ລັດຖະມົນຕີປ້ອງກັນປະເທດສະຫະລັດ ທ່ານ Leon Panetta
ກ່າວວ່າ ທໍານຽບຫ້າແຈແລະທໍານຽບຂາວ ພວມສົນທະນາກັນ
ຫາລືກັນກ່ຽວ ກັບການມີໜ້າຂອງທະຫານສະຫະລັດ ຢູ່ໃນອັຟ
ການິສຖານ ລຸນຫຼັງທີ່ໄດ້ມີການຖອນກຳລັງສູ້ລົບອອກຈາກປະ
ເທດດັ່ງກ່າວໃນປີ 2014.
ທ່ານ Panetta ໄດ້ກ່າວຕໍ່ບັນດານັກຂ່າວ ຢູ່ເທິງເຮືອບິນກອງທັບທີ່ເດີນທາງໄປຍັງອອສເຕຣເລຍວ່າ ຜູ້ບັນຊາການກໍາລັງປະສົມ NATO ທີ່ນໍາພາໂດຍສະຫະລັດ ໃນອັຟການິສ
ຖານ ນາຍພົນ John Allen ໄດ້ນຳສະເໜີແຜນທີ່ຈະໃຫ້ການສະໜັບສະໜຸນເພື່ອຕໍ່ຕ້ານການກໍ່ການ ຮ້າຍ ແລະການຝຶກອົບຮົມກໍາລັງທະຫານອັຟການິສຖານ.
ທ່ານ Panetta ເວົ້າວ່າ “ນາຍພົນ Allen ໄດ້ເຮັດວຽກ ກ່ຽວກັບທາງ ເລືອກຫລາຍຢ່າງ ຊຶ່ງເຮົາກໍາລັງທໍາການພິຈາລະນາ ແລະດຳເນີນງານຮ່ວມກັບທໍານຽບຂາວ. ແລະຂ້າພະເຈົ້າຫວັງວ່າ ພວກເຮົາຈະສາມາດ ດໍາເນີນໃຫ້ເປັນທີ່ຮຽບຮ້ອຍ ພາຍໃນສອງສາມອາທິດຂ້າງໜ້ານີ້. ຂ້າ ພະເຈົ້າມີຄວາມເຊື່ອໝັ້ນວ່າ ພວກເຮົາຈະສາມາດຕົກລົງກັນໄດ້ກ່ຽວກັບ ຕົວເລກທີ່ເໝາະສົມທີ່ພວກເຮົາຕ້ອງການ ໃຫ້ປະຈໍາການຢູ່ອັຟການິສ ຖານ ຫຼັງຈາກປີ 2014.”
ສະຫະລັດ ແລະອັຟການິສຖານ ເຊັນຂໍ້ຕົກລົງການເປັນພາຄີຍຸດທະສາດຮ່ວມກັນໃນເດືອນພຶດສະພາປີກາຍ ທີ່ກ່າວເຖິງຄວາມສຳພັນໃນ ອະນາຄົນ ອານາຄົດຂອງທັງສອງປະເທດ. ມັນບໍ່ໄດ້ກ່າວເຖິງຈຳນວນ ທີ່ສະເພາະເຈາະຈົງໃນການມີໜ້າຂອງທະຫານອາເມຣິກັນ ແຕ່ໃຫ້ຄຳ ໝັ້ນສັນຍາກ່ຽວກັບການຊ່ອຍເຫຼືອຂອງສະຫະລັດຕໍ່ອັຟການິສຖານ
ຢ່າງ ນ້ອຍເປັນເວລານຶ່ງທົດສະວັດ ຫຼັງຈາກກຳລັງນາໆຊາດຖອນອອກໄປ ຈາກປະເທດດັ່ງກ່າວແລ້ວ.
ກ່າວວ່າ ທໍານຽບຫ້າແຈແລະທໍານຽບຂາວ ພວມສົນທະນາກັນ
ຫາລືກັນກ່ຽວ ກັບການມີໜ້າຂອງທະຫານສະຫະລັດ ຢູ່ໃນອັຟ
ການິສຖານ ລຸນຫຼັງທີ່ໄດ້ມີການຖອນກຳລັງສູ້ລົບອອກຈາກປະ
ເທດດັ່ງກ່າວໃນປີ 2014.
ທ່ານ Panetta ໄດ້ກ່າວຕໍ່ບັນດານັກຂ່າວ ຢູ່ເທິງເຮືອບິນກອງທັບທີ່ເດີນທາງໄປຍັງອອສເຕຣເລຍວ່າ ຜູ້ບັນຊາການກໍາລັງປະສົມ NATO ທີ່ນໍາພາໂດຍສະຫະລັດ ໃນອັຟການິສ
ຖານ ນາຍພົນ John Allen ໄດ້ນຳສະເໜີແຜນທີ່ຈະໃຫ້ການສະໜັບສະໜຸນເພື່ອຕໍ່ຕ້ານການກໍ່ການ ຮ້າຍ ແລະການຝຶກອົບຮົມກໍາລັງທະຫານອັຟການິສຖານ.
ທ່ານ Panetta ເວົ້າວ່າ “ນາຍພົນ Allen ໄດ້ເຮັດວຽກ ກ່ຽວກັບທາງ ເລືອກຫລາຍຢ່າງ ຊຶ່ງເຮົາກໍາລັງທໍາການພິຈາລະນາ ແລະດຳເນີນງານຮ່ວມກັບທໍານຽບຂາວ. ແລະຂ້າພະເຈົ້າຫວັງວ່າ ພວກເຮົາຈະສາມາດ ດໍາເນີນໃຫ້ເປັນທີ່ຮຽບຮ້ອຍ ພາຍໃນສອງສາມອາທິດຂ້າງໜ້ານີ້. ຂ້າ ພະເຈົ້າມີຄວາມເຊື່ອໝັ້ນວ່າ ພວກເຮົາຈະສາມາດຕົກລົງກັນໄດ້ກ່ຽວກັບ ຕົວເລກທີ່ເໝາະສົມທີ່ພວກເຮົາຕ້ອງການ ໃຫ້ປະຈໍາການຢູ່ອັຟການິສ ຖານ ຫຼັງຈາກປີ 2014.”
ສະຫະລັດ ແລະອັຟການິສຖານ ເຊັນຂໍ້ຕົກລົງການເປັນພາຄີຍຸດທະສາດຮ່ວມກັນໃນເດືອນພຶດສະພາປີກາຍ ທີ່ກ່າວເຖິງຄວາມສຳພັນໃນ ອະນາຄົນ ອານາຄົດຂອງທັງສອງປະເທດ. ມັນບໍ່ໄດ້ກ່າວເຖິງຈຳນວນ ທີ່ສະເພາະເຈາະຈົງໃນການມີໜ້າຂອງທະຫານອາເມຣິກັນ ແຕ່ໃຫ້ຄຳ ໝັ້ນສັນຍາກ່ຽວກັບການຊ່ອຍເຫຼືອຂອງສະຫະລັດຕໍ່ອັຟການິສຖານ
ຢ່າງ ນ້ອຍເປັນເວລານຶ່ງທົດສະວັດ ຫຼັງຈາກກຳລັງນາໆຊາດຖອນອອກໄປ ຈາກປະເທດດັ່ງກ່າວແລ້ວ.
