ລິ້ງ ສຳຫລັບເຂົ້າຫາ

ສະພາ​ສິດທິ​ມະນຸດ ສະຫະ​ປະຊາ​ຊາດ ໄດ້​ອອກຄຳແນະນຳຈຳ
ນວນ 227 ​ຂໍ້ແກ່ຫວຽດນາມ ຮວມ​ທັງ​ການຮຽກ​ຮ້ອງ​ໃຫ້​ລົບ​ລ້າງ
​ການ​ລົງ​ໂທດປະຫາ​ນຊີວິດ ປັບປຸງສິດເສຣີພາບ​ ໃນການນັບຖື
ສາສະໜາ ​ແລະ​ຢຸດເຊົາການຮາວີລົບກວນຕໍ່ພວກຕຳໜິຕິຕຽນ
​ລັດຖະບານ.

ປະຫວັດ​ການນັບຖືສິດທິມະນຸດຂອງຫວຽດນາມໄດ້ຖືກຕິຕຽນ
​ຈາກ​ຫລາຍ​ປະ​ເທດ ​ໃນ​ຂະນະ​ທີ່​ ມີ​ການ​ທົບ​ທວນ​ ໃນວັນ​ພຸດ
​ແລ້ວນີ້ ທີ່​ນະຄອນ Geneva. ຄຳແນະນຳເຫຼົ່ານີ້ໄດ້ນຳອອກ​
ເຜີຍແຜ່ ​ໃນ​ວັນ​ສຸກ​ວານ​ນີ້ ​ແລະ​ກຸງ​ຮ່າໂນ່ຍ ມີ​ເວລາ​ຈົນຮອດ​
ເດືອນ​ມີ​ຖຸນາ ​ເພື່ອທຳການສະໜອງຕອບ.

ບັນດາ​ນັກ​ການ​ທູດ​ຫລາຍ​ຄົນ ທີ່​ໄດ້​ເຂົ້າ​ຮ່ວມ​ການ​ທົບ​ທວນ​ໃນ​ວັນ​ພຸດແລ້ວ ​ໄດ້​ປະນາມ
ການສືບຕໍ່ຈຳກັດຮັດແຄບສິດເສຣີພາບໃນການສະແດງອອກຊຶ່ງຄວາມ ຄິດຄວາມເຫັນ
ຂອງຮ່າໂນ່ຍ.

ຜູ້​ຕາງໜ້າສະຫະລັດ ທ່ານ Peter Mulrean ​ໄດ້​ກ່າວ​ຕໍ່​ສະພາສິດທິມະນຸດວ່າ. “ຫວຽດ
ນາມ ຍັງ​ຮາວີລົບກວນ ​ແລະ​ກັກ​ຂັງ​ພວກ​ທີ່ໃຊ້​ສິດທິ ​ແລະ​ເສຣີພາບ ທີ່ ນາໆຊາດຮັບຮູ້ ​
ເຊັ່ນ​ວ່າ ​ສິດເສຣີພາບ​ໃນ​ການ​ປາກ​ເວົ້າ ​ແລະຄົບຄ້າສະມາຄົມ” ທ່ານ​ແມ່ນ​ຜູ້​ນຶ່ງໃນ​ຈໍາ
ນ​ວນນັກ​ການ​ທູດ 106 ຄົນ ​ທີ່​ໄດ້​ກ່າວ​ຢູ່​ໃນ​ການ​ທົບ​ທວນ ທີ່​ສະມາຊິກທັງ​ໝົດ 193 ປະ​ເທດຂອງສະຫະ​ປະຊາ​ຊາດ ຕ້ອງ​ໄດ້​ຖືກກວດກາ ໃນທຸກໆ​ສີ່​ປີ.

ຮອງ​ລັດຖະມົນຕີ ຕ່າງປະ​ເທດຫວຽດນາມ ທ່ານ Ha Kim Ngoc ​ໄດ້ກ່າວ​ປ້ອງ​ກັນ​ປະ
ຫວັດປະ​ເທດ​ຂອງ​ທ່ານ ​ແລະ​ເວົ້າ​ວ່າ ຕົນໄດ້ດຳເນີນການ ໃນວິທີທາງຂອງຕົນ ເພື່ອ
ຊຸກຍູ້ ໃຫ້ “ມີ​ການ​ໂຜ່ໂຕຂຶ້ນມາຂອງອົງການ​ຂ່າວແລະ​ສື່​ມວນ​ຊົນ​ຮວມ​ທັງອິນ​ເຕີ​ແນັດ.”

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG