ລິ້ງ ສຳຫລັບເຂົ້າຫາ

ວັນອາທິດ, ໒໖ ພຶດສະພາ ໒໐໒໔

ສະຫະລັດ ໃຫ້ກຽດ ອະດີດ ທະຫານຜ່ານເສິກ ເກືອບ 22 ລ້ານຄົນ ໃນວັນນັກລົບເກົ່າ


ປະທານາທິບໍດີບາຣັກ ໂອບາມາ ວາງພວງມາລາ ທີ່ຂຸມຝັງສົບ ທະຫານນິລະນາມ ໃນວັນນັກລົບເກົ່າ, 11 ພະຈິກ 2016.
ປະທານາທິບໍດີບາຣັກ ໂອບາມາ ວາງພວງມາລາ ທີ່ຂຸມຝັງສົບ ທະຫານນິລະນາມ ໃນວັນນັກລົບເກົ່າ, 11 ພະຈິກ 2016.

ໃນ​ຂະນະ​ທີ່​ທ່ານເປັນ​ປະທານໃນ​ພິທີ​ສະ​ເຫຼີມສະຫລອງວັນ​ນັກ​ລົບ​ເກົ່າ​ເທື່ອ​ສຸດ​ທ້າຍ​ໃນ​ຖານະ​ຜູ້​ບັນຊາ​ການ​ສູງ​ສຸດ​ນັ້ນ ປະທານາທິບໍດີ​ສະຫະລັດທ່ານ​ບາ​ຣັກ ​ໂອ​ບາ​ມາໄດ້​ກ່າວ​ຂອບ​ອົກ​ຂອບ​ໃຈ​ຕໍ່​ບັນດາສະມາຊິກ​ອະດີດ​ພວກ​ທະຫານໆ ອງ​ປະ​ເທດໃນ​ການ​ປົກ​ປັກ​ຮັກສາ​ຂັ້ນຕອນ​ການ​ເລືອກ​ຕັ້ງ ​ແບບ​ປະຊາທິປະ​ໄຕ ​ຂອງ​ສະຫະລັດ ຊຶ່ງ​ເປັນ​ການ​ໝາຍ​ເຖິງ​ການ​ໄດ້​ຮັບ​ໄຊຊະນະ​ຢ່າງ​ບໍ່​ໜ້າ​ເຊື່ອ​ຂອງ​ທ່ານ Donald Trump ​ໃນ​ການ​ເລືອກ​ຕັ້ງ ປະທານາທິບໍດີ ຫຼັງຈາກ​ໄດ້​ມີ​ການ​ໂຄສະນາ​ຫາ​ສຽງ​ທີ່​ມີ​ການ​ໂຕ້​ຖຽງ​ກັນ​ແລ້ວ.

ທ່ານ​ໂອ​ບາ​ມາ​ກ່າວ​ວ່າ “ວັນ​ນັກ​ລົບ​ເກົ່າ​ມັກ​ຈະ​ຕິດຕາ​ມມາ​ຫຼັງຈາກ​ການ​ຕໍ່ສູ້​ໃນ​ການ​ໂຄ ສະນາ​ຫສຽງ​ທາງການ​ເມືອງ ຊຶ່ງ​ເປັນ​ການ​ຊົ​ມ​ໃຊ້​ສິດ​ເສລີພາບ​ໃນ​ການປາກ​ເວົ້າ ​ແລະ​ການ​ປົກຄອງ​ຕົນ​ເອງ ​ທີ່​ພວກ​ທ່ານ​ໄດ້ທຳ​ການ​ຕໍ່ສູ້ ​ເພື່ອ​ປົກ​ປ້ອງ. ມັນ​ມັກ​ຈະ​ພາ​ໃຫ້​ພາ​ ໃຫ້ເກີດ​ມີ​ການ​ບໍ່​ເຫັນ​ພ້ອມ ຢູ່​ໃນ​ທົ່ວ​ປະ​ເທດ​ ຂອງ​ພວກ​ເຮົາ.”

ການ​ໃຫ້​ຄວາມ​ເຫັນ​ຂອງ​ປະທານາທິບໍດີ​ໂອ​ບາ​ມາ​ມີ​ຂຶ້ນໃນຕອນ​ເຊົ້າ​ວັນ​ສຸກ​ວານ​ນີ້ທີ່​ສຸ ສານ​ແຫ່ງ​ຊາດ​ອາຣ໌ລິງ​ຕັນຊຶ່ງ​ຕັ້ງຢູ່​ທາງ​ໃຕ້​ນະຄອນຫຼວງວໍ​ຊິງ​ຕັນ​ພຽງ​ແຕ່ໜ້ອຍ​ດຽວໃນ​ຂະນະ​ທີ່​ສະຫະລັດຈັດ​ພິທີ​ໃຫ້​ກຽດ​ແກ່​ພວກ​ນັກ​ລົບ​ເກົ່າ​ເກືອບ 22 ລ້ານຄົນຢູ່​ນັ້ນ.

Obama: We Owe Veterans Our Debt, Gratitude
please wait

No media source currently available

0:00 0:01:08 0:00

ປະທານາທິບໍດີ​ໄດ້​ເຂົ້າຮ່ວມ​ ໃນ​ພິທີ​ວາງ​ພວງມາລາ​ຢ່າງ​ສົມ​ກຽດ​ທີ່ຂຸມ​ຝັງ​ສົບທະຫານ​ນິ ລະນາມ ຊຶ່ງ​ເປັນ​ອະນຸສາວະລີ​ ໄວ້ອາ​ໄລ​ໃຫ້ແກ່​ພວກ​ທະຫານ ​ທີ່​ບໍ່​ສາມາດລະ​ບຸ​ຊື່ ທີ່​ໄດ້​ສະຫຼະຊີວິດ​ຂອງ​ພວກ​ເຂົາ​ເ​ຈົ້າ​ເພື່ອ​ປະ​ເທດ​ຊາດ.

​ໃນ​ລະຫວ່າງ​ພິທີ​ທີ່​ເຄັ່ງຂຶມ​ນີ້ ທ່ານ​ໂອ​ບາ​ມາ​ໄດ້​ວາງ​ພວງມາລາ​ໃນ​ຂະນະ​ທີ່​ທ່ານຢືນ​ກົງ ວາງ​ມື​ໃສ່​ຫົວ​ໃຈ​ຂອງ​ທ່ານ ​ເວລາທີ່​ສຽງ​ແກ​ດັງ​ຂຶ້ນ.

ນອກ​ນັ້ນ ປະທາ​ນາ​ທິບໍດີ​ ຍັງ​ໄດ້​ເປັນ​ເຈົ້າພາບ ​ຈັດ​ງາ​ນລ້ຽງ​ອາຫານ​ເຊົ້າ ທີ່​ທຳນຽບຂາວ ​ໃຫ້​ແກ່​ພວກ​ນັກ​ລົບ​ເກົ່າ ​ແລະ​ຄອບຄົວ​ຂອງ​ພວກ​ເຂົາ​ເຈົ້າ. ທ່ານ Bill Mohr ນັກ​ລົບ​ເກົ່າ​ສະ​ໄໝ​ສົງຄາມ​ໂລກ​ຄັ້ງທີ 2 ອາຍຸ 108 ປີກໍ​ຮວມຢູ່​ໃນ​ບັນດາ​ພວກ​ທີ່​ໄປ​ຮ່ວມ​ຮັບ​ປະທານ​ອາຫານ​ເຊົ້າທີ່​ທຳນຽບຂາວ.

ອ່ານຂ່າວນີ້ຕື່ມເປັນພາສາອັງກິດ

President Obama Lays Wreath at Tomb of Unknown Soldier at Arlington National Cemetery
please wait

No media source currently available

0:00 0:00:41 0:00

XS
SM
MD
LG