ສານສູງສຸດ ກຳລັງທຳການໂຕ້ຖຽງກັນ ທີ່ ນະຄອນຫລວງ ວໍຊິງ
ຕັນ ກ່ຽວກັບວ່າ ຄູ່ຮັກຮ່ວມເພງຜູ້ຍິງແລະຜູ້ຊາຍ ມີສິດທິຕາມ
ກົດໝາຍລັດຖະທຳມະນູນຫຼືບໍ່ ທີ່ຈະແຕ່ງງານກັນ ຢູ່ໃນສະຫະ
ລັດ ໂດຍທີ່ຄຳຖາມໃນຂັ້ນຕົ້ນ ສະແດງໃຫ້ເຫັນວ່າເລື້ອງດັ່ງ
ກ່າວໄດ້ມີການແບ່ງແຍກກັນຕາມເສັ້ນສາຍທີ່ເຄີຍເຫັນມານັ້ນ
ກໍຄື ລະຫວ່າງພວກນິຍົມແນວທາງເດີມ ແລະພວກເສລີນິຍົມ.
ບັນດານັກເຄຶ່ຶອນໄຫວຫລາຍຮ້ອຍຄົນ ທີ່ພາກັນສະໜັບສະໜູນ
ແລະຄັດຄ້ານຕໍ່ການແຕ່ງງານເພດດຽວກັນ ເຕົ້າໂຮມກັນຢູ່ນອກ
ສານ ລ່ວງໜ້າກ່ອນການຮັບຟັງຄຳໃຫ້ການ. ການແຕ່ງງານຂອງ
ຄົນເພດດຽວກັນ ແມ່ນຖືກຕ້ອງກົດໝາຍຢູ່ໃນ 37 ລັດ ຂອງທັງ
ໝົດ 50 ລັດ ຂອງສະຫະລັດ ແຕ່ສານສູງສຸດ ສາມາດເຮັດໃຫ້ການແຕ່ງງານດັ່ງກ່າວຖືກ
ຕ້ອງຕາມກົດໝາຍໄດ້ ຢູ່ໃນທົ່ວປະເທດ ຫລື ປ່ອຍໃຫ້ແຕ່ລະລັດ ຕັດສິນໃຈເອົາເອງ.
ບັນດານັກເຄຶ່ອນໄຫວຮັກຮ່ວມເພດ ໄດ້ກາງທຸງທີ່ມີຫລາຍສີ ຄືສີຮຸ້ງກິນນໍ້າ ອັນເປັນສັນ
ຍາລັກໃນການເຄື່ອນໄຫວຂອງເຂົາເຈົ້າ ຊຶ່ງຜູ້ນຶ່ງຖືປ້າຍກ່າວວ່າ “ການແຕ່ງງານເປັນສິດ
ທິຕາມກົດໝາຍລັດຖະທຳມະນູນຂອງພວກເຮົາ.” ສ່ວນພວກຝ່າຍຄ້ານ ຕໍ່ການແຕ່ງງານ
ເພດດຽວກັນກໍພາກັນຖືປ້າຍຮ້ອງການແຕ່ງງານຂອງ ຄົນເພດດຽກັນວ່າ “ບາບ” ແລະອະທິບາຍວ່າພວກຮັກຮ່ວມເພດເປັນ “ທີ່ກຽດຊັງຕໍ່ພະເຈົ້າ.”
