ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

ກຳລັງແນວໂຮມ ຊາອຸດີ ໃນເຢເມັນ ຍຸຕິ ໃນການກາງຕໍ່ ສຫລ ເພື່ອຕື່ມນ້ຳມັນ ໃນລະຫວ່າງ ການບິນ


ພວກເຈົ້າໜ້າທີ່ ສະໜາມບິນ ພາກັນເບິ່ງຊາກເຮືອບິນຂົນສົ່ງ ທີ່ໄດ້ຖືກທຳລາຍ ໂດຍການໂຈມຕີທາງອາກາດ ຂອງກຸ່ມແນວໂຮມ ຢູ່ສະໜາມບິນນາໆຊາດ ຊານາອາ
ພວກເຈົ້າໜ້າທີ່ ສະໜາມບິນ ພາກັນເບິ່ງຊາກເຮືອບິນຂົນສົ່ງ ທີ່ໄດ້ຖືກທຳລາຍ ໂດຍການໂຈມຕີທາງອາກາດ ຂອງກຸ່ມແນວໂຮມ ຢູ່ສະໜາມບິນນາໆຊາດ ຊານາອາ

ສະ​ຫະ​ລັດ ໄດ້​ຍຸຕິ​ການ​ຕື່ມນ້ຳ​ມັນ ໃຫ້​ແກ່​ເຮືອ​ບິນ​ລົບ ຈາກກຳລັງ​ແນວ​ໂຮ​ມ​ ນຳພາໂດຍ
ຊາ​ອຸ​ດີ ທີ່ປະຕິບັດການ ຢູ່​ໃນ​ເຢ​ເມນ.

ຊາ​ອຸ​ດີ ອາ​ຣາ​ເບຍ ກ່າວ​ຢູ່​ໃນ​ຖະ​ແຫຼງ​ການວ່າຕົນ​ໄດ້​ຮ້ອງ​ຂໍ​ໃຫ້​ໂຈະ​ຕໍ່​ໂຄງ​ການ​ດັ່ງ
​ກ່າວເພາະ​ວ່າ​ແນວ​ໂຮມ ບັດ​ນີ້​ສາ​ມາດ​ປະ​ຕິ​ບັດ​ງານ​ການເຕີມນ້ຳ​ມັນ​ທາງ​ອາ​ກາດ. ບັນ​
|ດາເຈົ້າ​ໜ້າ​ທີ່​ສະ​ຫະ​ລັດ ກ່າວ​ວ່າ​ປະ​ມານ 20 ເປີ​ເຊັນ​ຂອງ​ແນວ​ໂຮມ ໄດ້​ຮັບ​ການ​ເຕີມ
ນ້ຳ​ມັນຈາກ​ສະ​ຫະ​ລັດ.

ລັດ​ຖະ​ມົນ​ຕີ​ປ້ອ​ງ​ກັນ​ປະ​ເທດ ທ່ານ​ຈິມ ແມັດ​ຕິ​ສ ກ່າວ​ຢູ່​ໃນ​ຖະ​ແຫຼງ​ການ​ວ່າ “ພວກ​ເຮົາ
​ສະ​ໜັບ​ສະ​ໜູນ​ການ​ຕັດ​ສິນ​ໃຈ ໂດຍ​ອາ​ນາ​ຈັກ​ຊາ​ອຸ​ດີ ອາ​ຣາ​ເບຍ. ສະ​ຫະ​ລັດ ແລະ​
ແນວ​ໂຮມ ກຳ​ລັງ​ວາງ​ແຜນ​ຮ່ວມ​ມື​ໃນ​ການ​ສ້າງ​ຕັ້ງ​ກຳ​ລັງ​ເຢ​ເມນ​ໃຫ້​ຖືກ​ຕ້ອງ ເພື່ອ​ປ້ອງ
​ກັນ​ຊາວ​ເຢ​ເມນ ຮັກ​ສາ​ຊາຍ​ແດນ​ປະ​ເທດເຂົາ​ເຈົ້າ ແລະ​ຊ່ວຍ​ເຫຼືອ​ຕ້ານຄວາມ​ພະ​ຍາ
​ຍາມ ຂອງພວກ​ກໍ່​ການ​ຮ້າຍ ອາ​ລ​ໄຄ​ດາ ແລະ ISIS ​ຢູ່​ໃນ​ເຢ​ເມນ ແລະ​ໃນຂົງ​ເຂດ.”

ແນວ​ໂຮມ​ທີ່ນ​ຳ​ພາ​ໂດຍ​ຊາ​ອຸ​ດີ ອາ​ເຣ​ເບຍ ໄດ້​ເລີ້ມ​ຖີ້ມ​ລະ​ເບີດ​ໃສ່ພວກ​ກະ​ບົດ​ຮູ​ທີ ທີ່​
ໜູນ​ຫຼັງ​ໂດຍ​ອີ​ຣ່ານ ໃນ​ການ​ສະ​ໜັບ​ສະ​ໜູນ​ລັດ​ຖະ​ບ​ານ​ເຢ​ເມນ ໃນ​ເດືອນ​ມີ​ນາ 2015.
ນັບ​ແຕ່​ນັ້ນ​ມາ ສະ​ຫະ​ປະ​ຊາ​ຊາດ​ໄດ້​ຄາດ​ຄະ​ເນ​ ຫຼາຍກວ່າ 10,000 ຄົນ​ໄດ້​ເສ​ຍ​ຊີ​ວິດ
ສ່ວນ​ໃຫ​ຍ່​ມາ​ຈາກ​ການ​ຖິ້ມ​ລະ​ເບີດ.

ພວກ​ຜູ້​ຊາຍ​ຊາວ​ເຢ​ເມນ ພາ​ກັນ​ຫາມ​ຫີບ​ສົບ​ເດັກ​ນ້ອຍ​ຜູ້​ຊາຍ ທີ່​ເສຍ​ຊີ​ວິດ​ຈາກ​ການ​ຖີ້ມ​ລ​ະ​ເບີດ ຂອງ​ແນວ​ໂຮ​ມ​ຊາ​ອຸ​ດີ ວັນ​ທີ 13 ສິງ​ຫາ 2018.
ພວກ​ຜູ້​ຊາຍ​ຊາວ​ເຢ​ເມນ ພາ​ກັນ​ຫາມ​ຫີບ​ສົບ​ເດັກ​ນ້ອຍ​ຜູ້​ຊາຍ ທີ່​ເສຍ​ຊີ​ວິດ​ຈາກ​ການ​ຖີ້ມ​ລ​ະ​ເບີດ ຂອງ​ແນວ​ໂຮ​ມ​ຊາ​ອຸ​ດີ ວັນ​ທີ 13 ສິງ​ຫາ 2018.

ບໍ່​ເປັນ​ທີ່​ແຈ່ມ​ແຈ້ງ​ທັນ​ທີ່ວ່າ ການ​ເສັດ​ສິ້ນ​ປະ​ຕິ​ບັດ​ງານ​ເຕີມ​ນ້ຳ​ມັນ​ຂອງ​ສະ​ຫະ​ລັດ ຈະ
​ເປັນ​ຜົນ​ກະ​ທົບ​ຕໍ່​ກິດ​ຈະ​ການ​ແນວ​ໂຮມ​ໃນ​ເຢ​ເມນຢ່າງ​ໃດ.

ການ​ເຄື່ອນ​ໄຫວ​ເພື່ອ​ເສັດ​ສິ້ນ​ການ​ເຕີມ​ນ້ຳ​ມັນ​ທາງ​ອາ​ກາດ ຍັງ​ເກີດ​ຂຶ້ນ​ທ່າມ​ກາງ​ການ
​ຮ້ອງ​ໂຮ​ຂອ​ງ​ສາ​ກົນ ກ່ຽວ​ກັບ​ການ​ຄາດ​ຕະ​ກຳ​ນັກ​ຂ່າວ ຊາ​ອຸ​ດີ ທ່ານ​ຈາ​ ມາ​ລ ຄາ​ຊອກ​ກີ
ເມື່ອ​ເດືອນ​ແລ້ວ​ນີ້ ຢູ່​ໃນ​ກົງ​ສຸນ​ຊາ​ອຸ​ດີ ໃນ​ເທີ​ກີ.

ລັດ​ຖະ​ມົນ​ຕີ​ປ້ອງ​ກັນ​ປະ​ເທດ​ສະ​ຫະ​ລັດ ທ່ານ​ຈອນ ແມັດ​ຕິ​ສ ຢູ່​ໃນ​ພິ​ທີ ທີ່​ທຳ​ນຽບ​ຫ້າ​ແຈ ວັນ​ທີ 21 ກັນ​ຍາ 2018.
ລັດ​ຖະ​ມົນ​ຕີ​ປ້ອງ​ກັນ​ປະ​ເທດ​ສະ​ຫະ​ລັດ ທ່ານ​ຈອນ ແມັດ​ຕິ​ສ ຢູ່​ໃນ​ພິ​ທີ ທີ່​ທຳ​ນຽບ​ຫ້າ​ແຈ ວັນ​ທີ 21 ກັນ​ຍາ 2018.

ເລ​ຂາ​ທິ​ການ​ໃຫຍ່​ສະ​ຫະ​ປະ​ຊາ​ຊາດ ທ່ານ​ແອນ​ໂຕ​ນິ​ໂອ ກຸ​ເຕ​ຣ​ເຣ​ສ໌ ໄດ້​ກ່າວ​ໃນຕົ້ນ​
ເດືອນ​ນີ້​ວ່າເຢ​ເມນ ກຳ​ລັງຫາ​ທາງ “ກ່ຽວ​ກັບອັນ​ຕະ​ລາຍ” ແລະ​ໄດ້​ຮ້ອງ​ປະ​ຊາ​ຄົມ​ສາ​ກົນ
​ໃຫ້​ຢຸດ​ເຊົາ​ຄວາມ​ຮຸນ​ແຮງ ແລ​ະປ້ອງ​ກັນ​ຄວາມ​ຫາຍ​ຍະ​ນະ. ທ່ານ​ໄດ້​ກ່າວ​ເພີ້ມ​ອີກວ່າ
ຊາວ​ເຢ​ເມນ 14 ລ້ານ​ຄົນ ອາດ​ຈະ​ຢູ່​ໃນ​ຄວາມ​ສ່ຽງ ຂອງ​ຄວາມ​ອຶດ​ຢາກ.

ອ​່ານ​ຂ່າວ​ນີ້​ເພີ້ມ​ເປັນ​ພາ​ສາ​ອັງ​ກິດ

XS
SM
MD
LG