ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ສື່ມວນຊົນຈີນ ຊົມເຊີຍ ການຢ້ຽມຢາມ ສະຫະລັດ ຂອງທ່ານ ຊີ ຈິ້ນຜິງ (ເບິ່ງວີດີໂອ)


ຮອງປະທານປະເທດຈີນ ທ່ານ ຊີ ຈິ້ນຜິງ ແລະປະທານາທິບໍດີສະຫະລັດ ທ່ານ ບາຣັກ ໂອບາມາ ທີ່ທໍານຽບ ຂາວ.
ຮອງປະທານປະເທດຈີນ ທ່ານ ຊີ ຈິ້ນຜິງ ແລະປະທານາທິບໍດີສະຫະລັດ ທ່ານ ບາຣັກ ໂອບາມາ ທີ່ທໍານຽບ ຂາວ.

ເມື່ອ​ວັນ​ພຸດ​ມື້​ນີ້​ ສື່​ມວນ​ຊົນ​ລັດ​ຂອງ​ຈີນໄດ້​ລົງ​ຂ່າວ​ການ​ຢ້ຽມຢາມນະຄອນຫລວງວໍ​ຊິງ​ຕັນ​
ຢ່າງ​ເປັນທາງ​ການ​ລະດັບ​ສູງ​ຂອງ​ຮອງ​ປະທານປະ​ເທດ​ຈີນ ທ່ານ ຊີ ຈິ້ນຜິ​ງ​ໂດຍ​ອະທິບາຍ
ວ່າ ຄວາມ​ສໍາພັນ​ລະຫວ່າງ​ສະຫະລັດ​ແລະ ​ຈີນ​ນັ້ນ ຖື​ວ່າ​ສໍາຄັນ​ທີ່​ສຸດ​ໃນ​ໂລກ.

ໜັງສືພິມ Global Times ທີີ່ມີ​ອິດ​ທິພົນ​ສູງ​ຍັງ​ໄດ້​ໃຫ້​ຂໍ້​ສັງ​ເກດ​ວ່າ ການພົບ​ປະກັນ​ເມື່ອ
ວັນ​ອັງຄານວານ​ນີ້​ຂອງ​ຮອງ​ປະທານ​ຊີ ຈິ້ນຜິ​ງ ກັບ​ປະທານາທິບໍດີ​ສະຫະລັດ ​ທ່ານ​ບາຣັກ
ໂອ​ບາ​ມາ ​ແມ່ນ​ຖືກ​ມື້​ວັນ​ແຫ່ງ​ຄວາມ​ຮັກ ຫລືວັນວາ​ເລັນ​ທາຍພໍດີໂດຍ​ກ່າວ​ວ່າໄລຍະ​ເວລາ
ດັ່ງກ່າວ​ໄດ້ແນະ​ໃຫ້​ເຫັນ ບັນຍາກາດ​ມິດຕະພາບຮັກ​ແພງ​ກັນ​ທົ່ວຂົງ​ເຂດ​ມະຫາ​ສະມຸດ​ປາ
ຊິ​ຟິກ.

ລັດຖະບານ​ຂອງ​ຮອງ​ປະທານ​ປະ​ເທດ​ຊີ ຈິ້ນຜິ​ງ ມີ​ຄວາມ​ລະອາຍ​ໃຈ​ຢ່າງເລິກ​ເຊິ່ງ ຈາກ
ເຫດການ​ຈູດ​ເຜົາ​ຕົນ​ເອງ​ໂດຍ​ຊາວ​ທິ​ເບ​ດ​ເພື່ອ​ປະ​ທ້ວງ​ນະ​ໂຍບາຍ ​ການ​ປົກຄອງ​ຕ່າງໆ
ຂອງ​ຈີນ​ນັ້ນ ​ແຕ່​ໃນ​ລະຫວ່າງ​ການ​ຢ້ຽມຢາມ​ທໍານຽບຂາວ​ຂອງ​ທ່ານ​ຊີ ຈິ້ນຜິ​ງ​ເມື່ອ​ວັນ​ອັງ
ຄານ​ວານ​ນີ້ ຜູ້​ທີ່​ຈະ​ເປັນ​ຜູ້​ນໍາ​ຄົນ​ໃໝ່​ຂອງ​ຈີນ​ກ່າວ​ວ່າ ປະ​ເທດ​ຊາດ​ຂອງ​ທ່ານ ຈະ​ສືບ​ຕໍ່
ສ້າງຄວາມ​ກ້າວ​ໜ້າໃຫ້​ແກ່ຄວາມ​ສໍາ​ເລັດ​ຜົນຢ່າງໃຫຍ່​ຫຼວງ ​ແລະມີ​ການຮັບ​ຮູ້​ກັນ ກ່ຽວ
ກັບເລື່ອງສິດ​ມະນຸດ ທີ່​ຕົນ​ໄດ້​ດຳ​ເນີນໃນ​ໄລຍະ​ບໍ່​ເທົ່າໃດ​ທົດ​ສະ​ວັດ​ຜ່ານ​ມານີ້.

ຄາດ​ວ່າ ບັນຫາ​ຕ່າງໆ​ດ້ານ​ເສ​ດຖະກິດ ຈະເປັນຫົວ​ຂໍ້​ສຳຄັນໃນ​ລະດັບ​ນໍາ​ໜ້າ​ໃນ​ວັນ​ພຸດ​
ມື້​ນີ້ ​ເວລາຮອງ​ປະທານປະ​ເທດ ຊີ ຈິ້ນຜິ​ງ ກ່າວ​ຄໍາ​ປາໄສທີ່​ຖື​ວ່າມີ​ຄວາມສໍາຄັນ​ເປັນ​ພິ​ເສດ
ທາງ​ດ້ານ​ນະ​ໂຍບາຍ​ ໃນການ​ຢ້ຽມຢາມເປັນ​ເວລາ 4 ມື້ຂອງ​ທ່ານ ຕໍ່​ສະພາ​ທຸລະ​ກິດ​ສະ
ຫະລັດ​ແລະ​ຈີນທີ່​ນະຄອນ ຫລວງ​ວໍ​ຊິງ​ຕັນ. ບັນດາ​ຜູ້​ນໍາ​ບໍລິສັດ​ໃຫຍ່ໆ​ທີ່​ມີ​ຊື່​ສຽງ​ທີ່​ສຸດ
ຂອງ​ຈີນ ກໍ​ໄດ້ ຮ່ວມ​ຕິດຕາມຮອງ​ປະທານ​ປະ​ເທດ​ຊີ ຈິ້ນຜິ​ງ ​ໃນ​ການ​ຢ້ຽມຢາມ​ສະຫະ
ລັດ ຄັ້ງນີ້.

ໃນ​ວັນ​ພຸດ​ມື້​ນີ້ ຮອງ​ປະທານ​ຊີ ຈິ້ນຜິ​ງ ມີ​ກໍານົດ​ຈະ​ເດີນທາງ​ໄປ​ລັດ​ໄອ​ໂອວາ ທີ່ຢູ່​ພາກ​ຕາ
ເວັນ​ຕົກ​ຕອນກາງຂອງ​ສະຫະລັດ ​ແລະຈາກ​ນັ້ນ​ກໍ​ຈະ​ເດີນ​ທາງ​ຕໍ່​ໄປ​ຍັງ​ລັດ​ຄາ​ລີ​ຟໍ​ເນຍ
ກ່ອນ​ກັບ​ຕ່າວ​ຄືນ​ຈີນ​ໃນ​ວັນ​ມື້ສຸກ.

XS
SM
MD
LG