ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດ ແລະ ບຣາຊີລ ສັນຍາ ຈະກຳ​ຈັດ ເຊື້ອໄວຣັສ Zika ຮ່ວມກັນ


Zika
please wait
Embed

No media source currently available

0:00 0:00:31 0:00

ປະທານາທິບໍດີ​ ສະຫະລັດ ​ແລະ ​ບຣາຊີ​ລ ກ່າວ​ວ່າ ຕົນ​ເຫັນ​ພ້ອມ
​ເຖິງ​ຄວາມ​ສຳຄັນ​ໃນ​ການ​ດຳ​ເນີນ​ຄວາມ​ພະຍາຍາມ​ຮ່ວມ​ກັນເພື່ອ
​ຮັບ​ມື​ກັບ​ການ​ແຜ່​ລະບາດ ຂອງ​ເຊື້ອ​ໄວຣັສ​ Zika.

ຫລັງ​ຈາກ​ ພວກ​ຜູ້ນຳ​ທັງ​ສອງ​ ໄດ້​ກ່າວ​ໃນ​ວັນ​ສຸກ​ວານ​ນີ້​ແລ້ວ ທຳ
ນຽບຂາວກໍ​ໄດ້​ອອກ​ຖະ​ແຫຼງການ​ສະບັບ​ນຶ່ງ ກ່າວ​ວ່າ ປະທານາທິ
ບໍດີ​ບາຣັກ ​ໂອ​ບາ​ມາ ​ແລະ ​ປະທານາທິບໍດີ Dilma Rouseff ​ໄດ້​
ຮັບ​ຮູ້​ເຖິງ​ຄວາມ​ສຳຄັນໃນ​ການ​ດຳ​ເນີນງານຮ່ວມ​ກັນ ​ເພື່ອ​ລົງ​ເລິກ
​ໃນ​ດ້ານ​ຄວາມ​ຮູ້ ຄວາມ​ກ້າວ​ໜ້າ​ໃນ​ການຄົ້ນຄວ້າແລະເລັ່ງລັດ​ໃນ​
ການ​ດຳ​ເນີນ​ງານ​ເພື່ອ​ພັດທະນາ​ຢາ​ວັກ​ຊີ​ນທີ່​ດີ​ຂຶ້ນ ​ແລະ​ເທັກ​ໂນ ​ໂລ​ຈີ​ອື່ນໆ ​ເພື່ອ​ຄວບ​ຄຸມ​ເຊື້ອ​ໄວ​ຣັສດັ່ງກ່າວ.

ອົງການ​ອະນາ​ໄມ​ໂລກເຕືອນ​ວ່າ ​ເຊື້ອ​ໄວ​ຣັສ Zika ກຳລັງ​ແຜ່​ລະບາດຢ່າງ​ວ່ອງ​ໄວໃນ​ທະ
ວີບອາ​ເມຣິກາ ແລະ​ອາດ​ມີ​ຜົນ​ກະທົບ​ຕໍ່​ຜູ້​ຄົນຫຼາຍເຖິງ 4 ລ້ານ​ຄົນ.

ເຊື້ອ​ໄວ​ຣັສ Zika ອາດ​ມີ​ການ​ພົວພັນ​ກັບ 4,000 ກໍລະນີທີ່​ສົງ​ໄສວ່າ ​ເປັນ​ໂຣກ microce-
phaly ຢູ່​ໃນ Brazil ຄືສະພາບ​ການ ​ທີ່​ເປັນຜົນພາ​ໃຫ້ພວກ​ທາລົກ​ທີ່​ເກີດ​ໃໝ່​ ມີຫົວ ແລະ
ສະໝອງນ້ອຍ ຜິດປົກກະຕິ​. ​ໃນເວລາ​ນີ້ ຍັງ​ບໍ່​ສາມາດ​ປິ່ນປົວ ​ໂຣກ microcephaly ​ໄດ້​
ເທື່ອ.

ທ່ານ​ນາງ Rouseff ​ໄດ້​ປະກາດ​ໃນ​ວັນ​ສຸກ​ວານນີ້ໃຫ້​ທຳ​ການ​ປາບ​ປາມ​ຍຸງ​ລາຍທີ່​ເປັນ​ພາ
ຫະ ​ໃ​ນການ​ນຳ​ເອົາ​ເຊື້ອ​ໄວ​ຣັສ Zika ມາສູ່​ມະນຸດ ຢູ່​ໃນ​ທົ່ວ​ປະ​ເທດ.​ ປະທາ​ນາ​ທິບໍດີ​ບຣາ
ຊີ​ລ​ ໄດ້​ສັ່ງ​ໃຫ້​ປະຕິບັດ​ງາ​ນກຳຈັດ​ບ່ອນ​ເພາະ​ພັນ​ຂອງ​ຍຸງ​ລາຍ​ ຢູ່​ຕາມ​ສະຖານ​ທີ່​ຕ່າງໆ ທີ່​
ບໍລິຫານ​ງານ​ໂດຍ​ກອງທັບ​ ແລະ​ສະຖານ​ທີ່​ການ​ສຶກສາ ສາທາລະ​ນະ​ສຸກ ​ແລະ​ສະຖານ​ທີ່​
ອື່ນໆຂອງ​ລັດຖະບານ​ກາງ​.

Zika: Not a New Virus, But Not a Lot Known
please wait

No media source currently available

0:00 0:02:21 0:00

XS
SM
MD
LG