ສະຫະລັດ ກຳລັງສົ່ງ ນັກການທູດອະວຸໂສ 2 ທ່ານ ໄປຍັງ
ນະຄອນ Geneva ເພື່ອເປີດການເຈລະຈາໂດຍກົງແບບທີ່
ບໍ່ຄ່ອຍເຫັນກັນ ກັບປະເທດອີຣ່ານ ກ່ຽວກັບເລື່ອງໂຄງການ
Nuclear ທີ່ເປັນບັນຫາໂຕ້ ແຍ້ງຂອງເຕຫະຣ່ານນັ້ນ.
ຮອງລັດຖະມົນຕີກະຊວງການຕ່າງປະເທດ ທ່ານ William
Burns ແລະຜູ້ນຳພາໃນການເຈລະຈາກັບອີຣ່ານ ລັດຖະ
ມົນຕີຊ່ວຍວ່າການກະຊວງການຕ່າງປະເທດ ຮັບຜິດຊອບ
ດ້ານການເມືອງ ທ່ານນາງ Wendy Sherman ຈະພົບປະກັບບັນດາເຈົ້າໜ້າທີ່ຂອງອີຣ່ານ ໃນວັນຈັນ ແລະ ວັນອັງຄານ ທີ່ຈະມາເຖິງນີ້.
ທ່ານ Abbas Araqchi ຊຶ່ງຫົວໜ້າຄະນະເຈລະຈາຂອງອີຣ່ານ ກ່າວໃນການໃຫ້ສຳພາດ
ທາງໂທລະສັບ ຕໍ່ໂທລະພາບຂອງອີຣ່ານ ໃນວັນອາທິດມື້ນີ້ວ່າ ກອງປະຊຸມກັບບັນດາ
ເຈົ້າໜ້າທີ່ສະຫະລັດໃນວັນຈັນນີ້ ຈະມີຜູ້ແທນຂັ້ນສູງຂອງສະຫະພາບຢູໂຣບ ຮັບຜິດຊອບ
ດ້ານນະໂຍບາຍຕ່າງປະເທດ ທ່ານນາງ Helga Schmidt ເຂົ້າຮ່ວມດ້ວຍ. ທ່ານກ່າວ
ຕື່ມວ່າ ການເຈລະຈາຈະລວມເຖິງ ການລົງໂທດຕ່າງໆ ຕໍ່ໂຄງການນິວເຄລຍຂອງອີຣ່ານ
ໂດຍປະເທດຕາເວັນຕົກນັ້ນ.
ການເຈລະຈານາໆຊາດກ່ຽວກັບນິວເຄລຍ ລະຫວ່າງອີຣ່ານ ແລະກຸ່ມ 6 ປະເທດມະຫາອຳນາດຂອງໂລກ ທີ່ຮູ້ກັນຄື P5+1 ນັ້ນ ມີກຳນົດ ຈະເລີ້ມຄືນອີກ ໃນວັນທີ 16 ມິຖຸນານີ້.
ກຸ່ມ P5+1 ແມ່ນປະກອບດ້ວຍ ສະມາຊິກຖາວອນ 5 ປະເທດຂອງສະພາຄວາມໝັ້ນຄົງ
ສະຫະປະຊາຊາດ ຊຶ່ງປະກອບດ້ວຍ ສະຫະລັດ ຣັດເຊຍ ຈີນ ອັງກິດ ແລະ ຝຣັ່ງ ບວກກັບ ເຢຍຣະມັນ.
ການເຈລະຈາຮອບຫຼ້າສຸດ ໃນເດືອນແລ້ວນີ້ ໄດ້ປະສົບກັບບັນຫາຫຼາຍຢ່າງ ຊຶ່ງເຮັດໃຫ້
ການເຈລາຈາຄັ້ງຈະມານີ້ ເປັນການດຳເນີນຄວາມພະຍາຍາມເພີ້ມຕື່ມ ເພື່ອຊອກຫາ
ຄຳຕອບ ແລະ ແກ້ໄຂຄວາມເຫັນທີ່ຍັງມີ ການຂັດແຍ້ງກັນຢູ່ນັ້ນ.
ກຸ່ມນາໆຊາດດັ່ງກ່າວ ໄດ້ບັນລຸຂໍ້ຕົກລົງເບື້ອງຕົ້ນກັບອີຣ່ານ ໃນເດືອນພະຈິກ ປີກາຍນີ້ ທີ່ຈຳກັດໂຄງການກັ່ນທາດ uranium ຂອງອີຣ່ານ ເພື່ອແລກປ່ຽນກັບການຜ່ອນຜັນໃນການລົງໂທດຕ່າງໆ.
ເຈົ້າໜ້າທີ່ຫວັງວ່າ ຈະບັນລຸການຕົກລົງກັນຂັ້ນສຸດທ້າຍ ໃນວັນທີ 20 ກໍລະກົດ ຈະມາເຖິງນີ້.
ສະຫະລັດ ແລະບັນດາປະເທດມະຫາອຳນາດຕາເວັນຕົກອື່ນໆ ໄດ້ກ່າວຫາອີຣ່ານມາເປັນ
ເວລາດົນນານແລ້ວວ່າ ພະຍາຍາມສ້າງອາວຸດນິວເຄລຍ ແຕ່ອີຣ່ານຢືນຢັດວ່າ ໂຄງການ
ນິວເຄລຍຂອງຕົນມີຈຸດປະສົງ ໃນທາງສັນຕິ.
ນະຄອນ Geneva ເພື່ອເປີດການເຈລະຈາໂດຍກົງແບບທີ່
ບໍ່ຄ່ອຍເຫັນກັນ ກັບປະເທດອີຣ່ານ ກ່ຽວກັບເລື່ອງໂຄງການ
Nuclear ທີ່ເປັນບັນຫາໂຕ້ ແຍ້ງຂອງເຕຫະຣ່ານນັ້ນ.
ຮອງລັດຖະມົນຕີກະຊວງການຕ່າງປະເທດ ທ່ານ William
Burns ແລະຜູ້ນຳພາໃນການເຈລະຈາກັບອີຣ່ານ ລັດຖະ
ມົນຕີຊ່ວຍວ່າການກະຊວງການຕ່າງປະເທດ ຮັບຜິດຊອບ
ດ້ານການເມືອງ ທ່ານນາງ Wendy Sherman ຈະພົບປະກັບບັນດາເຈົ້າໜ້າທີ່ຂອງອີຣ່ານ ໃນວັນຈັນ ແລະ ວັນອັງຄານ ທີ່ຈະມາເຖິງນີ້.
ທ່ານ Abbas Araqchi ຊຶ່ງຫົວໜ້າຄະນະເຈລະຈາຂອງອີຣ່ານ ກ່າວໃນການໃຫ້ສຳພາດ
ທາງໂທລະສັບ ຕໍ່ໂທລະພາບຂອງອີຣ່ານ ໃນວັນອາທິດມື້ນີ້ວ່າ ກອງປະຊຸມກັບບັນດາ
ເຈົ້າໜ້າທີ່ສະຫະລັດໃນວັນຈັນນີ້ ຈະມີຜູ້ແທນຂັ້ນສູງຂອງສະຫະພາບຢູໂຣບ ຮັບຜິດຊອບ
ດ້ານນະໂຍບາຍຕ່າງປະເທດ ທ່ານນາງ Helga Schmidt ເຂົ້າຮ່ວມດ້ວຍ. ທ່ານກ່າວ
ຕື່ມວ່າ ການເຈລະຈາຈະລວມເຖິງ ການລົງໂທດຕ່າງໆ ຕໍ່ໂຄງການນິວເຄລຍຂອງອີຣ່ານ
ໂດຍປະເທດຕາເວັນຕົກນັ້ນ.
ການເຈລະຈານາໆຊາດກ່ຽວກັບນິວເຄລຍ ລະຫວ່າງອີຣ່ານ ແລະກຸ່ມ 6 ປະເທດມະຫາອຳນາດຂອງໂລກ ທີ່ຮູ້ກັນຄື P5+1 ນັ້ນ ມີກຳນົດ ຈະເລີ້ມຄືນອີກ ໃນວັນທີ 16 ມິຖຸນານີ້.
ກຸ່ມ P5+1 ແມ່ນປະກອບດ້ວຍ ສະມາຊິກຖາວອນ 5 ປະເທດຂອງສະພາຄວາມໝັ້ນຄົງ
ສະຫະປະຊາຊາດ ຊຶ່ງປະກອບດ້ວຍ ສະຫະລັດ ຣັດເຊຍ ຈີນ ອັງກິດ ແລະ ຝຣັ່ງ ບວກກັບ ເຢຍຣະມັນ.
ການເຈລະຈາຮອບຫຼ້າສຸດ ໃນເດືອນແລ້ວນີ້ ໄດ້ປະສົບກັບບັນຫາຫຼາຍຢ່າງ ຊຶ່ງເຮັດໃຫ້
ການເຈລາຈາຄັ້ງຈະມານີ້ ເປັນການດຳເນີນຄວາມພະຍາຍາມເພີ້ມຕື່ມ ເພື່ອຊອກຫາ
ຄຳຕອບ ແລະ ແກ້ໄຂຄວາມເຫັນທີ່ຍັງມີ ການຂັດແຍ້ງກັນຢູ່ນັ້ນ.
ກຸ່ມນາໆຊາດດັ່ງກ່າວ ໄດ້ບັນລຸຂໍ້ຕົກລົງເບື້ອງຕົ້ນກັບອີຣ່ານ ໃນເດືອນພະຈິກ ປີກາຍນີ້ ທີ່ຈຳກັດໂຄງການກັ່ນທາດ uranium ຂອງອີຣ່ານ ເພື່ອແລກປ່ຽນກັບການຜ່ອນຜັນໃນການລົງໂທດຕ່າງໆ.
ເຈົ້າໜ້າທີ່ຫວັງວ່າ ຈະບັນລຸການຕົກລົງກັນຂັ້ນສຸດທ້າຍ ໃນວັນທີ 20 ກໍລະກົດ ຈະມາເຖິງນີ້.
ສະຫະລັດ ແລະບັນດາປະເທດມະຫາອຳນາດຕາເວັນຕົກອື່ນໆ ໄດ້ກ່າວຫາອີຣ່ານມາເປັນ
ເວລາດົນນານແລ້ວວ່າ ພະຍາຍາມສ້າງອາວຸດນິວເຄລຍ ແຕ່ອີຣ່ານຢືນຢັດວ່າ ໂຄງການ
ນິວເຄລຍຂອງຕົນມີຈຸດປະສົງ ໃນທາງສັນຕິ.
