ຕຳຫຼວດສາກົນ ກ່າວວ່າ ການຕັດຫົວນັກຂ່າວສະຫະລັດຄົນນຶ່ງ
ໂດຍພວກຫົວຮຸນແຮງ ລັດອິສລາມ ສະແດງໃຫ້ເຫັນເຖິງຄວາມ
ຈຳເປັນ ທີ່ຈະຕ້ອງມີການປະສານງານກັນໃນການດຳເນີນຄວາມ
ພະຍາຍາມຂອງໂລກ ເພື່ອຮັບມືກັບໄພຂົ່ມຂູ່ຈາກພວກນັກຕໍ່ສູ້
ຕ່າງປະເທດທີ່ເດີນທາງໄປຍັງເຂດຕ່າງໆ ທີ່ເປັນບັນຫາຂັດແຍ້ງ
ໃນພາກຕາເວັນອອກກາງນັ້ນ.
ກຸ່ມດັ່ງກ່າວເວົ້າໃນວັນພະຫັດມື້ນີ້ວ່າ ການຂ້ານາຍ James
Foley ໄດ້ສ້າງຄວາມຢ້ານກົວໃຫ້ແກ່ໂລກ ແລະສະແດງໃຫ້
ເຫັນເຖິງ “ຄວາມຊົ່ວຊ້າ” ຂອງພວກນັກຕໍ່ສູ້ຫົວຮຸນແຮງ ລັດ
ອິສລາມ ທີ່ກຳລັງປະຕິບັດງານຢູ່ໃນອີຣັກ ແລະຊີເຣຍນັ້ນ.
ຖະແຫຼງການສະບັບນີ້ ມີຂຶ້ນຫຼັງຈາກການຖະແຫຼງທີ່ຄ້າຍຄືກັນ ໃນວັນພຸດວານນີ້ຂອງ
ທ່ານບາຣັກ ໂອບາມາ ປະທານາທິບໍດີສະຫະລັດທີ່ກ່າວວ່າ ສະຫະລັດຈະສືບຕໍ່ດຳເນີນການໃນສິ່ງທີ່ຈຳເປັນເພື່ອປົກປ້ອງຄົນອາເມຣິກັນ ເຖິງແມ່ນມີການຂົ່ມຂູ່ຕໍ່ຊີວິດຂອງນັກຂ່າວທີ່ຖືກລັກພາໂຕໄປອີກຄົນນຶ່ງກໍຕາມ.
ທ່ານ James Foley
ທ່ານໂອບາມາ ກ່າວວ່າ “ຊີວິດຂອງທ້າວ Jim Foley ແມ່ນຢືນຢັດກົງກັນກັນ
ຂ້າມຢ່າງສິ້ນເຊີງກັບພວກຄາດຕະກອນລາວນັ້ນ. ຂໍໃຫ້ເປັນທີ່ຈະແຈ້ງກ່ຽວ
ກັບພວກ ISIL. ພວກເຂົາໄດ້ທຳການກໍ່ກວນອາລະວາດໄປທົ່ວຫົວເມືອງ
ແລະໝູ່ບ້ານຕ່າງໆ ເຂັ່ນຂ້າຜູ້ຄົນທີ່ບໍລິສຸດ ບໍ່ມີຄວາມຜິດຫຍັງ ພວກພົນລະ
ເຮືອນທີ່ບໍ່ມີອາວຸດຕິດໂຕ ດ້ວຍການກໍ່ຄວາມຮຸນແຮງທີ່ຂີ້ຂາດຕາຂາວ.”
ກຸ່ມຫົວຮຸນແຮງລັດອິສລາມ ກ່າວຢູ່ໃນວີດີໂອ ທີ່ສະແດງໃຫ້ເຫັນການສັງຫານນັກຂ່າວ
ອາເມຣິກັນນັ້ນວ່າ ພວກຕົນຍັງກັກໂຕນາຍ Steven Sotloffຊຶ່ງເປັນນັກຂ່າວອີກຄົນ
ນຶ່ງນັ້ນ ໄວ້ເຊັ່ນກັນ.
ທຳນຽບຫ້າແຈ ກ່າວໃນວັນພຸດວານນີ້ວ່າ ຕົນໄດ້ພະຍາຍາມ ແຕ່ບໍ່ສຳເລັດຜົນ ເພື່ອໄປຊ່ອຍພວກໂຕປະກັນສະຫະລັດ ທີ່ກຳລັງຖືກພວກຫົວ ຮຸນແຮງລັດອິສລາມກັກໂຕໄວ້ຮວມທັງນາຍ Foley ນຳ. ທ່ານ John Kirby ໂຄສົກປະຈຳທຳນຽບຫ້າແຈ ກ່າວວ່າ ການປະຕິບັດງານໄດ້ປະ ສົບກັບຄວາມລົ້ມແຫຼວ ເພາະວ່າພວກໂຕປະກັນ ບໍ່ໄດ້ຖືກຄຸມ
ຂັງໄວ້ໃນບ່ອນທີ່ມີການເຊື່ອກັນວ່າ ພວກເຂົາເຈົ້າຖືກຂັງຢູ່ຫັ້ນ. ໂຄສົກທ່ານນີ້ ບໍ່ໄດ້ບອກໃຫ້ຮູ້ຢ່າງເຈາະຈົງວ່າ ຢູ່ບ່ອນໃດແລະເວລາໃດແທ້ ທີ່ການພະຍາຍາມເຂົ້າໄປຊ່ອຍໂຕ
ປະກັນນີ້ ໄດ້ມີຂຶ້ນນັ້ນ.
