ລິ້ງ ສຳຫລັບເຂົ້າຫາ

ວັນພຸດ, ໒໙ ພຶດສະພາ ໒໐໒໔

ສະຫະລັດ ປະກາດລົງໂທດ ທາງດ້ານເສດຖະກິດຮອບ​ໃໝ່ ຕໍ່ຣັດເຊຍ


ຈາກຊ້າຍ, ນາຍົກລັດຖະມົນຕີຂອງຍີປຸ່ນ ທ່ານຟູມິໂອະ ກິຊິດະ (Fumio Kishida), ນາຍົກລັດຖະມົນຕີຂອງການາດາ ທ່ານຈັສຕິນ ທຣູໂດລ (Justin Trudeau), ປະທານາທິບໍດີສະຫະລັດ ທ່ານໂຈ ໄບເດັນ, ນາຍົກລັດຖະມົນຕີຂອງເຢຍຣະມັນ ທ່ານໂອລາຟ ໂຊລສ໌ (Olaf Scholz), ນາຍົກລັດຖະມົນຕີອັງກິດ ທ່ານບໍຣັສ ຈອນສັນ...
ຈາກຊ້າຍ, ນາຍົກລັດຖະມົນຕີຂອງຍີປຸ່ນ ທ່ານຟູມິໂອະ ກິຊິດະ (Fumio Kishida), ນາຍົກລັດຖະມົນຕີຂອງການາດາ ທ່ານຈັສຕິນ ທຣູໂດລ (Justin Trudeau), ປະທານາທິບໍດີສະຫະລັດ ທ່ານໂຈ ໄບເດັນ, ນາຍົກລັດຖະມົນຕີຂອງເຢຍຣະມັນ ທ່ານໂອລາຟ ໂຊລສ໌ (Olaf Scholz), ນາຍົກລັດຖະມົນຕີອັງກິດ ທ່ານບໍຣັສ ຈອນສັນ...

ໃນຂະນະທີ່ສະມາຊິກຂອງອົງການ NATO ແລະກຸ່ມ G-7 ໄດ້ພົບປະກັນທີ່ນະ ຄອນຫຼວງບຣັສເຊີລສ໌ ເພື່ອປຶກສາຫາລື ກ່ຽວກັບສົງຄາມຢູ່ໃນຢູເຄຣນນັ້ນ, ລັັດ ຖະບານຂອງທ່ານໄບເດັນ ໄດ້ປະກາດການລົງໂທດທາງດ້ານເສດຖະກິດຕໍ່ ຣັດເຊຍ ຮອບໃໝ່ ໃນມື້ວັນພະຫັດວານນີ້.

ເປົ້າໝາຍກໍຄື ສະມາຊິກສະພາທັງໝົດຂອງ​ຣັດ​ເຊຍ 328 ຄົນ ແລະບໍລິສັດ​ລັດ​ວິ​ສາ​ຫະ​ກິດຂອງລັດຖະບານຣັດເຊຍຫຼາຍໆ​ບໍ​ລິ​ສັດ.

ເຈົ້າໜ້າທີ່ຂັ້ນສູງຂອງລັດຖະບານກ່າວກັບອົງການຂ່າວຣອຍເຕີສ໌ວ່າ “ເປົ້າໝາຍຂອງພວກເຮົາຢູ່ນະທີ່ນີ້ກໍຄື ລຶບລ້າງຜົນປະໂຫຍດຕ່າງໆ ແລະສິດທິພິເສດທັງ ຫຼາຍ ຊຶ່ງ​ໃນ​ຄັ້ງ​ນຶ່ງ ຣັດເຊຍ​ເຄີຍ​ຊົມ​ໃຊ້ ​ໃນ​ຖາ​ນະ​ເປັນ​ຜູ້ເຂົ້າມາມີສ່ວນຮ່ວມໃນ​ລະບຽບຂອງເສດຖະກິດ​ລະ​ຫວ່າງ​ປະ​ເທດ.”

ໂດຍສະເພາະຢ່າງຍິ່ງ, ມາດຕະການລົງໂທດ​ແມ່ນ​ແນໃສ່ສະມາຊິກຂອງສະຖາບັນຊັ້ນນໍາທາງດ້ານການເງິນຂອງ ຣັດເຊຍ 17 ຄົນ,​ ຮວມ​ທັງ ທະນາຄານ ໂຊບວ໌ຄອມ (Sovcombank), ແລະ ບໍລິສັດປ້ອງກັນ​ປະ​ເທດ 48 ​ບໍ​ລິ​ສັດ ທີ່ມີລາຍງານວ່າ ກໍາລັງດໍາເນີນການຜະລິດອຸປະກອນສໍາລັບປະຕິບັດງານ​ທີ່​ພວມ​ດຳ​ເນີນ​ຢູ່ຂອງຣັດເຊຍ ໃນຢູເຄຣນ.

​ນອກນັ້ນ ເປົ້າໝາຍກໍຍັງ​ແນ​ໃສ່ ເຮີແມນ ເກຣັຟ (Herman Gref), ຜູ້ທີ່ເປັນຫົວໜ້າທະນາຄານ ສເບີ (Sberbank), ແລະ ເກັນນາດີ ທິມເຊັນໂກ (Gennady Timchenko) ເພື່ອນຜູ້ຮັ່ງມີ ຂອງປະທານາທິບໍດີ ວລາດີເມຍ ປູຕິນ.

ທໍານຽບຂາວກ່າວຢູ່ໃນຖະແຫຼງການວ່າ “ເມື່ອໃດທີ່ປູຕິນ ຍັງຄົງເຮັດສົງຄາມນີ້ຢູ່ຕໍ່ໄປ, ສະຫະລັດ ແລະປະເທດພັນທະມິດ ພ້ອມດ້ວຍຄູ່ຮ່ວມພາຄີ ກໍຍັງຄົງມີຄວາມມຸ້ງໝັ້ນທີ່ຈະໃຫ້​ການ​ຄ້ຳ​ປະ​ກັນວ່າ ລັດຖະບານຣັດເຊຍ ຮູ້ສຶກໄດ້ເຖິງຜົນກະທົບຫຼາຍໆຢ່າງຕໍ່ການເຄື່ອນໄຫວຕ່າງໆທາງລະບົບເສດຖະກິດຂອງພວກເຮົາ ທັງໃນປັດຈຸບັນ ແລະໃນອະນາຄົດ.”

ອ່ານຂ່າວນີ້ເປັນພາສາອັງກິດ

XS
SM
MD
LG