ບັນດານັກການທູດສະຫະປະຊາຊາດ ກ່າວວ່າ ສະຫະລັດແລະ
ບັນດາປະເທດຢູໂຣບກຳລັງດຳເນີນງານກ່ຽວກັບຮ່າງຍັດຕິສະ
ບັບນຶ່ງຢູ່ໃນສະພາຄວາມມໝັ້ນຄົງເພື່ອໃຫ້ຍຸດຕິການສູ້ລົບກັນ
ລະຫວ່າງອິສຣາແອລແລະກຸ່ມຮາມັສ ຢູ່ທີ່ເຂດກາຊາ.
ເອກກະສານສອງໜ້າ ທີ່ມີການແຈກຢາຍ ໃນວັນພະຫັດວານ
ນີ້ ຮຽກຮ້ອງໃຫ້ ກຸ່ມຮາມັສ ຍຸດຕິການຍິງລູກຈະຫຼວດ ໂຈມຕີ
ໂດຍທັນທີ ແລະ ການປະຕິບັດງານທາງທະຫານ ຂອງອິສຣາ
ແອລທີ່ເຮັດໃຫ້ຊາວປາແລສໄຕນ໌ຫຼາຍກວ່າ 2,050 ຄົນແລະ
ຊາວອິສຣາແອລ 67 ຄົນ ເສຍຊີວິດໄປ ໃນລະຍະຫົກອາທິດ
ທີ່ຜ່ານມານີ້.
ວິກິດການ ຢູ່ ເຂດກາຊາ
ເອກກະສານສະບັບນີ້ ຍັງໄດ້ຮ້ອງໃຫ້ອິສຣາແອລ ຍົກເລີກການປິດລ້ອມທີ່ມີມາເປັນ
ເວລາດົນນານຕໍ່ເຂດກາຊາ ໂດຍເປີດດ່ານຂ້າມຊາຍແດນທັງໝົດເຂົ້າໄປສູ່ເຂດກາ
ຊາ ແລະໃຫ້ອຳນາດການປົກຄອງຂອງປາແລສໄຕນ໌ກັບຄືນໄປຄວບຄຸມ ຢູ່ທີ່ນັ້ນ.
ພ້ອມດຽວກັນ ກໍຈະມີການສ້າງຕັ້ງກົນໄກການຄວບຄຸມຂອງນາໆຊາດຂຶ້ນ ເພື່ອ ກວດ
ສອບເບິ່ງບາດກ້າວເຫລົ່ານັ້ນ ຕະຫຼອດທັງໃຫ້ການຄໍ້າປະກັນວ່າສີນຄ້າທີ່ ສົ່ງເຂົ້າໄປ
ໃນເຂດກາຊາ ບໍ່ໄດ້ຮວມທັງອາວຸດຕ່າງໆ ຫລືອຸປະກອນສ້າງອຸມົງຂອງກຸ່ມຮາມັສ.
ຂໍ້ລິເລີ້ມດັ່ງກ່າວໄດ້ມີຂື້ນໃນຂະນະທີ່ຄວາມຮຸນແຮງລະເບີດຂຶ້ນອີກທີ່ເຂດກາຊາ. ໃນ
ວັນພະຫັດວານນີ້ ຜູ້ບັນຊາການຂັ້ນສູງ ຂອງກຸ່ມຮາມັສ 3 ຄົນ ແລະຄົນອື່ນໆອີກຢ່າງ
ໜ້ອຍສາມຄົນໄດ້ເສຍຊີວິດ ໃນການໂຈມຕີທາງອາກາດ ຂອງອິສຣາແອລ ໃສ່ຕຶກສີ່
ຊັ້ນ ໃນເມືອງ Rafah. ກຸ່ມຮາມັສ ລະບຸວ່າ ບັນດາຜູ້ເສຍຊີວິດ ແມ່ນມີທ່ານ Moham-
med Abu Shamaleh, Raed al-Attar ແລະ Mohammed Barhoum.
