ລິ້ງ ສຳຫລັບເຂົ້າຫາ

ປາ​ກີ​ສຖາ​ນໃຫ້ ພວກ​ວິສະວະກອນຈີນ ຖ່າຍຮູບ​ເອົາ ເຮືອບິນເຮ​ລິ​ຄອບເຕີ ທີ່ຕົກ

  • ວັນນະສອນ ແກ້ວດາຣາ

ເຈົ້າໜ້າທີ່ປາກິສຖານເອົາຜ້າປົກ ຊາກຂອງເຮືອບິນເຮລີຄອບເຕີຂອງສະຫະລັດ ລໍາທີ່ຕົກໃສ່ກໍາແພງບ້ານພັກ ຂອງບິນ ລາເດິນ ຫົວໜ້າກຸ່ມ al-Qaida ​ໃນ​ເມືອງ Abbotabad, ປາກິສຖານ, ວັນທີ 2 ພຶດສະພາ 2011.

ລາຍ​ງານຂ່າວ​ໜັງສືພິມກ່າວວ່າ ມີ​ທ່າ​ທາງ​ວ່າ ພວກ​ນັກ​ວິສະວະກອນ​ຊາວ​ຈີນ​ ​ໄດ້​ຮັບ​
ອະນຸຍາດ​ໃຫ້​ໄປ​ເບິ່ງ​ຊາກ​ເຮືອບິນ​ເຮ​ລິຄອບເຕີ ທີ່​ຫລີກ​ເຣດາ​ໄດ້ຂອງ​ສະຫະລັດ​ ລໍາທີ່​
ຕົກ​ລົງໃນລະຫວ່າງການ​ບຸກ​ເຂົ້າ​ສັງຫານນາຍ Osama bin Laden ນັ້ນ.

ບັນດາເຈົ້າ​ໜ້າ​ທີ່​ສະຫະລັດໄດ້​ບອກ​ພວກ​ນັກຂ່າວ​ວ່າ ພວກໜ່ວຍສຶບລັບ​ຂອງ Pakistan
ໄດ້ອະນຸຍາດໃຫ້ພວກ​ນັກ​ວິສະວະກອນຈີນ ຖ່າຍຮູບ​ເອົາເຮ​ລິ​ຄອບເຕີລໍາ​ນັ້ນ ທີ່ຕິດ​ຕັ້ງ
ເຄື່ອງເທັກ​ໂນ​ໂລ​ຈີ​ພິ​ເສດ ​ທີ່​ຊ່ວຍ​ໃຫ້ສາມາດ​ຫຼົບຫຼີກເຣດາ​ ໄດ້​ນັ້ນ.

ກອງ​ກໍາລັງ​ຂອງສະ​ຫະລັດ​ທີ່​ປະກອບສ່ວນ​ໃນ​ການ​ປະຕິບັດ​ການ​ເມື່ອວັນ​ທີ່ 2 ​ເດືອນ
ພຶດສະພານັ້ນ​ ​ໄ​ດ້ພະຍາຍາມ​ຈະ​ທໍາລາຍເຮ​ລິ​ຄອບ​ເຕີລໍາ​ນັ້ນ ຫຼັງຈາກ​ທີ່​ມັນ​ຕົກລົງ​ໃສ່​
ຝາ​ກໍາ​ແພງ​ອ້ອມ​ບໍລິ​ເວນ​ເດີ່ນ​ບ້ານຂອງຫົວໜ້າກຸ່ມ al-Qaida ​ໃນ​ເມືອງ Abbotabad
ນັ້ນ, ​ແຕ່​ວ່າ​ຊິ້ນ​ສ່ວນ​ຫາງ​ຂອງເຮ​ລິ​ຄອບເຕີ​ ​ຍັງ​ຢູ່​ໃນສະພາບ​ດີ​ເປັນ​ສ່ວນ​ໃຫຍ່.

ປາ​ກີ​ສຖາ​ນ​ມີ​ສາຍ​ພົວພັນ​ທີ່​ໃກ້ຊິດ​ກັບ​ຈີນ ​ແລະໄດ້​ກ່າວ​ໃຫ້​ຮ່ອງຮອຍບໍ່​ດົນ​ຫລັງ​ຈາກ​
ການ​ປະຕິບັດ​ການ ໃນ​ຄັ້ງ​ນັ້ນ​ຂອງ​ສະຫະລັດ ວ່າຕົນຈະ​ອະນຸຍາດ​ໃຫ້​ຈີນ​ມາສຶກສາເບິ່ງ
ຊາກ​ເຮືອ​ບິນເຮ​ລິຄອບເຕີລໍານີ້.

ພວກ​ເຈົ້າ​ໜ້າ​ທີ່​ສະຫະລັດກ່າວ​ວ່າ ​ພວກ​ຕົນ​ໄດ້​ປຶກສາ​ຫາ​ລື​ກ່ຽວກັບ​ບັນຫາ​ດັ່ງກ່າວກັບ
ພວກເຈົ້າ​ໜ້າ​ທີ່ປາ​ກີ​ສຖາ​ນ​ແລ້ວ ​ແຕ່​ທາງປາ​ກີ​ສຖາ​ນປະຕິ​ເສດ​ວ່າ ຕົນ​ບໍ່​ໄດ້​ປ່ອຍ​ໃຫ້ລັດ
ຖະບານຕ່າງປະ​ເທດໃດໆ ໄປ​ເບິ່ງ​ຊາກ​ເຮ​ລີ​ຄອບ​ເຕີ.

ສະ​ມາ​ຊິກ​ສະພາ​ສູງ​ທ່ານ John Kerry ​ໄດ້​ກ່າວ​ໃນ​ລະຫວ່າງການ​ເດີນທາງ​ໄປ Isla-
mabad 2 ອາທິດຫຼັງ​ຈາກການ​ບຸກ​ເຂົ້າ​ສັງຫານ​ບີນລາ​ເດິ​ນ​ນັ້ນວ່າ ​ທາງ​ການປາ​ກີ​ສຖາ​ນ​
ໄດ້​ສັນຍາ​ວ່າ​ຈະ​ມອບ​ຊາກ​ຫັງພັງ​ຂອງເຮ​ລິ​ຄອບເຕີລໍາ​ນັ້ນ​ ຄືນ​ໃຫ້ສະຫະລັດ. ຮູບ​ພາບ​
ຂອງຊາກເຮ​ລິ​ຄອບເຕີລໍານັ້​ນ ໄດ້ຖືກ​ນໍາ​ອອກ​ເຜີຍ​ແພ່​ທາງ​ອິນ​ເຕີ​ເນ​ດ ຢ່າງ​ກ້ວງ​ຂວາງ.

XS
SM
MD
LG