ລິ້ງ ສຳຫລັບເຂົ້າຫາ

ເສດຖະກິດຂອງຫວຽດນາມ ພວມປະສົບກັບບັນຫາ

  • ໄພສານ ວໍຣະຈັກ

ປ້າຍລາຄາສິນຄ້າ ທີ່ຕະຫຼາດສະຫະກອນ ໄຊງ່ອນຊູເປີ້ມາກເກັດ ໃນນະຄອນໂຮ່ຈິມິນ (5 ພຶດສະພາ 2010)

ຄວາມທຸ່ນທ່ຽງຂອງເສດຖະກິດຫວຽດນາມພວມໄດ້ຮັບການກວດສອບຢ່າງລະອຽດຖີ່ຖ້ວນ ຂະນະທີ່ປະເທດດັ່ງກ່າວປະເຊີນໜ້າກັບອັດຕາເງິນເຟີ້ທີ່ພວມສູງຂຶ້ນ ການຂາດດຸນງົບປະ ມານພວມເພີ້ມຂຶ້ນ ເງິນຕາທີ່ພວມອ່ອນຄ່າລົງ ແລະເງິນຕາຕ່າງປະເທດສຳຮອງທີ່ພວມ ຫລຸດລົງ. ພວກນັກວິເຄາະທາງດ້ານການເງິນແລະດ້ານການເມືອງກ່າວວ່າ ບັນຫາເຫຼົ່າ ນີ້ແມ່ນອາການທີ່ສືບເນື່ອງມາຈາກການຂະຫຍາຍໂຕຢ່າງວ່ອງໄວ ທາງດ້ານເສດຖະກິດ ຂອງຫວຽດນາມ. ນາຍ Daniel Schearf ຜູ້ສື່ຂ່າວ VOA ມີລາຍງານເລື່ອງນີ້ຈາກ ບາງກອກ

ເສດຖະກິດຂອງຫວຽດນາມ ມັກຈະຖືກຍົກຂຶ້ນມາອ້າງອິງ
ເລື້ອຍໆວ່າ ເປັນນຶ່ງໃນບັນດາເສດຖະກິດຂອງບັນດາປະ
ເທດພຸ່ງພົ້ນໃໝ່ ຢູ່ໃນເຂດເອເຊຍທີ່ໃຫ້ຄວາມຫວັງທີ່ສຸດ.
ເສດຖະກິດຂອງຫວຽດນາມ ໄດ້ຂະຫຍາຍໂຕ ປະມານ
6.5% ໃນປີ 2010 ແລະຍັງສືບຕໍ່ ການຂະຫຍາຍໂຕ
ຢ່າງເຂັ້ມແຂງມາໃນໄລຍະນຶ່ງທົດສະວັດ.

ແຕ່​ຫວຽດນາມ ​ຊໍ້າກັບ​ພັດ​ດີ້ນຮົນ​ຕໍ່ສູ້​ ກັບ​ບັນຫາ​ຮ້າຍ​
ແຮງ​ຕ່າງໆ ຮວມທັງ​ການຂາດ​ດຸນ​ການ​ຄ້າ​ໃນ​ປີນີ້ ທີ່​ມີ​
ຍອດ​ເຖິງ 12 ພັນ​ລ້ານ​ໂດ​ລາ.

ການ​ຂາດ​ດຸນ​ການ​ຄ້າ​ແລະ​ເງິນ​ເຟີ້ ທີ່​ທະວີ​ຄວາມ​ຮຸນ​ແຮງ​ເພີ່ມ​ຂຶ້ນຍ້ອນ​ການ​ເຕີບ​ໂຕຂອງ​ເສດ
ຖະກິດນັ້ນ​ໄດ້ທຳ​ຄວາມ​ກົດ​ດັນ​ຕໍ່​ເງິນ​ດົງຊຶ່ງ​ເປັນ​ເງິນຕາ​ຂອງ​ຫວຽດນາມ. ລັດຖະບານ​ຊຶ່ງ​ໄດ້​
ທຳ​ການ​ຄວບ​ຄຸມ​ຢ່າງ​ເຂັ້ມງວດ​ຕໍ່​ການ​ເຄື່ອນ​ໄຫວ​ຂອງເງິນ​ດົງ​ນັ້ນ​ໄດ້​ຫລຸດ​ຄ່າເງິນ​ດົງ​ລົງ​ແລ້ວ
3 ​ເທື່ອ​ໃນ​ໄລຍະ 13 ​ເດືອນ​ຜ່ານ​ມານີ້.

ແຕ່ແນວ​ໃດ​ກໍ​ຕາມ​ສະພາບ​ເງິນ​ເຟີ້ຍັງ​ດຳ​ເນີນ​ຢູ່​ຕໍ່​ມາໂດຍ​ທີ່​ລາຄາ​ສິນຄ້າ​ບໍລິ​ໂພ​ກໄດ້​ຖີບ​ໂຕ
ຂຶ້ນ 11% ​ໃນ​ປີ 2010 ຜ່ານ​ມານີ້.

ພາກສ່ວນ​ນຶ່ງ​ເພື່ອ​ເປັນການຄໍ້າ​ຈຸນ​ເງິນຕານັ້ນຫວຽດນາມ​ໄດ້​ໃຊ້ຈ່າຍ​ເງິນຕາ​ຕ່າງປ​ະ​ເທດ​ສຳ
ຮອ​ງຂອງ​ຕົນຊຶ່ງ​ເຮັດ​ໃຫ້​ເງິນຕາ​ຕ່າງປະ​ເທດ​ສຳຮອງ​ທີ່​ມີ​ຍອດ​ສູງ​ເຖິງ 24 ພັນ​ລ້ານ​ໂດ​ລາ
ໃນປີ 2008 ນັ້ນ ​ໄດ້​ຫລຸດ​ລົງ​ມາ​ເຫຼືອຢູ່ 14 ພັນ​ລ້ານ​ໂດ​ລາ ​ໃນ​ເດືອນ​ກັນຍາປີ 2010.

ທ່ານ​ Tom Byrne ຮອງ​ປະທານ​ອະ​ວຸ​ໂສ​ຂອງ​ອົງການ​ຊັ່ງຊາ​ຄວາມ​ໜ້າ​ເຊື່ອ​ຖື Moodys
Investors Service ທີ່​ສິງກະ​ໂປ​ກ່າວ​ວ່າ ​ໄດ້​ມີ​ຄວາມ​ກົດ​ດັນ​ເພີ່ມ​ຂຶ້ນ​ເພື່ອ​ໃຫ້​ມີ​ການ​ອ່ອນ
ຄ່າ​ລົງ​ຕໍ່​ເງິນ​ດົງ ​ແລະ​ຖ້າ​ເງິນຕາ​ຕ່າງປະ​ເທດ​ສຳຮອງ​ຫຼຸດລົງ​ຕື່ມ​ອີກ ຄວາມ​ສ່ຽງ​ຕໍ່​ການ​ເກີດ​
ວິ​ກິດ​ການ​ຈ່າຍ​ໜີ້ກໍ​ຈະ​ເພີ່ມສູງ​ຂຶ້ນ. ທ່ານ​ໃຫ້​ການຊີ້​ແຈງ​ຕື່ມ​ວ່າ.

“ຖ້າຫາກວ່າອັດຕາແລກປ່ຽນອ່ອນຄ່າລົງໄປກວ່ານັ້ນອີກແນ່ນອນວ່າ ມັນຈະກໍ່ໃຫ້
ເກີດສະພາວະເງິນເຟີ້ລະບາດ ໃນໄລຍະສັ້ນໄດ້ ຫລືອາດຮອດມີ ການຖອນເງິນທຶນ
ໜີໄປຢ່າງໄວເພີ່ມຂື້ນ. ແຕ່ໃນລະຍະຍາວແລ້ວມັນຈະຊ່ວຍການສົ່ງອອກຂອງຫວຽດ
ນາມໃນດ້ານການແຂ່ງຂັນ​ໄດ້​ໃນ​ບາງ​ລະດັບ ແຕ່ສິ່ງ​ທີ່ສໍາຄັນນັ້ນກໍແມ່ນວ່າ ອັນໃດ
ກໍຕາມທີ່ພວກເຈົ້າໜ້າທີ່ດໍາ​ເນີນ​ການ ຄືອັນທີ່ພວກເຮົາຄິດວ່າມັນຈະສົ່ງ​ເສີມ​ຄະ​ແນນ
ຄວາມ​ໜ້າ​ເຊື່ອ​ຖື​ນັ້ນ ກໍ​ຈະ​ແມ່ນ​ສະຖຽນລະພາບ ທາງ​ດ້ານເສດຖະກິດມະຫາ​ພາກ.
ການເຕີບໂຕທີ່ແຂງແຮງກໍແມ່ນຢູ່ ແຕ່ຄົງບໍ່ແຂງແຮງຫຼາຍ ຈົນພາໃຫ້ເກີດອັດຕາເງິນ
ເຟີ້ສູງຂື້ນໄດ້.”

ທ່ານ Byrne ​ເວົ້າວ່າ ນະ​ໂຍບາຍ​ລັດຖະບານ​ທີ່​ສະໜັບສະໜຸນ​ໃຫ້​ເສ​ດຖະກິດເຕີບ​
ໃຫຍ່​ຂະຫຍາຍ​ໂຕ​ຢ່າງ​ວ່ອງ​ໄວ​ນັ້ນ ຊຶ່ງ​ເປັນ​ເລື່ອງ​ທີ່​ດີ​ ສຳລັບ​ການ​ຈ້າງ​ຄົນ ເຂົ້າ​ເຮັດ
ວຽກ​ເຮັດ​ການ ​ແລະ​ການ​ພັດທະນາ​ເສດຖະກິດ​ໃນ​ໄລຍະ​ສັ້ນ ​ແຕ່​ບໍ່​ມີຄວາມ​ຍືນ​ຍົງ.

ຫຼາຍໆ​ຄົນ​ຢ້ານ​ວ່າ​ເງິນ​ດົງ​ຈະ​ອ່ອນ​ຄ່າ​ລົງ​ຕື່ມ ​ແລ​ະພວກ​ເຂົາ​ເຈົ້າຈຶ່ງ​ພາກັນຫັນ​ໄປ​ຊື້
ຄຳ​ແລະ​ເງິນ​ໂດ​ລາ​ໄວ້ ຊຶ່ງນັ້ນ​ໄດ້​ເພີ່ມທະວີ​ຄວາມ​ກົດ​ດັນຕໍ່​ເງິນ​ດົງ.

ອົງການ Moodys ​ແລະ​ອົງການ​ຊັ່ງຊາ​ຄວາມ​ໜ້າ​ເຊື່ອ​ຖື​ອື່ນໆ ​ໄດ້​ຫຼຸດຄວາມ​ໜ້າ
ເຊື່ອ​ຖືຫຼືອັດຕາ​ເຄຣດິດຂອງ​ຫວຽດນາມ​ລົງ​ໃນ​ເດືອນ​ນີ້ຍ້ອນ​ຂໍ້​ມູນ​ເສດຖະກິດ​ທີ່​ບໍ່
ມີ​ຄວາ​ມກໍ້າ​ເກິ່ງ ແລະ​ມີການ​ປະກາດ​ວ່າບໍລິສັດ​ລັດ​ວິ​ສາ​ຫະກິດ​ຕໍ່​ເຮືອ​ຂອງ​ຫວຽດ
ນາມບໍ່​ໄດ້​ຈ່າຍ​ໜີ້​ເງິນ​ກູ້​ຢາມ​ຕ່າງປະ​ເທດ.

ບໍລິສັດ​ຕໍ່​ເຮືອ Vinashin ຊຶ່ງ​ເປັນ​ບໍລິສັດ​ທີ່​ວ່າ​ຈ້າງ​ຄົນ​ງານ​ໃຫຍ່​ທີ່​ສຸດ​ຂອງ​ຫວຽດ
ນາມ​ນັ້ນ ບໍ່​ສາມາດ​ຈ່າຍ​ງວດເງິນ​ກູ້​ຢືມ ໃນ​ມູນ​ຄ່າ 600 ລ້ານ​ໂດ​ລາ. ຄະນະ​ກຳ
ມະການ​ສູນ​ກາງຂອງ​ພັກ​ຄອມ​ມູນິສຫວຽດນາມໄດ້​ມີ​ຄຳ​ສັ່ງໃຫ້​ບໍລິສັດ​ດັ່ງກ່າວ​ປ່ຽນ
ໂຄງ​ສ້າງ​ຂອງ​ບໍລິສັດ​ໃໝ່.

ການ​ຜິດ​ສັນຍາ​ ຫຼືບໍ່​ໄດ້​ຈ່າຍ​ງວດ​ທີ່​ວ່າ​ນີ້​ ໄດ້​ກໍ່ໃຫ້​ເກີດຄວາມ​ວິຕົກ​ກັງວົນ​ຢ້ານ​ວ່າ
ລັດຖະບານ​ຫວຽດນາມ​ໃນ​ເວລາ​ນີ້ ອາດ​ມີ​ຄວາ​ມສາມາດ​ໜ້ອຍ​ລົງ ​ໃນ​ການ​ທີ່​ຈະ
ສະ​ເໜີ​ໃຫ້ການ​ສະໜັບສະໜຸນທາງ​ດ້ານ​ການ​ເງິນ​ຕໍ່​ບໍລິສັດ​ລັດ​ວິ​ສາ​ຫະກິ​ດອື່ນໆ
ທີ່​ມີໜີ້ສິນ​ເປັນ​ຈຳນວນ​ຫຼວງຫຼາຍ.

ແຕ່​ທ່ານ Carl Thayer ສາດສະດາ​ຈານ​ສອນວິຊາ​ລັດຖະສາດ​ການ​ເມືອງ​ທີ່​ສະ​ຖາ
ບັນ​ປ້ອງ​ກັນ​ປະ​ເທດ​ຂອງ​ອອສ​ເຕຣ​ເລຍ​ກ່າວ​ວ່າ ການ​ຕັດສິນ​ໃຈ​ທີ່​ວ່າ​ນີ້ມີ ທ່າ​ທາ​ງ
ວ່າ​ເປັນ​ການ​ຕັດສິນ​ໃຈ​ທາງ​ການ​ເມືອງ​ຫຼາຍກວ່າ ​ແທນ​ທີ່​ຈະ​ແມ່ນ​ການ ຕັດສິນ​ໃຈ​
ທາງ​ດ້ານ​ເສດຖະກິດ. ທ່ານ​ເວົ້າວ່າ ພວກ​ຜູ້ນຳ​ອະ​ວຸ​ໂສ​ຂອງ​ຫວຽດນາມ​ບາງທີ​ໄດ້​
ຕັດສິນ​ໃຈ​ໃຫ້​ບໍລິສັດ Vinashin ​ປັບ​ປ່ຽນ​ໂຄງ​ສ້າງ​ຂອງ​ບໍລິສັດ​ໃໝ່​ເພື່ອ​ເປັນ​ການ
ສະ​ແດງ​ໃຫ້​ເຫັນ​ເຖິງ​ຄວາມ​ບໍ່ພໍ​ໃຈ ​ກັບ​ນະ​ໂຍບາຍ​ ​ເຮັດ​ໃຫ້ເສດຖະກິດ​ເຕີບ​ໂຕ​ຢ່າງ
ວ່ອງ​ໄວ​ ຂອງ​ນາຍົກລັດຖະມົນຕີ Nguyen Tan Dung. ທ່ານ​ Thayer ກ່າວ​
ກ່ຽວກັບ​ເລື່ອງນີ້ວ່າ:

“ບໍລິສັດ Vinashin ຖືເປັນຜົນງານເດັ່ນຂອງນາຍົກລັດຖະມົນຕີ. ດັ່ງນັ້ນ
ມັນກໍເປັນການຍາກ ທີ່ຈະໃຫ້ຂ້າພະເຈົ້າ ມອງເຫັນວ່າ ມັນບໍ່​ແມ່ນເລຶ່ອງ
ການເມືອງ. ແທ້​ໆ​ແລ້ວຂ້າພະເຈົ້າບໍ່ຄິດວ່າ ຄະນະນໍາພາຂອງຫວຽດນາມ
ໄດ້​ເອົາທ່າທີ​ ແບບຫລີກ​ລ່ຽງຄວາມ​ຮັບຜິດຊອບ​ຂອງ​ຕົນ​ເອງ​ແລ້ວ​ ບອກ​
ພວກ​ລັດ​ວິ​ສາ​ຫະກິດ​ທັງຫລາຍວ່າ ພວກ​ເຈົ້າຕ້ອງປ້ອງກັນຕົວເອງ. ຂ້າ
ພະເຈົ້າໝາຍເຖິງວ່າ ມັນກໍມີຄວາມຮູ້ສຶກ​ແບບນັ້ນຢູ່ ແຕ່ມັນກໍບໍ່​ແຮງ​ກ້າ​
ປານ​ໃດ ເພາະວ່າການ​ກະທໍາ​ເຊ່ນນັ້ນ ຄື​ກັນ​ກັບ​ເຮັດ​ປືນ​ລັ່ນ​ໃສ່​ຕີນ​ຕົນ
ເອງ ເພາະວ່າລັດ​ວິ​ສາ​ຫະກິດຄືສິ່ງທີ່ລັດຖະບານອາໃສກາງຕໍ່. ພວກ
ເຂົາເຈົ້າຕ້ອງການ​ໃຫ້ບໍລິສັດຕ່າງໆຂອງລັດມີປະສິດທິຜົນແລະພວກ
ເຂົາເຈົ້າກໍ​ໄດ້ເອົາອົກເອົາໃຈພວກ​ບໍລິສັດ​ເຫລົ່າ​ນັ້ນແຕ່ວ່າບັນຫາ​ຂອງ
ບໍລິສັດ Vinishin ນີ້ຖືວ່າໃຫຍ່ເກີນກ່ວາທີ່ຈະປ່ອຍໄປຊື່ໆໄດ້.”

ໃນ​ເດືອນ​ແລ້ວນີ້ນາຍົກລັດ​ຖະມົນຕີ Nguyen Tan Dung ​ໄດ້​ຮັບ​ເອົາ​ຄວາ​ມຮັບ
ຜິດຊອບ​ກ່ຽວ​ກັບບັນຫາ​ຕ່າງໆໃນ​ບໍລິສັດ Vinashin ທີ່​ມີໜີ້ສິນ​ປະມານ 4 ພັນ
500 ລ້ານ​ໂດ​ລາ​ໃນ​ເວລາ​ນີ້.

ທ່ານ Thayer ​ເວົ້າວ່າ ກອງ​ປະຊຸມ​ໃຫຍ່​ຂອງ​ພັກ​ຄອມ​ມູນິສ​ໃນ​ເດືອນ​ມັງກອນ​ນີ້
ບໍ່​ຄາດ​ວ່າຈະ​ມີ​ການ​ຖະ​ແຫຼງທີ່​ສຳຄັນ​ໃດໆ​ກ່ຽວ​ກັບ​ເລື່ອງ​ເສດຖະກິດ.

ແລະ​ທ່ານ​ເວົ້າວ່າ ​ເຖິງ​ແມ່ນ​ໄດ້​ມີ​ການ​ຕຳ​ໜິຕິຕຽນ​ ກ່ຽວ​ກັບ​ເລື່ອງ​ເສດຖະກິດ​ກໍ​ຈິງ​
ແຕ່​ນາຍົກລັດຖະມົນຕີ Nguyen Tan Dung ກໍ​ຍັງ​ຈະ​ສືບ​ຕໍ່​ຮັກສາ​ຕຳ​ແໜ່​ງ ຂອງ​
ທ່ານ​ໄວ້​ໄດ້ ໃນ​ຂະນະ​ທີ່​ທ່ານ​ມີ​ຄູ່​ແຂ່ງ​ ທີ່​ມີ​ຄຸນ​ນະ​ສົມບັດ​ພຽງ ​ບໍ່​ເທົ່າ​ໃດ​ຄົນ​ທໍ່ນັ້ນ.
ທ່ານ Thayer ກ່າວ​ຊີ້​ແຈງ​ຕື່ມ​ວ່າ:

“ແມ່ນ​ແຕ່​ໃນ​ຕອນ​ທີ່ພວກເຂົາເຈົ້າປະເຊີນກັບກອງປະຊຸມຂອງພວກປະ​
ເທດ ແລະ​ອົງການໃຫ້ການ​ຊ່ວຍ​ເຫລືອໃນປີຜ່ານ​ມານັ້ນ ນາຍົກລັດຖະ
|ມົນຕີຕໍ່ໝ້າການຕໍາໜິຕິຕຽນຈາກພວກ​ເຫລົ່າ​ນັ້ນໂດຍພື້ນຖານແລ້ວກໍ​
ຍັງ​ເວົ້າ​ວ່າ ພວກເຮົາສາມາດບັນລຸການເຕີບໂຕໄດ້ ບັນລຸສະຖຽນລະ
ພາບ ທາງເສດຖະກິດມະຫາພາກ ແລະຮັກສາສະຖຽນລະພາບການ
ເມືອງທັງໝົດໄປພ້ອມໆກັນ​ໄດ້ ດັ່ງນັ້ນ ກໍ​ແມ່ນ​ວ່ານາຍົດລັດຖະມົນຕີ
ຫວຽດນາມ ກໍາລັງຫລິ້ນກົນ ໂຍນລູກບານສາມໜ່ວຍ ພ້ອມ​ກັນ ຊຶ່ງ​ມີ​
ຄວາມ​ສ່ຽງ​ວ່າ ບານລູກນຶ່ງອາດຈະຕົກຫລື​ຫລຸດ​ມື​ກໍ​ໄດ້ແລະນັ້ນອາດ
ຈະເປັນສະຖຽນລະພາບ ທາງເສດຖະກິດມະຫາພາກກໍ​ໄດ້.”

ພວກ​ນັກວິ​ເຄາະ​ທາງ​ດ້ານ​ການ​ເງິນ​ແລະ​ນັກວິ​ເຄາະ​ກ່ຽວ​ກັບ​ຂົງ​ເຂດ​ກ່າວ​ວ່າ ບັນ
ຫາ​ຕ່າງໆຂອງ​ຫວຽດນາມ​ເມື່ອ​ໄວໆ​ມານີ້ ຮວມທັງ​ການ​ບໍ່​ສາມາດ​ຈ່າຍ​ໜີ້​ຂອງ​ບໍ
ລິ​ສັດ Vinashin ອາດ​ພາ​ໃຫ້​ພວກ​ນັກ​ລົງທຶນ​ຕ່າງປະ​ເທດ​ຈຳນວນ​ນຶ່ງ ​ມີ​ຄວາມ
ຢ້ານ​ກົວ. ​ແຕ່​ທ່ານ Byrne ຈາກ​ອົງການ​ຊັ່ງ​ຊາ​ຄວາມ​ໜ້າ​ເຊື່ອ​ຖື Moodys ກ່າວ​
ວ່າ ຄວາມ​ຄາດ​ຫວັງ​ທາງ​ເສດຖະກິດ​ໃນໄລຍະ​ຍາວ​ຂອງ​ຫວຽດນາມ​ແມ່ນ​ຍັງ​ເປັນ​
ໄປ​ໃນ​ທາງ​ບວກ​ຢູ່. ທ່ານ Byrne ກ່າວ​ກ່ຽວ​ກັບ​ເລື່ອງ​ນີ້ວ່າ:

“ຫວຽດນາມໄດ້ອອກຫລາຍໆມາດຕະການ ໄດ້ເອົາຫລາຍບາດກ້າວ
ເພື່ອຕ້ອນຮັບເອົາການລົງທຶນໂດຍກົງຂອງຕ່າງປະເທດ ແລະຂ້າພະ
ເຈົ້າຄິດວ່າ ​ເພື່ອ​ສົ່ງ​ເສີມ​ຄວາມ​ສາມາດ​ບົ່​ມຊ້ອນຂອງການເຕີບໂຕລະ
ຍະຍາວ ຂອງເສດຖະກິດ. ທີ່​ຈິງ​ແລ້ວ ສິ່ງທີ່ໄດ້​ເປັນ​ຕົວ​ຊຸກຍູ້​ເສດຖະ
ກິດຫວຽດນາມແທ້ໆນັ້ນກໍແມ່ນສັນຍາການຄ້າສອງຝ່າຍກັບສະຫະລັດ
ທີ່ໄດ້ເຊັນກັນເມື່ອຫລາຍປີຜ່ານມານັ້ນ ທີ່ອໍານວຍໃຫ້ຫວຽດນາມເຂົ້າ
ເຖິງຕະຫລາດສະຫະລັດໄດ້”

ທ່ານ Byrne ​ເວົ້າວ່າ ນອກຈາກ​ການ​ຈ່າຍ​ງວດ​ແລ້ວ ຫວຽດນາມ​ຍັງ​ຈຳ​ເປັນ​ຈະ
ຕ້ອງ​ໄດ້​ປັບປຸງ​ຄວາມ​ໂປ່​ງ​ໃສ​ກ່ຽວ​ກັບ​ຂໍ້​ມູນ​ທາງ​ດ້ານ​ເສດຖະກິດ​ແລະ​ນະ​ໂຍບາຍ
ຕ່າງໆ.

ທ່ານ​ເວົ້າວ່າ ​ໂຕ​ຢ່າງ​ລາຍ​ງານ​ກ່ຽວ​ກັບ​ເງິນຕາ​ຕ່າງປະ​ເທດ​ສຳຮອງ​ໄດ້​ມີ​ການ​ເປີດ​
ເຜີຍ​ໃຫ້​ຮູ້​ຊ້າ​ກວ່າ​ປະ​ເທດ​ອື່ນໆ ​ໃນ​ໄລຍະ​ຂັ້ນຕອນ​ທີ່​ຄ້າ​ຍຄື​ກັນ​ຂອງ​ການພັດທະ
ນາ.

ທ່ານ​ກ່າວ​ວ່າ ຂໍ້​ມູນ​ເພີ່ມ​ຕື່ມ​ກ່ຽວ​ກັບ​ໜີ້ສິນ​ ທີ່​ພວມ​ປະສົບ​ບັນຫາ​ ແລະ​ການ​ໃຫ້​
ຄວາມສະໜັບສະໜຸນ​ ຕໍ່ບໍລິສັດ​ລັດ​ວິ​ສາ​ຫະກິດ​ຕ່າງໆ ກໍ​ຈະ​ຊ່ອຍ​ປັບປຸງ​ບັນຍາ
ກາດ​ໃນການ​ລົງທຶນ​ນຳດ້ວຍ.

XS
SM
MD
LG