ລາຍງານສະບັບລ່າສຸດ ຂອງໂຄງການຮັບມື ກັບເຊື້ອເອັຊໄອວີ
ແລະໂຣກເອດສ໌ຂອງສະຫະປະຊາຊາດ ແມ່ນສະໜອງທັດສະ
ນະທີ່ໃຫ້ຄວາມຫວັງຢ່າງນຶ່ງ ຊຶ່ງຕາມທີ່ຜູ້ສື່ຂ່າວວີໂອເອ Carol
Pearson ລາຍງານມານັ້ນ ພົບວ່າ ພວກເຮົາກໍາລັງຫຍັບເຂົ້າ
ໃກ້ສູ່ເປົ້າໝາຍຂອງຄົນລຸ້ນ ທີ່ປອດໂຣກເອດສ໌ກັນແລ້ວ. ຊຶ່ງ
ທອງປານ ມີລາຍງານເລຶ່ອງນີ້ ມາສະເໜີທ່ານ ໃນອັນດັບຕໍ່ໄປ.
ຈໍານວນຜູ້ຄົນໃນທົ່ວໂລກ ທີ່ຕິດເຊື້ອເອັຊໄອວີ ຊຶ່ງເປັນເຊື້ອທີ່ພາໃຫ້ເປັນໂຣກເອດສ໌ ລາຍໃໝ່ໆ ຫຼຸດລົງຫຼາຍສົມຄວນ ຄືຫຼຸດລົງ 30 ເປີເຊັນ ໃນຕະຫຼອດຫຼາຍປີຜ່ານມາ ອິງຕາມລາຍງານລ່າສຸດຂອງໂຄງການຮັບມືກັບ ເຊື້ອ HIV ແລະໂຣກເອດສ໌ ຂອງສະຫະປະຊາຊາດ.
Dr. Anthony Fauci ປະຈໍາສະຖາບັນສຸຂະພາບແຫ່ງຊາດ ສະຫະລັດ ໄດ້ໃຊ້ເວລາ 30 ປີຜ່ານມາ ເພື່ອພະຍາຍາມສະກັດກັ້ນການແຜ່ລາມຂອງເຊື້ອໄວຣັສດັ່ງກ່າວ. ທ່ານເວົ້າວ່າ ເຫດຜົນສຳຄັນທີ່ສຸດທີ່ພາໃຫ້ການຕິດ ເຊື້ອລົດລົງກໍຄືຜູ້ຄົນໄດ້ຮັບການປິ່ນປົວ.
ດຣ. ຟາວຊີ ເວົ້າວ່າ: “ບັດນີ້ ພວກເຮົາພໍຮູ້ກັນແລ້ວວ່າ ເວລາເຮົາເອົາຄົນ ເຈັບ ມາປິ່ນປົວນັ້ນ ບໍ່ແມ່ນແຕ່ເລຶ່ອງທີ່ວ່າຊ່ວຍຊີວິດພວກເຂົາເຈົ້າໄວ້ເທົ່ານັ້ນ ແຕ່ ມັນຍັງລົດໂອກາດລົງຢ່າງຫຼວງຫຼາຍ ທີ່ພວກເຂົາເຈົ້າຈະນໍາເຊື້ອນີ້ໄປຕິດແປດໃສ່ຄູ່ຮ່ວມເພດຂອງເຂົາເຈົ້ານັ້ນນໍາ.”
ຄ່າໃຊ້ຈ່າຍຢຸກຢາຕໍ່ຕ້ານໂຣກເອດສ໌ໄດ້ລົດລົງຈາກ ນຶ່ງໝື່ນໂດລ່າຕໍ່ປີ ມາ ເປັນປະມານ 140 ໂດລາຕໍ່ປີ ຊຶ່ງ ດຣ. ຟໍຊີ ເວົ້າວ່າ ເປັນຄ່າໃຊ້ຈ່າຍເໝາະສົມຫຼາຍ ແມ່ນແຕ່ສໍາຫຼັບພວກປະເທດທີ່ມີລາຍໄດ້ຕໍ່າທັງຫຼາຍນັ້ນ.
ດຣ. ຟາວຊີ ເວົ້າວ່າ: “ຖ້າເຮົາລໍຖ້າຈົນກວ່າຄົນເກີດເຈັບປ່ວຍຂຶ້ນມາ ຄ່າຢຸກ ຢາກໍຈະແພງຫຼາຍ ບວກກັບຄ່າໃຊ້ຈ່າຍທີ່ແພງຫຼາຍໃນການເບິ່ງແຍງຜູ້ໃດຜູ້ນຶ່ງ ທີ່ເຈັບປ່ວຍນັ້ນນໍາ.”
ການປຸກລະດົມຄັ້ງໃຫຍ່ ເພື່ອໃຫ້ການສຶກສາເຜີຍແຜ່ກ່ຽວກັບຜົນຮ້າຍ ແລະການປ້ອງກັນເຊື້ອເອັຊໄອວີນັ້ນ ແມ່ນໄດ້ຊ່ວຍປະຊາຊົນ ປ່ຽນແປງຄວາມປະພຶດ ຂອງເຂົາເຈົ້າ ໂດຍການໃຊ້ຖົງຢາງອະນາໄມ ແລະສໍາຫຼັບພວກໃຊ້ຢາເສບຕິດ ກໍຄືການແລກປ່ຽນເອົາ ເຂັມສີດຢາໃໝ່ນັ້ນ. ມາດຕະຖານດັ່ງ ກ່າວນີ້ ປ້ອງກັນພວກຄົນບໍ່ໃຫ້ເລືອດ ຫຼືນໍ້າເຊື້ອ ຈາກຜູ້ນຶ່ງໄປຕິດໃສ່ອີກຜູ້ນຶ່ງ ຊຶ່ງເປັນວິທີໂດຍສ່ວນໃຫຍ່ທີ່ເຮັດໃຫ້ເຊື້ອ HIV ແຜ່ລາມອອກໄປ. ການຜ່າ ຕັດປາຍອະໄວຍະວະເພດຊາຍນັ້ນ ກໍເຮັດໃຫ້ການຕິດແປດເຊື້ອລົດຕໍ່າລົງ ແລະກໍກໍາລັງກາຍເປັນສິ່ງທີ່ເຮັດກັນໂດຍທົ່ວໄປ.
ອັດຕາການຕິດເຊື້ອລາຍໃໝ່ ໄດ້ລົດຕໍ່າລົງ ຢູ່ໃນກຸ່ມຄົນທຸກໆອາຍຸ, ແຕ່ຈະ ເຫັນຄວາມແຕກຕ່າງຢ່າງໃຫຍ່ຫຼວງທີ່ສຸດຢູ່ໃນກຸ່ມເດັກນ້ອຍ. ຖ້າຫາກວ່າພວກແມ່ຍິງທີ່ຖືພາ ຫຼືຕັ້ງທ້ອງ ໄດ້ຮັບຢຸກຢາ ຕ້ານເຊື້ອໄວຣັສແລ້ວ ຄວາມສ່ຽງ ທີ່ເຊື້ອເອັຊໄອວີ ຕິດແປດລູກໆຂອງພວກເຂົາເຈົ້ານັ້ນ ຈະລົດລົງຕໍ່າກວ່າ 5 ເປີເຊັນ.
ຜົນກໍຄືວ່າ ຕະຫຼອດໄລຍະ 10 ປີຜ່ານມາ ຈໍານວນເດັກ ທີ່ຕິດເຊື້ອ HIV ຈາກແມ່ນັ້ນ ແມ່ນລົດຕໍ່າລົງເຖິງ 50 ເປີເຊັນ.
ເຈົ້າໜ້າທີ່ອົງການອະນາໄມໂລກ ຫຼື WHO ເວົ້າເຖິງເລຶ່ອງທີ່ຈະກ້າວເຂົ້າສູ່ຈຸດປ່ຽນແປງສູງສຸດໄດ້ ຊຶ່ງ ດຣ. ຟາວຊີ ໃຫ້ຄວາມເຫັນຕໍ່ໄປວ່າ
ດຣ. ຟາວຊີ ເວົ້າວ່າ: “ຈຸດປ່ຽນແປງທີ່ວ່ານີ້ ໝາຍເຖິງຈຸດ ທີ່ເວລາພວກຄົນໄປຮັບການບໍາບັດຮັກສາຈະມີຈໍານວນຫຼາຍກວ່າພວກຄົນທີ່ຕິດເຊື້ອລາຍໃໝ່ໆນັ້ນ.”
ດຣ. ຟາວຊີ ປະເມີນວ່າ ສໍາຫຼັບທຸກໆຄົນໃດທີ່ໄປຮັບການປິ່ນປົວ ຈະມີຄົນ ຕິດເຊື້ອລາຍໃໝ່ໆສູງເຖິງສອງຄົນ. ຄືບໍ່ມີໝົດທຸກຄົນ ທີ່ສາມາດໄດ້ຮັບຢຸກຢາປະເພດຊ່ວຍຊີວິດ ແລະກໍບໍ່ມີໝົດທຸກຄົນຮູ້ວ່າ ເຊື້ອນີ້ອ່ອນແອ ຫຼື ຮ້າຍແຮງສໍ່າໃດແທ້.
ຊາວອາເມຣິກັນ ເຊື້ອສາຍອາຟຣິກາແມ່ນກຸ່ມຄົນສຳຄັນທີ່ສ່ຽງຕໍ່ເຊື້ອໄວຣັສ ນີ້ຫຼາຍທີ່ ສຸດ ຄືເຂົາເຈົ້າປະກອບເປັນ 12 ເປີເຊັນຂອງປະຊາກອນທັງໝົດ ຂອງໂລກ ແຕ່ພວກເຂົາເຈົ້າປະກອບເປັນກຸ່ມຄົນທີ່ຕິດເຊື້ອ HIV ລາຍໃໝ່ ສູງເຖິງ 50 ເປີເຊັນ.
ຂະນະນີ້ ມີປະຊາຊົນ 35 ລ້ານຄົນທີ່ກໍາລັງຕິດເຊື້ອ HIV. ສໍາຫຼັບຄົນລຸ້ນ ປອດໂຣກເອດສ໌ນັ້ນ ດຣ. ຟໍຊີ ເວົ້າວ່າ ທ່ານຈະພະຍາຍາມທີ່ສຸດເພື່ອໃຫ້ ອັດຕາການຕິດເຊື້ອລົດຕໍ່າລົງໄປຢ່າງຫຼວງຫຼາຍ ຕະຫຼອດໄລຍະເວລາຜ່ານໄປນີ້.
ແລະໂຣກເອດສ໌ຂອງສະຫະປະຊາຊາດ ແມ່ນສະໜອງທັດສະ
ນະທີ່ໃຫ້ຄວາມຫວັງຢ່າງນຶ່ງ ຊຶ່ງຕາມທີ່ຜູ້ສື່ຂ່າວວີໂອເອ Carol
Pearson ລາຍງານມານັ້ນ ພົບວ່າ ພວກເຮົາກໍາລັງຫຍັບເຂົ້າ
ໃກ້ສູ່ເປົ້າໝາຍຂອງຄົນລຸ້ນ ທີ່ປອດໂຣກເອດສ໌ກັນແລ້ວ. ຊຶ່ງ
ທອງປານ ມີລາຍງານເລຶ່ອງນີ້ ມາສະເໜີທ່ານ ໃນອັນດັບຕໍ່ໄປ.
ຈໍານວນຜູ້ຄົນໃນທົ່ວໂລກ ທີ່ຕິດເຊື້ອເອັຊໄອວີ ຊຶ່ງເປັນເຊື້ອທີ່ພາໃຫ້ເປັນໂຣກເອດສ໌ ລາຍໃໝ່ໆ ຫຼຸດລົງຫຼາຍສົມຄວນ ຄືຫຼຸດລົງ 30 ເປີເຊັນ ໃນຕະຫຼອດຫຼາຍປີຜ່ານມາ ອິງຕາມລາຍງານລ່າສຸດຂອງໂຄງການຮັບມືກັບ ເຊື້ອ HIV ແລະໂຣກເອດສ໌ ຂອງສະຫະປະຊາຊາດ.
Dr. Anthony Fauci ປະຈໍາສະຖາບັນສຸຂະພາບແຫ່ງຊາດ ສະຫະລັດ ໄດ້ໃຊ້ເວລາ 30 ປີຜ່ານມາ ເພື່ອພະຍາຍາມສະກັດກັ້ນການແຜ່ລາມຂອງເຊື້ອໄວຣັສດັ່ງກ່າວ. ທ່ານເວົ້າວ່າ ເຫດຜົນສຳຄັນທີ່ສຸດທີ່ພາໃຫ້ການຕິດ ເຊື້ອລົດລົງກໍຄືຜູ້ຄົນໄດ້ຮັບການປິ່ນປົວ.
ດຣ. ຟາວຊີ ເວົ້າວ່າ: “ບັດນີ້ ພວກເຮົາພໍຮູ້ກັນແລ້ວວ່າ ເວລາເຮົາເອົາຄົນ ເຈັບ ມາປິ່ນປົວນັ້ນ ບໍ່ແມ່ນແຕ່ເລຶ່ອງທີ່ວ່າຊ່ວຍຊີວິດພວກເຂົາເຈົ້າໄວ້ເທົ່ານັ້ນ ແຕ່ ມັນຍັງລົດໂອກາດລົງຢ່າງຫຼວງຫຼາຍ ທີ່ພວກເຂົາເຈົ້າຈະນໍາເຊື້ອນີ້ໄປຕິດແປດໃສ່ຄູ່ຮ່ວມເພດຂອງເຂົາເຈົ້ານັ້ນນໍາ.”
ຄ່າໃຊ້ຈ່າຍຢຸກຢາຕໍ່ຕ້ານໂຣກເອດສ໌ໄດ້ລົດລົງຈາກ ນຶ່ງໝື່ນໂດລ່າຕໍ່ປີ ມາ ເປັນປະມານ 140 ໂດລາຕໍ່ປີ ຊຶ່ງ ດຣ. ຟໍຊີ ເວົ້າວ່າ ເປັນຄ່າໃຊ້ຈ່າຍເໝາະສົມຫຼາຍ ແມ່ນແຕ່ສໍາຫຼັບພວກປະເທດທີ່ມີລາຍໄດ້ຕໍ່າທັງຫຼາຍນັ້ນ.
ດຣ. ຟາວຊີ ເວົ້າວ່າ: “ຖ້າເຮົາລໍຖ້າຈົນກວ່າຄົນເກີດເຈັບປ່ວຍຂຶ້ນມາ ຄ່າຢຸກ ຢາກໍຈະແພງຫຼາຍ ບວກກັບຄ່າໃຊ້ຈ່າຍທີ່ແພງຫຼາຍໃນການເບິ່ງແຍງຜູ້ໃດຜູ້ນຶ່ງ ທີ່ເຈັບປ່ວຍນັ້ນນໍາ.”
ການປຸກລະດົມຄັ້ງໃຫຍ່ ເພື່ອໃຫ້ການສຶກສາເຜີຍແຜ່ກ່ຽວກັບຜົນຮ້າຍ ແລະການປ້ອງກັນເຊື້ອເອັຊໄອວີນັ້ນ ແມ່ນໄດ້ຊ່ວຍປະຊາຊົນ ປ່ຽນແປງຄວາມປະພຶດ ຂອງເຂົາເຈົ້າ ໂດຍການໃຊ້ຖົງຢາງອະນາໄມ ແລະສໍາຫຼັບພວກໃຊ້ຢາເສບຕິດ ກໍຄືການແລກປ່ຽນເອົາ ເຂັມສີດຢາໃໝ່ນັ້ນ. ມາດຕະຖານດັ່ງ ກ່າວນີ້ ປ້ອງກັນພວກຄົນບໍ່ໃຫ້ເລືອດ ຫຼືນໍ້າເຊື້ອ ຈາກຜູ້ນຶ່ງໄປຕິດໃສ່ອີກຜູ້ນຶ່ງ ຊຶ່ງເປັນວິທີໂດຍສ່ວນໃຫຍ່ທີ່ເຮັດໃຫ້ເຊື້ອ HIV ແຜ່ລາມອອກໄປ. ການຜ່າ ຕັດປາຍອະໄວຍະວະເພດຊາຍນັ້ນ ກໍເຮັດໃຫ້ການຕິດແປດເຊື້ອລົດຕໍ່າລົງ ແລະກໍກໍາລັງກາຍເປັນສິ່ງທີ່ເຮັດກັນໂດຍທົ່ວໄປ.
ອັດຕາການຕິດເຊື້ອລາຍໃໝ່ ໄດ້ລົດຕໍ່າລົງ ຢູ່ໃນກຸ່ມຄົນທຸກໆອາຍຸ, ແຕ່ຈະ ເຫັນຄວາມແຕກຕ່າງຢ່າງໃຫຍ່ຫຼວງທີ່ສຸດຢູ່ໃນກຸ່ມເດັກນ້ອຍ. ຖ້າຫາກວ່າພວກແມ່ຍິງທີ່ຖືພາ ຫຼືຕັ້ງທ້ອງ ໄດ້ຮັບຢຸກຢາ ຕ້ານເຊື້ອໄວຣັສແລ້ວ ຄວາມສ່ຽງ ທີ່ເຊື້ອເອັຊໄອວີ ຕິດແປດລູກໆຂອງພວກເຂົາເຈົ້ານັ້ນ ຈະລົດລົງຕໍ່າກວ່າ 5 ເປີເຊັນ.
ຜົນກໍຄືວ່າ ຕະຫຼອດໄລຍະ 10 ປີຜ່ານມາ ຈໍານວນເດັກ ທີ່ຕິດເຊື້ອ HIV ຈາກແມ່ນັ້ນ ແມ່ນລົດຕໍ່າລົງເຖິງ 50 ເປີເຊັນ.
ເຈົ້າໜ້າທີ່ອົງການອະນາໄມໂລກ ຫຼື WHO ເວົ້າເຖິງເລຶ່ອງທີ່ຈະກ້າວເຂົ້າສູ່ຈຸດປ່ຽນແປງສູງສຸດໄດ້ ຊຶ່ງ ດຣ. ຟາວຊີ ໃຫ້ຄວາມເຫັນຕໍ່ໄປວ່າ
ດຣ. ຟາວຊີ ເວົ້າວ່າ: “ຈຸດປ່ຽນແປງທີ່ວ່ານີ້ ໝາຍເຖິງຈຸດ ທີ່ເວລາພວກຄົນໄປຮັບການບໍາບັດຮັກສາຈະມີຈໍານວນຫຼາຍກວ່າພວກຄົນທີ່ຕິດເຊື້ອລາຍໃໝ່ໆນັ້ນ.”
ດຣ. ຟາວຊີ ປະເມີນວ່າ ສໍາຫຼັບທຸກໆຄົນໃດທີ່ໄປຮັບການປິ່ນປົວ ຈະມີຄົນ ຕິດເຊື້ອລາຍໃໝ່ໆສູງເຖິງສອງຄົນ. ຄືບໍ່ມີໝົດທຸກຄົນ ທີ່ສາມາດໄດ້ຮັບຢຸກຢາປະເພດຊ່ວຍຊີວິດ ແລະກໍບໍ່ມີໝົດທຸກຄົນຮູ້ວ່າ ເຊື້ອນີ້ອ່ອນແອ ຫຼື ຮ້າຍແຮງສໍ່າໃດແທ້.
ຊາວອາເມຣິກັນ ເຊື້ອສາຍອາຟຣິກາແມ່ນກຸ່ມຄົນສຳຄັນທີ່ສ່ຽງຕໍ່ເຊື້ອໄວຣັສ ນີ້ຫຼາຍທີ່ ສຸດ ຄືເຂົາເຈົ້າປະກອບເປັນ 12 ເປີເຊັນຂອງປະຊາກອນທັງໝົດ ຂອງໂລກ ແຕ່ພວກເຂົາເຈົ້າປະກອບເປັນກຸ່ມຄົນທີ່ຕິດເຊື້ອ HIV ລາຍໃໝ່ ສູງເຖິງ 50 ເປີເຊັນ.
ຂະນະນີ້ ມີປະຊາຊົນ 35 ລ້ານຄົນທີ່ກໍາລັງຕິດເຊື້ອ HIV. ສໍາຫຼັບຄົນລຸ້ນ ປອດໂຣກເອດສ໌ນັ້ນ ດຣ. ຟໍຊີ ເວົ້າວ່າ ທ່ານຈະພະຍາຍາມທີ່ສຸດເພື່ອໃຫ້ ອັດຕາການຕິດເຊື້ອລົດຕໍ່າລົງໄປຢ່າງຫຼວງຫຼາຍ ຕະຫຼອດໄລຍະເວລາຜ່ານໄປນີ້.
