ສະພາຄວາມໝັ້ນຄົງສະຫະປະຊາຊາດ ໄດ້ໃຫ້ການອະນຸມັດ
ໃນການລົງໂທດຄັ້ງໃໝ່ ຕໍ່ເກົາຫລີເໜືອ ເພື່ອເປັນການຕອບ
ໂຕ້ຕໍ່ການທົດລອງ ນິວເຄລຍຄັ້ງຫລ້າສຸດ ຂອງປະເທດດັ່ງກ່າວ.
ສະພາຄວາມໝັ້ນຄົງ ທີ່ມີສະມາຊິກ 15 ປະເທດ ໄດ້ລົງມະຕິຢ່າງເປັນເອກກະສັນໃນວັນພະຫັດວານນີ້ ເພື່ອໃຫ້ການອະນຸມັດຕໍ່ຮ່າງຍັດຕິການ ລົງໂທດ ໂດຍໄດ້ຮັບການສະໜັບສະໜຸນຈາກຈີນ ຊຶ່ງເປັນພັນທະມິດທີ່ ສໍາຄັນຂອງເກົາຫຼີເໜືອ. ການໃຫ້ຄວາມສະໜັບສະໜຸນຂອງປັກກິ່ງ ໄດ້ມີຂຶ້ນບໍ່ດົນລຸນຫລັງການທົດລອງນິວເຄລຍຂອງເກົາຫລີເໜືອໃນເດືອນແລ້ວນີ້.
ບໍ່ເທົ່າໃດຊົ່ວໂມງຫລັງຈາກການລົງຄະແນນສຽງ ບັນດາເຈົ້າໜ້າທີ່ຝ່າຍທ້ອນໂຮມຊາດຂອງເກົາຫລີເໜືອ ໄດ້ທຳການເຄື່ອນໄຫວເພື່ອລົບລ້າງ ສັນຍາບໍ່ຮຸກຮານກັນກັບເກົາຫລີໃຕ້ ແລະເຂົາເຈົ້າກ່າວວ່າ ໂທລະສັບສຸກເສີນເພື່ອຕິດຕໍ່ກັບເກົາຫລີໃຕ້ ຈະຖືກຕັດ. ການເຄື່ອນໄຫວທີ່ວ່ານີ້ແມ່ນເປັນການນາບຂູ່ຫລ້າສຸດຂອງເກົາຫຼີເໜືອທີ່ມີມາເປັນລຳດັບ ທີ່ແນ ໃສ່ເກົາຫລີໃຕ້ແລະສະຫະລັດ ຊຶ່ງກໍາລັງທະຫານຂອງປະເທດທັງສອງພວມທຳການຊ້ອມລົບຮ່ວມ ຢູ່ໃນດິນແດນຂອງເກົາຫລີໃຕ້.
ໃນຕອນເຊົ້າຂອງວັນພະຫັດວານນີ້ ກະຊວງການຕ່າງປະເທດເກົາຫລີເໜືອຂູ່ວ່າ ຈະໂຈມຕີສະຫະລັດດ້ວຍອາວຸດນິວເຄລຍ. ກະຊວງການຕ່າງປະເທດເກົາຫຼີເໜືອ ເອີ້ນ
ການຂູ່ຂວັນນີ້ວ່າ ເປັນ “ສິດຂອງຕົນ ໃນ ການລົງມືໂຈມຕີກ່ອນດ້ວຍນິວເຄລຍ ຕໍ່ກອງບັນຊາການຂອງພວກຮຸກຮານ.” ກະຊວງການຕ່າງປະເທດເກົາຫຼີເໜືອຍັງກ່າວອີກວ່າ “ສະຫະລັດ ກຳລັງຈະກໍ່ໃຫ້ເກີດ ສົງຄາມນິວເຄລຍ.”
ວີດິໂອ: ສະຫະລັດເຕືອນເກົາຫລີເໜືອ ຕໍ່ການເກາະຜິດຕື່ມອີກ
ໃນການລົງໂທດຄັ້ງໃໝ່ ຕໍ່ເກົາຫລີເໜືອ ເພື່ອເປັນການຕອບ
ໂຕ້ຕໍ່ການທົດລອງ ນິວເຄລຍຄັ້ງຫລ້າສຸດ ຂອງປະເທດດັ່ງກ່າວ.
ສະພາຄວາມໝັ້ນຄົງ ທີ່ມີສະມາຊິກ 15 ປະເທດ ໄດ້ລົງມະຕິຢ່າງເປັນເອກກະສັນໃນວັນພະຫັດວານນີ້ ເພື່ອໃຫ້ການອະນຸມັດຕໍ່ຮ່າງຍັດຕິການ ລົງໂທດ ໂດຍໄດ້ຮັບການສະໜັບສະໜຸນຈາກຈີນ ຊຶ່ງເປັນພັນທະມິດທີ່ ສໍາຄັນຂອງເກົາຫຼີເໜືອ. ການໃຫ້ຄວາມສະໜັບສະໜຸນຂອງປັກກິ່ງ ໄດ້ມີຂຶ້ນບໍ່ດົນລຸນຫລັງການທົດລອງນິວເຄລຍຂອງເກົາຫລີເໜືອໃນເດືອນແລ້ວນີ້.
ບໍ່ເທົ່າໃດຊົ່ວໂມງຫລັງຈາກການລົງຄະແນນສຽງ ບັນດາເຈົ້າໜ້າທີ່ຝ່າຍທ້ອນໂຮມຊາດຂອງເກົາຫລີເໜືອ ໄດ້ທຳການເຄື່ອນໄຫວເພື່ອລົບລ້າງ ສັນຍາບໍ່ຮຸກຮານກັນກັບເກົາຫລີໃຕ້ ແລະເຂົາເຈົ້າກ່າວວ່າ ໂທລະສັບສຸກເສີນເພື່ອຕິດຕໍ່ກັບເກົາຫລີໃຕ້ ຈະຖືກຕັດ. ການເຄື່ອນໄຫວທີ່ວ່ານີ້ແມ່ນເປັນການນາບຂູ່ຫລ້າສຸດຂອງເກົາຫຼີເໜືອທີ່ມີມາເປັນລຳດັບ ທີ່ແນ ໃສ່ເກົາຫລີໃຕ້ແລະສະຫະລັດ ຊຶ່ງກໍາລັງທະຫານຂອງປະເທດທັງສອງພວມທຳການຊ້ອມລົບຮ່ວມ ຢູ່ໃນດິນແດນຂອງເກົາຫລີໃຕ້.
ໃນຕອນເຊົ້າຂອງວັນພະຫັດວານນີ້ ກະຊວງການຕ່າງປະເທດເກົາຫລີເໜືອຂູ່ວ່າ ຈະໂຈມຕີສະຫະລັດດ້ວຍອາວຸດນິວເຄລຍ. ກະຊວງການຕ່າງປະເທດເກົາຫຼີເໜືອ ເອີ້ນ
ການຂູ່ຂວັນນີ້ວ່າ ເປັນ “ສິດຂອງຕົນ ໃນ ການລົງມືໂຈມຕີກ່ອນດ້ວຍນິວເຄລຍ ຕໍ່ກອງບັນຊາການຂອງພວກຮຸກຮານ.” ກະຊວງການຕ່າງປະເທດເກົາຫຼີເໜືອຍັງກ່າວອີກວ່າ “ສະຫະລັດ ກຳລັງຈະກໍ່ໃຫ້ເກີດ ສົງຄາມນິວເຄລຍ.”
ວີດິໂອ: ສະຫະລັດເຕືອນເກົາຫລີເໜືອ ຕໍ່ການເກາະຜິດຕື່ມອີກ
