ລິ້ງ ສຳຫລັບເຂົ້າຫາ

site logo
ວັນພຸດ, 25 ພຶດສະພາ 2022

ສຫລ ຊຸກຍູ້ໃຫ້ 26 ປະເທດ ກຽມຮັບມື ຕໍ່ການລະບາດ ຂອງ ໂຣກຕິດແປດ (ວີດີໂອ)


US Launches Global Effort To Bolster Outbreak Preparedness
please wait

No media source currently available

0:00 0:01:48 0:00
ລິງໂດຍກົງ

ທ່ານນາງ Kathleen Sebelius ລັດຖະມົນຕີ ສາທາລະນະສຸກ ແລະບໍລິການມະນຸດ ຂອງສະຫະລັດ

ການ​ຄວບ​ຄຸມ​ການລະບາດ​ຂອງ​ພະຍາດ​ຕ່າງໆ​ທີ່​ເປັນ​ໄພ​
ຄຸ​ກຄາມ​ຕໍ່ສຸຂະພາບ​ຂອງ​ປະຊາຊົນ​ໃນ​ທົ່ວ​ໂລກ ​ແມ່ນເປົ້າ
​ໝາຍ​ຂອງ​ກຸ່ມ​ພາຄີ​ໃໝ່​ ທີ່ປະກອບ ດ້ວຍ 26 ປະ​ເທດ​ທີ່​
ໄດ້​ເລີ້ມຂຶ້ນ ​ທີ່​ກຸງ​ວໍ​ຊິງ​ຕັນ. ສະຫະລັດ​ເປັນ​ຜູ້ນຳ​ພາ​ຂອງ
ກຸ່ມ​ປະ​ເທດ​ເຫຼົ່າ​ນີ້​ແລະ​ພວກ​ອົງ​ກອນ​ຕ່າງໆ​ຂອງ​ນາໆ​ຊາດ​
ເພື່ອ​ຊ່ອຍປັບປຸງ​ສະມັດ​ຖະພາບ​ຂອງ​ໂລກ​ໃຫ້​ດີ​ຂຶ້ນ ​ໃນ
ການປ້ອງ​ກັນ ກວດຄົ້ນ ​ແລະ​ຮັບມືກັບໄພ ຄຸກ​ຄາມ​ຕ່າງໆ​
ຂອງ​ພະຍາດ​ຕິດ​ແປດ​ເຫຼົ່າ​ນີ້. ສິງ​ຈະ​ນຳເອົາ​ລາຍ​ງານ​ເລື້ອງ​
ນີ້​ຈາກ Steve Baragona ຜູ້​ສື່​ຂ່າວ​ວີ​ໂອ​ເອ ມາສະ​ເໜີ​
ທ່ານ ໃນອັນດັບ​ຕໍ່​ໄປ.

ເວລາ​ພະຍາດ Ebola ທີ່​ອັນຕະລາຍ​ຮ້າຍແຮງ ເລີ້ມລະ
ບາດຂຶ້ນ​ໃນ​ປີ 2012 ພວກ​ຊາວ​ມຸສລິ​ມ​ ໃນ​ປະ​ເທດ​ສາ​
ທາ​ລະນະ​ລັດ​ປະຊາທິປະ​ໄຕ​ຄອງ​ໂກໄດ້ຖືກເກືອດ​ຫ້າມ
ບໍ່​ໃຫ້​ໄປ​ຮ່ວມ​ໃນ​ການສະ​ແຫວ​ງບຸນ Hajj ຂອງ​ຊາງ​ມຸສ
ລິ​ມ.

​ ໃນ​ປີ 2003 ​ໂຣກ SARS ​ໄດ້​ເລີ້ມລະບາດ​ຈາກ​ຈີນ​ໄປ​ຍັງ​ຫຼາຍ​ກວ່າ 20 ປະ​ເທດ​ ໃນ
ຄວາມ​ໄວທີ່​ໜ້າ​ຕື່ນ​ຕົກ​ໃຈ.

ທ່ານ​ນາງ Kathleen Sebelius ລັດຖະມົນຕີ​ສາທາລະນະ​ສຸກ​ແລະ​ບໍລິການ​ມະນຸດ ສະຫະລັດກ່າວ​ວ່າ ການລະບາດ​ຂອງ​ພະຍາດ​ໃນ​ບ່ອນ​ໃດ​ກໍ​ຕາມແມ່ນ ພຽງແຕ່ຂີ່ເຮືອ
ບິນ ກໍສາມາດແຜ່ລາມໄປໃນທົ່ວ​ໂລກໄດ້.

ທ່ານ​ນາງ Sebelius ກ່າວ​ວ່າ :”ພວກ​ຈຸລິນ​ຊີ​ແລະ​ພະຍາດ​ຕ່າງໆ ແມ່ນສາ
ມາດ ເຄື່ອນ​ໄຫວ​ໄປ​ໄວ​ຂຶ້ນ​ແລະ​ໄກ​ອອກກວ່າ​ແຕ່​ກ່ອນ. ​ແລະ​ສິ່ງ​ນຶ່ງ ທີ່
ພວກ​ເຮົາ​ຮູ້ຈັກ​ຢ່າງແນ່ນອນ ກໍ​ແມ່ນ​ວ່າ ພວກ​ພະຍາດ​ເຫຼົ່າ​ນີ້​ບໍ່​ຮັບ​ຮູ້ ຫຼື
ຢຸດ​ທີ່​ເຂດແດນ​ຂອງ​ປະ​ເທດໃດ​ປະ​ເທດ​ນຶ່ງ.


​ແລະ​ທ່ານ​ນາງ Sebelius ກ່າວ​ຕໍ່​ໄປ​ວ່າ ​ພວກ​ປະ​ເທດ​ສ່ວນ​ຫຼາຍ​ໃນ​ໂລກ ​ເປັນ​ທີ່​ໜ້າ​
ເສຍ​ໃຈ ບໍ່​ໄດ້​ພາກັນ​ກະກຽມ ​ສຳລັບ​ການລະບາດ​ຂອງ​ພະຍາດ​ດັ່ງກ່າວ.

ດັ່ງ​ນີ້ ສະຫະລັດ​ຈຶ່ງ​ໄດ້​ຮຽກຮ້ອງ​ໄປ​ຍັງ​ພວກ​ປະ​ເທດ​ຕ່າງໆ​ຈຳນວນ​ນຶ່ງ ທີ່​ຮວມທັງປະ
​ເທດ​ທີ່​ປະຊາຊົນ​ມີ​ລາຍ​ໄດ້​ຕໍ່າ ລາຍ​ໄດ້ພໍ​ປານ​ກາງ​ແລະລາຍ​ໄດ້​ສູງທຳຄວາມ​ພະຍາ
ຍາມ​ຮ່ວມ​ກັນ ​ເພື່ອ​ຫາ​ທາງ​ປ້ອງ​ກັນຊ່ອງ​ຫວ່າງບາງ​ຢ່າງ.

”ທ່າ​ນນາງ Sebelius ກ່າວ​ວ່າ: “ການ​ດຳ​ເນີນ​ງານ​ຮ່ວມ​ກັນ​ຂອງ 30
ປະ​ເທດ​ເປັນ​ຢ່າງ​ໜ້ອຍ ພວກ​ເຮົາ​ສາມາດ​ປ້ອງ​ກັນ​ພວກ​ປະຊາກອນ​
ຢ່າງ​ໜ້ອຍ 4 ພັນ ລ້ານ​ຄົນ​ໃນ​ທົ່ວ​ໂລກ​ໄດ້ ພາຍ​ໃນ 5 ປີ​ຂ້າງ​ໜ້າ​ນີ້.”


ຄວາມ​ພະຍາຍາມ​ທີ່​ມີ​ວັດຖຸ​ປະສົງ​ເພື່ອ​ຈັດ​ຕັ້ງ​ໂຄງການ​ທົດ​ລອງ​ຕ່າງໆ​ຂອງ​ສະຫະ
ລັດ​ຂຶ້ນ​ໃນ​ຫວຽດນາມ ​ແລະ​ໃນ Uganda ​ໄດ້​ຊ່ອຍ​ປັບປຸງ​ການ​ທົດ​ສອບ​ຫາ​ພະຍາດ
​ແລະການຮັບມືກັບການລະບາດ​ຂອງ​ພະຍາດ​ໃຫ້​ດີ​ຂຶ້ນ.

​ແລະ​ໃນ​ຂະນະ​ທີ່​ຈຸດ​ມຸ້ງ​ໝາຍຂອງ​ການ​ກະທຳ​ດັ່ງກ່າວ​ແມ່ນ​ເພື່ອຄວບ​ຄຸມໄພ​ຂົ່ມຂູ່
ໃນ​ການລະບາດ​ຂອງ​ພະຍາດ​ໃນ​ໂລກ ທ່ານ Amesh Adalja ນັກ​ຊ່ຽວຊານ ດ້ານ​ສາທາລະນະສຸກ ປະຈຳ​ສະມາຄົມ​ພະຍາດ​ຕິດ​ແປດ​ອາ​ເມຣິກາ ຫຼື Infectious Di
seases Society of America ກ່າວ​ຜ່ານ​ທາງ Skype ວ່າ ມັນ​ຄວນ​ຈະ​ຊ່ອຍ​ພວກ
​ປະ​ເທດຕ່າງໆ​ ຕໍ່ສູ້​ກັບ​ພວກ​ພະຍາດ​ເຫຼົ່າ​ນີ້​ໃນເຂດ​ທ້ອງ​ຖິ່ນ.

ທ່ານ Adalja ກ່າວ​ວ່າ:” ເທັກ​ໂນ​ໂລ​ຈີ ​ແລະ​ເທັກ​ນິກຕ່າງໆ​ແບບ​ດຽວກັນ​ນີ້
ສ່ວນ​ຫຼາຍ ທີ່​ພວກ​ເຮົາ​ໃຊ້​ຮັບມື ດັ່ງ​ໂຕ​ຢ່າງ ​ພວກ​ພະຍາດ​ທີ່​ພວກ​ເຮົາ​ບໍ່​
ຮູ້ຈັກ ຈະ​ສົ່ງ​ເສີມ​ສະມັດຖະພາບ​ຂອງ​ພວກ​ເຮົາ​ໃນ​ການ​ຕອບ​ຮັບ ຕໍ່​ພວກ​
ພະຍາດ​ທຳ​ມະ​ດາ​ຕ່າງໆ​ໄດ້. ດັ່ງ​ໂຕ​ຢ່າງ ການ​ພັດທະນາສະມັດຖະພາບ​
ໃນ​ການ​ກວດ​ສອບ​ຫາ​ພະຍາດ​ໃນ​ຫ້ອງ​ຄົ້ນ​ຄວ້າ​ທາງ​ດ້ານ​ວິທະຍາສາດ
ພັດທະນາ​ຊ່ອງ​ທາງ​ຕ່າງໆ​ເພື່ອ​ຄົ້ນຫາ​ຢາ​ວັກ​ຊິນ ຫຼື ມາດ​ຕະການ​ຕໍ່ຕ້ານ​
ຕ່າງໆຕໍ່​ປະຊາກອນ​.”


ລັດຖະບານ​ປະທານາທິບໍດີໂອບາມາວາງ​ແຜນ​ຈະ​ໃຊ້​ຈ່າຍ​ເງິນ​ຈຳນວນ 45 ລ້ານ
ໂດ​ລາໃນຊຸມ​ປີ​ຕໍ່ໜ້າ ​ເພື່ອ​ປັບປຸງ​ການ​ປ້ອງ​ກັນ ການກວດ​ຫາ ​ແລະ​ການ​ຕອບ​ຮັບ
ຕໍ່​ໄພ​ຂົ່ມຂູ່​ຂອງພະຍາດ​ເຫຼົ່າ​ນີ້ ​ໃນ​ບັນດາ​ປະ​ເທດ​ກຳລັງ​ພັດທະນາ.

​ແລະ​ກຳລັງ​ຮຽກຮ້ອງ​ໃຫ້​ປະ​ເທດ​ອື່ນໆ​ ໃຫ້ການ​ຊ່ອຍ​ເຫຼືອໃນ​ການ​ປ້ອງ​ກັນ​ບໍ່​ໃຫ້
ການລະບາດຂອງ​ພະຍາດ​ຮ້າຍ​ແຮງ​ເກີດ​ຂຶ້ນ​ອີກ​ໃນ​ໂລກ​ ໃນ​ຂັ້ນ​ຕໍ່​ໄປ​ນັ້ນ.

ທ່ານອາດຈະມັກເລື້ອງນີ້ຄືກັນ

XS
SM
MD
LG