ລິ້ງ ສຳຫລັບເຂົ້າຫາ

ສຫລ ຮັດກຸມລະບຽບການ ເຈາະນໍ້າມັນ

  • ໄພສານ ວໍຣະຈັກ

ຫຼັງຈາກໄດ້ເກີດ ໄພພິບັດນໍ້າມັນຮົ່ວຮ້າຍແຮງ ໃນປະວັດ ສາດຂອງປະ​ເທດ ລັດຖະບານສະຫະລັດ ກ່າວວ່າ ຕົນໄດ້ຮັດ​ເຄັ່ງ ​ຂຶ້ນກ່ວາ​ເກົ່າ ລະບຽບການ​ ໃນການ​ທົບ​ທວນຄືນ​ເບິ່ງ​ ຜົນ​ກະທົບ ທາງດ້ານສະພາບແວດລ້ອມ ຈາກການເຈາະນໍ້າມັນ ຢູ່ໃນເຂດທະເລເລິກທັງໝົດ.

ກະຊວງຊັບຍາກອນທຳມະຊາດ ຂອງສະຫະລັດ ປະກາດໃນວັນຈັນ ວານນີ້ວ່າ ຈະບໍ່ມີການອະນຸມັດ ໃຫ້ມີການເຈາະນໍ້າມັນ ໃນເຂດທະເລເລິກຕື່ມ ໂດຍປາສະຈາກ ການສຶກສາເບິ່ງ ຜົນກະທົບ ທີ່ຈະມີຕໍ່ ສະພາບແວດລ້ອມ.

ໃນປັດຈຸບັນນີ້ ມີຄຳສັ່ງໃຫ້ໂຈະ ການເຈາະນໍ້າມັນ ຢູ່ນອກແຄມຝັ່ງທະເລສ່ວນໃຫຍ່ ຊຶ່ງມີຜົນບັງຄັບໃຊ້ ຫຼັງຈາກເຫດລະເບີດ ທີ່ບໍ່ນໍ້າມັນ ຂອງບໍລິສັດບີພີ ໃນວັນທີ 20 ເມສາຜ່ານມາ ທີ່​ໄດ້ເຮັດໃຫ້ມີນໍ້າມັນດິບ ຫຼາຍລ້ານຖັງ ຮົ່ວໄຫຼອອກມາ ໃສ່ອ່າວເມັກຊິໂກ. ເວລາໃດ ການຫ້າມດັ່ງກ່າວ ຫາກຖືກຍົກເລີກ ໃນເດືອນພະຈິກຈະມາ ບັນດາບໍລິສັດນໍ້າມັນ ທີີ່ຢາກໄດ້ຮັບອະນຸຍາດ ໃນການເຈາະນໍ້າມັນ ຢູ່ໃນເຂດທະເລເລິກນັ້ນ ຈຳເປັນຈະຕ້ອງ ໄດ້ໃຫ້ຂໍ້ມູນ ໃນການຊັ່ງຊາຕີລາຄາ ກ່ຽວກັບຜົນກະທົບ ຕໍ່ສະພາບແວດລ້ອມ.

ການປະກາດໃໝ່ທີ່ວ່ານີ້ ມີຂຶ້ນໃນມື້ດຽວກັນ ກັບທີ່ລະດູຫາກຸ້ງ ໄດ້ເລີ້ມຂຶ້ນ ໃນເຂດນ່ານນໍ້າ ຢູ່ນອກແຄມຝັ່ງທະເລ ຂອງລັດ LOUISIANA ຊຶ່ງເປັນລັດທີ່ຜະລິດກຸ້ງ ໄດ້ຫຼາຍທີ່ສຸດ ຢູ່ໃນສະຫະລັດ.

XS
SM
MD
LG