ບັນດາທະນາຍຄວາມ ຂອງທ່ານ Jonathan Pollard ນັກສືບ
ອິສຣາແອລທີ່ຖືກໂທດຢູ່ ກ່າວໃນວັນອັງຄານວານນີ້ວ່າ ພວກ
ເຈົ້າໜ້າທີ່ສະຫະລັດ ໄດ້ຕັດສິນໃຈ ທີ່ຈະປ່ອຍໂຕທ່ານ ໃນເດືອນ
ພະຈິກຈະມາເຖິງນີ້ ຫລັງຈາກ 30ປີທີ່ໄດ້ຖືກຄຸກລັດຖະບານກາງ.
ຄະນະກຳມາທິການໃຫ້ອະໄພໂທດສາມຄົນ ຂອງກະຊວງຍຸຕິທຳ
ໄດ້ໃຫ້ການ ອະນຸມັດປ່ອຍໂຕທ່ານ Pollard ຫລັງຈາກພວກເຈົ້າ
ໜ້າທີ່ລັດຖະບານກາງບໍ່ໄດ້ສະແດງການຄັດຄ້ານໃດໆ ແລະກ່າວ
ວ່າ ເຂົາເຈົ້າເຊື່ອວ່າ ທ່ານຈະບໍ່ທຳຄວາມຜິດຕື່ມອີກ.
ໃນການຖະແຫຼງຜ່ານທາງທະນາຍຄວາມຂອງທ່ານ ຈາກຄຸກຢູ່ທີ່
ລັດ North Carolina ນັ້ນ ທ່ານ Pollard ກ່າວວ່າ ທ່ານ “ຫວັງວ່າ ຈະໄດ້ພົບກັບ” ພັນ ລະຍາຂອງທ່ານ ນາງ Esther.
ນອກນັ້ນ ທ່ານຍັງກ່າວຂອບໃຈ “ຫລາຍພັນຄົນ ທີ່ປາດຖະໜາດີຢູ່ໃນສະຫະ ລັດ ອິສຣາ
ແອລ ແລະຢູ່ທົ່ວໂລກ ຕໍ່ຜູ້ທີ່ໃຫ້ການສະໜັບສະໜູນຂັ້ນຮາກຫຍ້າ ໂດຍການໄປຮ່ວມໂຮມ
ຊຸມນຸມປະທ້ວງ ສົ່ງໜັງສື ໂທລະສັບຫາບັນດາສະມາຊິກສະພາຫຼືເຈົ້າໜ້າທີ່ທີ່ໄດ້ຮັບເລືອກ
ທັງຫຼາຍແລະພວກທີ່ສູດມົນພາວະນາວິ້ງວອນໃຫ້ທ່ານຖືກປ່ອຍ.”
ນາຍົກລັດຖະມົນຕີອິສຣາແອລ ທ່ານ Benjamin Netanyahu ໄດ້ສະແດງ ຄວາມຍິນດີຕໍ່
ການຈະປ່ອຍໂຕທ່ານ Pollard ໂດຍກ່າວວ່າ ທ່ານໄດ້ນຳເອົາເລື້ອງນີ້ ຂື້ນມາໂອ້ລົມກັບ
ບັນດາເຈົ້າໜ້າທີ່ສະຫະລັດ ຫລາຍໆຄັ້ງແລ້ວ.
ທ່ານ Pollard ທີ່ເກີດຢູ່ລັດ Texas ແມ່ນເປັນນັກວິເຄາະພົນລະເຮືອນໃຫ້ແກ່ ກອງທັບ
ເຮືອສະຫະລັດ.
ບັນດາເຈົ້າໜ້າທີ່ໄດ້ຈັບ ທ່ານ Pollard ໃນເດືອນພະຈິກ ປີ 1985 ເວລາທ່ານ ພະຍາຍາມ
ຈະເຂົ້າໄປລີ້ໄພ ຢູ່ໃນສະຖານທູດອິສຣາແອລທີ່ນະຄອນຫລວງວໍຊິງຕັນ.
ທ່ານໄດ້ຖືກຕັດສິນໂທດໃຫ້ຕິດຄຸກຕະຫລອດຊີວິດສອງປີຫລັງຈາກນັ້ນ ໃນຖານນຳເອົາ
ຫີບເອກກະສານລັບຂອງກອງທັບ ໄປໃຫ້ອິສຣາແອລ ຮວມທັງລາຍລະອຽດກ່ຽວກັບຂໍ້
ມູນຂ່າວກອງຂອງສະຫະລັດ ອາວຸດ ແລະລະບົບເຄຶ່ອງລົບກວນ ເຣດ້າ ໃນພາກຕາເວັນ
ອອກກາງ.
