ກອງປະຊຸມສະຫະປະຊາຊາດວ່າດ້ວຍການຄ້າຢາທຽມທີ່ຜິດກົດໝາຍ ກ່າວວ່າ ການລັກລອບຄ້າຢາດັ່ງກ່າວ ກຳລັງເພີ້ມຂຶ້ນໃນທົ່ວພາກສ່ວນໃຫຍ່ຂອງເອເຊຍຕາເວັນອອກ
ສຽງໃຕ້ ໂດຍໄດ້ຮັບການຊ່ອຍເຫຼືອທາງອິນເທີແນັດ ແລະຄວາມຮຽກຮ້ອງຕ້ອງການທີ່ພວມເພີ້ມທະວີຂຶ້ນນັບມື້. Ron Corben ຜູ້ສື່ຂ່າວວີໂອເອ ລາຍງານມາຈາກບາງກອກວ່າ ບັນດາເຈົ້າໜ້າທີ່ຮຽກຮ້ອງໃຫ້ມີການຄວບຄຸມເຄັ່ງຄັດຂຶ້ນພວກເຄມີຕົ້ນທີ່ນຳມາຜະລິດຢາທຽມເຫລົ່ານັ້ນ ດັ່ງສິງຈະນຳມາສະເໜີທ່ານຕໍ່ໄປ..
ຫ້ອງການຢາເສບຕິດແລະອາຊະຍາກຳ ຂອງສະຫະປະຊາຊາດ ຫຼື UNODC ກ່າວວ່າ ການຜະລິດແລະການລັກລອບຄ້າຢາເສບຕິດ ໃນຂົງເຂດເອເຊຍຕາເວັນອອກ ແລະເຂດເອເຊຍຕາເວັນອອກສຽງໃຕ້ ກຳລັງຂະຫຍາຍໂຕອອກ ແລະມີຫຼາກຫຼາຍຊະນິດ ຍ້ອນພວກຢາເສບຕິດທຽມໃໝ່ ທີ່ຢູ່ນອກການຄວບຄຸມຂອງນາໆຊາດ.
ອົງການ UNODC ກ່າວວ່າ ມີຄວາມຈຳເປັນເພີ້ມຂຶ້ໜ ເພື່ອປ້ອງກັນບໍ່ໃຫ້ພວກເຄມີທີ່ຖືກຕ້ອງຕາມກົດໝາຍ ຖືກໝູນໃຊ້ໄປຜະລິດຢາເສບຕິດ ນັ້ນ.
ໃນການຖະແຫຼງຕໍ່ບັນດາເຈົ້າໜ້າທີ່ຂັ້ນສູງຂອງລັດຖະບານ ຫຼາຍກວ່າ 200 ຄົນ ຈາກ 39 ປະເທດ ເມື່ອວັນທີ 21 ເມສາຜ່ານມານີ້ ທ່ານ Jeremy Douglas ຜູ້ຕາງໜ້າອົງການ UNODC ປະຈຳເຂດເອເຊຍ ກ່າວວ່າ ບັນຫາຢາເສບຕິດໃນຂົງເຂດນັບມື້ນັບຮ້າຍແຮງຂຶ້ນ.
ທ່ານ Douglas ກ່າວວ່າ “ມັນສຳຄັນທີ່ວ່າກອງປະຊຸມນີ້ ໄດ້ຈັດຂຶ້ນຢູ່ທີ່ນີ້ ໃນເອ
ເຊຍ ບ່ອນຜະລິດສ່ວນໃຫຍ່ຂອງເຄມີຕົ້ນ ແລະ ດັ່ງທີ່ໄດ້ມີການຊີ້ໃຫ້ເຫັນ ເປັນບ່ອນຜະລິດຢາເສບຕິດໃນຈຳນວນຫຼາຍ. ຖ້າພວກເຮົາຢາກທຳຄວາມຄືບໜ້າກ່ຽວກັບສະຖານະການດ້ານການຜະລິດຢາເສບຕິດຢູ່ໃນເຂດນີ້ ແລະໃນຂົງເຂດອື່ນໆ ພວກເຮົາກໍຈະຕ້ອງມີການຄວບຄຸມລະຫວ່າງຊາດ ທີ່ມີປະສິດທິຜົນ.”
ບັນດາເຈົ້າໜ້າທີ່ກ່າວວ່າ ໃນເອເຊຍຕາເວັນອອກສຽງໃຕ້ນັ້ນ ມຽນມາແມ່ນເປັນປະເທດ
ທີ່ຜະລິດຢາທຽມລາຍໃຫຍ່ທີ່ສຸດຂອງຂົງເຂດ ໂດຍທີ່ ມີພວກລັກລອບຄ້າຢານັ້ນ ລັກເອົາພວກເຄມີຕົ້ນເຂົ້າໄປໃນປະເທດ ເພື່ອຜະລິດຢາ ແລ້ວກໍຂົນເອົາຢາເສບຕິດນັ້ນຂ້າມແດນທີ່ບໍ່ມີການເຝົ້າຍາມ ໄປຍັງພວກຕະຫຼາດ ໃນຈີນ ໄທ ແລະໃນແຫ່ງອື່ນໆອີກ.
ທ່ານໄພບູນ ກຸມໄຊຍາ ລັດຖະມົນຕີຍຸຕິທຳຂອງໄທ ກ່າວວ່າ ເຖິງ ແມ່ນມີຄວາມເປັນຫ່ວງ
ຢ່າງຫຼວງຫຼາຍ ກ່ຽວກັບຢາເສບຕິດທຽມນີ້ກໍຕາມແຕ່ກໍປາກົດວ່າ ບໍ່ໄດ້ມີຄວາມຄືບໜ້າພໍປານໃດເລີຍໃນຫວ່າງໄວໆມານີ້ ໃນການຄວບຄຸມພວກເຄມີຕົ້ນ ໃນຂົງເຂດ.
ທ່ານໄພບູນ ກູມໄຊຍາ ກ່າວວ່າ “ໃນປີ 2013 ພວກເຮົາໄດ້ເຮັດໃຫ້ ໝົດທຸກປະເທດ ມີຄວາມຕື່ນໂຕກ່ຽວກັບເລື້ອງນີ້ ແຕ່ພວກເຮົາກໍຍັງບໍ່ທັນມີມາດຕະການທີ່ຈະແຈ້ງໃດໆເທື່ອ ກ່ຽວກັບວ່າເຮັດວິທີໃດພວກປະເທດທີ່ຜະລິດ ປະເທດທີ່ນຳເຂົ້າ ແລະທຸກໆພາກສ່ວນທີ່ພົວພັນ ຈຶ່ງຈະສາມາດຄວບຄຸມພວກເຄມີຕົ້ນໄດ້ຢ່າງມີປະສິດທິຜົນ ໃນຂົງເຂດຂອງພວກເຮົາ.”
ບັນດາເຈົ້າໜ້າທີ່ປະຕິບັດກົດໝາຍຢາເສບຕິດ ຂອງສະຫະປະຊາຊາດ ກ່າວວ່າ ມີຢາເສບຕິດທຽມຫຼາຍຮ້ອຍຢ່າງ ທີ່ເອີ້ນກັນວ່າ ຢາຊູຈິດໃຈຊະນິດໃໝ່ ຫຼື NPS ແຕ່ມີພຽງແຕ່ 10 ຊະນິດເທົ່ານັ້ນ ທີ່ຖືວ່າເປັນຢາທີ່ຕອ້ງຄວບຄຸມ ແລະຕ້ອງມີກົດລະບຽບຄວບຄຸມການຂາຍຢາເຫຼົ່າເຫລົ່ານັ້ນ ຊຶ່ງນີ້ໝາຍຄວາມວ່າ ພວກອົງກອນອາຊະຍາກຳຫຼາຍໆແຫ່ງພາກັນໃຊ້ລະບົບອິນເທີແນັດເພື່ອຂາຍຢາດັ່ງກ່າວອອນລາຍ ຊຶ່ງເປັນການທ້າທາຍຕໍ່ການປະຕິບັດກົດໝາຍປາບປາມຢາເສບຕິດນັ້ນ.
ທ່ານ Douglas ຈາກອົງການ UNODC ກ່າວຕໍ່ວີໂອເອວ່າ ຕ້ອງມີການຄວບຄຸມພາຍໃນປະເທດຫຼາຍຂຶ້ນເຊັ່ນກັນ ເພື່ອຄວບຄຸມການລັກ ລອບຄ້າພວກເຄມີຕົ້ນ ຢູ່ໃນພາກພື້ນ.
ທ່ານ Douglas ກ່າວວ່າ “ບ່ອນນີ້ແມ່ນໃຈກາງຂອງມັນ ແມ່ນຈຸດສູນກາງຂອງການຜະລິດ ໂດຍສ່ວນໃຫຍ່ແລ້ວ ເອເຊຍແມ່ນບ່່ອນທີ່ມາຂອງພວກເຄມີຕົ້ນ.”
ບັນດາເຈົ້າໜ້າທີ່ ທີ່ປະຊຸມກັນຢູ່ບາງກອກ ພວມພະຍາຍາມພັດທະນານະໂຍບາຍໜຶ່ງຂອງຂົງເຂດຂຶ້ນມາ ເພື່ຮັບມືກັບບັນຫານີ້ ຕະຫຼອດທັງເອົາມາດຕະການທີ່ຮັດເຄັ່ງຂຶ້ນ ຢູ່ເລາະຕາມຊາຍແດນ ແລະຮ່າງ ແຜນການຕ່າງໆຂອງນະໂຍບາຍນັ້ນ ເພື່ອນຳສະເໜີຕໍ່ກອງປະ
ຊຸມສະໄໝພິເສດ ຂອງສະມັດຊາໃຫຍ່ສະຫະປະຊາຊາດ ໃນປີ 2016 ວ່າດ້ວຍບັນຫາການລັກລອບຄ້າຢາເສບຕິດໃນທົ່ວໂລກ.