ລິ້ງ ສຳຫລັບເຂົ້າຫາ

ວັນອັງຄານ, ໑໖ ເມສາ ໒໐໒໔

ນັກ​ລົງທຶນ ​ຕ່າງປະ​ເທດ ຍິນ​ດີ ​​ຕໍ່ການກວດ​ລ້າງ ​ການ​ສໍ້​ລາດ​ບັງ​ຫຼວງ ຢູ່ ​ຫວຽດນາມ


ທ່ານ ຫງວຽນ ຊວນເຊິນ (Nguyen Xuan Son) ອະດີດປະທານ ບໍລິສັດ PtroVietnam ຖືກຕໍາຫລວດນໍາຕົວໄປ ພາຍຫລັງ ທີ່ທ່ານໄດ້ອອກຈາກສານ ເມື່ອຈົບວາລະການຕັດສິນຂອງສານ ຢູ່ນະຄອນຫລວງຮ່າໂນ້ຍ ຂອງຫວຽດນາມ ໃນວັນທີ 29 ກັນຍາ, 2017.
ທ່ານ ຫງວຽນ ຊວນເຊິນ (Nguyen Xuan Son) ອະດີດປະທານ ບໍລິສັດ PtroVietnam ຖືກຕໍາຫລວດນໍາຕົວໄປ ພາຍຫລັງ ທີ່ທ່ານໄດ້ອອກຈາກສານ ເມື່ອຈົບວາລະການຕັດສິນຂອງສານ ຢູ່ນະຄອນຫລວງຮ່າໂນ້ຍ ຂອງຫວຽດນາມ ໃນວັນທີ 29 ກັນຍາ, 2017.

ພວກ​ນັກ​ວິ​ເຄາະ​ເຫ​ດການ​ເວົ້າວ່າ ບັນດານັກ​ລົງທຶນ​ຕ່າງປະ​ເທດຢູ່​ຫວຽດນາມ ຈະ​ມີ​
ຄວາມຍິນ​ດີຕໍ່ແບບ​ແຜນການເຮັດ​ທຸລະ​ກິດ ທີ່​ເປັນ​ທໍາ​ກວ່າ ​ແລະ​ມີ​ຄວາມແນ່ນອນ
​ກວ່າ ​ເພາະລັດ ຖະບານ​ໄດ້ດໍາ​ເນີນການກວດ​ລ້າງ​ພວກ​ຫົວໜ້າບໍລິສັດ​ຕ່າງ​ໆຢູ່​ໃນ
​ປະ​ເທດ​ທີ່​ມີ​ຄວາມ​ຜິດ​ຖານ​ສໍ້​ລາດ​ບັງ​ຫລວງ.

ບໍລິສັດ​ຕ່າງ​ປະ​ເທດ​ບາງ​ບໍລິສັດ ອາດ​ຈະ​ໄດ້​ທົບ​ທວນ​ເບິ່ງ​ບັນ​ຊີ​ຂອງ​ຕົນ​ເອງ ​ເພື່ອ​ຮັບ
ປະກັນ​ວ່າມີ​ການ​ເຮັດບັນຊີຢ່າງຂາວ​ສະອາດ ​ໃນ​ຂະນະ​ທີ່​ບັນດາໄອ​ຍະ​ການ​ສອບ​ສວນ​ພວກຫົວໜ້າບໍ​ລິ​ຫານ​ຂອງບໍລິສັດ​ຫວຽດນາມ ​ທີ່​ສົງ​ໄສ​ວ່າ​ ໃຫ້​ສິນ​ບົນນັ້ນ​. ບັນ​ດາ​ນັກ​ເສດຖະສາດ​ພາກັນ​ຄາດໄວ້​ວ່າ ຄົນ​ສ່ວນ​ໃຫຍ່ ​ຈະ​ຍ້ອງການ​ທັບ​ມ້າງ​ດັ່ງກ່າວ​ວ່າ ​ມັນເປັນ​ບາດກ້າວ ​ທີ່​ນໍາ​ໄປ​ສູ່​ຄວາມ​ໂປ່​ງ​ໃສ, ຄວາມ​ເປັນ​ທໍາ​ໃນ​ການ​ເຮັດ​ທຸລະ​ກິດ ​ແລະ​ການດໍາ​ເນີນ​ທຸລະກິດ​ທີ່​ດີ​ຂຶ້ນຂອງ​ບໍລິສັດທີ່​ເປັນ​ພາຄີ​ທາງການ​ຄ້າ ​ແລະ​ການ​ລົງທຶນ​ໃນທ້ອງ​ຖິ່ນ.

ທ່ານ ຊອງ ​ເຊັງ ​ວູນ (Song Seng Wun), ນັກ​ເສດຖະສາດ ​ຢູ່ຫົວໜ່ວຍທະນາຄານ ​ເອກະ​ຊົນ CIMB ທີ່​ສິງກະ​ໂປ​ກ່າວ​ວ່າ "ການກວດ​ລ້າງ​ການ​ສໍ້​ລາດ​ບັງ​ຫຼວງ, ຂ້າພະ​ເຈົ້າ ຄິດ​ວ່າ ​ເທົ່າ​ທີ່​ຜ່ານ​ມາ ປາກົດ​ວ່າ​ ໄດ້​ຮັບ​ຄວາມຊົມ​ຊອບ​ຫລາຍ". "ຢ່າງໜ້ອຍກໍ​ມີ​ຄວາມ​ພະຍາຍາມ​ປາກົດ​ໃຫ້​ເຫັນວ່າ​ ມີ​ການກວດ​ລ້າງ​ເລື່ອງ​ດັ່ງກ່າວ ​ແລະ​ກໍ​ມີ​ຄວາມໂປ່​ງ​ໃສ​ຂຶ້ນ ​ໃນ​ວິທີ​ການ​ດໍາ​ເນີນ​ທຸລະ​ກິດ ​ໂດຍເປັນ​ວິທີ​ການ​ນຶ່ງ​ເພື່ອ​ຮັບປະກັນ​ພື້ນຖານ​ທີ່​ແໜ້ນໜາກວ່າ."

ຄວາມໝັ້ນ​ໃຈ​ທີ່​ເພີ້ມຂຶ້ນຂອງ​ພວກ​ນັກລົງທຶນ​ຕ່າງປະ​ເທດ ​ໃນ​ການສ້າງ​ໂຮງງານ ທີ່​ມັກ​ຫວຽດນາມ​ຢູ່​ແລ້ວ​ ຍ້ອນ​ວ່າ​ມັນ​ມີ​ລາຄາ​ທີ່​ດິນ ​ແລະ​ຄ່າ​ແຮງ​ງານ​ຕໍ່ານັ້ນ ຈະ​ຊ່ວຍ​ເຮັດ​ໃຫ້​ເສດຖະກິດ​ໂດຍ​ລວມ​ຂອງ​ປະ​ເທດ​ ທີ່ຕັ້ງຢູ່ໃນເຂດເອ​ເຊຍ​ຕາ​ເວັນ​ອອກສຽງ​ໃຕ້​ແຫ່ງນີ້ ​
ພຸ່ງ​ໂຕ​ສູງ​ຂຶ້ນ.

ການ​ລົງທຶນ​ຕ່າງປະ​ເທດ​ເຮັດ​ໃຫ້​ເສດຖະກິດ​ຂອງຫວຽດນາມ ທີ່​ມີຍອດຜະລິດຮວມພາຍ
ໃນຫລື GDP 202 ຕື້​ໂດ​ລານັ້ນ​ເພີ້ມຂຶ້ນ ຊຶ່ງ​ທະນາຄານພັດທະນາ​ເອ​ເຊຍ​ຄາດ​ວ່າ​ ເສດ
ຖະກິດ​ຂອງປະ​ເທດ​ດັ່ງກ່າວ ຈະ​ຂະຫຍາຍຕົວ 6.5 ​ເປີ​ເຊັນ​ໃນ​ປີນີ້.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG