶ້ນ​ໃນ​ປັດຈຸບັນ.

ທ່ານ Le Quoc Minh ກ່າວ​ວ່າ “ ພວກ​ເຮົາ​ຕ້ອງການນຳ​ເອົາ​ສິ່ງ​ໃດ​ສິ່ງ​ນຶ່ງທີ່ແປ​ກ​
ໃໝ່ ​ທີ່​ຕະລົ​ກໆ​ມາ​ໃຫ້​ເຂົາ​ເຈົ້າ​ເບິ່ງ​ເຂົາ​ເຈົ້າ​ຟັງ. ​ແຕ່​ວິທີ​ທີ່​ພວກ​ເຮົາ​ຄັດ​ເລືອກ​ມາ​
ແລະ​ນຳ​ມາສະ​ແດງ​ໃຫ້ເບິ່ງ​ນັ້ນ ແມ່ນ​ຕ້ອງ​ຈິງຈັງ​ຂ້າພະ​ເຈົ້າ​ໄດ້​ນຳ​ທີ່ສິ່ງ​ທີ່​ຈິງ​ຈັງ​ນັ້ນ
ມາສູ່ຊາວ​ໜຸ່ມ ​ໂດຍ​ນຳ​ໃຊ້​ພາສາ​ຂອງ​ເຂົາ​ເຈົ້າ​ເອງ ລົດ​ສະ​ນິຍົມ​ຂອງ​ເຂົາ​ເຈົ້າ​ເອງ ​
ແລະ​ຮູບ​ແບບ​ຂອງ​ເຂົາ​ເຈົ້າ​ເອງ. ນັ້ນ​ແຫລະແມ່ນ​ແນວ​ຄິດ​ຂອງ​ຂ້າພະ​ເຈົ້າ.”

ບົດ​ຂ່າວ​ທຳນອງ rap ບົດ​ນຶ່ງທີ່​ດຶງ​ດູດ​ຈິດ​ໃຈ​ຫລາຍ​ທີ່​ສຸດ ​ໄດ້​ຖືກ​ນຳ​ອອກ​ເຜີຍ​ແຜ່ ​ໃນ
ຂະນະ​ທີ່ຫວຽດນາມມີ​ຄວາມ​ເຄັ່ງ​ຕຶງໃນລະດັບ​ສູງ​ສຸດ ກັບ​ຈີນ ຫຼັງ​ຈາກ​ຈີນ​ສົ່ງ​ຖານ​ເຈາະ
ນ້ຳມັນໄປ​ຍັງ​ນ່ານນ້ຳ ທີ່​ຫວຽດນາມ​ອ້າງ​ເອົາ​ກຳມະສິດ ​ເຊັ່ນ​ກັນ​ນັ້ນ. ທ້າວ Vo Viet
Phuong ​ໄວ 25 ປີ ​ຊຶ່ງ​ເປັນຜູ້ນຶ່ງ​ໃນ​ຈຳນວນ​ນັກຮ້ອງ​ທຳນອງ rap 3 ຄົນ ທີ່​ພົວພັນ​ກັບ​
ການ​ເຮັດ​ຂ່າວ​ນີ້.

ທ້າວ Phuong ກ່າວ​ວ່າ “ຂ້ອຍ ​ໄດ້​ຕັດເອົາ​ຕອນຮ້ອງ​ໝູ່ໃນ​ບົດ​ຂ່າວນີ້​ອອກ ​
ແລະ​ເອົາ​ໄປ​ອັດ​ເຂົ້າ​ໃນ Soundcloud ຂອງ​ຂ້ອຍ ແລະ​ຫຼັງ​ຈາກ​ນັ້ນ ​ກໍ​ມີ
ຜູ້​ຄົນ​ download ໄປ​ໃຊ້​ເປັນ​ສຽງ​ໂທລະສັບ​ຂອງ​ເຂົາ​ເຈົ້າ.”

ເບິ່ງວີດີໂອການນຳສະເໜີຂ່າວ ເປັນບົດເພັງແຣັປຂອງຫວຽດນາມ:

ເສຍໃຈ ທີ່ບໍ່ສາມາດເບິ່ງໄດ້ເທື່ອ ເວລານີ້

ເຖິງ​ແມ່ນ​ວ່າການລາຍງານຂ່າວເປັນ​ທຳນອງ​ເພັງ rap ບໍ່​ແມ່ນ​ເລື້ອງ​ໃໝ່​ຫຍັງ​ເລີຍກໍ​ຕາມ
ແຕ່​ແນ່ນອນ ມັນ​ເປັນ​ເລື້ອງແປກໃໝ່ຢູ່​ໃນ​ຫວຽດນາມ ​ໂດຍ​ສະ​ເພາະ​ແລ້ວ ຍ້ອນວ່າເວັບ​ໄຊ້ Viet Nam Plus ດຳ​ເນີນ​ງານ​ພາຍ​ໃຕ້​ການ​ຄຸ້ມ​ຄອງ​ຂອງ VNA ​ອົງການ​ຂ່າວ​ທາງ​ການ​ຂອງຫວຽດນາມ ຊຶ່ງເປັນ​ທີ່ຮູ້​ກັນ​ວ່າ ​ຖື​ແນວທາງ​ຈາຮີດ​ນິຍົມນັ້ນ.

ບັນ​ນາ​ທິການ Minh ກ່າວ​ວ່າ: “ຫລາຍ​ໆຄົນ​ມີ​ຄວາມ​ແປກ​ໃຈ​ຫຼາຍ ​ທີ່​ພວກ​ເຮົາ​ມີ
ລາຍການ​ແບບ​ນີ້ ​ຢູ່​ໃນ Viet Nam Plus ​ເພາະວ່າພວກ​ເຮົາ​ເປັນສ່ວນ​ນຶ່ງ​ຂອງ​
ອົງ​ກອນ​ທີ່ນິຍົມແນວທາງ​ເດີມ​ແທ້ໆ ​ແນວທາງ​ຂອງ​ທາງ​ການແທ້ໆ. ພວກ​ເຮົາ​ບໍ່​
ໄດ້​ມາ​ຈາກ​ບໍລິສັດ ຫຼື​ສະ​ຖາ​ບັນ​ບັນ​ເທິງ ​ແຕ່​ພວກ​ເຮົາ​ຜະລິດ​ສິ່ງນຶ່ງ​ທີ່ໃຫ້​ຄວາມ​
ບັນ​ເທິງ​ມ່ວນ​ຊື່ນ ​ແລະ​ໃຫ້​ຄວາມ​ຮູ້​ແທ້ໆ.”

ທ່ານ David Brown ອະດີດ​ນັກ​ການ​ທູດ​ສະຫະລັດ ​ແລະ​ຊ່ຽວຊານ​ເລື້ອງ​ຫວຽດນາມ​
ກ່າວ​ວ່າ ຢູ່ຫວຽດນາມນັ້ນ ຕາມ​ກົດໝາຍ​ແລ້ວ ສິ່ງພິມ​ເຜີຍ​ແຜ່​ທຸກໆ​ຢ່າງ ​ແມ່ນຈະ​ຕ້ອງ
​ມີສະ​ຖາ​ບັນ​ໃດນຶ່ງ​ເປັນຜູ້​ອຸບປະຖຳ​ ​ແຕ່​ແທນ​ທີ່​ຈະເວົ້າ​ວ່າ ​ເປັນສື່ “ທີ່​ລັດຖະບານ​ຄວບ
​ຄຸມ”
ການ​ເວົ້າວ່າ ​ເປັນ​ສື່ທີ່ “​ໄດ້​ຮັບ​ອະນຸຍາດ​ຈາກ​ລັດຖະບານ” ​ແມ່ນ​ຖືກຕ້ອງ​ກ່ວາ.

ທ່ານ Brown ກ່າວ​ວ່າ ​“ ໃນ​ຫຼາຍ​ກໍລະນີ ​ໂດຍ​ສະ​ເພາະ ​ພວກ​ໜັງສືພິມ​ລາຍ​ວັນ ​
ປະມານ 20 ສະ​ບັບ ​ແລະ​ນິຕະຍະ​ສານຈຳນວນ​ນຶ່ງ ຊຶ່ງ​ເປັນ​ພວກ​ນິຕະຍະສານ​
ທີ່ເອົາ​ຈິງ​ເອົາ​ຈັງ ທີ່ຫາ​ກຳ​ໄລ​ເຊັ່ນ​ກັນ​ນັ້ນ ຄວາມ​ສຳພັນ​ກັບ​ຜູ້​ອຸບປະຖຳ ​ແມ່ນ​ມີ​
ພຽງແຕ່​ໃນ​ນາມ​ເທົ່າ​ນັ້ນ.

ທ່ານ Brown ກ່າວ​ຕື່ມ​ວ່າ ​ເຖິງ​ຢ່າງ​ໃດ​ກໍ​ຕາມ ມີ​ຂໍ້ຈຳກັດ​ຮັດ​ແຄບ ​ທີ່ສາມາດ ​ແລະ​ບໍ່​ສາ
ມາດ​ຍົກ​ຂຶ້ນ​ມາໂອ້​ລົມ​ກັນ​ໄດ້. ​ພວກ​ບັນນາທິການຈະ​ໄດ້​ຮັບການ​ຊີ້ນຳ ​ໃນ​ແຕ່ລະສັບປະ
ດາ ແລະ​ຖືກລົງ​ໂທດເປັນບາງ​ຄັ້ງ​ບາງ​ຄາວ ຖ້າ​ພວກ​ເຂົາ​ເຈົ້າ​ຫາກ​ຊັກ​ຊ້າ​ເກີນໄປ​ໃນ​ການ
​ປະຕິບັດ​ຕາມ​ຄຳ​ແນະນຳ ກ່ຽວກັບ​ເລື້ອງຕ່າງໆ “ທີ່​ບໍ່​ໃຫ້​ລາຍ​ງານນັ້ນ.”

ທ່ານ​ກ່າວ​ຕໍ່​ໄປ​ວ່າ ພວກ​ໜັງສືພິມ​ສ່ວນ​ຫຼາຍ ​ແມ່ນອາ​ໄສ​ການ​ເກື້ອກຸນແບບ​ໃດ​ແບບ​ນຶ່ງ
ຈາກ​ລັດຖະບານ ​ແລະ “ດຳ​ເນີນງານ​ໄປ​ຕາມ​ແນວທາງ​ຂອງ​ລັດຖະບານ.” ແຕ່​ພວກ
​ໜັງສືພິມທີ່​ທຳ​ກຳ​ໄລ​ໄດ້ນັ້ນ ມີ​ທ່າ​ທາງ​ຫລາຍກ່ວາ​ວ່າ ມັກ​ກ້າວ​ກ່າຍ​ຂອບ​ເຂດທີ່​ລັດຖະ
ບານ​ວາງ​ໄວ້.

ທ່ານ Brown ​ເວົ້າວ່າ “​ໂດຍທົ່ວ​ໄປ​ແລ້ວ ພວກ​ໜັງ​ສື​ພິມ​ແລະ​ວາລະສານ ທີ່ໄດ້​
ກຳ​ໄລ​ນັ້ນ ​ແມ່ນພວກ​ເຂົາ​ເຈົ້າ​ຊອກນຳ​ສະ​ເໜີແຕ່ສິ່ງ​ທີ່​ຜູ້​ຄົນ​ຢາກ​ອ່ານ ​ແລະກໍ
​ເປັນ​ໜັງສື​ທີ່​ໜ້າ​ສົນ​ໃຈ ​ເຖິງ​ແມ່ນຈະ​ບໍ່ເວົ້າ​ເຖິງ​ເລື້ອງ​ທີ່​ຕ້ອງ​ຫ້າມ​ກໍ​ຕາມ ​ເຊັ່ນ
ການ​ເວົ້າ​ເຖິງຢ່າງ​ລົງເລິກ​ ​ເລື້ອງ​ຄວາມ​ສຳພັນ​ລະຫວ່າງ​ພັກ​ຄອມ​ມີ​ວນິດ​ຫວຽດ
ນາມ​ກັບຈີນ ຫຼືເລື້ອງ​ໃດ​ເລື້ອງ​ນຶ່ງ ​ທຳນອງ​ນັ້ນ.”

​ເວລາ​ນີ້ ລາຍການ​ຂ່າວເປັນ​ບົດເພັງ​ແຣັປ ຫລື Rap News Plus ຍັງບໍ່ທຳ​ກຳ​ໄລ​ໄດ້ເທື່ອ.
ບັນນາທິການ ​ມິນ ​ແລະ​ທີ​ມງານຂອງ​ລາວ​ ເປັນ​ຜູ້​ອອກ​ຄ່າ​ໃຊ້​ຈ່າ​ຍ ​ໃນ​ການ​ເຮັດວີ​ດີ​ໂອ​
ເອງ​ທັງ​ໝົດ ​ແຕ່​ພວກ rappers ຫລື​ນັກ​ຮ້ອງ​ທີ່​ນຳ​ສະ​ເໜີຂ່າວ​ເປັນ​ເພັງ​ທຳນອງ​ແຣັປ​ນັ້ນ
ບໍ່​ໄດ້​ຄ່າ​ຈ້າງ​ໃດໆ. ທ້າວ​ມິນ ກ່າວວ່າ ບູລິ​ມະ​ສິດ​ຂອງ​ລາວ ​ແມ່ນ​ຮັກສາ​ຄວາມ​ຊື່ສັດ​ກ່ຽວ
ກັບ​ການ​ລາຍ​ງານ​ຂ່າວ​.

XS
SM
MD
LG