ກຸ່ມຜູ້ບັນຊາການທະຫານເຮືອ ແລະກັບຕັນ 27 ຄົນ ຂອງສະ
ຫະລັດ ໄດ້ໄປຢ້ຽມຢາມເຮືອບັນທຸກເຄື່ອງບິນ ຊຶ່ງມີຢູ່ແຕ່ພຽງ
ລຳດຽວຂອງຈີນ ໃນຂະນະທີ່ຄວາມເຄັ່ງຕຶງ ຍັງມີຢູ່ຕໍ່ມາ ລະ
ຫວ່າງສອງປະເທດ ກ່ຽວກັບການອ້າງເອົາກຳມະສິດໃນທະ
ເລຈີນໃຕ້ນັ້ນ.
ໂຄສົກຂອງກອງທັບທະຫານເຮືອສະຫະລັດ ຮ້ອຍໂທ Tim
Hawkins ໄດ້ຢືນຢັນກັບ VOA ວ່າ ຄະນະຜູ້ແທນຂອງສະ
ຫະລັດໄດ້ທຳການຢ້ຽມຢາມ “ແບບສັນຖະວະໄມຕີ” ເຮືອບັນ
ທຸກເຄື່ອງບິນ Liaoning ໃນວັນຈັນຜ່ານມານີ້. ຊຶ່ງໄດ້ຕິດຕາມ
ມາດ້ວຍການໄປຢ້ຽມຢາມໂຮງ ຮຽນນາຍທະຫານເຮືອ ໃນມື້ຕໍ່ມານັ້ນ.
ທ່ານ Hawkins ໄດ້ກ່າວວ່າ “ມັນເປັນການວາງແຜນໃນການແລກປ່ຽນການຢ້ຽມຢາມນີ້
ມາດົນນານແລ້ວ ຊຶ່ງມີຂຶ້ນຫລັງຈາກ ການຢ້ຽມຢາມຂອງຄະນະຜູ້ແທນກອງທັບເຮືອຈີນ
ຕໍ່ສະຫະລັດ ກ່ອນໜ້ານີ້.”
Website ຂອງກອງທັບຈີນ ກ່າວວ່າ ພວກເຂົ້າຮ່ວມໄດ້ໂອ້ລົມສົນທະນາກ່ຽວກັບເລື້ອງ
ຕ່າງ ຮວມມີ ການຝຶກແອບ ການບໍລິຫານຈັດການ ການສະໜັບສະໜຸນດ້ານການພະຍາບານ ແລະການວາງແຜນຍຸດທະສາດຂອງເຮືອບັນທຸກເຄື່ອງບ. ລາຍງານຍັງໄດ້ກ່າວອີກວ່າ ບັນດາເຈົ້າໜ້າທີ່ທະຫານເຮືອຂອງຈີນ ໄດ້ໄປຢ້ຽມຢາມສະຫະລັດ ໃນເດືອນກຸມພາຜ່ານມານີ້ ຊຶ່ງເປັນພາກສ່ວນນຶ່ງຂອງໂຄງການແລກປ່ຽນປະຈຳປີ ລະຫວ່າງສະຫະລັດ ແລະຈີນ.
ການຢ້ຽມຢາມດັ່ງກ່າວ ມີຂຶ້ນ ຫຼັງຈາກທີ່ກອງທັບເຮືອສະຫະລັດ ມີແຜນການທີ່ຈະສົ່ງກຳປັ່ນລົບ ເຂົ້າໄປໃກ້ໆບໍລິເວນ 21 ກິໂລແມັດ ອ້ອມແອ້ທເກາະດອນທຽມທີ່ສ້າງຂຶ້ນ ຊຶ່ງຈີນອ້າງເປັນກຳມະສິດຂອງນັ້ນ ຊຶ່ງມັນສະແດງອອກເຖິງການປະຕິເສດຂອງວໍຊີງຕັນ ທີ່ຈະຮັບຮູ້ການອ້າງກຳມະສິດຂອງຈີນ ໃນທະເລຈີນໃຕ້ ໂດຍສະເພາະ ເກາະດອນທຽມທີ່ສ້າງຂຶ້ນມາ ທີ່ທາງສະຫະລັດ ຢືນຢັດວ່າ ມັນບໍ່ສາມາດຈັດເຂົ້າເປັນອະທິປະໄຕຂອງຕົນໄດ້ນັ້ນ.
ຕົ້ນເດືອນ ນີ້ ຈີນໄດ້ກ່າວເຕືອນ ເຖິງການເຂົ້າພົວພັນ ດ້ວຍການ “ກະທຳແບບທ້າທາຍ” ໃນທະເລຈີນໃຕ້ ໃນການໃຫ້ຄວາມເຫັນທີ່ປາກົດວ່າວ່າ ຈະແນໃສ່ສະຫະລັດໂດຍກົງນັ້ນ. ຕໍ່ມາ ລັດຖະມົນຕີການປ້ອງກັນປະເທດສະຫະລັດ ທ່ານ Ash Carter ໄດ້ກ່າວວ່າ “ສະຫະລັດຈະສົ່ງເຮືອບິນ ກຳປັ່ນ ແລະປະຕິບັດງານ ໃນບ່ອນໃດກໍຕາມທີ່ທາງກົດໝາຍນາໆຊາດອະນຸຍາດໃຫ້.”
