ທູດພິເສດດ້ານດິນຟ້າອາກາດ ສະຫະລັດ ທ່ານ ຈອນ ໂພເດັສຕາ ຈະໄປຢ້ຽມຢາມ ຈີນ ເປັນເວລາສາມວັນຈາກວັນພຸດມື້ອື່ນເພື່ອປຶກສາຫາລື ກ່ຽວກັບ ບັນຫາສະພາບອາກາດປ່ຽນແປງ, ກະຊວງສິ່ງແວດລ້ອມໄດ້ກ່າວ, ໃນຂະນະທີ່ສອງປະເທດທີ່ປ່ອຍແກັສເຮືອນແກ້ວຫຼາຍທີ່ສຸດໃນໂລກນັ້ນພະຍາຍາມຈະຕໍ່ຊ່ອງຫວ່າງຂອງບັນຫາຕ່າງໆເຊັ່ນການເງິນ.
ຂໍ້ຕົກລົງລະຫວ່າງສອງປະເທດນັ້ນໄດ້ເປັນກະແຈສຳຄັນເພື່ອສ້າງຄວາມສອດຄ່ອງກັນທົ່ວໂລກໃນການຕໍ່ສູ້ກັບສະພາບອາກາດປ່ຽນແປງ, ແຕ່ບັນດານັກວິເຄາະພຽງສອງສາມຄົນຄາດວ່າ ການເຈລະຈາຂອງອາທິດນີ້ຈະໄປສູ່ຄວາມກ້າວໜ້າຫຼາຍ.
ທ່ານ ໂພເດັສຕາ ແມ່ນມີກຳນົດທີ່ຈະພົບປະກັບຄູ່ຕຳແໜ່ງ ຈີນ ທ່ານ ຫຼິວ ເຊັນມິນ ໃນການເຈລະຈາ ກ່ຽວກັບ ດິນຟ້າອາກາດຮອບທີສອງຢ່າງເປັນທາງການລະຫວ່າງ ຈີນ ແລະ ສະຫະລັດ ນັບຕັ້ງແຕ່ທ່ານໄດ້ມາແທນຕຳແໜ່ງຂອງທ່ານ ຈອນ ແຄຣີ ໃນຖານະເປັນທູດພິເສດອາວຸໂສໃນຕົ້ນປີນີ້.
ໃນການກ່າວຄຳປາໄສສະຫຼຸບເມື່ອອາທິດທີ່ຜ່ານມາລະຫວ່າງ ທີ່ປຶກສາດ້ານຄວາມໝັ້ນຄົງແຫ່ງຊາດ ສະຫະລັດ ທ່ານ ເຈກ ຊູລລີວານ ແລະ ລັດຖະມົນຕີການຕ່າງປະເທດ ຈີນ ທ່ານ ຫວັງ ຢີ ນັ້ນ, ກະຊວງການຕ່າງປະເທດໄດ້ກ່າວວ່າ “ພວກເພິ່ນໄດ້ເນັ້ນຢ້ຳຄວາມສຳຄັນຂອງບາດກ້າວທີ່ໜັກແໜ້ນ ເພື່ອປາບປາມວິກິດການດິນຟ້າອາກາດ ແລະ ຍິນດີທີ່ທຳການປຶກສາຫາລືຕໍ່ໄປ,” ໃນການອ້າງເຖິງການຢ້ຽມຢາມຂອງທ່ານ ໂພເດັສຕາ.
ສະຫະລັດ ກໍກຳລັງພະຍາຍາມທີ່ຈະຜັກດັນ ຈີນ ໃຫ້ຕັ້ງເປົ້າໝາຍສະພາບອາກາດທີ່ມີຄວາມກະຕືລືລົ້ນກວ່າເກົ່າ ໃນຂະນະທີ່ຂີດເສັ້ນຕາຍຫຍັບໃກ້ເຂົ້າມາ ໃນຕົ້ນຂອງປີໜ້າ ສຳລັບປະເທດຕ່າງໆເພື່ອສົ່ງການປະກອບສ່ວນ “ທີ່ມີຄວາມມຸ່ງໝັ້ນລະດັບຊາດໃໝ່” ຕໍ່ອົງການສະຫະປະຊາຊາດ.
ທ່ານ ຢາວ ເຊ, ທີ່ປຶກສາກ່ຽວກັບນະໂຍບາຍໂລກຢູ່ອົງການ Greenpeace ໃນນະຄອນຫຼວງ ປັກກິ່ງ ກ່າວວ່າ “ພວກເຮົາອາດໄດ້ຮູ້ຕື່ມອີກໜ້ອຍນຶ່ງ ກ່ຽວກັບ ຕຳແໜ່ງຂອງ ຈີນ ແລະ ເຂດປັດໄຈທີ່ກຳນົດໄວ້ຂອງເຂົາເຈົ້າ, ແຕ່ມັນມີຄວາມເປັນໄປບໍ່ໄດ້ວ່າຈະປະສົບຜົນສຳເລັດ.”
ອ່ານຂ່າວນີ້ເປັນພາສາອັງກິດ
U.S. climate envoy John Podesta will visit China for three days from Wednesday to discuss climate change issues, the environment ministry said, as the world's two biggest emitters of greenhouse gas look to bridge gaps on issues such as finance.
Pacts between the two have been key to building global consensus in the fight on climate change, but few analysts expect this week's talks to deliver much progress.
Podesta is set to meet Chinese counterpart Liu Zhenmin in the second round of formal climate talks between China and the United States since he replaced John Kerry as senior envoy at the start of the year.
In a summary of remarks last week between U.S. National Security Adviser Jake Sullivan and Chinese Foreign Minister Wang Yi, the State Department said, "They underscored the importance of concrete steps to tackle the climate crisis and welcomed further discussions," in a reference to Podesta's visit.
The United States is also trying to push China to set more ambitious climate targets as a deadline approaches by the beginning of next year for countries to submit new "nationally determined" contributions to the United Nations.
"We may get to know a bit more about China's positions and their landing zones, but (there is) unlikely (to be) a breakthrough," said Yao Zhe, global policy adviser at Greenpeace in Beijing.
ຟໍຣັມສະແດງຄວາມຄິດເຫັນ