ພວກແຮງງານ ແລະພວກເດັກນັກຮຽນຫຼາຍລ້ານຄົນ ໃນສະຫະ
ລັດ ໄດ້ຢຸດພັກຢູ່ບ້ານໃນມື້ນີ້ ຊຶ່ງເປັນວັນພັກທາງການປະຈຳປີ
ຂອງປະເທດ ເອີ້ນວ່າ ວັນປະທານາທິບໍດີ ຫລື President’s
Day. ບັນດາກຸ່ມຮັກຊາດແລະກຸ່ມປະຫວັດສາດຫຼາຍກຸ່ມ ພາ
ກັນຊົມໃຊ້ວັນພັກມື້ນີ້ ເພື່ອທຳການສະເຫຼີມສະຫຼອງ ແລະຈັດ
ງານສະແດງເຫດການຕ່າງໆໃນປະຫວັດສາດໃຫ້ປະຊາຊົນເບິ່ງ.
ວັນພັກດັ່ງກ່າວໄດ້ກາຍມາເປັນວັນພັກຂອງລັດຖະບານກາງຄັ້ງ
ທຳອິດໃນປີ 1879 ເພື່ອສະເຫຼີມສະຫຼອງວັນຄ້າຍວັນເກີດ ທີ 22
ກຸມພາຂອງມື້ລາງປະທານາທິບໍດີ George Washington ຊຶ່ງ
ເປັນປະທານາທິບໍດີຄົນທຳອິດຂອງສະຫະລັດນັ້ນ.
ເກືອບນຶ່ງສັດຕະວັດຕໍ່ມາ ໃນປີ 1968 ສະພາກງແກຣສ ຈຶ່ງໄດ້ຮັບຜ່ານຮ່າງກົດໝາຍສະ
ບັບນຶ່ງ ຍ້າຍການສະເຫຼີມສະຫຼອງວັນພັກຂອງລັດຖະບານກາງ ຫຼາຍໆວັນຈາກມື້ແທ້ໆ ເພື່ອເລືອກເອົາວັນຈັນໃກ້ໆກັນ ເປັນມື້ພັກຂອງທາງການ ເພື່ອອຳນວຍໃຫ້ພວກແຮງງານ
ໄດ້ມີວັນພັກ 3 ມື້ລຽນຕິດກັນ.
ໃນຕອນທຳອິດນັ້ນ ວັນປະທານາທິບໍດີ ແມ່ນມີຜົນບັງຄັບໃຊ້ສະເພາະແຕ່ໃນນະຄອນຫຼວງຂອງປະເທດເທົ່ານັ້ນ ແຕ່ໃນປີ 1885 ວັນພັກດັ່ງກ່າວໄດ້ຂະຫຍາຍອອກໄປສະຫລອງກັນ ໃນທົ່ວປະເທດ.
ພວກຮ້ານຄ້າຮ້ານຂາຍຍ່ອຍແຫ່ງຕ່າງໆ ໄດ້ສວຍໂອກາດເອົາວັນພັກນີ້ ທີ່ມີຂຶ້ນໃນວັນຈັນທີ 3 ຂອງເດືອນກຸມພາ ຂອງທຸກໆປີ ປະກາດຂາຍສິນຄ້າໃນລາຄາຫລຸດພິເສດ.
