ລິ້ງ ສຳຫລັບເຂົ້າຫາ

ວັນອັງຄານ, ໑໘ ມິຖຸນາ ໒໐໒໔

ຫວຽດນາມ ຈະອະນຸຍາດໃຫ້ບໍລິສັດຕ່າງໆນຳເຂົ້າຄຳເປັນຄັ້ງທຳອິດໃນຮອບຫຼາຍປີ


ຄຳແທ່ງຢູ່ໂຮງງານປຸງແຕ່ງ ແລະ ຜະລິດຄຳແທ່ງ Argor-Heraeus SA ໃນເມືອງ ເມັນດຣິສຊີໂອ, ສວິເຊີແລນ, 6 ເມສາ 2009.
ຄຳແທ່ງຢູ່ໂຮງງານປຸງແຕ່ງ ແລະ ຜະລິດຄຳແທ່ງ Argor-Heraeus SA ໃນເມືອງ ເມັນດຣິສຊີໂອ, ສວິເຊີແລນ, 6 ເມສາ 2009.

ຫວຽດ​ນາມ ແມ່ນ​ຄາດ​ວ່າ​ຈະ​ອະ​ນຸ​ຍາດ​ໃຫ້​ບໍ​ລິ​ສັດ​ຕ່າງໆ​ນຳ​ເຂົ້າ​ຄຳ​ເປັນ​ຄັ້ງ​ທຳ​ອິດ​ໃນ​ຮອບ​ຫຼາຍ​ກວ່າ​ນຶ່ງ​ທົດ​ສະ​ວັດ, ໃນ​ຂະ​ນະ​ທີ່​ເຂົາ​ເຈົ້າ​ແນ​ເປົ້າ​ໝາຍ​ຈະ​ເຊື່ອມ​ຕໍ່​ຊ່ອງ​ຫວ່າງ​ທີ່ກວ້າ​ງ​ອອກ​ ລະ​ຫວ່າງ​ລາ​ຄາ​ໃນ​ທ້ອງ​ຖິ່ນ ແລະ ເກນ​ມາດ​ຕະ​ຖານ​ສາ​ກົນ, ເຈົ້າ​ໜ້າ​ທີ່​ອຸດ​ສາ​ຫະ​ກຳ​ທ່ານ​ນຶ່ງ​ໄດ້​ກ່າວ​ຕໍ່​ອົງ​ການ​ຂ່າວ ຣອຍ​ເຕີສ​.

ສະ​ມາ​ຄົມ​ການ​ຄ້າ​ຄຳ ຫວຽດ​ນາມ ຫຼື VGTA ແມ່ນ​ໄດ້​ທຳ​ການ​ເຈ​ລະ​ຈາ​ທີ່​ຍືດ​ເຍື້ອ​ອອກ​ໄປ​ກັບ​ລັດ​ຖະ​ບານ ກ່ຽວ​ກັບມາດ​ຕະ​ການ​ຕ່າງໆ​ເພື່ອ​ແກ້​ໄຂ​ຄວາມບໍ່​ດຸ່ນ​ດ່ຽງ​ໃນ​ການ​ສະ​ໜອງ ແລະ ຄວາມ​ຮຽກ​ຮ້ອງ​ຕ້ອງ​ການ​ຂອງ​ຄຳ, ທ່ານ ວິ່ນ ຈຸງ ແຄັງ (Huynh Trung Khanh), ຮອງ​ປະ​ທານ​ຂອງ​ສະ​ມາ​ຄົມ​ໄດ້່​ກ່າວ.

ລັດ​ຖະ​ບານ ຫວຽດ​ນາມ, ໂດຍ​ລວມ​ແລ້ວ​ໄດ້​ທຳ​ການ​ຄວບ​ຄຸມ​ຢ່າງ​ເຕັມ​ທີ່​ຂອງ​ການ​ນຳ​ເຂົ້າ ແລະ ຂາຍຄຳ​ກ້ອນຢູ່​ທ້ອງ​ຖິ່ນ​ໃນ​ປີ 2012, ດ້ວຍ​ບາງ​ບໍ​ລິ​ສັດ​ໃຫຍ່​ທີ່​ໄດ້​ຮັບ​ອະ​ນຸ​ຍາດ​ໃຫ້​ນຳ​ເຂົ້າ ​ໂດຍໃຫ້​ເຂົ້າ​ເຈົ້າ​ແປ​ຮູບຄໍາ​ເປັນ​ເຄື່ອງ​ປະ​ດັບ​ສຳ​ລັບ​ສົ່ງ​ອອກ.

ທ່ານ ແຄັງ ໄດ້​ກ່າວ​ຢູ່ນອກກອງ​ປະ​ຊຸມ​ເຫຼັກ​ມີ​ຄ່າ​ ເອ​ເຊຍ ປາ​ຊີ​ຟິກ ວ່າ “ລັດ​ຖະ​ບານ​ໄດ້​ກ່າວ​ວ່າ​ ເຂົາ​ເຈົ້າ​ຈະ​ເລີ່ມ​ການ​ນຳ​ເຂົ້າ​ຄຳ​ຢ່າງ​ເປັນ​ທາງ​ການ​ພາຍ​ໃນ​ເດືອນ​ກໍ​ລະ​ກົດ ຫຼື ສິງ​ຫາ. ພວກ​ເຮົາ​ຫວັງ​ວ່າ​ ພາຍ​ໃນ​ເດືອນ​ກໍ​ລະ​ກົດ ເຂົາ​ເຈົ້າ​ຈະ​ອະ​ນຸ​ຍາດ​ໃຫ້​ບໍ​ລິ​ສັດ​ຄຳ​ທຳ​ການ​ນຳ​ເຂົ້າ​ໂດຍ​ກົງ.”

VGTA ຄາດ​ວ່າ​ ການ​ປ່ຽນ​ແປງ​ທີ່​ຖືກ​ສະ​ເໜີ​ນັ້ນ​ຈະ​ເລີ່ມ​ຕົ້ນ​ໄວ​ສຸດ​ໃນ​ເດືອນ​ໜ້ານີ້. ມັນ​ຈະ​ເປັນ​ຂີດ​ໝາຍ​ຂອງ​ການ​ປ່ຽນ​ແປງ​ທີ່​ສຳ​ຄັນ​ຈາກ​ນະ​ໂຍ​ບາຍ​ໃນ​ປັດ​ຈຸ​ບັນ, ພາຍ​ໃຕ້​ການ​ນຳ​ເຂົ້າ​ທີ່​ຖືກ​ຄວບ​ຄຸມ​ຢ່າງ​ເຄັ່ງ​ຄັດ​ໂດຍ​ທະ​ນາ​ຄານ​ກາງ. ທະ​ນາ​ຄານ​ແຫ່ງ ຫວຽດ​ນາມ ຂອງລັດ​ຖະ​ບານບໍ່​ໄດ້​ຕອບ​ຕໍ່​ການ​ຂໍ​ຄຳ​ເຫັນ​ໃນ​ທັນ​ທີ.

ອ່ານຂ່າວນີ້ເປັນພາສາອັງກິດ

Vietnam is expected to allow companies to import gold for the first time in over a decade, as it aims to bridge the widening gap between local prices and international benchmarks, an industry official told Reuters.

The Vietnam Gold Traders Association (VGTA) has been in protracted talks with the government over measures to correct the imbalance in supply and demand of gold, Huynh Trung Khanh, the association's vice chair said.

Vietnam's government virtually took full control of imports and local bullion sales in 2012, with certain large companies allowed to import provided they repurposed it as jewellery for exports.

"The government said they will start official gold imports by July or August. We hope that by July they will allow gold companies to import directly," Khanh said on the sidelines of the Asia Pacific Precious Metals conference.

VGTA expects the proposed change to kick in as early as next month. It would mark a significant departure from the current policy, under which the central bank tightly controls imports. The State Bank of Vietnam did not immediately respond to a request seeking comment.

ຟໍຣັມສະແດງຄວາມຄິດເຫັນ

XS
SM
MD
LG