ລິ້ງ ສຳຫລັບເຂົ້າຫາ

logo-print

ສະ​ຫະ​ລັດ ຕຳ​ໜິ ​ພັນ​ທະ​ມິດ ​ຢູ​ໂຣບ ກ່ຽວ​ກັບ ​ຂໍ້​ຕົກ​ລົງ​ນິວ​ເຄລຍ ກັບ ອີ​ຣ່ານ


ຮອງປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ໄມ​ຄ໌ ເພັນສ໌ ໃນ​ກອງ​ປະ​ຊຸມ​ທີ່​ວໍຊໍ, ໂປ​ແລນ, 14 ກຸມ​ພາ 2019.

ສະ​ຫະ​ລັດໄດ້​ຮຽກ​ຮ້ອງໃຫ້​ຢູ​ໂຣບປະ​ຖິ້ມຂໍ້​ຕົກ​ລົງ​ອາ​ວຸດ​ນິວ​ເຄລຍປີ 2015 ​ກັບ​ອີ​ຣ່ານ
ຊຶ່ງວໍ​ຊີງ​ຕັນ​ໄດ້​ຖອນໂຕອອກ ໃນ​ປີກາຍ​ນີ້. ທີ​ກອງ​ປະ​ຊຸມ​ໃນ​ນະຄອນ ວໍຊໍ ທີ່ໄດ້​ມີ​ຫຼາຍ
ກວ່າ 60 ປະ​ເທດ​ເຂົ້າ​ຮ່ວມ​ນັ້ນ ຮອງປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ໄມ​ຄ໌ ເພັນ​ສ
ໄດ້​ກ່າວ​ຫາ​ວ່າພັນ​ທະ​ມິດ​ຢູ​ໂຣບ ​ພະ​ຍາ​ຍາມ​ມ້າງເພ​ການລົງ​ໂທດ​ຂອງ​ອາ​ເມ​ຣິ​ກາ ​
ຕ້ານໃນ​ອັນ​ທີ່ ທ່ານ​ເອີ້ນ​ວ່າລັດທິປະຕິວັດ​ແບບ​ສັງ​ຫານຂອງ​ອີ​ຣ່ານ. ຫຼ​າຍໆ​ປະ​ເທດ
ໃນອີຢູ ໄດ້​ປະ​ຕິ​ເສດ ທີ່​ຈະ​ເຂົ້າ​ຮ່ວມກອງ​ປະ​ຊຸມດັ່ງກ່າວ ຊຶ່ງ ແຮນ​ຣີ ຣິ​ຈ​ແວ​ລ ມີ​ລາຍ
​ລະ​ອຽດ​ກ່ຽວ​ກັບ​ເລື້ອງ​ນີ້ ດັ່ງວັນ​ນະ​ສອນ ​ຈະນຳ​ມາ​ສະ​ເໜີ​ທ່ານ​ ໃນ​ອັນ​ດັບ​ຕໍ່​ໄປ.

ກອງ​ປະ​ຊຸມ​ດັ່ງ​ກ່າວ ຮຽກ​ຮ້ອງ​ໃຫ້​ເວົ້າ​ເຖິງ​ຄວາມຂັດແຍ້ງກັນ​ທີ່​ຍືດເຍື້ອ​ຍາວ​ນານມາ
ໃນ​ພາກ​ຕາ​ເວັນ​ອອກ​ກາງ, ແຕ່​ຈຸດສຸມທີ່ສຳຄັນເລີຍກາຍເປັນເລື້ອງກ່ຽວກັບ​ອີ​ຣ່ານ.

ທ່ານ​ໄມ​ຄ໌ ພອມ​ພຽ​ວ ລັດ​ຖະ​ມົນ​ຕີ​ການ​ຕ່າງ​ປະ​ເທດ ກ່າວ​ວ່າ “ບໍ່​ມີ​ປະ​ເທດ​ໃດ ເວົ້າ​
ອອກ​ມາ ແລະ​ປະ​ຕິ​ເສດ ​ພື້ນ​ຖານຄວາມຈິງໃດໆທີ່​ພວກ​ເຮົາ ໄດ້​ວາງອອກກ່ຽວ​ກັບ
​ອີຣ່ານ ໄພ​ຂົ່ມ​ຂູ່​ຕ່າງໆທີ່​ປະ​ເທດ​ດັ່ງ​ກ່າວ​ໄດ້​ເຮັດຂຶ້ນ, ທຳ​ມະ​ຊາດ​ຂອງ​ລະ​ບອບ
ດັ່ງກ່າວ. ​ມັນ​ແມ່ນເຫັນ​ພ້ອມ​ກັນ.”

ຄວາມເຫັນ​ພ້ອມນຳ​ກັນ​ນັ້ນ ບາງ​ທີ​ອາດຈະແມ່ນໃນ​ບັນ​ດາ​ປະ​ເທດ​ທັງ​ຫຼາຍ​ທີ່​ເຂົ້າ​ຮ່ວມ
ກອງ​ປະ​ຊຸມນີ້. ແຕ່​ວ່າ ບາງ​ປະ​ເທດ​ພັນ​ທະ​ມິດ​ຂອງ​ສະ​ຫະ​ລັດຊຶ່ງພໍສັງເກດເຫັນໄດ້
ຍ້ອນການ​ບໍ່​ມາປາ​ກົດ​ຕົວ​ຂອງ​ພວກ​ເຂົາ​ເຈົ້າໃນກອງປະຊຸມນີ້ ຊຶ່ງ​ຮວມ​ທັງ ລັດ​ຖະ​ມົນ​ຕີ​
ການ​ຕ່າງ​ປະ​ເທດຂອງ​ຝ​ຣັ່ງ ແລະ​ເຢຍ​ຣະ​ມັ​ນ. ຕົວ​ແທນ​ຂອງ​ປະ​ທດອັງ​ກິດ ໄດ້​ອອກ​ຈາກ
ກອງ​ປະ​ຊຸມ​ສຸດຍອດ​ກ່ອນກຳນົດ.

ສາມ​ປະ​ເທດ​ພັນ​ທະ​ມິດ ໄດ້​ອອກຄວາມ​ເຫັນ​ຢ່າງແຂງຂັນ ເພື່ອສົ່ງ​ເສີມ ຂໍ້​ຕົກ​ລົງນິວ​ເຄີຍ
ອີ​ຣ່ານ ປີ 2015 ເຖິງ​ແມ່ນ​ວ່າວໍ​ຊີງ​ຕັນ ຈະໄດ້​ຖອນ​ຕົວ​ອອກ​ໄປ​ ກໍ​ຕາມ. ຮອງປະ​ທາ​ນາ
​ທິ​ບໍ​ດີ​ສະ​ຫະ​ລັດ ທ່ານ​ໄມ​ຄ໌ ເພັນສໄດ້​ຮຽກ​ຮ້ອງ​ໃຫ້​ ​ປ່ຽນເລື້ອງ​. ​

ຮອງປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ໄມ​ຄ໌ ເພັນສ ກ່າວ​ວ່າ “ມັນ​ເຖິງ​ເວ​ລາແລ້ວ​ທີ່ບັນ​ດາ​
ປະ​ເທດ​ຢູ​ໂຣບພວກ​ເຮົາ ຈະ​ຖອນ​ອອກ​ຈາກຂໍ້ຕົກລົງ​ນິວ​ເຄລຍ​ ​ອີ​ຣ່ານ ແລະ​ເຂົ້າຮ່ວມ
ກັບ​ພວກ​ເຮົາ ໃນ​ຂະ​ນະ​ທີ່​ພວກ​ເຮົານຳ​ພາ​ເອົາ​ການ​ເສດ​ຖະ​ກິດ ແລະ​ຄວາມ​ກົດ​ດັນ
​ທາງ​ການທູດ ທີ່​ຈຳ​ເປັນ ໄປ​ມອບໃຫ້ແກ່​ປະ​ຊາ​ຊົນອີ​ຣ່ານ, ​ການ​ຮັກ​ສາ​ຄວາມ​ປອດ​ໄພ
ໃນຂົງ​ເຂດ ແລະໃນ​ໂລກ, ​ສັນ​ຕິພາບ ແລະ​ສິດ​ເສ​ລິ​ພາບ ທີ່​ພວກ​ເຂົາ​ເຈົ້າ​ຄວນຈະ​ໄດ້​ຮັບ.”

ພວກ​ນັກ​ວິ​ເຄາະ​ກ່າວ​ວ່າ ປະ​ເທດ​ໂປ​ແລນ ແລະ​ບາງ​ປະ​ເທດ​ໃນ​ຢູ​ໂຣບ ເບິ່ງ​ຄື​ວ່າ ຫຍັບ​ໃກ້​ເຂົ້າມາຫາການ​ເອົາ​ບາດ​ກ້າວ​ຂອງ​ວໍ​ຊີງ​ຕັນ ແລະ​ສະ​ຫະ​ລັດ ກໍເບິ່ງ​ເຫັນ​ເປັນ​ໂອ​ກາດດີ.

ນາຍົກລັດຖະມົນຕີໂປແລນ ທ່ານມາເຕີສ ມໍຣາວີກີ (Mateusz Morawiecki) ແລະທ່ານໄມຄ໌ ພອມພຽວ ລັດຖະມົນຕີການຕ່າງປະເທດສະຫະລັດ ກ່າວໃນກອງປະຊຸມສຸດຍອດ ທີ່ວໍຊໍ, ໂປແລນ, 14 ກຸມພາ 2019.
ນາຍົກລັດຖະມົນຕີໂປແລນ ທ່ານມາເຕີສ ມໍຣາວີກີ (Mateusz Morawiecki) ແລະທ່ານໄມຄ໌ ພອມພຽວ ລັດຖະມົນຕີການຕ່າງປະເທດສະຫະລັດ ກ່າວໃນກອງປະຊຸມສຸດຍອດ ທີ່ວໍຊໍ, ໂປແລນ, 14 ກຸມພາ 2019.

ທ່ານ Piotr Buras, ປະຈຳ​ສະ​ພາ​ຢູ​ໂຣບ ​ກ່ຽວ​ກັບ​ສາຍ​ພົວ​ພັນ​ການ​ຕ່າງ​ປະ​ເທດ ກ່າວ​ວ່າ
“ຂ້າ​ພະ​ເຈົ້າ​ມີ​ຄວາມ​ຮູ້​ສຶກວ່າ ລັດ​ຖະ​ບານ​ຂອງ​ທ່ານ​ທ​ຣຳ ບໍ່​ໄດ້​ສົນ​ໃຈ​ປານໃດ ກ່ຽວ​ກັບ​
ການ​ທ້ອນ​ໂຮມ​ຂອງ​ຢູ​ໂຣບ, ຫຼື ຍິ່ງ​ໄປ​ກວ່າ​ນັ້ນ ບາງ​ທີ ອາດ​ຈະສວາຍເອົາໂອກາດ
ການແຕກແຍກ​ຂອງ​ຢູ​ໂຣບນີ້ຊໍ້າ ຫຼື​ບໍ່ ກໍ​ອາດຈະເຮັດ​ໃຫ້​ມັນ​ຍິ່ງ​ເລິກ​ລົງ​ໄປຕື່ມ.”

ສ່ວນພວກ​ອື່ນແມ່ນ​ກ່າວ​ວ່າ ການ​ເອົາ​ບາດ​ກ້າວ ຂອງວໍ​ຊີງ​ຕັນ ແມ່ນ​ມີ​ຈຸດ​ປະ​ສົງ​ທີ່​ຈະ
ປະ​ສານງານການ​ແບ່ງ​ແຍກ​ຂົງເຂດອັ​ຕ​ແລນ​ຕິກ.

ທ່ານ​ຈອນ​ນາ​ເຕັນ ອີ​ຢາ​ລ ຈາກ​ສະ​ຖາ​ບັນ​ຣອຍ​ໂຢ​ລ​ຂອງ​ສະ​ຫະ​ລັດ ກ່າວ​ວ່າ “ສະ​ຫະ​ລັດ
ແມ່ນ​ມີຄວາມຕັ້ງໃຈທີ່ຈະເຂົ້າໄປ​ພົວ​ພັນ​ຄືນ​ໃໝ່ ກັບ​ພວກ​ເຂົາ​ເຈົ້າ​ໃນ​ນະໂຍບາຍ
ພາກ​ຕາ​ເວັນ​ອອກ​ກາງ, ໂດຍ​ສະ​ເພາະ ບັນ​ຫາ​ທີ່​ຫຼໍ່​ແຫຼມ​ແຕ່​ລະ​ອັນ​ ເຊັ່ນ ການ​ລົງໂທດ​
ຄືນ​ໃໝ່ ຕໍ່​ອີ​ຣ່ານ ບ່ອນທີ່​ມີຊ່ອງຫວ່າງຢ່າງ​ໃຫຍ່ ລະ​ຫວ່າງ​ຢູ​ໂຣບ ກັບສະ​ຫະ​ລັດນັ້ນ
ແລະ ອັນ​ທີ 2 ນັ້ນ ມັນ​ແມ່ນ​ຄວາມ​ພະ​ຍາ​ຍາມ​ອີກ​ອັນ​ນຶ່ງ ໂດຍກະ​ຊວງ​ການ​ຕ່າງ​
ປະ​ເທດທີ່​ຈະ​ເຕືອນ ທຳ​ນຽບ​ຂາວວ່າ ການ​ເປັນ​ເພື່ອນ​ກັບ​ຢູ​ໂຣບ​ ແມ່ນ​ເປັນເລື້ອງ
ທີ່ທົດ​ແທນບໍ່​ໄດ້ ຕອນ​ທີ່​ກ່າວ​ເຖິງ​ນະ​ໂຍ​ບາຍ​ການ​ຕ່າງ​ປະ​ເທດ​ຂອງ​ອາ​ເມ​ຣິ​ກາ.”

ກອງ​ປະ​ຊຸມ​ສຸດຍອດ ແມ່ນ​ເຂົ້າ​ຮ່ວມ​ໂດຍ​ອິ​ສ​ຣາ​ແອ​ລ ແລະ​ຫຼາຍໆ​ປະ​ເທດ​ເຂດ​ອ່າວທີ່ຖື
ລັດທິ​ຊຸ​ນີມຸສລິມ. ກາ​ຕາ​ຣ໌, ເທີ​ກີ ແລະ​ເລ​ບາ​ນອນ ປະ​ຕິ​ເສດ ທີ່​ຈະ​ເຂົ້າ​ຮ່ວມ. ອີ​ຣ່ານ ທີ່ບໍ່​
ໄດ້​ເຂົ້າ​ຮ່ວມກອງ​ປະ​ຊຸມ​ດັ່ງ​ກ່າວ ຖື​ວ່າ ເປັນ​ມັນຕາຍໄປແລ້ວ​ ເວລາ​ເຂົ້າ​ມາ​ເຖິງ​.

ເຊີນ​ຊົມ: ​ສະ​ຫະ​ລັດ ຕໍ່​ວ່າ​ຢູ​ໂຣບ ກ່ຽວ​ກັບ​ຂໍ້​ຕົກ​ລົງ​ນິວ​ເຄລຍ

The United States has called on Europe to abandon the 2015 nuclear deal with Iran, which Washington pulled out of last year. At a conference in Warsaw attended by more than 60 nations, U.S. Vice President Mike Pence accused European allies of trying to break American sanctions against what he called Iran's murderous revolutionary regime'. Several EU states have refused to attend the meeting, as Henry Ridgwell reports.

The summit sought to address longstanding conflicts in the Middle East but the overriding focus was on Iran.

Mike Pompeo, U.S. Secretary of State
"No country spoke out and denied any of the basic facts that we all have laid out about Iran, the threat it poses, the nature of regime. It was unanimous."

Unanimous perhaps among those countries attending the conference. But some U.S. allies were notable for their absence, including the foreign ministers of France and Germany. Britain's representative left the summit early.

All three allies have voiced strong support for the 2015 Iran nuclear deal despite Washington's withdrawal. U.S. Vice President Mike Pence called for a change of course.

Mike Pence, U.S. Vice President
"The time has come for our European partners to withdraw from the Iran nuclear deal and join with us as we bring economic and diplomatic pressure necessary to give the Iranian people, the region and the world the security, peace and freedom they deserve."

Analysts say Poland and some other European states appear closer to Washington's approach and the United States sees an opportunity.

Piotr Buras, European Council on Foreign Relations
"I have the feeling that the Trump administration doesn't care much about Europe's unity, or even more perhaps it really tries to exploit some divisions within Europe, or even deepen them."

Others say Washington's approach is aimed at bridging transatlantic divides.

Jonathan Eyal, Royal United Services Institute
"The United States is willing to re-engage with them on a Middle East policy, especially on a very sensitive issue like the re-imposition of sanctions on Iran where the gulf between Europe and the U.S. is very big. And secondly it is also another attempt by the State Department to remind the White House that the friends in Europe are irreplaceable when it comes to most of America's foreign policy objectives."

The summit was attended by Israel and several Sunni Gulf states. Qatar, Turkey and Lebanon declined to take part. Iran which did not attend the meeting - dismissed it as dead on arrival'.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG