ສະພາຄວາມໝັ້ນຄົງຂອງອົງການສະຫະປະຊາຊາດ, ໃນວັນຈັນວານນີ້ ໄດ້ສະໜັບສະໜູນຂໍ້ສະເໜີໂດຍປະທານາທິບໍດີ ໂຈ ໄບເດັນ ທີ່ໄດ້ລະບຸລາຍລະອຽດຂອງການຢຸດຍິງລະຫວ່າງ ອິສຣາແອລ ແລະ ກຸ່ມຮາມາສ ຢູ່ໃນແຫຼມກາຊາ ແລະໄດ້ຮຽກຮ້ອງໃຫ້ພວກຫົວຮຸນແຮງປາແລັສໄຕນ໌ຮັບເອົາຂໍ້ຕົກລົງດັ່ງກ່າວ ທີ່ວາງເປົ້າໝາຍໃສ່ຍຸຕິສົງຄາມທີ່ແກ່ຍາວມາໄດ້ແປດເດືອນແລ້ວນັ້ນ, ອີງຕາມລາຍງານຂອງອົງການຂ່າວຣອຍເຕີສ໌.
ກຸ່ມຮາມາສ, ຍິນດີນຳການຮັບຮອງເອົາຮ່າງຍັດຕິຂອງສະຫະລັດ ແລະໄດ້ກ່າວໃນຖະແຫລງການວ່າ ຕົນພ້ອມແລ້ວທີ່ຈະຮ່ວມມືນຳການໄກ່ເກ່ຍກ່ຽວກັບການຈັດຕັ້ງປະຕິບັດຫຼັກການຂອງແຜນການດັ່ງກ່າວ “ທີ່ສອດຄ່ອງກັບການຮຽກຮ້ອງ ແລະການຕໍ່ຕ້ານຂອງປະຊາຊົນພວກເຮົາ.”
ຣັດເຊຍ ໄດ້ງົດໃນການລົງຄະແນນສຽງຂອງສະຫະປະຊາຊາດ ໃນຂະນະທີ່ ບັນດາສະມາຊິກຂອງສະພາຄວາມໝັ້ນຄົງທີ່ຍັງເຫຼືອຢູ່ 14 ປະເທດ ໄດ້ລົງຄະແນນສຽງເຫັນພ້ອມໃຫ້ການສະໜັບສະໜູນຕໍ່ຍັດຕິແຜນການຢຸດຍິງສາມໄລຍະ ທີ່ໄດ້ລະບຸໂດຍ ທ່ານໄບເດັນ ໃນວັນທີ 31 ພຶດສະພາ ທີ່ທ່ານໄດ້ອະທິບາຍວ່າ ເປັນໂຄງການລິເລີ້ມຂອງອິສຣາແອລ.
“ມື້ນີ້ ພວກເຮົາໄດ້ລົງຄະແນນສຽງເພື່ອສັນຕິພາບ” ເອກອັກຄະລັດຖະທູດສະຫະລັດ ປະຈຳອົງການສະຫະປະຊາຊາດ ທ່ານນາງ ລິນດາ ທອມມັສ-ກຣິນຟຽວ ໄດ້ກ່າວຕໍ່ສະພາດັ່ງກ່າວ ພາຍຫຼັງການລົງຄະແນນສຽງ.
ມະຕິດັ່ງກ່າວນີ້ ເປັນທີ່ຍິນດີກັບຂໍ້ສະເໜີຂອງການຢຸດຍິງສະບັບໃໝ່ທີ່ລະບຸວ່າ ອິສຣາແອລ ໄດ້ຍອມຮັບເອົາ, ແລ້ວຮຽກຮ້ອງຕໍ່ກຸ່ມຮາມາສ ໃຫ້ຕົກລົງຕໍ່ຂໍ້ສະເໜີ ແລະ “ຊຸກຍູ້ໃຫ້ທັງສອງຝ່າຍຈັດຕັ້ງປະຕິບັດຕາມຂໍ້ກຳນົດທັງຫຼາຍຢ່າງເຕັມສ່ວນ ໂດຍບໍ່ໃຫ້ຊັກຊ້າ ແລະບໍ່ມີເງື່ອນໄຂໃດໆ.”
ອາລຈີເຣຍ ເປັນສະມາຊິກຂອງປະເທດອາຣັບພຽງປະເທດດຽວຢູ່ໃນສະພາ, ກໍໄດ້ສະໜັບສະໜູນຍັດຕິດັ່ງກ່າວ ເພາະວ່າ “ພວກເຮົາເຊື່ອວ່າ ມັນສາມາດສະແດງເຖິງບາດກ້າວໄປສູ່ການຢຸດຍິງໃນທັນທີ ແລະຢືນຍົງ,” ເອກອັກຄະລັດຖະທູດອາລຈີເຣຍປະຈຳອົງການສະຫະປະຊາຊາດ ທ່ານອາມາຣ ເບັນຈາມາ ໄດ້ກ່າວຕໍ່ສະພາຄວາມໝັ້ນຄົງ.
The U.N. Security Council added its voice Monday to calls for Hamas and Israel to implement a permanent cease-fire deal and hostage release in Gaza.
"Colleagues, today we voted for peace," U.S. Ambassador to the United Nations Linda Thomas-Greenfield told council members following the 14-0 vote in favor of a U.S.-drafted resolution supporting the cease-fire proposal. Russia abstained.
She said the plan is the best and only way to bring about a durable end to the 8-month-old war, which began with Hamas' terror attack inside Israel on October 7.
"There is an opportunity to chart a different course," Thomas-Greenfield said. "Hamas must take it."
Russia questioned whether Israel has indeed signed up to it and said there have not been enough details about the cease-fire proposal for the council to give its blessing.
"The Security Council should not sign up to agreements with vague parameters," Russian envoy Vassily Nebenzia said.
ຟໍຣັມສະແດງຄວາມຄິດເຫັນ