ລິ້ງ ສຳຫລັບເຂົ້າຫາ

logo-print

ສະຫະລັດ ແລະອີຢູ ເພີ້ມການລົງໂທດ ຕໍ່ ຣັດເຊຍ ຍ້ອນ ການເຄື່ອນໄຫວ ໃນ ຢູເຄຣນ (ສະໄລດ໌/ວີດີໂອ)


ສະຫະລັດ ແລະສະພາບຢູໂຣບຫຼື​ອີ​ຢູ ໄດ້ທຳການລົງໂທດເພີ້ມ
ຕື່ມຕໍ່ຣັດເຊຍ ໂດຍເວົ້າວ່າ ມົສກູບໍ່ໄດ້ປະຕິບັດຕາມຄວາມໝັ້ນ ໝາຍຂອງຕົນທີ່ຈະຫຼຸດຜ່ອນຄວາມເຄັ່ງຕຶງລົງ ໃນພາກຕາເວັນ
ອອກຂອງຢູເຄຣນ. ປະເທດຕາເວັນຕົກໄດ້ກ່າວຫາຣັດເຊຍວ່າ
ຍຸຍົງໃຫ້ມີການກໍ່ກະບົດ ໂດຍພວກແບ່ງແຍກດິນ ແດນທີ່ນິຍົມ
ຣັດເຊຍໃນພາກຕາເວັນອອກຂອງຢູເຄຣນຊຶ່ງມີເປົ້າໝາຍທີ່ຈະ ສ້າງຄວາມບໍ່ທຸ່ນທ່ຽງໃນປະເທດດັ່ງກ່າວ. Zlatica Hoke ກ່າວ
ວ່າ ເຈົ້າໜ້າ ທີ່ສະຫະລັດແລະສະຫະພາບຢູໂຣບເຕືອນວ່າ ຈະ
ມີການລົງໂທດເພີ້ມຕື່ມ ຖ້າຣັດເຊຍຫາກບໍ່ປະຕິບັດຕາມ ຂໍ້ຕົກ
ລົງ ທີ່ໄດ້ບັນລຸກັນ ຢູ່ນະຄອນເຈນີວາ ໃນຕົ້ນເດືອນນີ້ ໄພສານ ຈະນຳເອົາລາຍລະອຽດມາສະເໜີທ່ານ ໃນອັນດັບຕໍ່ໄປ.
ລິງໂດຍກົງ

ການລົງໂທດຄັ້ງໃໝ່ແມ່ນແນໃສ່ເຈົ້າໜ້າທີ່ລັດຖະບານແລະບໍລິສັດຕ່າງໆທີ່ໃກ້ຊິດກັບ ປະທານາທິບໍດີ Vladimir Putin. ທ່ານນາງ Jen Psaki ໂຄສົກກະຊວງການຕ່າງປະ ເທດສະຫະລັດ ກ່າວວ່າ ການລົງໂທດດັ່ງກ່າວ ຍັງໄດ້ຈຳກັດໃບອະນຸຍາດໃນການສົ່ງ ອອກຂອງສະຫະລັດຈຳນວນນຶ່ງໄປຍັງຣັດເຊຍ.

ທ່ານນາງ Psaki ເວົ້າວ່າ “ພວກເຮົາຮູ້ສຶກຢ່າງແນ່ນອນວ່າ ມີເຈົ້າໜ້າທີ່ຈຳນວນ ນຶ່ງທີ່ມີຄວາມໃກ້ຊິດ ກັບປະທານາທິບໍດີ Putin ຊຶ່ງໃຫ້ການສະໜັບສະໜຸນຕໍ່ ການກະທຳທີ່ຜິດກົດໝາຍເຫຼົ່ານີ້ຢູ່ໃນຢູເຄຣນທີ່ພວກເຮົາໄດ້ແນເປົ້າໝາຍໃສ່ ໃນທີ່ນີ້.”

ລັດຖະມົນຕີການຕ່າງປະເທດອັງກິດ ທ່ານ William Hague ໄດ້ກ່າວຫາຣັດເຊຍວ່າ ພວມຍຸຍົງໃຫ້ມີການນອງເລືອດ ຢູ່ໃນພາກຕາເວັນອອກຂອງຢູ ເຄຣນ.

ທ່ານ Hague ເວົ້າວ່າ “ການຍິງເຈົ້າເມືອງໆ Kharkiv ທາງພາກຕາເວັນອອກ ຂອງຢູເຄຣນ ໃນມື້ວັນຈັນ ຜ່ານມານີ້ ແມ່ນຮ່ອງຮອຍອີກອັນນຶ່ງ ຂອງຄວາມ
ຮຸນແຮງ ທີ່ມີການນຳໃຊ້ຕໍ່ພວກໃຫ້ການສະໜັບສະໜຸນ ຕໍ່ຢູເຄຣນທີ່ມີຄວາມ
ເປັນອັນ ນຶ່ງອັນດຽວກັນ.”


ທີ່ນະຄອນ Brussels ຜູ້ຕາງໜ້າ 28 ປະເທດ ຂອງສະຫະພາບຢູໂຣບ ໄດ້ພົບປະກັນ ເພື່ອທຳການລົງໂທດເພີ້ມຕື່ມ ຕໍ່ມົສກູ ທີ່ບໍ່ໄດ້ປະຕິບັດຕາມ ຂໍ້ຕົກລົງເຈນີວາ. ໂຄສົກ ຂອງຄະນະກຳມາທິການຢູໂຣບທ່ານນາງ Pia Ahrenkidle Hansen ກ່າວວ່າ ນອກ
ນັ້ນ ພວກນັກການທູດ ຂອງສະຫະພາບຢູໂຣບ ຍັງໄດ້ຫາລືກັນ ກ່ຽວກັບການລົງໂທດ
ຮອບທີ 3 ທີ່ແນເປົ້າໝາຍໃສ່ລະບົບທະນາຄານ ພະລັງງານ ແລະພາກສ່ວນທີ່ສຳຄັນ
ອື່ນໆທາງດ້ານເສດຖະກິດຂອງຣັດເຊຍ.
CN- Russia Accuses NATO Of 'Provocative' Actions
please wait

No media source currently available

0:00 0:03:19 0:00

ທ່ານນາງ Hansen ເວົ້າວ່າ “ຢູ່ທີ່ນີ້ແລະໃນເວລານີ້ ພວກເຮົາພວມຢູ່ໃນສະຖາ
ນະການທີ່ບໍ່ໄດ້ມີການຫລຸດຜ່ອນ ດັ່ງນັ້ນພວກເຮົາໃນເວລານີ້ ຈຶ່ງພິຈາລະນະ ມາດຕະການເພີ້ມຕື່ມ ເຊັ່ນການກັກຊັບສິນແລະການຫ້າມເດີນທາງເພື່ອເປັນ ລະດັບການຕອບໂຕ້ອັນເໝາະສົມ ໃນເວລານີ້.”


ພວກນັກວິເຄາະກ່າວວ່າ ບໍ່ມີການລົງໂທດທີ່ຮ້າຍແຮງໃດໆທາງດ້ານເສດຖະກິດ ສາ ມາດຍຸດຕິມົສກູໄດ້ ໃນເວລານີ້. ທ່ານ David Kramer ຜູ້ອຳນວຍການຂອງອົງການ Freedom House ກ່າວວ່າ ການລົງໂທດໃນປັດຈຸບັນນີ້ ແມ່ນອ່ອນເກີນໄປ.

ທ່ານ Kramer ເວົ້າວ່າ “ຂ້າພະເຈົ້າຄິດວ່າການລົງໂທດຕ້ອງໜັກແລະຮ້າຍແຮງ
ກວ່ານີ້ ມັນຈຳເປັນຕ້ອງແນໃສ່ພາກສ່ວນເສດຖະກິດຂອງຣັດເຊຍ ຊຶ່ງນັ້ນຈະ ສ້າງຄວາມເຈັບປວດ ໂດຍສະເພາະແລ້ວໃນຢູໂຣບຊຶ່ງຈະບໍ່ຮ້າຍແຮງປານໃດ ໃນສະຫະລັດ ແລະຂ້າພະເຈົ້າຄິດວ່າ ລາຍຊື່ຂອງສ່ວນບຸກຄົນ ແລະບໍລິສັດທີ່ ມີການເປີດເຜີຍ ໂດຍລັດຖະບານຂອງທ່ານໂອບາມາໃນວັນຈັນຜ່ານມານີ້ສະ
ແດງໃຫ້ເຫັນເຖິງຄວາມຫຼໍ່ແຫຼມສຳຄັນກ່ຽວກັບຄວາມຍຸ່ງຍາກໃນການປະສານ
ງານກັບສະຫະພາບຢູໂຣບ. ປະທານາທິບໍດີີໂອບາມາທີ່ພວມຢ້ຽມຢາມເອເຊຍ ໄດ້ກ່າວ ຢ່າງຈະແຈ້ງວ່າ ທ່ານຢາກໃຫ້ສະຫະລັດ ແລະສະຫະພາບຢູໂຣບ ສາ ມັກຄີກັນໃນ ເລື່ອງນີ້.”


ສ່ວນລັດຖະມົນຕີການເງິນຂອງເຢຍຣະມັນ ທ່ານ Wolfgang Schaeuble ໃນມື້ວັນ ຈັນຜ່ານມານີ້ ຮຽກຮ້ອງໃຫ້ບັນດາປະເທດສະມາຊິກຂອງສະຫະພາບຢູໂຣບ ມີຄວາມ ສາມັກຄີແລະເປັນນ້ຳນຶ່ງໃຈດຽວກັນເພື່ອປະເຊີນໜ້າກັບວິກິດການໃນຢູເຄຣນ.

ທ່ານ Schaeuble ກ່າວວ່າ “ປະຕິກິລິຍາທີ່ສຳຄັນທີ່ສຸດກໍຄື ຢູໂຣບມີຄວາມປຸ້ມ ລຸມສາມັກຄີກັນ ແລະບໍ່ມີໃຜຄວນຈະປະເມີນຕ່ຳເກີນໄປ ກ່ຽວກັບຄວາມເດັດ ດ່ຽວຂອງຢູໂຣບ. ພວກເຮົາບໍ່ຢາກໃຫ້ມີການເພີ້ມທະວີຄວາມເຄັ່ງຕຶງໃດໆຂຶ້ນ ພວກເຮົາຕ້ອງການຄວາມຮ່ວມມື ແຕ່ຖ້າ ຫາກພວກເຮົາຮຽກຮ້ອງ ພວກເຮົາ ຕ້ອງໄດ້ຢຶດໝັ້ນຢ່າງໜັກແໜ້ນ.”

ທີີ່ນະຄອນຫຼວງມົສກູ ປະທານາທິບໍດີ Putin ໄດ້ໃຫ້ການຄ້ຳປະກັນແກ່ພວກນັກການ ເມືອງຣັດເຊຍວ່າ ກອງທັບຣັດເຊຍ ຈະບໍ່ໄດ້ຮັບຄວາມເສຍຫາຍໃດໆ ຍ້ອນສູນເສຍ ການຮ່ວມມື ທີ່ມີມາເປັນເວລາດົນນານ ກັບອຸດສາຫະກຳດ້ານທະຫານຂອງຢູເຄຣນ. ທ່ານເວົ້າວ່າ ເວລານີ້ ໄດ້ມີການສະເໜີວຽກເຮັດງານທຳໃຫ້ແກ່ພວກນັກຊ່ຽວຊານອຸດ ສາຫະກຳດ້ານທະຫານ ຂອງຢູເຄຣນ ຢູໃນອຸດສາຫະກຳດ້ານປ້ອງກັນປະເທດ ຂອງ ຣັດເຊຍແລ້ວ.

ທ່ານ Putin ເວົ້າວ່າ “ພວກເຂົາເຈົ້າຈະໄດ້ຮັບເງິນເດືອນແລະບ່ອນພັກບ່ອນ ເຊົາທີ່ສົມມາສົມຄວນ. ພວກທ່ານຈະໄດ້ຮັບເງິນງົບປະມານທີ່ຈຳເປັນທັງໝົດ ກ່ຽວກັບເລື່ອງນີ້. ຂັ້ນຕອນດັ່ງກ່າວໄດ້ເລີ້ມຂຶ້ນແລ້ວ.”

ໃນຂະນະດຽວກັນເສດຖະກິດຂອງຣັດເຊຍຊຶ່ງໄດ້ມີບັນຫາຢູ່ແລ້ວກ່ອນເກີດວິກິດການ ໃນຢູເຄຣນນັ້ນ ປາກົດວ່າໄດ້ຊຸມໂຊມລົງຕື່ມອີກໂດຍທີ່ເງິນຕາຂອງຣັດເຊຍໄດ້ຕົກລົງ ສູ່ລະດັບຕ່ຳສຸດ ແບບທີ່ບໍ່ເຄີຍເຫັນມາກ່ອນ ຕະຫລາດຮຸ້ນຂອງຣັດເຊຍກໍໄດ້ຕົກຮວບ
ລົງ ແລະພວກນັກລົງທຶນ ກໍໄດ້ຖອນການລົງທຶນທີ່ມີກຳໄລງາມຂອງຕົນ ອອກໄປຈາກ ເສດຖະກິດຂອງປະເທດ.
Error rendering storify.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG