ໃນວັນອັງຄານ ທີ 26 ເມສາ ວານນີ້ ຫ້ອງການໂຄສົກ
ກະຊວງການຕ່າງປະເທດສະຫະລັດ ໄດ້ອອກຄໍາຖະ
ແຫລງສະບັບນຶ່ງກ່ຽວກັບຜົນການປະຊຸມຂອງຄະນະ
ກໍາມາທິການແມ່ນໍ້າຂອງສາກົນ ກ່ຽວກັບໂຄງການສ້າງ
ເຂື່ອນໄຊຍະບູລີຂອງລາວ ຊຶ່ງມີເນື້ອໃນວ່າ:
"ໃນວັນທີ 19 ເມສາຜ່ານມານີ້ ຄະນະກໍາມະການຮ່ວມ
ຂອງຄະນະກໍາມາທິການແມ່ນໍ້າຂອງສາກົນຫລື MRC ໄດ້ພົບປະກັນເພື່ອທໍາການໂອ້ລົມສົນທະນາກ່ຽວກັບເລື້ອງໂຄງການສ້າງເຂື່ອນໄຟຟ້າພະລັງນໍ້າໄຊຍະບູລີ ອັນເປັນເຂື່ອນທໍາອິດທີ່ໄດ້ສະເໜີສ້າງຂຶ້ນ ໃນເຂດລຸ່ມລໍາແມ່ນໍ້າ ຂອງ. ພວກເຮົາເຂົ້າໃຈວ່າ ພວກສະມາຊິກຂອງຄະນະກໍາມາທິການແມ່ນໍ້າຂອງສາກົນບໍ່ໄດ້ບັນລຸຂໍ້ຕົກລົງຢ່າງເປັນເອກກະສັນກັນກ່ຽວກັບວ່າໂຄງການນີ້ຈະດໍາເນີນຕໍ່ໄປຫລືບໍ? ແລະຕົກລົງກັນວ່າ ການຕັດສິນໃຈກ່ຽວກັບເລື້ອງນີ້ຈະນໍາໄປພິຈາລະນາກັນໃນລະດັບລັດຖະມົນຕີໃນວັນເວລາຕໍ່ໄປ.
ສະຫະລັດຮັບຮູ້ບົດບາດອັນສໍາຄັນທີ່ພວກເຂື່ອນຕ່າງໆສາມາດທໍາໄດ້ ໃນການຈັດແຈງຊັບ
ພະຍາກອນນໍ້າເພື່ອການເຕີບໂຕດ້ານເສດຖະກິດໃຫ້ຄືບໜ້າຕໍ່ໄປແລະປົກປ້ອງບໍ່ໃຫ້ເກີດ
ນໍ້າຖ້ວມແລະຄວາມແຫ້ງແລ້ງນັ້ນ. ໃນເວລາດຽວກັນ ປະສົບການຂອງພວກເຮົາເອງໄດ້
ເຮັດໃຫ້ພວກເຮົາມີສະຕິລະວັງໂຕຢ່າງສູງ ຕໍ່ຜົນກະທົບທາງດ້ານເສດຖະກິດສັງຄົມແລະ
ສະພາບແວດລ້ອມ ທີ່ໂຄງລ່າງພື້ນຖານຂະໜາດໃຫຍ່ສາມາດກໍ່ຂຶ້ນໄດ້ ໃນໄລຍະຍາວນັ້ນ.
ໃນຫລາຍໆປີຕໍ່ໜ້າ ພວກປະເທດໃນເຂດລຸ່ມແມ່ນໍ້າຂອງຄາດວ່າ ຈະມີການພັດທະນາ
ກວ້າງຂວາງອອກໄປຕື່ມ ຊຶ່ງໄດ້ມີການສະເໜີສ້າງເຂື່ອນຂຶ້ນອີກ 11 ແຫ່ງ ຕາມລໍາແມ່
ນໍ້າຂອງ ແລະ 70 ແຫ່ງຕາມສາຂາຂອງແມ່ນໍ້າຂອງ. ການຕັດສິນໃຈເຫລົ່ານີ້ຄວນຈະດໍາ
ເນີນໄປຢ່າງຖີ່ຖ້ວນ ແລະຮອບຄອບໂດຍທາງວິທະຍາສາດທີ່ດີທີ່ສຸດ ແລະການປຶກສາຫາ
ລືກັນກັບພວກທີ່ມີສ່ວນໄດ້ສ່ວນເສຍທຸກໆຝ່າຍ.
ສະຫະລັດສະແດງຄວາມຍິນດີນໍາການຮັບຮູ້ໂດຍພວກປະເທດໃນແຄມແມ່ນໍ້າຂອງທີ່ຈະຕ້ອງການພິຈາລະນາຢ່າງເຕັມສ່ວນຄວາມສາມາດບົ່ມຊ້ອນຂອງຜົນສະທ້ອນທາງດ້ານເສດຖະກິດ ສິ່ງແວດລ້ອມແລະສັງຄົມຂອງການພັດທະນາໄຟຟ້າພະລັງນໍ້າແລະຄວາມພະຍາຍາມຂອງພວກເຂົາເຈົ້າໂດຍຜ່ານການດໍາເນີນຂັ້ນຕອນໃນການປຶກສາຫາລືລ່ວງໜ້າຂອງຄະນະກໍາມາທິການແມ່ນໍ້າຂອງສາກົນນີ້. ສະຫະລັດໃຫ້ຄວາມສຳ ຄັນຕໍ່ການເປັນພາຄີມາຕັ້ງແຕ່ດົນນານຂອງຕົນກັບຄະນະກໍາມາທິການແມ່ນໍ້ຂອງສາກົນແລະກັບພວກປະເທດສະມາຊິກຂອງຄະນະກຳມາທິ ການດັ່ງກ່າວ. ພວກເຮົາຂໍສົ່ງເສິມພວກປະເທດເຫລົ່ານີ້ໃຫ້ສືບຕໍ່ດໍາເນີນງານຮ່ວມກັນເພື່ອລະນຶກເຖິງວິໄສທັດຮ່ວມກັນຂອງພວກປະເທດໃນເຂດລຸ່ມແມ່ນໍ້າຂອງໃຫ້ມັ່ງຄັ່ງສົມບູນທາງດ້ານເສດຖະກິດ ຄວາມຍຸດຕິທຳທາງດ້ານສັງຄົມແລະສິ່ງແວດ ລ້ອມທີ່ດີ ສຳລັບເຂດອ່າງແມ່ນໍ້າຂອງນັ້ນ."
