ໃນວັນພຸດວານນີ້ ສະພາຄວາມໝັ້ນຄົງອົງການສະຫະປະຊາຊາດ
ໄດ້ລົງຄະແນນສຽງຢ່າງ ເປັນເອກກະສັນ ໃຫ້ການໜຸນຫຼັງຕໍ່ລັດ
ຖະບານສາມັກຄີຊາດຊຸດໃໝ່ຂອງລີເບຍ ທີ່ໄດ້ຕົກລົງກັນໃນສັບ
ປະດາແລ້ວນີ້ ແລະຮຽກຮ້ອງໃຫ້ບັນດາສະມາຊິກຂອງສະຫະ
ປະຊາຊາດໃຫ້ການ ສະໜັບສະໜຸນ ຕໍ່ຂໍ້ຕົກລົງທີ່ວ່ານີ້.
ຍັດຕິທີ່ສະເໜີໂດຍອັງກິດ ຮຽກຮ້ອງໃຫ້ສະພາປະທານາທິບໍດີ
ລີເບຍຊຸດໃໝ່ນີ້ປະຕິບັດຕາມ ຂັ້ນຕອນ ຂອງແຜນການສ້າງຕັ້ງ
ລັດຖະບານຊຸດໃໝ່ພາຍໃນ 30 ມື້ ໃນຂະນະທີ່ທຳການ ຈັດແຈ້ງ
ກ່ຽວກັບການຮັກສາຄວາມປອດໄພຂອງຕົນ.
ເອກອັກຄະລັດຖະທູດລີເບຍປະຈຳອົງການສະຫະປະຊາຊາດ ທ່ານ Ibrahim Dabbashi ໄດ້ບອກກັບອົງການຂ່າວ AP ວ່າ ທ່ານຢາກຈະເຫັນອົງການສະຫະປະຊາຊາດ ຍົກເລີກການຫ້າມຂາຍອາວຸດຕໍ່ລີເບຍ ເພື່ອວ່າ ປະເທດຂອງທ່ານຈະສາມາດປ້ອງກັນຕົນເອງຈາກກຸ່ມລັດອິສລາມໄດ້ ໂດຍປາດສະຈາກຄວາມຈຳເປັນໃນການໂຈມຕີທາງອາກາດຂອງບັນດາປະເທດຕາເວັນຕົກ.
ສະພາຄວາມໝັ້ນຄົງອົງການສະຫະປະຊາຊາດ ປະນາມການກໍ່ການຮ້າຍຕ່າງໆໃນລີເບຍ
ຂອງກຸ່ມລັດອິສລາມແລະພວກສະໜັບສະໜຸນ ໃນລີເບຍ ແລະໄດ້ສະແດງຄວາມເປັນຫວ່ງ
ເປັນໃຍ ກ່ຽວກັບສະຖານະການດ້ານມະນຸດສະທຳທີ່ຮ້າຍແຮງຢູ່ໃນລີເບຍ.
ນອກນັ້ນ ສະພາຄວາມໝັ້ນຄົງຍັງໄດ້ຮຽກຮ້ອງໃຫ້ລັດຖະບານຊຸດໃໝ່ ອະນຸຍາດໃຫ້ພວກແມ່ຍິງເຂົ້າຮ່ວມນຳທຸກໆການຕັດສິນໃຈ ໃນຂະນະທີ່ລີເບຍຫັນປ່ຽນຕົນເອງໄປສູ່ການປົກ ຄອງແບບປະຊາທິປະໄຕທີ່ຈະເລີນງອກງາມນັ້ນ.
ລັດຖະບານສາມັກຄີຊາດຊຸດໃໝ່ນີ້ ຈະໄດ້ນຳເອົາກຸ່ມທີ່ປະເທດຕົນເອງວ່າ ເປັນລັດຖະບານອິສລາມໃນນະຄອຮ Tripoli ແລະລັດຖະບານທີ່ຮັບຮູ້ໂດຍນາໆຊາດ ໃນເມືອງ Tobruk
ທີ່ຕັ້ງຢູ່ໃນພາກຕາເວັນອອກຂອງປະເທດນັ້ນ.
ສະມາຊິກສະພາ ທ່ານ Faez Saraj ຈາກນະຄອນ Tripoli ຈະເປັນນາຍົກລັດຖະມົນຕີຄົນໃໝ່. ທ່ານຈະໄດ້ເປັນຜູຸ້ນຳສະມາຊິກສະພາການບໍລິຫານ 9 ທ່ານ ແລະປະທານສະພາ ປະທານາທິບໍດີ ຈາກທັງສອງລັດຖະບານທີ່ເປັນຄູ່ປໍລະປັກ.
ລີເບຍ ແມ່ນປະສົບກັບຄວາມວຸ້ນວາຍ ແລະການເມືອງທີ່ສັບສົນ ນັບຕັ່ງແຕ່ ຜູ້ນຳຜະເດັດ
ການ Moammar Gadhafi ໄດ້ຖືກໂຄ່ນລົ້ມແລະຖືກສັງຫານ ໃນປີ 2011.
