ລິ້ງ ສຳຫລັບເຂົ້າຫາ

logo-print

ສຫລ ແລະ ພັນທະມິດ ຫາລື ກ່ຽວກັບ ການເອົາບາດກ້າວ ຕໍ່ກຸ່ມ ລັດອິສລາມ (ສະໄລດ໌/ວີດີໂອ)


World's Top Diplomats Pledge Iraq Support
please wait

No media source currently available

0:00 0:02:58 0:00

ເກືອບ 30 ປະເທດໃຫ້ຄຳໝັ້ນສັນຍາວ່າ ຈະປະສານງານກັນໃນ
ການຕໍ່ສູ້ຕ້ານພວກຫົວຮຸນແຮງລັດອິສລາມຢູ່ໃນອີຣັກ. ການໃຫ້
ຄຳໝັ້ນສັນຍາ ຂອງເຂົາເຈົ້າ ທີ່ຈະຊ່ອຍລັດຖະບານອີຣັກ ໄດ້ມີ
ຂຶ້ນ ໃນລະຫວ່າງກອງປະຊຸມ ທີ່ນະຄອນປາຣີ ບ່ອນທີ່ລັດຖະມົນ
ຕີການຕ່າງປະເທດສະຫະລັດທ່ານ John Kerry ພວມເຮັດວຽກ
ຢ່າງໜັກເພື່ອສ້າງຕັ້ງແນວໂຮມໃນຂອບເຂດທີ່ກວ້າງຂວາງ. ຜູ້ສື່
ຂ່າວວີໂອເອ Scott Stearns ມີລາຍງານກ່ຽວກັບເລື່ອງນີ້ຈາກ
ປາຣີ ດັ່ງໄພສານຈະນຳເອົາລາຍລະອຽດມາສະເໜີທ່ານ ໃນອັນ
ດັບຕໍ່ໄປ.

ໃນການສູ້ລົບ ຕ້ານພວກຫົວຮຸນແຮງລັດອິສລາມ ມາຮອດປັດ
ຈຸບັນນີ້ມີແຕ່ກຳລັງສະຫະລັດແລະອີຣັກເທົ່ານັ້ນ ປະກອບສ່ວນເຂົ້າຮ່ວມເພື່ອຂັບໄລ່ພວກ
ເຂົາ ໃຫ້ກັບຄືນເຂົ້າໄປໃນເຂດແດນຊີເຣຍ.

ປະທານາທິບໍດີອີຣັກທ່ານ Fouad Massoum ກ່າວວ່າ ການສູ້ລົບແມ່ນຈຳເປັນຈະຕ້ອງ ໄດ້ຂະຫຍາຍໃຫຍ່ກວ່ານີ້ ແລະຢູ່ໃນຂອບເຂດກວ້າງຂວາງກວ່ານີ້.

ທ່ານ Massoum ເວົ້າວ່າ “ພວກເຮົາຕ້ອງໄດ້ຕິດຕາມເຂົາໄປ ບໍ່ວ່າພວກເຂົາຈະໄປ
ໃສ. ພວກເຮົາຕ້ອງໄດ້ຕັດການສົ່ງເງິນສະໜັບສະໜຸນໃຫ້ແກ່ພວກເຂົາ. ພວກເຮົາ ຕ້ອງໄດ້ປິດລ້ອມພວກເຂົາດ້ວຍກົດໝາຍທີ່ຫ້າມບໍ່ໃຫ້ຜູ້ຄົນເຮັດວຽກຮ່ວມກັບພວກ ເຂົາ ພວກເຮົາຕ້ອງໄດ້ນຳເອົາພວກເຂົາ ມາລົງໂທດ ແລະພວກເຮົາຕ້ອງໄດ້ຍຸດຕິ ບໍ່ໃຫ້ພວກນັກລົບ ຢູ່ໃນປະເທດໃກ້ຄຽງ ໄປຮ່ວມສົມທົບກັບພວກເຂົາ.”

ບັນດາປະເທດ ທີ່ເຂົ້າຮ່ວມ ໃນກອງປະຊຸມວ່າດ້ວຍສັນຕິພາບ ແລະຄວາມໝັ້ນຄົງ ໃນອີຣັກ ທີ່ປາຣີ
ບັນດາປະເທດ ທີ່ເຂົ້າຮ່ວມ ໃນກອງປະຊຸມວ່າດ້ວຍສັນຕິພາບ ແລະຄວາມໝັ້ນຄົງ ໃນອີຣັກ ທີ່ປາຣີ

ສ່ວນປະທານາທິບໍດີຝຣັ່ງທ່ານ Francois Hollande ກ່າວວ່າ
ການຂົ່ມຂູ່ຂອງພວກຫົວຮຸນແຮງລັດອິສລາມບໍ່ແມ່ນການຂົ່ມຂູ່
ທີ່ປະຊາຄົມນາໆຊາດ ຄວນຈະມອງຂ້າມ.

ທ່ານ Hollande ເວົ້າວ່າ “ພວກເຮົາ ຕ້ອງໄດ້ດຳເນີນງານ
ຮ່ວມກັນ. ພວກເຮົາຕ້ອງໄດ້ໃຫ້ການສະໜັບສະໜຸນແກ່
ເຈົ້າໜ້າທີ່ອີຣັກ ຢ່າງຈະແຈ້ງ ໝັ້ນຄົງ ແລະຢ່າງເຂັ້ມແຂງ ແລະບໍ່ໃຫ້ສູນເສຍເວລາ ແມ່ນແຕ່ໜ້ອຍດຽວ.”

ລັດຖະມົນຕີການຕ່າງປະເທດສະຫະລັດ ທ່ານ John Kerry
ໄດ້ໄປຮ່ວມກອງປະຊຸມທີ່​ປາຣີ ຫລັງຈາກໄດ້ມີການປະຊຸມຢູ່ທີ່ປະເທດອີຣັກ ຈໍແດັນ ຊາອຸ
ດີ ອາຣາເບຍ ເທີກີ ແລະອີຈິບເພື່ອພະຍາຍາມຊັກຊວນໃຫ້ພວກຜູ້ນຳອາຣັບຕ້ານກຸ່ມລັດ ອິສລາມ ທີ່ຮູ້ກັນໃນອີກ ຊື່ນຶ່ງວ່າ ISIS ນັ້ນ. ເຈົ້າໜ້າທີ່ສະຫະລັດກ່າວວ່າ ມັນມີຄວາມສຳ ຄັນເປັນພິເສດ ທີ່ຈະຕ້ອງມີພັນທະມິດມຸສລິມ ມາຊ່ວຍບ່ອນທຳລາຍ ຫລັກ​ອຸດົມ​ການຮຸນ ແຮງຈັດຂອງ​ພວກ​ລັດອິສລາມນັ້ນ. ທ່ານນາງ Nora Bensahel ອາຈານສອນທີ່ມະຫາວິ ທະຍາໄລ Georgetown ກ່າວວ່າ ອຸດົມ​ການນີ້ ເປັນໄພຂົ່ມຂູ່ຕໍ່ຂົງເຂດ.

ທ່ານນາງ Bensahel ເວົ້າວ່າ “ບັນດາປະເທດສ່ວນໃຫຍ່ ຢູ່ໃນຂົງເຂດ ບໍ່ວ່າພວກ ເຂົາຈະນັບຖືສາສະໜາອິສລາມນິກາຍຊຸນນີ່ຫຼືນິກາຍຊີໄອທ໌. ເປັນພັນທະມິດຫຼື ສັດຕູຂອງສະຫະລັດຫລືແມ່ນຫຍັງກໍຕາມໃນທຳນອງນັ້ນ ຕ່າງກໍມີຜົນປະໂຫຍດ ໃນການຍຸດຕິກຸ່ມ ISIS ຍ້ອນວ່າ ມັນເປັນກຸ່ມທີ່ມີການຈັດຕັ້ງ ຢ່າງເຂັ້ມແຂງ ທີ່ ໂຫດຮ້າຍປ່າເຖື່ອນ ມີອຸດົມການທີ່ໂຫດຮ້າຍສຸດຂີດແມ່ນແຕ່ໂດຍມາດຕະຖານ ຂອງຂົງເຂດ.”

ທ່ານ Steve Haydemann ນັກວິເຄາະປະຈຳສະຖາບັນສັນຕິພາບຂອງສະຫະລັດກ່າວ ວ່າພວກຫົວຮຸນແຮງລັດອິສລາມຍັງເປັນໄພຂົ່ມຂູ່ຕໍ່ຊີເຣຍແລະບັນດາປະເທດພັນທະມິດ ຄືຣັດເຊຍແລະອີຣ່ານ ທີ່​ໄດ້ໃຫ້ການສະໜັບສະໜຸນ ຕໍ່ກຸ່ມດັ່ງກ່າວ ເພື່ອເປັນແຮງຖ່ວງ ຕໍ່ ພວກຝ່າຍຄ້ານທີ່ນິຍົມແນວທາງປານກາງນັ້ນ.

ທ່ານ Heydemann ເວົ້າວ່າ “ມັນເປັນອັນຕະລາຍຕໍ່ຄຳຖາມທາງດ້ານສິນທຳ ພວກ ເຂົາໄດ້ປະພຶດໂຕ ແບບຂີ້ຮ້າຍຫຼາຍ ແຕ່ພວກເຮົາ ອາດຈະທຳການພົວພັນ ພວກ ເຮົາຕ້ອງໄດ້ແຊກແຊງ ໃນທາງທີ່ໝາຍຄວາມວ່າ ພວກເຂົາຈະບໍ່ໄດ້ຮັບຄວາມທຸກ ທໍລະມານ ອັນເປັນຜົນທີ່ຕິດຕາມມາ ຈາກການປະພຶດທີ່ບໍ່ດີນັ້ນ.”

ການເຈລະຈາເຫຼົ່ານີ້ແມ່ນແນໃສ່ການສ້າງຕັ້ງແນວໂຮມເພື່ອປະເຊີນໜ້າກັບພວກຫົວຮຸນ ແຮງໃນອີຣັກບໍ່ແມ່ນໃນຊີເຣຍ ບ່ອນທີ່ພວກເຂົາ ມີຖານປະຕິບັດງານນັ້ນ. ທ່ານນາງ Sa-
rah Margon ຈາກກຸ່ມປົກປ້ອງສິດທິມະນຸດ Human Rights Watch ກ່າວວ່ານັ້ນແມ່ນ
ເປັນການ​ຈັດການ​ກັບພຽງແຕ່ສ່ວນນຶ່ງຂອງບັນຫາ.

ທ່ານນາງ Margon ເວົ້າວ່າ “ເພື່ອຈະດຳເນີນການຕໍ່ໄປ ການຕອບ​ໂຕ້ໃດໆກໍຕາມ
ຕໍ່​ສິ່ງ​ທີ່ໄດ້ເກີດຂຶ້ນໃນອີຣັກນັ້ນ ແມ່ນຈະຕ້ອງຮວມເອົາຊີເຣຍນຳດ້ວຍ. ຖ້າບໍ່ດັ່ງ
ນັ້ນແລ້ວ ທ່ານກໍຈະເຫັນ​ແຕ່ ການ​ຖອຍ​ອອກ​ໄປ​ ຂອງກຸ່ມ ISIS ແລ້ວ​ພວກ​ເຂົາ​
ກໍ​ຈະສ້າງຄວາມເຂັ້ມແຂງຂຶ້ນຕື່ມແລະສືບຕໍ່ລະດົມກຳລັງຈາກຢູ່ອີກຟາກນຶ່ງຂອງ ຊາຍແດນ.”

ພວກຜູ້ນຳຂອງອີຣັກໄດ້ຮຽກຮ້ອງອີກຄັ້ງນຶ່ງໃຫ້ມີການໂຈມຕີທາງອາກາດຂ້າມຊາຍແດນ ເຂົ້າໄປໃນຊີເຣຍ ທີ່ເຈົ້າໜ້າທີ່ສະຫະລັດ ເວົ້າວ່າ ພວກພັນທະມິດ ໃນຢູໂຣບ ແລະອາຣັບ ຍັງມີຄວາມລັງໄລໃຈຢູ່ທີ່ຈະພິຈາລະນາ ດ້ວຍ​ວ່າປະທານາທິບໍດີໂອບາມາໄດ້ປະກາດວ່າ ຈະທຳການໂຈມຕີພວກນັກລົບ ຂອງກຸ່ມລັດອິສລາມ ບໍ່ວ່າຢູ່ແຫ່ງຫົນໃດກໍຕາມນັ້ນ ພວກ ເຈົ້າໜ້າທີ່ສະຫະລັດ ເວົ້າວ່າ ເມື່ອເຖິງ​ເວລາ​ທຳການໂຈມຕີທາງອາກາດ ໃນຊີເຣຍແລ້ວ ເຂົາເຈົ້າກໍ​ແມ່ນຈະມີເຫດຜົນທາງດ້ານກົດໝາຍກຽມ​ໄວ້ພ້ອມສຳ​ຫລັບເປັນ​ຂໍ້​ອ້າງສະໜັບ ສະໜຸນການກະທຳດັ່ງກ່າວ ຢູ່ໃນປະເທດອະທິປະ​ໄຕ​ໃດນຶ່ງທີ່ບໍ່ໄດ້ຮ້ອງຂໍໃຫ້ມີການແຊກ ແຊງທາງທະຫານ.



Nearly 30 countries have promised to coordinate in the fight against Islamic State militants in Iraq. Their pledge to help the Iraqi government came at a Paris meeting, where U.S. Secretary of State John Kerry worked to build a broad coalition. VOA State Department Correspondent Scott Stearns has the story from Paris.

In the fight against Islamic State militants, so far only U.S. and Iraqi forces are taking part in the push to drive them back toward the Syrian border.

Iraqi President Fouad Massoum says that fight needs to be bigger and broader.

"We must pursue them wherever they are. We must cut off their financing. We must besiege them with laws that forbid people to work with them, we must bring them to justice and we must stop the fighters in the neighboring countries joining them."

French President Francois Hollande says the Islamic State threat is not one the international community can ignore.

"We have to act together. We have to stand by the Iraqi authorities, clearly, loyally and strongly and there's not a moment to be lost."

U.S. Secretary of State John Kerry came to these talks after meetings in Iraq, Jordan, Saudi Arabia, Turkey, and Egypt -- trying to rally Arab leaders against the group, which is also known as ISIS. U.S. officials say it is especially important to have Muslim allies undermine its extremist Muslim ideology. Georgetown University professor Nora Bensahel says that ideology is a regional threat.

"Most of the states in the region, regardless of whether they're Sunni or Shia or U.S. allies or U.S. enemies or anything like that, do have an interest in stopping ISIS because it is such a well-organized group that has a brutal, brutal extremist ideology even by regional standards."

U.S. Institute of Peace analyst Steve Heydemann says the Islamic State also threatens Syria, and its allies, Russia and Iran, which encouraged the group as a counterweight to more moderate opponents.

"It's a moral hazard question. They behaved badly. But we may engage, we may intervene in ways that mean that they are not suffering the consequences of their bad behavior."

These talks focused on building a coalition to confront militants in Iraq, not in Syria where they are based. Human Rights Watch's Sarah Margon says that deals with only part of the problem.

"Going forward, any response to what's going on in Iraq has to include a Syria component. Otherwise you are just going to see ISIS retreat, harden, and continue to mobilize themselves from across the border."

"Iraqi leaders again called for airstrikes across the border in Syria, which U.S. officials say their European and Arab allies are far more reluctant to consider. With President Obama vowing to attack Islamic State fighters "wherever they are," U.S. officials say when it comes to Syrian airstrikes, they will have ready their legal justification for such action in a sovereign state that has not asked for that military intervention. Scott Stearns, VOA News, Paris."

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG