ຜູ້ຊາຍຄົນນຶ່ງໄດ້ຮັບສາລະພາບຜິດວ່າໄດ້ພະຍາຍາມຊ່ອຍເຫຼືອພວກຫົວຮຸນແຮງລັດອິສ
ລາມ ແລະຈະປະເຊີນໜ້າກັບການຕິດຄຸກ 20 ປີ. ກຊ ຍຸຕິທຳຂອງ ສຫຣ ກ່າວວ່າ ທ້າວ ແຮຣີຊ ກາມາ ອາຍຸ 26 ປີ ໄດ້ພະຍາຍາມ ຊ່ອຍພວກຫົວຮຸນແຮງລັດອິສລາມ ຊຸກຍູ້ໃຫ້ ທ້າວອີອອນ ວູຟ ໂຈມຕີນະຄອນຫຼວງ ວໍຊິງຕັນ.
ທ້າວ ກາມາ ໄດ້ກ່າວຕໍ່ສານຣັດຖະບານກາງໃນເມືອງອາເລັກແຊນເດຣຍ ຣັດ ເວີຈິເນຍ
ໃນວັນຈັນວານນີ້ວ່າ ລາວໄດ້ໃຊ້ສື່ສັງຄົມ ເຊື່ອມໂຍງກັບຜູ້ຄົນ ເພື່ອສົ່ງເສີມຣັດ ອິສລາມ.
ພວກໄອຍະການກ່າວວ່າ ທ້າວ ກາມາ ໄດ້ເຮັດວຽກກັບສາຍລັບຂອງຣັດຖະບານ ເພື່ອ
ຖ່າຍຮູບແລະຖ່າຍຮູບເງົາສະຖານທີ່ສຳຄັນແຫ່ງຕ່າງໆໃນນະຄອນຫຼວງວໍຊິງຕັນ ອັນມີ
ລວມທັງທຳນຽບຫ້າແຈນຳ.
ທ່ານ ພອລ ອັບເບຕ ຮອງຜູ້ອຳນວຍການ ທີ່ກຳກັບເລື້ອງນີ້ກ່າວວ່າ “ກໍລະນີນີ້ເປັນຕົວ
ຢ່າງ ຂອງການເຂົ້າເຖິງອົງການຕ່າງໆຂອງພວກກໍ່ການຮ້າຍຊຶ່ງເຮັດວຽກຜ່ານສື່ສັງຄົມແລະ ໄພຂົ່ມຂູ່ຂອງພວກເຂົາຕໍ່ຄວາມປອດໄພຂອງປະເທດຊາດພວກເຮົາ. ໃນເມື່ອທ້າວ ກາມາ ບໍ່ສາມາດເດີນທາງໄປຕ່າງປະເທດລາວກໍພະຍາຍາມຊ່ອຍເຫຼືອວຽກງານຂອງພວກ ໄອຊີລ ຢູ່ໃນປະເທດ ເພື່ອດົນໃຈໃຫ້ທ້າວ ອີອອນ ວູຟ ໃຫ້ທຳການໂຈມຕີ ຢູ່ໃນຂົງ
ເຂດ ວໍຊິງຕັນດີຊີ ນີ້.”
ກຊ ຍຸຕິທຳກ່າວວ່າ ທ້າວ ກາມາ ຢາກເດີນທາງໄປຕ່າງປະເທດ ໄປຮ່ວມກັບພວກ ຣັດອິສລາມ ແຕ່ພໍ່ແມ່ຂອງລາວໄດ້ຫ້າມ ໂດຍເອົາປາສປໍໄປເຊື່ອງ. ກຊ ດັ່ງກ່າວເວົ້າວ່າ ທ້າວກາມາ ໄດ້ບອກສາຍລັບວ່າ ຖ້າພໍ່ແມ່ຂອງລາວສົ່ງປາສປໍລາວຄືນ ລາວກໍຈະໄປ.
ອ່ານຂ່າວນີ້ເປັນພາສາອັງກິດເພີ້ມຕື່ມ
