ເຮືອບິນຂົນສົ່ງ C-130 ຂອງສະຫະລັດລຳນຶ່ງ ໄດ້ປະສົບອຸບັດ
ຕິເຫດຕົກຢູ່ທີ່ສະໜາມບິນເມືອງ Jalalabad ໃນພາກຕາເວັນ
ອອກຂອງອັຟການິສຖານ ເຮັດໃຫ້ 11 ຄົນເສຍຊີວິດ.
ອຸບັດຕິເຫດໃນຄັ້ງນີ້ ເກີດຂຶ້ນບໍ່ດົນ ຫລັງຈາກທ່ຽງຄືນ ຕາມເວ
ລາທ້ອງຖິ່ນ ໃນວັນສຸກມື້ນີ້. ແມ່ນຫຍັງຄືສາເຫດ ທີ່ພາໃຫ້ເຮືອ
ບິນລຳນີ້ເກີດອຸບັດຕິເຫດ ກຳລັງຢູ່ໃນລະຫວ່າງການສືບສວນ.
ເຈົ້າໜ້າທີ່ ກະຊວງປ້ອງກັນປະເທດສະຫະລັດ ຢູ່ທີ່ສະນາມບິນ
Bagram ໃນອັຟການິສຖານ ກ່າວວ່າ ພວກພະນັກງານປະຈຳ
ເຮືອບິນທີ່ປະກອບດ້ວຍທະຫານອາເມຣິກັນ 6 ຄົນໄດ້ເສຍຊີວິດ
ໃນອຸບັດຕິເຫດຄັ້ງນີ້.
ນອກນັ້ນ ຍັງມີພະນັກງານສັນຍາຈ້າງພົນລະເຮືອນ ທີ່ເຮັດວຽກໃຫ້ສູນກາງຝຶກແອບ ເພື່ອ ໃຫ້ການສະໜັບສະໜຸນຂອງອົງການເນໂຕ້ 5 ຄົນ ກໍເສຍຊີວິດໃນອຸບັດຕິເຫດດັ່ງກ່າວ.
ກຸ່ມຕາລີບານ ກ່າວອ້າງວ່າ ຕົນເປັນຜູ້ຍິງ ເຮືອບິນລຳນີ້ ແຕ່ແນວໃດກໍຕາມ ພັນຕີ Tony Wickman ແຫ່ງກອງທັບອາກາດສະຫະລັດບໍ່ໄດ້ໃຫ້ຄວາມສຳຄັນຕໍ່ການກ່າວອ້າງຂອງ
ພວກຕາລີບານໂດຍເວົ້າວ່າທ່ານສາມາດກ່າວດ້ວຍຄວາມເຊື່ອໝັ້ນໃນລະດັບສູງວ່າການ ການໂຈມຕີຂອງສັດຕູ ບໍ່ໄດ້ມີສ່ວນພາໃຫ້ເກີດອຸບັດຕິເຫດໃນຄັ້ງນີ້.
ເຮືອບິນ Hercules C-130 ເປັນເຮືອບິນສີ່ເຄື່ອງຈັກສ້າງໂດຍບໍລິສັດ Lockheed Martin.
ອີງຕາມອົງການເນໂຕ້ແລ້ວ ມີທະຫານກຳລັງປະສົມປະມານ 1,000 ຄົນຍັງປະຕິບັດໜ້າ
ທີ່ໃນພາກຕາເວັນອອກອັຟການິສຖານຮວມທັງກຳລັງຂອງສະຫະລັດແລະໂປແລນພ້ອມ
ທັງທະຫານອັຟການິສຖານອີກປະມານ 40,000 ຄົນ.
